ᐱᕙᓪᓕᐊᔪᑦ
ᐃᓕᓐᓂᐊᒃᑲᓐᓂᕈᒪᕕᑦ ᖃᐅᔨᓴᖅᑐᓕᕆᓂᕐᒧᑦ ᒥᔅᓵᓄᑦ? ᐊᑏ ᐃᓚᐅᖃᑕᐅᒋᑦ ᐃᓕᓐᓂᐊᕐᓂᕐᒥᒃ ᖃᐅᔨᓴᖅᑐᓕᕆᓂᕐᒧᑦ ᒥᔅᓵᓄᑦ ᐃᖃᓗᑦᑑᑦᑎᐊᕐᒥᒃ ᓯᑎᐱᕆ 25−ᒥᒃ 26-ᒧᑦ! ᐊᕐᕌᒍᓖᓐᓄᑦ 12-15 ᑐᕌᖓᔪᖅ. ᑕᑕᑎᕆᐊᓖᑦ ᐸᐃᑉᐹᑦ ᐊᑕᕗᖅ. ᑕᑕᑎᖅᓯᒪᔪᑦ ᑐᔪᖅᑕᐅᒍᓐᓇᖅᑐᑦ ᐃᕐᙲᓇᑕᐅᑎᒃᑯᑦ Makigiaqta@tunngavik.com
ᖁᑉᕙᕆᐊᕐᓂᕐᒧᑦ ᑐᒃᓯᕋᕈᑏᑦ ᒪᑐᓯᒪᓕᖅᑐᐃᑦ ᔫᓐ 24, 2022 ᑭᙳᓪᓕᖅᐸᔪᕗᖅ 3:30ᒥᑦ ᒪᒥᐊᓇᖅ ᓄᖄᓂ ᑕᑕᑎᖅᓯᒪᔪᓂᑦ ᓄᐊᑦᑎᑲᓐᓂᕈᓐᓇᐃᓕᒐᑕ /ᐱᒃᑲᓐᓂᕈᓐᓇᐃᓕᒐᑦᑕ. ᒪᑭᒋᐊᕐᑕᑯᑦᓂ
ᒪᐃ 9, 2022 ᐱᓇᓱᐊᕈᓯᐊᓂᑦ, ᐃᖃᓗᐃᑦ ᑐᙵᓱᒃᑎᑦᑎᓛᖅᑐᑦ ᐃᓕᓐᓂᐊᕐᑎᓂᑦ ᓄᓇᕗᓕᒫᒥᑦ ᐃᓚᐅᓂᐊᕐᓗᑎᒃ ᐱᖓᔪᖓᓐᓂᑦ ᐊᕐᕌᒍᑕᒫᑦ ᐋᓐᓂᐊᖃᖕᓇᙱᑦᑐᓕᕆᓂᖕᒧᑦ ᐃᖅᑲᓇᐃᔭᖕᓂᓕᕆᓂᖕᒧᑦ. ᑖᓐᓇ ᐃᓕᓐᓂᐊᕐᓂᖅ ᑮᓇᐅᔭᖃᖅᑎᑕᐅᔪᖅ ᒪᑭᒋᐊᖅᑕᒃᑯᓐᓂᑦ ᐱᓕᕆᖃᑎᖃᖅᓱᑎᒃ ᓄᓇᕗᒻᒥ ᓯᓚᑦᑐᖅᓴᕐᕕᒻᒥ, ᕿᑭᖅᑕᓂ ᐋᓐᓂᐊᕐᕕᖓᓂᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐃᓕᓐᓂᐊᕐᓂᓕᕆᔨᒃᑯᓐᓂᓪᓗ. ᓇᓕᐊᖕᓄᑐᐃᓐᓇᖅ ᐃᓕᓐᓂᐊᖅᑎᓄᑦ ᐃᓱᒪᒋᔭᖃᖅᑐᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᖅᑲᓇᐃᔮᕆᔭᐅᓕᕋᔭᖅᑐᓂᒃ ᐊᕐᕌᒍᓕᖕᓂᒃ 15 ᐅᖓᑖᓂ ᒫᓐᓇᓗ ᖁᑦᑎᖕᓂᖅᓴᒥ ᐃᓕᓐᓂᐊᖅᐸᒃᑐᓄᑦ ᓄᓇᕗᒻᒥ, ᑖᓐᓇ ᑕᖕᒫᖅᓯᒪᕝᕕᒃ ᑖᒃᑯᓄᖓ ᑐᕌᖓᑐᐃᓐᓇᕆᐊᓕᒃ! ᐱᕙᒌᔭᖅᐸᓪᓕᐊᓇᓱᓚᐅᕋᓗᐊᖅᐳᒍᑦ 2021−ᒥ ᐅᑭᐊᒃᓵᒃᑯᑦ ᑭᓯᐊᓂ ᖃᐅᔨᒪᔪᐃᓐᓇᐅᒐᔅᓯ, ᓄᕙᒡᔪᐊᕐᓇᖅ-19 ᓄᖅᑲᖅᑎᑦᑎᓯᒪᖕᒪᑦ ᖃᓄᖅ ᐸᕐᓇᐃᔪᓐᓇᕐᒪᖔᑦᑕ ᓲᕐᓗ ᑖᒃᑯᓂᖓ. ᖃᐅᔨᒪᒐᓗᐊᖅᑎᓪᓗᑕ ᑕᒪᓐᓇ ᓇᐃᑦᑐᑯᓘᓂᖓᓂᒃ, ᐃᓕᓐᓂᐊᖅᑎᑦᑎᓯᒪᒐᑦᑕ, ᑕᐃᒪᐃᒻᒪᑦ ᐱᓇᓱᐊᕈᓯᑦᑎᐊᕙᖕᒥᒃ ᐃᓕᓐᓂᐊᕈᓐᓇᖅᓯᕗᒍᑦ ᐃᓕᓐᓂᐊᖅᑎᓄᑦ ᒪᐃᖑᓕᖅᐸᑦ. ᐃᓄᓐᓂᑦ ᓂᕈᐊᕐᓂᖅᓴᐅᒋᐊᖃᖅᑐᒍᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐃᖅᑲᓇᐃᔮᓂᑦ ᓂᕆᐅᒋᔭᖃᕐᓂᕐᒥᓪᓗ ᐃᓕᓐᓂᐊᕐᕕᓯ ᐊᐅᓪᓚᑎᑦᓯᒍᓐᓇᓚᖓᒋᐊᖓᓂᑦ ᐊᑕᐅᓯᕐᒥᑦ ᒪᕐᕉᓐᓂᓪᓘᓐᓃᑦ ᐃᓕᓐᓂᐊᖅᑎᓂᑦ ᐃᓱᒪᒋᔭᖃᖅᑐᓂᑦ ᐃᖅᑲᓇᐃᔮᖃᕐᓂᕐᒥᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐃᓚᒋᔭᐅᓗᓂ ᑲᒪᔨᒥᑦ ᐱᖃᑎᖃᕐᓂᕐᒥᑦ. ᑐᙵᓱᒃᑎᑦᑎᕗᒍᑦ ᐃᓱᒪᒋᔭᖃᖅᑐᓂᒃ ᐃᓕᓐᓂᐊᖅᑎᓂᒃ ᑭᕙᓪᓕᕐᒥ ᕿᑭᖅᑖᓗᖕᒥᓗ ᑲᐱᔭᐅᑦᑎᐊᖅᓯᒪᔪᓂᒃ ᐱᔭᕇᖅᓯᓂᐊᕐᓗᑎᒃ ᐱᓇᔪᒍᑕᐅᔪᓂᒃ ᐃᓚᐅᓂᐊᕐᓗᑎᒃ ᑕᕝᕙᓂ ᑕᖕᒫᖅᓯᒪᕝᕕᐅᕙᒃᑐᒥᒃ. ᐱᔭᕆᐅᖅᓴᑎᑦᑎᔨᑦ/ᑲᒪᔨᑦ ᐃᓗᐊᖅᓴᐃᔨᐅᑐᐃᓐᓇᕆᐊᓖᑦ, ᐋᓐᓂᐊᕐᕕᖕᒥ ᐱᕚᓪᓕᖅᑎᑦᑎᔨᑦ, ᐃᓕᓴᐃᔨᑦ ᐊᓯᖏᓪᓗ ᐊᑭᓕᖅᓱᖅᑕᐅᙱᖦᖢᑎᒃ ᐱᓕᕆᔨᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐱᓕᕆᖃᑕᐅᔪᒪᔪᓪᓘᓐᓃᑦ ᐃᓕᓐᓂᐊᖅᑎᓂᒃ ᐊᐅᓪᓚᖃᑎᖃᖃᑦᑕᕐᓂᐊᖅᑐᑦ ᐃᑲᔪᕐᓗᑎᒡᓗ ᐊᐅᓪᓛᖅᓯᒪᔪᓂᒃ ᐱᓕᕆᑎᑦᑎᔪᓂᒃ ᑲᒪᔨᐅᓗᑎᒡᓗ ᐃᓚᐅᔪᓂᒃ. ᑐᑭᓯᒋᐊᒃᑲᓐᓂᕈᒪᒍᕕᑦ, ᐃᕐᖐᓈᖅᑕᐅᒃᑯᑦ ᑎᑎᕋᕈᓐᓇᖅᐳᑎᑦ ᒥᓯᐅᓪᒧᑦ (ᐃᕐᖐᓈᖅᑕᐅᒃᑯᑦ ᐊᑖᓃᑦᑐᖅ). ᑕᖕᒫᖅᓯᒪᕝᕕᐅᑉ ᐊᖏᕐᕋᖓ ᓄᓇᕗᒻᒥ ᓯᓚᑦᑐᖅᓴᕐᕕᖕᒦᓐᓂᐊᖅᐳᖅ (NAC−ᒥ), ᑕᖕᒫᖅᓯᒪᕝᕕᐅᖃᑦᑕᕋᔭᖅᖢᓂ ᕿᑭᖅᑕᓂ ᐋᓐᓂᐊᕕᓕᐊᕐᕕᖕᒥ ᓄᓇᕗᒻᒥᓗ ᓯᓚᑦᑐᖅᓴᕐᕕᖕᒥ…
ᒫᑦᓯ 14, 2022 – ᐃᖃᓗᐃᑦ, ᓄᓇᕗᑦ – ᑮᓇᐅᔭᑎᒍᑦ ᐃᑲᔪᖅᑕᐅᓪᓗᑎᒃ ᑲᑭᕙᒃ ᑲᑐᔾᔨᖃᑎᒌᒃᑯᓐᓂᑦ ᐊᒻᒪᓗ ᒪᑭᒋᐊᖅᑕ ᐃᓄᐃᑦ ᐃᓕᓴᕈᑎᔅᓴᖏᓐᓄᑦ ᑯᐊᐳᕇᓴᒃᑯᓐᓂᑦ, ᓄᓇᕗᒥ ᐃᓪᓗᓕᐅᖅᑏᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖓᑦ ᓴᓇᔨᐅᓂᕐᒥᒃ ᐃᓕᓐᓂᐊᑎᑦᑎᓛᖅᑐᑦ ᐊᒻᒪᓗ ᐃᖅᑲᓇᐃᔭᖅᑎᑦᑎᓛᖅᑐᑦ 60ᓂᑦ ᐃᓄᓐᓂᑦ ᐃᓕᓐᓂᐊᓛᖅᑐᓂᑦ ᐅᑯᓇᓂ ᓄᓇᓕᓐᓂᑦ ᑲᖏᖅᑐᒑᐱᒃ, ᒥᑦᑎᒪᑕᓕᒃ, ᐃᒃᐱᐊᕐᔪᒃ, ᖃᐅᓱᐃᑦᑐᖅ ᐊᒻᒪ ᐊᐅᓱᐃᑦᑐᖅ. ᓄᓇᕗᒥ ᐃᓪᓗᓕᐅᖅᑏᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖓᑦ ᐃᑲᔪᖅᑕᐅᓛᖅᑐᑦ ᑲᑐᔾᔨᖃᑎᖏᓐᓄᑦ, ᐅᑯᐊ ᐃᓚᒋᔭᐅᓪᓗᑎᒃ ᕿᑭᖅᑖᓗᒃ ᓇᖕᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ ᐊᒻᒪᓗ ᕿᑭᖅᑕᓂ ᓴᓇᕕᓕᕆᓂᕐᒧᑦ ᑎᒥᖁᑖ. ᐃᖅᑲᓇᐃᔭᖅᑎᑦᑎᓛᕐᖓᑕ ᓴᓇᑎᓪᓗᒋᑦ ᓄᓇᓕᓐᓂᑦ ᐊᐅᓚᔾᔪᑎᔅᓴᓂᑦ ᐱᓕᕆᐊᖑᓛᖅᑐᓂᑦ ᑮᓇᐅᔭᖃᖅᑎᑕᐅᓪᓗᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ (QIA) ᑕᓪᓗᕈᑎᐅᑉ ᐃᒪᖓᓂ ᑲᓇᑕᒥ ᐃᒫᓂ ᓴᐳᔾᔨᕕᒻᒧᑦ ᐊᒻᒪᓗ ᑐᕙᐃᔪᐃᑦᑐᖅ ᐊᐅᓚᔾᔪᑎᔅᓴᓄᑦ ᐊᖏᖃᑎᒌᒍᑎᑎᒍᑦ. ᐃᓕᓐᓂᐊᑎᑦᑎᓛᖅᑐᑦ ᖁᓕᓂᑦ (10) ᐱᓇᓱᐊᕈᓯᕐᓂᑦ ᑕᒪᒃᑮᓐᓂᒃ ᐃᓕᓴᕕᒻᒥ ᐃᓕᓐᓂᐊᑎᑦᑎᖃᑦᑕᕐᓗᑎᒃ ᐊᒻᒪᓗ ᓴᓇᔪᓂᑦ ᓴᓇᖃᐅᑕᐅᓗᑎᒃ ᐃᓕᓐᓂᐊᖃᑦᑕᕐᓗᑎᒃ ᑕᐃᒫᒃ ᐋᖅᑭᓯᒪᖃᑦᑕᓛᕐᒥᔪᑦ ᐃᖅᑲᓇᐃᔮᖅᑖᐸᓪᓕᐊᖁᓪᓗᒋᑦ. “ᖁᑦᑎᑦᑐᒥ ᓴᓇᔨᐅᓂᕐᒧᑦ ᐃᓕᓐᓂᐊᕋᔅᓴᖅ ᐆᑦᑑᑎᑦᑎᐊᕚᓘᒻᒪᑦ ᐊᔾᔨᒌᙱᑐᒡᒍᑏᑦ ᑎᒥᐅᔪᑦ ᑲᑐᔾᔨᓪᓗᑎᒃ ᐃᓄᓐᓂᑦ ᐃᓕᓐᓂᐊᖅᑎᑕᐅᖁᔨᒻᒪᑕ. ᐃᑲᔪᕐᓰᒋᐊᒃᑲᓐᓂᖃᑦᑕᕈᑦᑕ ᓄᓇᓕᑦᑎᓐᓂᒃ ᐃᓕᓐᓂᐊᖃᑦᑕᕐᓂᖏᓐᓂᒃ ᓴᓇᑐᓕᓴᖃᑦᑕᕐᓂᖏᓐᓂᓪᓗ, ᓯᕗᓂᔅᓴᖃᑦᑎᐊᓂᕐᓴᐅᓂᐊᕋᑦᑕ,” ᐅᖃᖅᑐᖅ ᐅᓛᔪᒃ ᐊᑭᓱᒃ, ᐊᖏᔪᖅᑳᖅ ᕿᑭᖅᑕᓂᒃᑯᓐᓂᑦ. ᑲᑭᕙᒃ ᑲᑐᔾᔨᖃᑎᒌᑦ ᐱᕈᕐᐸᓪᓕᐊᑎᑦᑎᔾᔪᑎᖃᕐᓂᐊᖅᑐᑦ ᐅᖓᑖᓃᕌᕐᔪᑦᑐᓂᑦ $3.1 ᒥᓕᐊᓐ ᐱᖓᓱᑦ ᐊᕐᕌᒍᑦ ᐅᖓᑖᓄᑦ ᐱᒋᐊᕐᓗᑎᒃ ᑮᓇᐅᔭᓄᑦ ᐊᐅᓚᕕᖓᓐᓂ ᐊᕐᕌᒍᒥ 2022-23. ᑖᒃᑯᐊ ᑮᓇᐅᔭᑦ ᐊᑐᐃᓐᓇᕈᖅᑎᑕᐅᔪᑦ…