ᐱᕙᓪᓕᐊᔪᑦ
(ᔭᓐᓄᐊᕆ 29, 2018 – ᐃᖃᓗᐃᑦ, ᓄᓇᕗᑦ) ᒪᑭᒋᐊᖅᑕᒃᑯᑦ ᐃᓄᖕᓂ ᐃᓕᓴᐃᓂᕐᒧᑦ ᑯᕆᐳᕇᓴᒃᑯᑦ ᑲᑎᒪᔨᖏᑦ ᑲᑎᒪᓚᐅᕐᒪᑕ ᐃᖃᓗᖕᓂ ᐱᓇᓱᐊᕈᓯᐅᓚᐅᖅᑐᒥᒃ ᑲᑎᒪᔾᔪᑎᖃᖅᑐᑎᒃ ᐊᒻᒪᓗ ᕿᒥᕐᕈᓪᓗᑎᒃ ᐱᓕᕆᔾᔪᑎᒃᓴᓂᒃ ᑐᒃᓯᕋᕈᑎᓕᐊᖑᓯᒪᔪᒥᓂᕐᓂᒃ ᐃᓱᒪᒋᔭᐅᓯᒪᔪᓄᑦ ᑖᒃᑯᐊᓗ ᐅᖃᐅᓯᐅᓚᐅᕐᓯᒪᓪᓗᑎᒃ ᐊᒃᑐᕙ 2017-ᖑᓪᓗᒍ. ᑖᓐᓇᓕ ᓯᕗᓪᓕᖅᐹᖑᓯᒪᔪᖅ ᑐᒃᓯᕋᕈᑎᓕᐅᖁᔨᓯᒪᓪᓗᑎᒃ ᑕᐃᒪᙵᓂᒃ ᐱᙳᖅᑎᑕᐅᔪᒻᒪᑕ ᒪᐃ 2015-ᖑᑎᓪᓗᒍ. ᑐᒃᓯᕋᕈᑎᓕᐅᕐᑐᑦ ᐊᒥᓲᓚᐅᕐᓂᖏᓐᓄᑦ, ᒪᑭᒋᐊᖅᑕᒃᑯᑦ ᑭᖑᕙᕆᐊᖅᑎᑦᑎᒋᐊᖃᓕᓚᐅᕐᑐᑦ ᐱᓕᕆᐊᒃᓴᐅᔪᒪᔪᓂᒃ ᐊᒻᒪᓗ ᕿᒥᕈᔪᒫᕐᑐᑎᒃ ᐊᐅᔭᐅᓕᕐᐸᑦ.ᐃᖅᑲᓇᐃᔭᕐᑎᑖᕆᐊᖃᓐᓂᖏᓐᓄᑦ ᐱᕕᒃᓴᖃᖅᑎᑕᐅᕕᒋᔭᖓᑦ ᐃᖅᑲᓇᐃᔭᕐᑎᑖᒃᑲᓐᓂᕋᓱᐊᕐᓗᑎᒃ, ᒪᑭᒋᐊᖅᑕᒃᑯᑦ ᐃᑲᔪᕈᓐᓇᑦᑎᐊᓐᓂᕐᓴᐅᖁᓪᓗᒋᑦ ᑎᒥᐅᔪᓂᒃ ᐱᔭᕇᔭᐃᓂᖃᖅᑐᓂᒃ ᓄᓇᕗᖕᒥ ᐃᓄᐃᑦ ᐃᖅᑲᓇᐃᔮᖅᑖᕈᓐᓇᓂᕐᒧᑦ. ᒪᑭᒋᐊᖅᑕᒃᑯᑦ ᓯᑕᒪᑦ ᐅᐸᓗᖓᐃᔭᐅᑎᒃᑯᑦ ᓯᕗᓪᓕᖅᐸᐅᑎᑕᖏᑦ ᐅᑯᐊᖑᕗᑦ; ᐃᓕᓐᓂᐊᕆᐊᕆᐅᕈᒫᓕᕐᑐᓄᑦ ᐃᓕᓐᓂᐊᕈᑎᒃᓴᑦ, ᐱᔨᑦᑎᕐᑐᑦ ᐱᕚᓪᓕᕈᑕᐅᒐᔭᕐᑐᓂᒃ ᐃᑲᔪᕐᓯᒍᑎᖃᓪᓗᑎᒃ ᑲᔪᓯᑦᑎᐊᕈᑕᐅᔪᓐᓇᕋᔭᕐᑐᓂᒃ ᐃᓕᓐᓂᐊᓕᓵᖅᑐᓄᑦ ᒍᕋᐃᑦ 12-ᒧᑦ ᑎᑭᓪᓗᒍ ᐊᒻᒪᓗ ᐅᖔᑖᓄᑦ, ᐱᖃᓯᐅᑎᓗᒋᑦ ᐃᑲᔪᕐᓯᕈᑕᐅᕙᒃᑐᑦ ᐃᓚᔮᖏᓐᓂᒃ, ᐊᒻᒪᓗ ᐃᓕᓐᓂᐊᕐᕕᓂ, ᑐᙵᕕᐅᔪᓐᓇᕐᑐᑦ ᖃᐅᔨᒪᓂᖅᑖᖑᕙᓪᓕᐊᒋᐊᓖᑦ ᐃᓐᓇᕐᓄᑦ, ᐊᒻᒪᓗ ᐱᔭᓐᓂᖏᓐᓂᕐᓴᓂᒃ ᐃᓕᓴᐃᒍᑎᑦ ᐊᒻᒪᓗ ᓯᓚᑦᑐᓴᕐᕕᖕᒥ ᐃᓕᓴᒍᑎᑦ ᐃᖅᑲᓇᐃᔮᕐᑖᕈᓐᓇᖁᓪᓗᒍ ᐱᒻᒪᕆᐅᔪᓂᒃ ᐱᓕᕆᕕᓂ. ᒪᑭᒋᐊᖅᑕᒃᑯᑦ ᐱᙳᖅᑎᑕᐅᓚᐅᕐᓯᒪᔪᑦ ᐊᑑᑎᖃᖅᑎᑕᐅᓪᓗᑎᒃ $175 ᒥᓕᐊᓐ ᑮᓇᐅᔭᑦ ᐱᔭᐅᓚᐅᕐᓯᒪᔪᑦ ᐋᖅᑭᖃᑎᒌᓐᓂᕐᒧᑦ ᐊᖏᖃᑎᖃᖅᑐᑎᒃ ᑲᓇᑕᐅᑉ ᒐᕙᒪᒃᑯᖏᓐᓂᒃ. ᑮᓇᐅᔭᑦ ᐊᑑᑎᖃᖅᑎᑕᐅᓂᐊᕐᑐᑦ ᐃᑲᔪᕈᑕᐅᓗᑎᒃ ᐱᕙᓪᓕᐊᑎᑕᐅᓂᐊᕐᑎᓪᓗᒋᑦ ᐃᓄᖕᓄᑦ ᑐᕌᖓᔪᑦ ᐃᓕᓴᒍᑎᒃᓴᑦ ᐊᒻᒪᓗ ᐃᖅᑲᓇᐃᔮᖃᓐᓂᕐᒧᑦ ᐱᓕᕆᔾᔪᑎᒃᓴᑦ. ᒪᑭᒋᐊᖅᑕᒃᑯᑦ ᑐᕌᒐᖃᒻᒪᑕ ᐃᓄᐃᑦ ᐃᖅᑲᓇᐃᔭᕐᑐᑦ ᒐᕙᒪᒃᑯᓐᓂᒃ ᐊᒻᒪᓗ ᓇᖕᒥᓂᖅ ᐱᓕᕆᕕᐅᔪᓂ ᐃᓄᐃᑦ ᐃᓄᒋᐊᓐᓂᖏᑦ ᒪᓕᓪᓗᒋᑦ ᐅᓄᕐᓂᖃᕆᐊᖃᕐᒪᑕ. -30- ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᖃᐅᔨᒋᐊᕈᓐᓇᕐᐳᑎᑦ: ᑭᐅᕋᓐ ᕙᓚᐅᕋᑎ ᑐᑭᒧᐊᒃᑎᑦᑎᔨᐅᑲᐃᓐᓇᕐᑐᖅ ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ ᓄᓇᕗᑦ…
