ᒫᓐᓇ ᑐᑭᒧᐊᒍᑎᒃᓴᓄᑦ ᓯᕗᓪᓕᐅᑎᔭᕆᐊᓖᑦ
ᑖᒃᑯᐊᖑᑎᓪᓗᒋᑦ ᖃᓄᐃᓐᓂᐅᔪᑦ ᐃᓄᐃᑦ ᐃᖅᑲᓇᐃᔮᖏᓐᓄᑦ ᐊᒻᒪᓗ ᐸᕐᓇᓯᒪᓂᕐᒧᑦ ᐃᖅᑲᓇᐃᔮᒃᓴᒧᑦ, ᒪᑭᒋᐊᖅᑕ ᓇᓗᓇᐃᕐᓯᓯᒪᔪᖅ ᓯᑕᒪᓂᓕᒃ ᑐᑭᒧᐊᒍᑎᒃᓴᓂᒃ ᓯᕗᓪᓕᐅᑎᔭᕆᐊᓕᖕᓂᒃ ᓇᓗᓇᐃᕐᓯᒪᔭᐅᔪᓂᒃ ᑕᑯᒋᐊᕋᑦᓴᖅ 4: ᑕᑯᒋᐊᕈᑎ ᐃᓘᓐᓈᓂᒃ ᒪᑭᒋᐊᖅᑕ ᒫᓐᓇ ᑐᑭᒧᐊᒍᑎᒃᓴᖏᓐᓂᒃ ᓯᕗᓪᓕᐅᑎᔭᕆᐊᓕᖕᓂᒃ:
ᐊᑐᕋᑦᓴᓕᐅᕐᓂᖅ ᐃᓕᓐᓂᐊᓵᓕᓂᕐᒧᑦ ᐃᑲᔪᖅᑎᐅᕙᑦᑐᓄᑦ ᐊᒃᑐᐊᓂᓕᒻᒪᕆᐅᔪᖅ ᑲᔪᓯᑦᓯᐊᓂᕐᒧᑦ K-12, ᐃᖅᑲᓇᐃᔮᑦ ᓴᖅᑭᕐᓂᖏᑦ, ᐊᒻᒪᓗ ᐅᓄᖅᑐᑦ ᐊᓯᖏᑦ ᐃᑲᔫᑏᑦ, ᐃᓚᒋᔭᐅᓗᑎᒃ ᐃᓱᒪᒃᑰᖅᑐᓕᕆᓂᕐᒧᑦ. ᐊᒻᒪᓗ, ᒥᑭᓂᖏᓐᓂ ᓄᑕᖅᑲᑦ ᐃᑲᔪᖅᑕᐅᔾᔪᑎᒃᓴᓂᒃ ᑐᓐᖓᕕᓖᑦ ᓄᑕᖅᑲᑦ ᓯᕗᓕᖏᓐᓃᖔᖅᑐᒥᒃ ᐅᖃᐅᓯᕐᒥᒃ ᐃᓕᖅᑯᓯᖓᓂᓪᓗ ᐊᒃᑐᐊᔪᒥᒃ ᐃᑲᔫᑎᒃᑲᓐᓂᐅᒍᓐᓇᖅᑐᓂᒃ, ᐃᓚᒋᔭᐅᓗᑎᒃ ᐃᓚᖃᑦᓯᐊᕐᓂᖅ, ᒪᑭᒪᓇᖅᑐᒥᒃ ᓇᑭᓐᖔᕐᓯᒪᓂᕐᒥᓂᒃ ᖃᐅᔨᒪᓂᖅ ᐊᒻᒪᓗ ᓇᓗᖅᑯᑎᓐᖏᓐᓂᖅ, ᐊᒻᒪᓗ ᑲᔪᓯᑦᓯᐊᕐᓯᒪᓂᖅ ᐅᖃᐅᓯᒃᑲᓐᓂᕐᓄᑦ.
ᒫᓐᓇᐅᓂᖓᓂ, ᓄᓇᕗᑦ ᒫᓐᓇ ᐊᐅᓚᓂᖓ ᐃᑲᔪᕐᓂᕐᒥᒃ ᐃᓕᓐᓂᐊᓵᓕᔪᓂᒃ ᐱᔭᕐᓂᖏᑦᑐᖅ, ᐊᒻᒪᓗ ᐅᓄᖅᑐᑦ ᐃᓚᒌᑦ ᐊᑐᐃᓐᓇᖃᓐᖏᑦᑐᑦ ᐱᔨᑦᓯᕈᑎᓂᒃ. 12 ᐅᓄᖅᑐᑦ ᐃᑲᔫᑎᒃᓴᑦ ᑮᓇᐅᔭᓕᑕᐅᓂᕐᒧᑦ ᐊᒻᒪᓗ ᐊᔪᕈᓐᓃᕐᓴᐅᑎᓄᑦ, ᑭᓯᐊᓂᓕ ᐋᖅᑭᐅᒪᓂᖃᓐᖏᑦᑐᑦ ᓇᓕᑐᐃᓐᓇᖏᑦ ᐊᐅᓚᑕᒐᑎᓪᓘᓐᓃᑦ ᓇᓗᓇᐃᕐᓯᒪᔪᒃᑯᑦ ᐊᑐᕆᐊᓕᒃᑎᒍᑦ. ᓱᓕᒃᑲᓐᓂᖅ, ᓄᓇᕗᑦ ᐱᓇᓱᐊᓚᐅᕐᓯᒪᓐᖏᑦᑐᖅ ᐃᓄᒃᑎᑐᑦ ᑎᒍᓯᓵᓕᒍᑎᒃᓴᓂᒃ, ᑖᓐᓇ ᐃᑲᔪᕋᔭᕋᓗᐊᖅᑎᓪᓗᒍ ᐱᕙᓪᓕᐊᔾᔪᑎᒃᓴᓂᒃ ᐃᑲᔫᑎᒃᓴᓄᑦ ᓄᑕᖅᑲᓄᑦ ᐊᒻᒪᓗ ᐃᓚᒋᓪᓗᓂᐅᒃ ᐅᖃᐅᓯᕐᒥᒃ ᐊᔪᕈᓐᓃᕐᓴᐅᑎᒃᓴᓄᑦ.
ᐱᓇᓱᐊᕋᑦᓴᑦ
- ᓴᕐᖓᑦᑎᑕᐅᓂᖓ ᐃᑲᔫᑕᐅᒍᓐᓇᖅᑐᑦ ᐃᓄᐃᑦ ᐃᓕᓐᓂᐊᓵᓕᖏᓐᓄᑦ, ᐃᓚᒋᔭᐅᓪᓗᓂ ᐃᓄᒃᑎᑐᑦ ᑎᒍᓯᓵᓕᓂᖅ, ᐃᑲᔪᖅᑎᐅᕙᑦᑐᓂ, ᓄᓇᓕᖕᓂ ᐃᓚᒌᓂᓗ;
- ᓴᕐᖓᑦᑎᑕᐅᓂᖓ ᐊᑕᖏᑦᑐᑦ ᑕᑯᓐᓇᒐᖏᑦ ᐊᒻᒪᓗ ᑐᑭᓯᐊᓂᖅ ᐃᑲᔫᑎᖃᕐᓂᖓᓂ ELCC ᐊᑐᖅᑕᐅᕙᑦᑐᑦ ᐃᓄᓐᓄᑦ ᓄᑕᖅᑲᓄᑦ, ᐃᓚᒌᓄᑦ, ᐊᒻᒪᓗ ᓄᓇᓕᖕᓄ; ᐊᒻᒪᓗ,
- ᐱᕚᓪᓕᕐᓯᒪᔪᑦ ᐊᑐᖅᑕᐅᒋᐊᓖᑦ ᑮᓇᐅᔭᑎᒍᓪᓗ ᐃᑲᔫᑏᑦ ᓄᓇᓕᖕᓃᑦᑐᓄᑦ ᑲᑐᔾᔨᖃᑎᒌᓄᑦ ᐊᐅᓚᑦᓯᔪᑦ ᐃᓕᓐᓂᐊᓵᓕᒍᑎᓂᒃ (ᐃᓚᒋᔭᐅᓪᓗᑎᒃ ᐊᐅᓚᑕᐅᓂᖏᑦ, ᑕᑎᒃᓴᐅᓂᖓ ᐊᒻᒪᓗ ᑮᓇᐅᔭᓕᑕᐅᒋᐊᒃᑲᓐᓂᕈᑏᑦ ᐊᒻᒪᓗ ᑐᖅᑳᕕᒃᓴᖅ ᐊᐅᓚᑦᓯᔨᓄᑦ).
