Skip to content

ᐱᕙᓪᓕᐊᔪᑦ

ᐊᖏᕐᕋ » ᐱᕙᓪᓕᐊᔪᑦ

2025 ᑐᔅᓯᕋᕐᓂᖅ ᑐᔅᓯᕋᐅᑎᓕᐅᕈᑎᓂᑦ! ᒪᑭᒋᐊᖅᑕ ᐃᖅᑲᓇᐃᔮᓄᑦ ᑲᑎᓐᖓᓂᖏᑦ – ᒫᓐᓇ ᒪᑐᐃᖓᔪᖅ

25 ᔮᓐᓄᐊᕆ 2025

ᒪᑐᕕᔅᓴᖓ ᔮᓐᓄᐊᕆ 31, 2025 ᖃᐃᖅᑯᔨᔪᒍᑦ ᐃᓄᓐᓂᑦ ᐃᓕᓐᓂᐊᖅᑎᓂᑦ (13 ᑎᑭᑦᑐᒍ 18) ᓄᓇᕗᓕᒫᒥᑦ ᐱᔭᕇᖅᓯᓗᑎ ᑐᔅᓯᕋᐅᑎᓕᐅᕈᑎᓂᑦ ᐅᐸᖃᑕᐅᓗᑎᑦ ᑖᒃᑯᓄᖓ ᐃᖅᑲᓇᐃᔮᓄᑦ ᑲᑎᓐᖓᓂᐅᔪᓂᑦ. STEAM ᑲᑎᓐᖓᔪᑦ – ᐃᖃᓗᑦᑑᑦᑎᐊᖅ ᐃᐳᕈ 07-11, 2025 ᖃᓄᐃᖏᑎᐊᓂᕐᒧᑦ ᑲᑎᓐᖓᔪᑦ, ᐃᖃᓗᐃᑦ ᐃᐳᕈ 28 – ᒪᐃ 2, 2025 ᐃᑲᔪᖃᑦᑕᖅᑐᑦ/ᒪᓕᑦᑏᑦ ᐃᓚᒋᓂᐊᖅᑕᖏᑦ ᐃᓕᓐᓂᐊᖅᑏᑦ ᑖᒃᑯᓄᖓ ᐃᖅᑲᓇᐃᔮᓄᑦ ᑲᑎᓐᖓᓂᐅᔪᓄᑦ. ᐊᐅᓪᓚᓂᕐᒧᑦ ᑮᓇᐅᔭᖅᑐᕈᑎᓕᒫᑦ ᐊᑭᓕᖅᑕᐅᓂᐊᖅᑐᑦ ᐃᓚᒋᔭᐅᖃᑕᐅᔪᓄᑦ ᐊᒻᒪ ᒪᓕᑦᑎᖏᓐᓄᑦ. ᓱᒻᒪᑦ ᐃᓚᒋᔭᐅᖃᑕᐅᓗᓂ? ᐃᓕᓐᓂᐊᑲᓐᓂᕐᓗᑎ ᐃᖅᑲᓇᐃᐃᔮᓄᑦ ᐊᖅᑯᑎᐅᔪᓐᓇᖅᑐᓂᑦ ᑲᑎᖃᑎᒋᓗᒋᑦ ᐊᒻᒪ ᑐᓴᕐᕕᒋᓗᒋᑦ ᐊᔪᖏᓐᓂᓖᑦ ᐊᒻᒪ ᖃᐅᔨᒪᓂᖃᖅᑐᑦ ᐊᑦᑕᓇᖏᑦᑐᒥ ᐊᒻᒪ ᐃᑲᔪᖅᑐᐃᔪᓂ ᐊᕙᑎᖓ ᐊᐱᕆᖃᑦᑕᕐᓗᓂ ᑲᑎᓪᓗᒋᑦ ᐊᓯᖏᑦ ᐃᓕᓐᓂᐊᕐᕕᐅᓗᒻᒥ ᐃᓕᓐᓂᐊᖅᑏᑦ ᓄᓇᕗᓕᒫᒥᑦ!

ᓄᓇᕗᒻᒥ ᑕᕐᕆᔭᓕᐅᓂᕐᒧᑦ ᐱᕙᓪᓕᐊᑎᑎᓂᕐᒧᑦ ᑯᐊᐳᕇᓴᑯᑦ (NFDC) ᐱᒃᑯᒋᔭᖃᖅᐳᑦ ᑐᓴᖅᑎᑦᓯᒋᐊᑦᓴᖅ ᓖᓇ ᐃᐅᓪᔅᕗᐊᑦ ᑎᒃᑯᐊᖅᑕᐅᓂᖓᓂᒃ ᐊᐅᓚᑦᓯᔨᑦᑕᖅᑲᐅᓂᐊᓕᖅᑎᓪᓗᒍ, ᓯᕗᓕᕐᐅᓗᓂ ᐃᓄᖕᒧᑦ ᐊᒻᒪᓗ ᐃᕐᓇᕐᒧᑦ ᐊᐅᓚᑕᐅᓂᐊᖅᑐ.

12 ᓯᑎᐱᕆ 2024

ᓄᓇᕗᒻᒥ ᑕᕐᕆᔭᓕᐅᓂᕐᒧᑦ ᐱᕙᓪᓕᐊᑎᑎᓂᕐᒧᑦ ᑯᐊᐳᕇᓴᑯᑦ (NFDC) ᐱᒃᑯᒋᔭᖃᖅᐳᑦ ᑐᓴᖅᑎᑦᓯᒋᐊᑦᓴᖅ ᓖᓇ ᐃᐅᓪᔅᕗᐊᑦ ᑎᒃᑯᐊᖅᑕᐅᓂᖓᓂᒃ ᐊᐅᓚᑦᓯᔨᑦᑕᖅᑲᐅᓂᐊᓕᖅᑎᓪᓗᒍ, ᓯᕗᓕᕐᐅᓗᓂ ᐃᓄᖕᒧᑦ ᐊᒻᒪᓗ ᐃᕐᓇᕐᒧᑦ ᐊᐅᓚᑕᐅᓂᐊᖅᑐ. ᓖᓇᐅᑉ ᑎᓕᔭᐅᓂᖓ ᑕᕝᕙᐅᓕᖅᐳᖅ ᒪᕐᕉᓐᓂᒃ ᐊᕐᕌᒎᓐᓂᒃ ᐃᓕᓐᓂᐊᖅᑎᑕᐅᓯᓐᓈᓂᐊᕐᑐᖅ ᑮᓇᐅᔭᖃᖅᑎᑕᐅᑦᓱᑎᒃ ᒪᑭᒋᐊᖅᑕ ᐃᓄᐃᑦ ᐱᓕᖕᒪᒃᓴᐃᓂᕐᒧᑦ ᑯᐊᐳᕇᓴᒃᑯᓐᓄᑦ ᐊᒻᒪᓗ ᓄᓇᖃᖅᑳᖅᓯᒪᔪᑦ ᑕᕐᕆᔭᓕᐅᕐᓂᕐᒧᑦ ᐊᓪᓚᕝᕕᖓᓐᓂᒃ ᐊᑦᓱᕉᑎᖃᖅᓱᑎᒃ NFDC−ᑯᑦ ᑐᓂᒪᓂᖓᓐᓂᒃ ᓯᕗᓕᖅᑎᓂᒃ ᐱᕙᓪᓕᐊᑎᑦᓯᓂᕐᒧᑦ ᓄᓇᖃᖅᑳᖅᓯᒪᔪᓂᓪᓗ ᑭᒡᒐᖅᑐᐃᔨᖃᕐᓂᕐᒧᑦ ᑕᕐᕆᔭᓕᐅᖅᑎᓂ. ᐊᕐᕌᒍᐃᑦ 15 ᐅᖓᑖᓄᑦ ᐃᖅᑲᓇᐃᔭᖅᓯᒪᑦᓱᓂ ᓄᓇᕗᑦ ᒐᕙᒪᒃᑯᖏᓐᓂ, ᓕᓇ ᐊᓪᓚᕝᕕᓕᕆᔨᒻᒪᕆᐅᑦᓱᓂ ᐃᓗᓕᖅᑐᔪᓂᒃ ᐱᓕᒻᒪᑦᓯᒪᓂᖃᖅᓱᓂ ᐱᓕᕆᖃᑎᖃᖅᓱᓂ ᓯᕗᓕᖅᑎᓂᒃ ᐊᔾᔨᒌᙱᑦᑐᓂᒃ ᑲᒪᔪᓂᒃ. ᓖᓇ ᓄᓇᓕᓐᓂ ᐃᑲᔪᖅᑎᐅᖃᑦᑕᖅᓯᒪᒻᒥᔪᖅ ᐊᒻᒪᓗ ᑲᑐᔾᔨᖃᖃᑎᒌᑦᑐᓂ ᐱᕙᓪᓕᐊᔪᓂ, ᑐᑭᓯᓯᒪᓂᖃᖅᓱᓂ ᑲᓲᒪᓂᖏᓐᓂᒃ ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᐊᓯᖏᓐᓄᑦ ᑎᒍᒥᐊᖅᑎᓄᑦ ᓄᓇᕗᒻᒥ. ᐃᓄᐃᑦ ᐅᖃᐅᓯᖓᓐᓂᒃ ᔭᒐᔾᔭᐃᖅᓯᒪᑎᑦᓯᒍᒪᓂᖃᖏᖅᓱᓂ ᐃᓕᖅᑯᓯᕐᒥᓪᓗ, ᓖᓇ ᑕᕐᕆᔭᐅᓕᐅᓂᕐᒥᕐᒃ ᐱᓕᕆᖃᑦᑕᖅᓯᒪᒻᒥᔪᖅ, ᐃᑲᔪᖅᓯᒪᑦᓱᓂ ᒪᕐᕉᓐᓂ ᑕᕐᕆᔭᓕᐊᖑᔫᓐᓂ. ᑕᒪᕐᒥᒃ ᐊᐅᓚᓂᐅᔫᒃ ᐊᑐᐃᓐᓇᐅᑎᑦᓯᓯᒪᔫᒃ ᐊᑑᑎᖃᓪᓚᕆᑦᑐᓂᒃ ᑕᕐᕆᔭᓕᐅᓂᕐᒧᑦ. ᑕᑯᕚᓪᓕᕈᑎᒋᓯᒪᓪᓗᓂᒋᓪᓗ ᐊᑦᓱᕈᕐᓇᖅᑐᑯᕈᓴᐅᓱᑦ ᐃᓄᖕᓄᑦ ᓵᙵᔭᖏᓐᓂᒃ ᐅᓂᒃᑲᖏᓐᓂᒃ ᑭᒡᒐᖅᑐᑦᓯᐊᕐᑕᐅᒐᓗᐊᕐᒪᖓᑕ. ᐊᐅᓪᓚᖃᑦᑕᖅᓯᒪᓪᓚᕆᑦᑐᖅ ᐅᑭᐅᕐᑕᖅᑐᒥ ᑐᑭᓯᓯᒪᓂᖓᓂᒃ ᐊᔾᔨᐅᖏᑦᑐᓂᒃ ᐊᔾᔨᒌᙱᑦᑐᓂᓪᓗ ᐊᑦᓱᕈᕐᓇᖅᑐᓂᒃ ᐊᑦᑐᐊᔪᓂᒃ ᑖᒃᑯᓇᓂ ᓄᓇᓕᖕᓂ ᐅᑭᐅᕐᑕᖅᑐᒥ. ᑕᕐᕆᔭᓕᐅᕐᓂᖅ ᓄᓇᕗᒻᒥ ᐱᕈᖅᐸᓪᓕᐊᑎᓪᓗᒍ ᐱᔭᐅᒍᒪᓪᓚᕆᓕᖅᓱᓂᓗ ᐅᑭᐅᖅᑕᖅᑐᒥ ᓄᓇᖃᖅᑳᖅᓯᒪᔪᓪᓗ ᐅᓂᒃᑳᖏᓐᓂᒃ, ᓖᓇ ᓈᒻᒪᓈᖅᑐᖅ ᐃᓄᐃᑦ ᑕᕐᕆᔭᓕᐅᖅᑏᑦ ᐃᑲᔪᖅᑐᖅᑕᐅᒋᐊᒃᑲᓐᓂᕆᐊᖃᖅᑎᓪᓗᒋᑦ ᐱᕕᑦᓴᖃᕐᓗᑎᓪᓗ. ᓄᓇᕗᒻᒥ ᑕᑯᓐᓇᕋᑦᓴᓕᐅᖅᑏᑦ ᑎᒥᖓᑦᑕ ᑲᑎᒪᔨᖏ ᑦ ᐃᖅᑲᓇᐃᔭᖅᑎᖏᓪᓗ ᓂᕆᐅᓐᓂᖃᑦᓯᐊᖅᐳᑦ ᐃᑲᔪᖅᑐᕐᓂᐊᕆᐊᑦᓴᖅ ᓖᓇᒥᒃ ᑲᔪᓯᑦᓯᐊᖁᑦᓱᒍᓗ ᐃᖅᑲᓇᐃᔮᖅᑖᖅᑲᐅᖓᓂ!…

ᒪᑭᒋᐊᖅᑕ ᑐᒃᓯᕋᕐᓂᖅ ᐃᓕᓐᓂᐊᒃᑲᓐᓂᕐᓂᕐᒧᑦ ᐃᓕᓐᓂᐊᕐᓂᕐᒧᑦ ᑮᓇᐅᔭᓂᒃ ᒫᓐᓇ ᒪᑐᓯᒪᓕᖅᑐᖅ

17 ᔪᓚᐃ 2024

ᖁᔭᓕᔪᒪᑦᑎᐊᖅᐸᕗᑦ ᑐᓂᓯᓚᐅᖅᑐᓕᒫᑦ ᐱᓇᔫᑎᓂᒃ. ᐱᔪᒪᓂᕆᔭᐃᑦ ᐱᓇᔪᖕᓂᕆᔭᐃᓪᓗ ᖁᔭᒋᔭᐅᑦᑎᐊᖅᐳᑦ, ᐱᓯᒪᓕᖅᐳᒍᑦ ᐊᒥᓱᓂᒃ ᐱᓇᔪᒍᑕᐅᔪᓂᒃ ᓯᕗᓪᓕᖅᐹᒧᑦ ᐊᕐᕌᒍᒧᑦ. ᓇᑯᕐᒦᒃ. ᓯᓚᑦᑐᖅᓴᕐᕕᖕᒥ ᐃᓕᓐᓂᐊᒃᑲᓐᓂᕈᒪᔪᑦ ᒫᓐᓇ ᒪᑐᓯᒪᓕᖅᐳᖅ. ᓇᒃᓯᐅᒪᔭᓕᒫᖏᑦ ᐱᓇᔫᑎᑦ ᕿᒥᕐᕈᔭᐅᓂᐊᓕᖅᑐᑦ

ᑮᓇᐅᔭᓕᕆᓂᕐᒥᑦ ᐃᖃᓇᐃᔮᒧᖓᔪᒥᑦ ᐃᓕᓐᓂᐊᕐᓂᕐᒧᑦ ᓄᕕᕙ 4-8, 2024

12 ᔪᓚᐃ 2024

ᒪᑭᒋᐊᖅᑕᒃᑯᑦ ᕿᓂᖅᑐᑦ ᐃᓄᓐᓂᑦ ᐱᖃᑕᐅᒍᒪᔪᓂᑦ ᑮᓇᐅᔭᓕᕆᓂᕐᒥᑦ ᐃᖃᓇᐃᔮᒧᖓᔪᒥᑦ ᐃᓕᓐᓂᐊᕐᓂᕐᒧᑦ: ᐅᖃᖅᑎᐅᒍᓐᓇᖅᑐᖅ ᑐᓐᖓᓴᐃᔨ ᐊᔾᔨᓕᐅᕆᔨᑦ ᐅᖃᑦᑏᑦ ᑮᓇᐅᔭᓕᕆᓂᐅᑉ ᒥᔅᓵᓄᑦ ᐃᓕᓴᐃᔨᔅᓴᑦ ᑮᓇᐅᔭᓕᕆᓂᐅᑉ ᒥᔅᓵᓄᑦ ᑲᖏᖅᖠᓂᕐᒦᓛᖅᑐᖅ ᑮᓇᐅᔭᓕᕆᓂᕐᒥᑦ ᐃᖃᓇᐃᔮᒧᖓᔪᒥᑦ ᐃᓕᓐᓂᐊᕐᓂᖅ ᓅᕕᕝᕙ 4-ᒥᑦ 8-ᒧᑦ. ᐆᑦᑐᕈᒪᔪᖃᕐᓂᖅᑲᑦ, ᑎᑎᕋᕐᕕᐅᔪᓐᓇᖅᑐᒍᑦ Makigiaqta@tunngavik.com

Scroll To Top