ᑕᐅᑦᑐᖏᑦ ᒪᑭᒋᐊᖅᑕ ᐃᓄᐃ ᐃᓕᓐᓂᐊᕈᑎᒃᓴᖏᓐᓄᑦ ᖁᐊᐱᕇᓴᓐ ᑐᕌᓗᐊᖅᑕᖓ ᑲᔪᓯᓗᒍ ᑐᑭᓪᓚᕆᖏᑦ ᐱᓕᕆᐊᕆᓂᐊᕐᓗᒋᑦ ᓴᖅᑭᓐᓂᐊᖅᑐᑦ ᓯᑕᒪᐅᓕᖓᓗᑎᒃ ᓯᕗᓕᓪᓕᐅᑎᑕᐅᔪᒪᔪᑦ ᐊᖅᑭᒃᓯᒋᐊᕐᓂᐊᖅᐸᑕ ᐸᕐᓇᒃᓯᒪᑦᑎᐊᕐᓂᕐᒧᑦ ᓄᓇᕗᒥ ᐃᓄᖏᓐᓄᑦ ᐃᖅᑲᓇᐃᔮᖅᑖᖅᑎᑕᐅᓂᐊᖅᐸᑕ. ᒪᑭᒋᐊᖅᑕ ᐅᐸᓗᖓᐃᔭᐅᑎᖏᑦ ᓯᕗᓪᓕᐅᑎᓐᓂᐊᖅᑕᖏᓐᓄᑦ ᓇᓗᓇᐃᖅᓯᒪᔪᑦ ᓇᖕᒥᓂᖅ ᐅᐸᓗᖓᐃᔭᐅᑎᖏᓐᓂ ᐸᕐᓇᐅᑎᑎᒍᑦ ᐊᒻᒪᓗ ᐅᓂᒃᑳᖅᓯᒪᑦᑎᐊᖅᑐᑦ ᓇᓗᓇᐃᖅᓯᒪᓂᖅᓴᐅᓪᓗᑎᒃ ᐊᑖᓂ. ᐱᓕᕆᐊᖑᑎᓪᓗᒋᑦ ᑕᒪᒃᑯᐊ ᓴᖅᑭᑦᑐᑦ ᐃᓄᖕᓄᑦ, ᒪᑭᒋᐊᖅᑕᒃᑯᑦ ᐱᓕᕆᐊᖃᖅᑐᑦ ᐱᓇᓱᐊᕈᓐᓇᕐᓂᐊᕐᓂᖏᓐᓂᒃ ᓄᓇᕗᒥ−ᑐᖓᑎᓕᖕᓂᑦ ᑎᒥᐅᔪᑦ ᑲᑐᔾᔨᖃᑎᒌᑦ ᑕᑯᒃᓴᐅᑎᑦᑎᔪᑦ ᓴᖏᔪᒥᑦ ᑲᔪᓯᔪᓐᓇᖅᑎᐊᕋᔭᕐᓂᖏᓐᓂᒃ ᐊᐅᓚᑦᑎᓂᕐᒥᑦ ᐱᓕᕆᐊᓂᒃ ᐃᓄᖕᓄᑦ ᒪᓕᒃᓗᒋᑦ ᐅᑯᐊ ᓇᖕᒥᓂᖅ ᐅᕙᒍᑦ ᐅᐸᓗᖓᐃᔭᐅᑎᕗᑦ ᐸᕐᓇᐅᑎᒃᑯᑦ. ᒪᑭᒋᐊᖅᑕ ᓱᓕ ᐱᓇᓱᐊᕐᓂᐊᖅᑐᑦ ᓴᖅᑭᑦᑎᓂᕐᒥᑦ ᐊᕐᕌᒍᑕᒫᑦ ᐊᒻᒪᓗ ᐅᓄᕐᒃᑐᓄᑦ−ᐅᑭᐅᓄᑦ ᐃᓚᖃᕐᓗᑎᒃ ᐱᓕᕆᖃᑎᖃᕐᓂᕐᒥᑦ ᓂᕈᐊᖅᓯᒪᔭᐅᔪᓂᒃ ᑎᒥᐅᔪᓂᒃ ᐱᐊᓂᒃᓯᓂᐊᕐᓂᕐᒥᑦ ᐊᑕᐅᑦᑎᒃᑯᑦ ᑐᕌᖅᑕᐅᔪᓂᒃ ᒪᓕᒃᑎᒌᑦᑎᐊᖅᑐᓂᒃᓗ ᓇᖕᒥᓂᖅ ᐅᕙᒍᑦ ᐅᐸᓗᖓᐃᔭᐅᑎᑦᑕ ᐸᕐᓇᐅᑎᖏᓐᓄᑦ. ᓱᓇᐅᓂᖏᑦ ᖃᓄᐃᓕᖓᓂᖏᑦᑕ ᒪᑭᒋᐊᖅᑕ ᓴᖅᑎᑕᐅᓚᐅᖅᓯᒪᔪᑦ ᐱᓇᓱᐊᕐᖢᑎᒃ ᐊᖅᑭᖃᑎᒌᒃᓂᒃᑯᑦ ᐊᖏᖃᑎᒌᒃᓂᒃᒥᑦ ᐃᖅᑲᖅᑐᐃᕕᐅᑉ ᓯᓚᑖᒍᑦ ᐊᖏᕈᑎᑎᒍᑦ ᐊᑎᓕᐅᕆᓪᓗᑎᒃ ᒪᐃᑦ 2015-ᒥ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦ, ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑦ. ᒪᑭᒋᐊᖅᑕ ᓴᖅᑭᑎᑕᐅᓚᐅᖅᓯᒪᔪᖅ ᐊᑐᐃᓐᓇᕈᐃᓪᓗᑎᒃ ᑮᓇᐅᔭᓂᒃ ᐊᒻᒪᓗ ᐊᓯᖏᑦ ᐃᑲᔪᖅᑐᔪᑦ ᐃᓕᓐᓂᐊᖅᑎᑦᑎᓂᕐᒧᑦ ᐊᒻᒪᓗ ᐊᐅᓚᔾᔭᒋᐊᖅᑕᐅᓯᒪᔪᑦ ᐃᑲᔪᐃᓂᐊᕐᓗᑎᒃ ᐃᓄᖕᓂᑦ ᐱᔪᓐᓇᕐᓂᕐᒥᑦ ᐱᓕᒻᒪᒃᓴᖅᑕᐅᓂᒃᑯᑦ ᐊᒻᒪᓗ ᐊᔪᖏᓕᕈᑎᖃᕐᓗᑎᒃ ᐃᖅᑲᓇᐃᔭᕐᓂᕐᒧᑦ. ᒪᓕᒃᑕᐅᔪᒃᓴᓄᑦ ᐅᖃᐅᓯᑦ ᒪᑭᒋᐊᖅᑕᒃᑯᑦ ᐱᓕᕆᐊᖏᑦ ᑲᒪᒋᔭᐅᓂᐊᖅᑐᑦ ᐃᒪᓐᓇ ᒪᓕᒃᓗᒋᑦ ᐅᖃᐅᓯᑦ ᓴᖅᑭᑎᑕᑦ. ᑎᓕᔭᐅᓯᒪᔾᔪᑎᖏᑦ ᐊᖅᑭᒃᐹᓪᓕᕈᑎᒋᓗᒋᑦ ᐸᕐᓇᒃᓯᒪᓂᕐᒧᑦ…
(ᓯᑉᑎᒻᕙ 18, 2017 – ᐃᖃᓗᐃᑦ, ᓄᓇᕗᑦ) ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᒃᑯᑦ ᑲᑎᒪᔨᖏᑦ ᑲᑎᒪᓚᐅᖅᑐᑦ ᐃᖃᓗᓐᓂ ᑕᑉᕙᓂ ᐱᓇᓱᐊᕈᓯᐅᓚᐅᖅᑐᒥᒃ ᐊᒻᒪᓗ ᐊᖏᕈᑎᖃᖅᑐᑎᒃ ᐊᑯᓂᐅᔪᒧᑦ−ᐋᖅᑭᑦᓯᒪᔪᒥᒃ ᑐᑭᒧᐊᒍᑎᒃᓴᓂᒃ ᐸᕐᓇᐅᑎᓄᑦ. ᒪᑭᒋᐊᖅᑕ ᑐᑭᒧᐊᒍᑎᒃᓴᖏᑦ ᐸᕐᓇᐅᑎᓄᑦ ᓯᑕᒪᓂᒃ ᑐᑭᒧᐊᒍᑎᒃᓴᓂᒃ ᓯᕗᓪᓕᐅᔾᔭᐅᔭᕆᐊᓕᖁᑎᓖᑦ, ᐃᓚᒋᔭᐅᓪᓗᑎᒃ ᓄᑕᖅᑲᓄᑦ ᒥᑭᓂᖏᓐᓂ ᐃᓕᓐᓂᐊᕈᑎᒃᓴᖏᑦ, ᐃᓘᓐᓈᒍᑦ ᐃᑲᔪᕐᓯᒪᒍᑏᑦ ᑲᔪᓯᑦᓯᐊᕈᑎᒃᓴᓄᑦ ᐃᓕᓐᓂᐊᓂᕐᒥᒃ, ᑐᓐᖓᕕᒃᓴᓄᑦ ᐊᔪᕈᓐᓃᕐᓴᐅᑎᒃᓴᑦ ᐃᓐᓇᕐᓄᑦ, ᐊᒻᒪᓗ ᖁᑦᓯᓂᕐᓴᒥᒃ ᐃᓕᓐᓂᐊᕐᓂᖅ ᐊᒻᒪᓗ ᐃᓕᓐᓂᐊᑲᓐᓂᕈᑎᒃᓴᑦ ᐃᖅᑲᓇᐃᔮᓄᑦ ᐱᓕᕆᒡᕕᓪᓗᐊᑕᕐᓄᑦ. “ᑐᑭᒧᐊᒍᑎᒃᓴᓕᐊᖑᔪᖅ ᐊᒻᒪᓗ ᐊᑐᓕᖅᑎᑕᐅᓂᖓ ᒪᑭᒋᐊᖅᑕ ᐊᑯᓂᐅᔪᒧᑦ−ᐋᖅᑭᑦᓯᒪᔪᖅ ᑐᑭᒧᐊᒍᑎᒃᓴᖅ ᓱᖏᕐᓲᑎᑦᓴᑦᓯᐊᕙᒃ ᐊᔾᔨᐅᔪᖁᑎᒧᑦ ᖃᓄᖅ ᓄᓇᕗᒻᒥ ᐃᓄᐃᑦ ᐊᒻᒪᓗ ᒐᕙᒪᑦᑎᓐᓄᑦ ᐱᓇᓱᐊᖃᑕᐅᔪᑦ ᐃᖅᑲᓇᐃᔭᖃᑎᒌᓐᓂᖏᓐᓂᒃ ᐱᓇᓱᐊᒐᑦᓴᓕᐊᖑᓯᒪᔪᓄᑦ ᐱᕕᒃᓴᖃᖁᓪᓗᒋᑦ ᐃᓄᐃᑦ ᐊᔪᕈᓐᓃᓴᕈᑎᒃᓴᖏᓐᓄᑦ ᐊᔪᓐᖏᔾᔪᑎᑖᕐᓯᒪᖁᓪᓗᒋᑦ ᐊᒻᒪᓗ ᐸᕐᓇᓪᓗᑎᒃ ᐃᖅᑲᓇᐃᔮᒧᑦ. ᒪᑭᒋᐊᖅᑕ ᐋᖅᑭᑦᓱᐃᕙᓪᓕᐊᓕᖅᑐᖅ ᓯᕗᓪᓕᐅᔾᔭᐅᔭᕆᐊᓕᖁᑎᑦᑎᓐᓂᒃ ᐊᒻᒪᓗ ᑐᓐᖓᕕᓕᐅᕐᓯᒪᓕᖅᑐᖅ ᐊᑯᓂᐅᓂᕐᓴᒧᑦ−ᐋᖅᑭᑦᓯᒪᔪᒥᒃ ᐊᑐᕋᑦᓴᒥᒃ ᐊᔪᕈᓐᓃᕐᓴᐅᑎᒃᓴᖏᓐᓄᑦ ᐃᓄᐃᑦ,” ᐅᖃᓚᐅᖅᑐᖅ ᑰᑦᑎᖅ. “ᓄᓇᕗᑦ ᒐᕙᒪᖓ ᐅᐱᒍᓱᑦᑐᓂ ᐱᓇᓱᐊᖃᑕᐅᔪᖅ ᒪᑭᒋᐊᖅᑕ. ᒐᕙᒪᒃᑯᑦ ᐱᔨᑦᓯᖅᑎᖏᑦ ᑐᓂᓯᒪᔪᑦ ᐱᓇᓱᐊᒐᐅᔪᖅ ᐃᑲᔫᑎᖃᑦᓯᐊᕈᓐᓇᖁᓪᓗᒍ ᐊᑑᑎᓕᖕᓂᒃ ᐃᓄᓐᓄᑦ ᐊᑯᓂᐅᔪᒧᑦ−ᐋᖅᑭᑦᓯᒪᔪᒥᒃ ᐊᔪᕈᓐᓃᓴᕐᓂᕐᒥᒃ ᐊᒻᒪᓗ ᐃᖅᑲᓇᐃᔮᑦᓴᓄᑦ ᑐᕌᒐᓕᐅᕐᓂᕐᒥᒃ. ᖁᔭᒋᔭᕗᑦ ᐱᓇᓱᐊᖃᑎᕗᑦ ᑲᔪᓯᑦᓯᐊᕐᓂᖓᓄᑦ ᑐᑭᒧᐊᒍᑎᒃᓴᓂᒃ ᐸᕐᓇᐅᑎᓄᑦ ᐱᓇᓱᐊᒐᐅᔪᒧᑦ, ᐊᒻᒪᓗ ᐃᑲᔪᕐᓂᕐᒥᒃ ᐋᖅᑭᑦᓱᐃᕙᓪᓕᐊᓂᕐᒥᒃ ᓴᓐᖏᔪᒥᒃ ᐊᖅᑯᑎᒃᓴᓕᐅᕐᓂᕐᒥᒃ ᓯᕗᒧᐊᒃᐸᓪᓕᐊᒍᑎᒃᓴᒥᒃ,” ᐅᖃᓚᐅᖅᑐᖅ ᓯᕗᓕᖅᑎ ᐲᑕ ᑕᑉᑑᓇ. ᒪᑭᒋᐊᖅᑕ ᐱᓐᖑᖅᑎᑕᐅᓚᐅᖅᑐᖅ ᐊᑐᖅᑕᐅᓪᓗᑎᒃ $175 ᒥᓕᔭᓐ ᑮᓇᐅᔭᖅᑖᕆᔭᐅᓚᐅᖅᑐᓂᒃ ᐊᖏᖃᑎᒌᒍᑎᒃᑯᑦ ᑲᓇᑕ ᒐᕙᒪᖓᓂᒃ. ᑮᓇᐅᔭᑦ ᐊᑐᖅᑕᐅᓕᖅᑐᑦ…
ᔫᓂ 29, 2017 – ᐃᖃᓗᐃᑦ, ᓄᓇᕗᑦ ᒪᑭᒋᐊᖅᑕ ᐃᓄᐃᑦ ᐱᓕᒻᒪᒃᓴᐅᑎᖏᓐᓄᑦ ᑯᐊᐳᕇᓴᓐ ᑲᑎᒪᔨᖏᑦ ᑲᑎᒪᖅᑲᐅᒻᒪᑕ ᐅᓪᓗᒥ ᐊᒻᒪᓗ ᐊᖏᕈᑎᖃᖅᑐᑎᒃ ᖃᓂᒋᔮᓂ $1.5 ᒥᓕᔭᓐ ᑮᓇᐅᔭᓖᓂᕐᒥᒃ ᓯᑕᒪᓄᑦ ᐃᓄᓐᓅᖓᔪᓂᒃ ᐱᓕᖕᒪᒃᓴᐃᓂᖃᖃᑦᑕᖅᑐᓂᒃ. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᐱᕈᕐᕕᒃ, ᐃᓕᑕᕐᓯᓂᖅ − ᓄᓇᕗᒻᒥ ᑎᑎᖅᑭᕆᔩᑦ ᑲᑎᒪᔨᖏᑦ ᐊᒻᒪᓗ ᑐᒥᑯᓗᐃᑦ ᓴᐃᐹᕿᕕᒃ ᑐᓂᔭᐃᓐᓇᐅᖅᑲᐅᔪᑦ ᑮᓇᐅᔭᓂᒃ ᑐᒃᓯᕋᐅᑎᓄᑦ ᐃᑲᔫᑎᖃᕐᓂᐊᖅᑐᓂᒃ ᒪᑭᒋᐊᖅᑕ ᐱᓇᓱᐊᕋᑦᓴᖏᓐᓂᒃ ᐱᕚᓪᓕᑎᑦᓯᓂᕐᒥᒃ ᐸᕐᓇᑕᐅᓯᒪᓂᖏᓐᓂᒃ ᓄᓇᕗᑦ ᐃᓄᐃᑦ ᒐᕙᒪᓄᑦ ᐊᒻᒪᓗ ᐊᓯᖏᓐᓄᑦ ᐃᖅᑲᓇᐃᔮᓄᑦ. ᑲᑎᒪᔩᑦ ᐊᖏᕈᑎᖃᖅᑲᐅᒻᒥᔪᑦ ᐊᕐᕌᒍᑕᒫᕐᓯᐅᒻᒥᒃ ᐱᓕᕆᐊᒃᓴᓄᑦ ᐸᕐᓇᐃᑎᒥᓐᓂᒃ, ᐃᓚᒋᔭᐅᓪᓗᑎᒃ ᓴᖅᑮᓂᖅ ᐃᖅᑲᓇᐃᔮᑦᓴᒥᒃ ᖃᐅᑕᒪᖅᑕᖅᑎᒧᑦ ᑯᐊᐳᕇᓴᒃᑯᓐᓂ. ᓄᓇᕗᑦ ᑐᓐᖓᕕᒃ ᑎᒥᖓ (ᑐᓐᖓᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ, ᐃᒃᓯᕙᐅᑕᐅᔪᖅ ᑲᑎᒪᔨᓄᑦ, ᐅᖃᖅᑲᐅᔪᖅ ᒪᑭᒋᐊᖅᑕ ᐱᕙᓪᓕᕐᓯᒪᔪᒻᒪᕆᐅᓂᖓᓂᒃ ᑎᒥᓐᖑᖅᑎᑕᐅᓚᐅᕐᓯᒪᒻᒪᓂᒃ ᑕᖅᑮᑦ 18 ᓈᓕᖅᑐᑦ. “ᒪᑭᒋᐊᖅᑕ ᐊᔾᔨᐅᔪᖁᑎᑦᓯᐊᕙᐅᔪᖅ ᖃᓄᖅ ᓄᓇᕗᑦ ᐃᓄᐃᑦ ᐊᒻᒪᓗ ᒐᕙᒪᕗᑦ ᐱᓇᓱᐊᖃᑎᒋᔭᕗᑦ ᐃᖅᑲᓇᐃᔭᖃᑎᒌᓐᓂᖏᓐᓂᒃ ᐊᔾᔨᐅᖏᑦᑐᓂ ᐱᓇᓱᐊᕐᓂᕐᒥᒃ ᐊᔪᕈᓐᓃᕐᓴᐅᑎᒃᓴᓂ ᐃᓄᓐᓄᑦ ᐊᔪᕈᓐᓃᖁᓪᓗᒋᑦ ᐸᕐᓇᓯᒪᓗᑎᓪᓗ ᐃᖅᑲᓇᐃᔮᒧᑦ. ᐃᓛᒃ ᒪᑭᒋᐊᖅᑕ ᓄᑖᖑᒻᒪᑦ ᓱᓕ, ᐊᑐᕋᑦᓴᓕᐅᕐᐸᓪᓕᐊᓕᖅᑐᒍᑦ ᓯᕗᓪᓕᐅᔾᔭᐅᔭᕆᐊᓕᖁᑎᑦᑎᓐᓂ ᐊᒻᒪᓗ ᑐᓐᖓᕕᓕᐅᕐᓯᒪᓕᖅᑐᒍᑦ ᐱᓕᕆᐊᒃᓴᓄᑦ ᐊᑯᓂᐅᔪᒧᑦ ᐋᖅᑭᑦᓯᒪᔪᓂᒃ ᐊᑐᕋᑦᓴᓂᒃ ᐃᓄᓐᓄᑦ,” ᐅᖃᖅᑐᖅ ᑰᑦᑎᖅ. “ᓄᓇᕗᑦ ᒐᕙᒪᖓ ᐅᐱᒍᓱᑦᓯᐊᖅᑐᓂ ᐱᓇᓱᐊᖃᑕᐅᔪᖅ ᒪᑭᒋᐊᖅᑕᒥ. ᐃᓄᖕᓂᒃ ᐱᔨᑦᓯᖅᑏᑦ ᐊᖏᕈᑎᖃᕐᓯᒪᔪᑦ ᐱᓇᓱᐊᒐᖓ ᐊᑑᑎᖃᑦᓯᐊᕋᓗᐊᕐᒪᖔᖅ ᐃᑲᔫᑎᖃᕐᓗᓂ ᐃᓄᓐᓂᒃ ᐊᑯᓂᐅᔪᒧᑦ ᐋᖅᑭᑦᓯᒪᔪᒥᒃ ᐊᔪᕈᓐᓃᓴᕐᐸᓪᓕᐊᒍᑎᒃᓴᖏᓐᓂᒃ…