ᓄᓇᕗᑦ ᒐᕙᒪᖓ ᐊᒻᒪᓗ ᓄᓇᓕᖕᓂ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᖏᔨᑦ ᐃᖅᑲᓇᐃᔮᖃᖅᑎᓪᓗᒋᑦ ᓴᕐᖓᑎᑦᓯᓂᕐᒥᒃ ᓄᓇᓄᒻᒥ ᐃᓕᓐᓂᐊᓂᕐᒧᑦ ᐊᐅᓚᑕᐅᔾᔪᑎᖓᓂᒃ ᐊᒻᒪᓗ K-12 ᐃᓕᐸᓪᓕᐊᒍᑎᒃᓴᓂᒃ, ᒪᑭᒋᐊᖅᑕ ᐊᑐᕐᓂᐊᖅᑐᖅ ᐃᓚᒌᓄᑦ ᐊᐅᓚᑕᐅᔪᒥᒃ ᐊᒻᒪᓗ ᓄᓇᓕᖕᓄᑦ ᐊᐅᓚᑕᐅᔪᒥᒃ ᐊᑕᖐᔪᒥᒃ ᐃᑲᔪᕐᓯᒪᒍᑎᒥᒃ ᐃᓄᓐᓄᑦ ᐃᓕᓐᓂᐊᖅᑎᓄᑦ ᐃᓘᓐᓈᖏᓐᓄᑦ ᐅᑭᐅᖃᑎᒌᓐᖏᑦᑐᓄᑦ. ᑖᒃᑯᐊ ᐃᑲᔫᑏᑦ ᐃᑲᔫᑎᖃᕐᓂᐊᖅᑐᑦ ᐊᑕᖏᖅᑐᒥᒃ ᐱᕙᓪᓕᐊᑎᑦᓯᓂᕐᒥᒃ ᐃᓕᑉᐸᓪᓕᐊᓂᕐᒥᓪᓗ, ᐃᓕᓐᓂᐊᕆᐊᖃᑦᑕᓂᕐᒥᒃ ᐃᓕᓐᓂᐊᕕᖕᒧᑦ, ᐊᒻᒪᓗ ᓴᓐᖏᔪᒥᒃ ᐊᔪᕈᓐᓃᐸᓪᓕᐊᓂᕐᒥᒃ, ᖃᐅᔨᒪᓂᕐᒥᒃ, ᐊᒻᒪᓗ ᐱᒪᖕᕆᐅᔪᖁᑎᒋᔭᐅᔪᓂᒃ ᑐᓐᖓᕕᒋᔭᐅᔪᓂᒃ ᐃᓄᐃᑦ ᐃᓕᖅᑯᓯᖓᓄᑦ.
ᑕᐃᒪᐃᒃᑐᑦ ᑕᑎᒋᔭᐅᔪᓐᓇᕐᑐᑦ ᐱᖃᓯᐅᔾᔨᔪᓐᓇᕐᑐᑦ
- ᑭᖑᕚᕆᓄᑦ ᐃᓕᑕᐅᔪᑦ ᐱᖃᑕᐅᑎᑦᑎᔪᓐᓇᕐᑐᑦ ᓱᕈᓯᓛᓂᒃ ᐊᒻᒪᓗ ᐸᐃᕆᔨᖏᑦ ᐱᖃᑕᐅᓗᑎᒃ;
- ᐱᓕᕆᔾᔪᑏᑦ ᐱᖃᑕᐅᑎᑦᑎᔪᓐᓇᕐᑐᖅ ᐊᖏᔪᖅᑳᖏᓐᓂᒃ/ᐸᐃᕆᔨᖏᓐᓂᒃ ᐃᓕᓐᓂᐊᕐᕕᓂ;
- ᓄᓇᒧᑦ ᐊᓪᓛᕐᓯᒪᓂᖅ, ᒥᕐᓱᕐᓂᖅ, ᐊᓯᖏᓪᓗ ᐃᓕᖅᑯᓯᓕᕆᓂᕐᒧᑦ ᐱᓕᕆᔾᔪᑏᑦ ᐃᓕᓐᓂᐊᕐᕕᑎᒎᖓᓗᑎᒃ ᐃᓕᓐᓂᐊᕐᕕᖕᒧᑦ ᐅᐸᒃᓯᒪᔪᑐᑦ, ᐊᒻᒪᓗ
- ᐃᓕᓐᓂᐊᕐᑐᒧᑦ ᑐᕌᖓᓗᑎᒃ ᐃᓕᓴᒍᑏᑦ ᐱᓕᕆᔾᔪᑎᑦ ᒪᓕᓪᓗᒋᑦ ᐃᓄᐃᑦ ᖃᐅᔨᒪᔭᑐᖃᖏᑦ ᐊᒻᒪᓗ ᐃᓄᐃᑦ ᐃᓕᓴᒍᓯᖏᑦ.
ᐱᓇᓱᐊᕋᑦᓴᑦ
- ᓴᕐᖓᑎᑦᓯᒋᐊᕐᓂᖅ ᐊᐅᓚᑦᓯᒍᓐᓇᓂᕐᒧᑦ ᐃᑲᔫᑎᒃᓴᓂᒃ ᑲᔪᓯᑦᓯᐊᕈᑎᒃᓴᖏᓐᓂᒃ ᐃᓄᐃᑦ ᐃᓕᓐᓂᐊᖅᑏᑦ K-12 ᐃᑲᔪᖅᑎᑎᒍᑦ, ᓄᓇᓖᑦ ᑲᑐᔾᔨᖃᑎᒌᓐᓂᖏᓐᓂ, ᐊᒻᒪᓗ ᐃᓚᒌᓂ;
- ᓴᕐᖓᑎᑦᓯᒋᐊᕐᓂᖅ ᑐᑭᓯᓯᒪᖃᑎᒌᓐᓂᖅ ᐃᑲᔫᑎᓕᖕᓂᒃ ᐃᓕᓐᓂᐊᑲᓐᓂᓂᕐᒧᑦ ᐃᑲᔫᑎᒃᓴᓂᒃ ᐃᓕᓐᓂᐊᕈᓐᓇᕐᓯᓯᒪᔪᓄᑦ ᐅᑭᐅᓕᖕᓄᑦ ᐃᓄᓐᓄᑦ ᓄᑕᖅᑲᓄᑦ ᒪᒃᑯᑦᑐᓄᓪᓗ (ᐃᓚᒋᔭᐅᓗᑎᒃ “ᐃᓕᓐᓂᐊᕈᓐᓃᓴᓕᖃᑦᑕᖅᑐᑦ”); ᐊᒻᒪᓗ,
- ᓴᕐᖓᑎᑦᓯᒋᐊᕐᓂᖅ ᐸᕐᓇᓂᕐᒥᒃ ᐋᖅᑭᐅᒪᑦᓯᓂᕐᒥᓪᓗ ᐊᐅᓚᑕᐅᔪᓂᒃ ᐊᑕᖐᔪᓂᒃ ᐃᑲᔫᑎᓂᒃ, ᓄᓇᓖᑦ ᑲᑐᔾᔨᖃᑎᒌᖏᓐᓂ ᐃᓕᓐᓂᐊᕕᖕᓂᓗ.
The ᓄᓇᕗᒻᒥ ᐃᓐᓇᐃᑦ ᐃᓕᓐᓂᐊᕐᓂᖓᓄᑦ ᑐᑭᒧᐊᒍᑎᒃᓴᖅ (NALS) identifies the need for non-formal, community-based learning programs that teach foundational skills rooted in Inuit culture. ᑕᒪᒃᑯᐊ ᐱᓕᕆᐊᒃᓴᑦ ᐃᑲᔫᑎᓖᑦ ᐃᓘᓐᓈᒍᑦ ᖃᓄᐃᓐᖏᓯᐊᕐᓂᕐᒧᑦ, ᐃᓄᐃᑦ ᐃᓐᓇᐃᑦ ᐃᓚᓕᐅᔾᔭᐅᓯᒪᒍᑎᒃᓴᖏᓐᓂᒃ ᐊᑐᕋᑦᓴᓚᑦᑖᓂᒃ ᓄᓇᓕᑦᑎᒍᑦ ᐊᒻᒪᓗ ᓄᓇᒥ ᐱᓕᕆᐊᒃᓴᒧᑦ, ᐊᒻᒪᓗ ᐱᔨᑦᓯᕈᑕᐅᒐᔪᑦᑐᓂ ᐊᖅᑯᑕᐅᓪᓗᓂ ᐃᓕᓐᓂᐊᑎᑦᓯᒍᑎᓄᑦ. NALS ᓇᓗᓇᐃᕐᓯᒻᒥᔪᖅ ᐊᑐᕆᐊᓕᖕᓂᒃ ᐊᑕᖐᔪᓂᒃ, ᐃᓚᓕᐅᑎᓯᒪᔪᓂᒃ ᐃᑲᔫᑎᒃᓴᓂᒃ ᐋᖅᑭᑦᓱᐃᒍᑎᒃᓴᓂᒃ ᐅᓄᖅᑐᓂᒃ ᐊᐳᖅᑕᕈᑕᐅᕙᑦᑐᓂᒃ ᐅᓄᖅᑐᓄᑦ ᐃᓐᓇᕐᓄᑦ ᐃᓕᓐᓂᐊᖅᑐᑦ ᓵᓐᖓᔭᕆᐊᖃᖃᑦᑕᖅᑕᖏᓐᓄᑦ ᐊᒻᒪᓗ ᓄᒃᑎᕆᐊᑭᓪᓕᖃᑦᑕᕈᑎᒋᓪᓗᒋᑦ ᐃᓕᑉᐸᓪᓕᐊᓂᕐᒧᑦ ᐊᒻᒪᓗ ᐃᖅᑲᓇᐃᔮᒃᓴᓄᑦ.
ᐃᓚᖏᑦ ᐃᓗᓕᓪᓗᐊᑕᖏᑕ NALS ᐃᓂᖅᑕᐅᓯᒪᔪᑦ ᐅᕝᕙᓘᓐᓃᑦ ᐱᕙᓪᓕᐊᑎᑕᐅᔪᑦ, ᓲᕐᓗ ᓴᖅᑮᓂᖅ ᓄᑖᒥᒃ ᐅᐃᒪᔮᓐᖏᑦᑐᒥᒃ ᐃᓕᓐᓂᐊᕐᕕᐊᓗᖕᒥᒃ ᐃᓕᓐᓂᐊᕌᓂᒍᑕᐅᕙᑦᑐᓂᒃ ᐊᒻᒪᓗ ᐊᖏᓪᓕᒋᐊᕈᑎᓂᒃ ᐃᓕᖅᑯᓯᕐᒨᖓᔪᓂᒃ ᐱᓕᕆᐊᖑᕙᑦᑐᓂᒃ, ᓲᕐᓗ ᑕᒪᒃᑯᐊ ᐱᖅᑯᓯᓕᕆᑉᕕᒃ ᑲᖏᕐᖢᒑᐱᒡᒥ. ᑭᓯᐊᓂ ᐱᓕᕆᐊᒃᓴᒻᒪᕆᐊᓗᐃᑦ ᓱᓕᐅᔪᑦ ᐋᖅᑭᑦᓱᐃᓂᕐᒥᒃ ᐊᐅᓚᑦᓯᓂᕐᒥᓪᓗ ᑐᓐᖓᕕᓕᐅᕐᓂᕐᒥᒃ ᐊᔪᕈᓐᓃᕈᑕᐅᓂᐊᖅᑐᓂᒃ ᐃᓐᓇᕐᓄᑦ ᐊᖏᓂᕐᓴᒧᑦ ᐊᑐᕆᐊᓕᖕᒧᑦ ᒪᑭᒋᐊᖅᑕ ᑲᔪᓯᑦᓯᐊᕈᓐᓇᖁᓪᓗᒍ ᐱᓇᓱᐊᕋᑦᓴᒥᓂᒃ ᐃᓘᓐᓇᖏ ᓐᓄᑦ ᐃᓄᓐᓄᑦ ᓄᓇᕗᓕᒫᒥ.
ᐱᓇᓱᐊᕋᑦᓴᑦ
- ᐃᑲᔪᕐᓂᖅ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᖓ ᐱᕚᓪᓕᖅᑎᑦᓯᒍᑎᒃᓴᒥᒃ ᐊᒻᒪᓗ ᐊᖏᓪᓕᒋᐊᕈᑎᒃᓴᒥᒃ ᐃᓐᓇᐃᑦ ᐃᓕᓐᓂᐊᕈᑎᒃᓴᖏᓐᓄᑦ ᓄᓇᓕᓕᒫᓂ;
- ᓴᕐᖓᑎᑦᓯᓂᖅ ᐊᖏᖃᑎᒌᓯᒪᓂᒃᑯᑦ ᑐᑭᓯᐊᓂᕐᒥᒃ ᐃᑲᔫᑎᖃᖁᓐᓇᖅᑐᓂᒃ ᐃᓐᓇᕐᓄᑦ ᐃᓕᓐᓂᐊᕈᑎᓂᒃ ᓄᓇᕗᒻᒥ ᐃᓄᓐᓄᑦ;
- ᓴᕐᖓᑎᑦᓯᒋᐊᕐᓂᖅ ᐊᐅᓚᑦᓯᒍᓐᓇᕐᓂᖏᓐᓂᒃ ᓄᓇᓕᖕᓂ ᑲᑐᔾᔨᖃᑎᒌᑦ ᐸᕐᓇᓂᕐᒧᑦ ᐊᐅᓚᑦᓯᓂᕐᒧᓪᓗ ᐃᓕᓐᓂᐊᕕᒃᑰᖏᑦᑐᖅ ᐃᓐᓇᐃᑦ ᐃᓕᓐᓂᐊᕈᑎᖏᓐᓂ, ᐃᓚᒋᔭᐅᓗᑎᒃ ᑭᖑᕚᕇᓄᑦ ᐃᓕᓐᓂᐊᕈᑎᒃᓴᐅᓇᔭᖅᑐᑦ;
- ᐱᕚᓪᓕᕈᑎᒃᓴᖅ ᐊᑐᐃᓐᓇᖃᕐᓂᕐᒧᑦ ᓇᓗᓇᐃᖅᑕᐅᓯᒪᔪᓂᒃ ᐃᓐᓇᕐᓄᑦ ᐃᓕᓐᓂᐊᕈᑎᓂᒃ (ᐃᓕᓐᓂᐊᕕᖕᒦᓪᓗᑎᒃ, ᐃᖅᑲᓇᐃᔭᕐᕕᒦᓪᓗᑎᒃ, ᐊᒻᒪᓗ ᐱᓕᐊᒃᓴᓂᒃ ᑕᒪᒃᑮᔫᓐᓂᒃ ᐃᓕᓐᓂᐊᓂᕐᒥᒃ ᐊᒻᒪᓗ ᐃᖅᑲᓇᐃᔭᕐᓂᕐᒥᒃ);
- ᐱᕙᓪᓕᐊᒍᑎᒃᓴᑦ ᐊᑐᐃᓐᓇᖃᕐᓂᕐᒧᑦ ᐃᓕᓐᓂᐊᕕᒃᑰᖏᑦᑐᖅ, ᓄᓇᓕᑦᑎᒍᑦ ᐃᓐᓇᕐᓄᑦ ᐃᓕᓐᓂᐊᕈᑎᒃᓴᓂᒃ, ᐃᓚᒋᔭᐅᓗᑎᒃ ᐊᔾᔨᒌᓐᖏᑦᑐᑦ ᐱᓕᕆᐊᒃᓴᑦ ᑐᓐᖓᕕᓖᑦ ᐃᓄᐃᑦ ᐃᓕᖅᑯᓯᖓᓂᒃ;
- ᐊᑐᐃᓐᓇᐅᑎᑦᓯᒋᐊᒃᑲᓂᕐᓂᖅ ᐃᓘᓐᓈᒍᑦ ᐃᓄᒃᑎᑐᑦ ᐃᓕᓐᓂᐊᕈᑎᒃᓴᓂᒃ ᐃᓄᓐᓄᑦ, ᐃᓚᒋᔭᐅᓗᑎᒃ ᐊᔾᔨᒌᓐᖏᑦᑐᓂ ᐃᖅᑲᓇᐃᔭᕐᕕᖃᖅᑐᓂᒃ, ᐃᓕᓐᓂᐊᕕᖕᒦᑦᑐᓂᒃ, ᐊᒻᒪᓗ ᓄᓇᓕᒃᑎᒍᑦ ᐃᓕᓐᓂᐊᕈᑎᓂᒃ.
ᒪᑭᒋᐊᖅᑕ ᐊᖏᔪᒥᒃ ᐊᑐᕋᑦᓴᓕᐅᕐᓂᐊᖅᑐᖅ ᐊᑐᐃᓐᓇᖃᒃᑲᓐᓂᕈᑎᒃᓴᒥᒃ ᖁᑦᓯᓂᕐᓴᒥᒃ ᐃᖅᑲᓇᐃᔭᕐᕕᖕᒨᖓᔪᓂᒃ ᐃᓕᓐᓂᐊᕈᑎᒃᓴᓂᒃ, ᐃᓚᒋᔭᐅᓗᑎᒃ ᐃᓕᓐᓂᐊᑲᓐᓂᕈᑏᑦ, ᑐᕌᖓᔪᑦ ᐋᖅᑭᑦᓯᒪᔭᐅᔪᓄᑦ ᐃᓕᓐᓂᐊᕈᑎᒃᓴᓄᑦ ᐊᒃᑐᐊᔪᓄᑦ ᐊᑐᖅᑕᐅᔪᓄᑦ ᐊᒻᒪᓗ ᓴᖅᑭᐸᓪᓕᐊᔪᓄᑦ ᐃᖅᑲᓇᐃᔮᒃᓴᓄᑦ. ᑲᑐᔾᔨᖃᑎᒌᑦᓯᐊᕐᓂᖏᑦ ᐃᖅᑲᓇᐃᔭᖅᑏᑦ (ᒐᕙᒪᒃᑯᑦ ᐊᒻᒪᓗ ᓇᖕᒥᓂᕐᓱᖅᑐᑦ), ᐱᓕᖕᒪᐃᕖᑦ ᐊᒻᒪᓗ ᐊᐅᓚᑦᓯᖃᑎᒌᓐᓂᖅ, ᐊᒻᒪᓗ ᒐᕙᒪᓃᓐᖔᖅᑐᓕᒫᓂᒃ ᐊᑐᖅᑕᐅᒋᐊᓕᖕᓂᒃ ᑲᔪᓯᑎᑦᓯᒍᑎᒃᓴᒥᒃ ᑖᑦᓱᒥᖓ ᓴᖅᑭᖅᑐᒥᒃ ᐊᒻᒪᓗ ᐱᓇᓱᐊᕋᑦᓴᕆᔭᖏᓐᓄᑦ ᐱᓇᓱᐊᕋᑦᓴᓕᐊᖑᓯᒪᔪᓂᒃ.
ᐱᕚᓪᓕᕈᑎᒃᓴᑦ ᐃᓕᓐᓂᐊᑲᓐᓂᖅᑐᓄᑦ ᐊᒻᒪᓗ ᐱᓕᕆᒡᕕᒃᑯᑦ ᐱᓕᖕᒪᒃᓴᐅᑏᑦ ᐊᒃᑐᐊᔪᑦ ᐃᖅᑲᓇᐃᔭᕐᕕᒃᓴᓄᑦ ᐃᑲᔫᑕᐅᒃᑲᓂᕐᓂᐊᖅᑐᖅ ᐃᓄᐃᑦ ᐱᕙᓪᓕᐊᓂᖏᓐᓄᑦ ᐃᖅᑲᓇᐃᔮᖏᓐᓄᑦ, ᐱᓗᐊᖅᑐᒥ ᐅᓄᕐᓂᕐᓴᑦ ᐃᓄᐃᑦ ᐃᖅᑲᓇᐃᔭᓕᕐᓗᑎᒃ ᖁᑦᓯᓂᕐᓴᓂ ᐃᖅᑲᓇᐃᔮᓂ ᕿᓚᖕᒥᐅᓂᕐᓴᒃᑯᑦ. ᐊᑐᕋᑦᓴᓕᐅᕐᓂᖅ ᓇᓗᓇᐃᖅᑕᐅᓯᒪᔪᓂ ᐱᓕᕆᐊᓂ, ᒪᑭᒋᐊᖅᑕ ᖃᐅᔨᓇᓱᐊᕐᓂᐊᖅᑐᖅ ᑲᑐᔾᔨᓂᒃᑯᑦ ᐸᕐᓇᒋᐊᓚᐅᓐᖏᓐᓂᖏᓐᓂ ᐊᒻᒪᓗ ᐊᖏᕈᑎᖃᓚᐅᓐᖏᓐᓂᖏᓐᓂ ᒐᕙᒪᒃᑯᑦ ᐊᒻᒪᓗ ᓇᖕᒥᓂᕐᓱᖅᑐᑦ ᐃᖅᑲᓇᐃᔭᕐᕖᑦ ᐃᖅᑲᓇᐃᔭᖅᑎᒃᓴᒥᒃ ᐊᒻᒪᓗ ᐃᖅᑲᓇᐃᔮᒃᑯᑦ ᐱᕙᓪᓕᐊᔾᔪᑎᒃᓴᒥᒃ ᓄᒃᑎᐸᓪᓕᐊᓂᕐᒧᑦ ᐃᓕᓐᓂᐊᕌᓂᒍᒪᔪᓄᑦ ᐃᑲᔪᖅᑕᐅᔾᔪᑎᒃᓴᓂᒃ.
ᐱᓇᓱᐊᕋᑦᓴᖅ
- ᐊᑐᐃᓐᓇᖃᕐᓂᕐᓴᐅᖁᓪᓗᒋᑦ ᐃᓄᐃᑦ ᐃᖅᑲᓇᐃᔭᕐᕕᖕᓂ− ᐱᓕᕆᒡᕕᓐᓂᓗ− ᖁᑦᓯᓂᕐᓴᒥᒃ ᐱᓕᖕᒪᒃᓴᐅᑎᒃᓴᓂᒃ, ᐃᓚᒋᔭᐅᓗᑎᒃ ᐃᖅᑲᓇᐃᔭᕐᓯᓐᓈᑦ, ᐃᓕᓐᓂᐊᖅᑎᑕᐅᒋᐊᒃᑲᓐᓂᕈᑏᑦ, ᐊᒻᒪᓗ ᐃᓕᓐᓂᐊᕕᒃᑯᑦ ᐱᓕᕆᐊᑦᓴᐅᔪᑦ, ᑐᕋᐃᓐᓇᖅᑐᒥᒃ ᐊᒃᑐᐊᔪᑦ ᐃᖅᑲᓇᐃᔮᒃᓴᓄᑦ ᐊᒻᒪᓗ ᖁᑦᓯᓂᕐᓴᒨᕐᐸᓪᓕᐊᓂᕐᒥᒃ;
- ᐊᑕᖏᖅᑐᒥᒃ ᐊᑐᐃᓐᓇᖃᕐᓂᕐᓴᐅᒍᑎᒃᓴᖓᓂᒃ ᐃᓄᐃᑦ ᐃᓕᓐᓂᐊᑲᓐᓂᕈᑎᒃᓴᓂᒃ, ᓄᓇᕗᒻᒥ ᓯᓚᑖᓂᓗ, ᑐᕋᐃᓐᓇᖅᑐᒥᒃ ᐊᒃᑐᐊᔪᒥᒃ ᐃᖅᑲᓇᐃᔮᒃᓴᒧᑦ ᖁᑦᓯᓂᕐᓴᒨᕐᐸᓪᓕᐊᓂᕐᒧᓘᓐᓃᑦ;
- ᓴᕐᖓᑎᑦᓯᒋᐊᕐᓂᖅ ᐃᓕᓐᓂᐊᖅᑎᓄᑦ ᑮᓇᐅᔭᓕᑕᐅᒍᑕᐅᕙᑦᑐᓂᒃ; ᐊᒻᒪᓗ,
- ᐱᕚᓪᓕᕈᑎᒃᓴᑦ ᐊᑕᖐᔪᒥᒃ ᐃᑲᔫᑎᒃᓴᓂᒃ ᐃᓄᓐᓄᑦ ᐃᓕᓐᓂᐊᑲᓐᓂᖅᑐᓄᑦ ᐊᒻᒪᓗ ᖁᑦᓯᓂᕐᓴᒥᒃ ᐱᓕᖕᒪᒃᓴᖅᑐᓄᑦ ᐊᒻᒪᓗ ᐊᑐᐃᓐᓇᖃᕐᓂᕐᓴᐅᒍᑎᒃᓴᒥᒃ ᐃᑲᔪᖅᑕᐅᔾᔪᑎᒃᓴᓂᒃ ᑕᒪᒃᑯᓄᖓ.