ᐱᕙᓪᓕᐊᔪᑦ
ᑕᖕᒫᕐᕕᐅᑉ ᒥᒃᓵᓄᑦ ᐅᐊᖕᓇᕐᒥ ᐋᖅᓂᐊᕆᐅᒥ ᐃᓕᓐᓂᐊᕐᕕᒃ ᐃᓅᓕᓴᐃᓂᕐᒧᑦ, ᓄᓇᕗᒻᒥ ᒐᕙᒪᒃᑯᑦ, ᓄᓇᕗᒻᒥ ᓯᓚᑦᑐᖅᓴᕐᕕᒃ, ᐊᒻᒪᓗ ᓄᓇᕗᑦ ᑐᖖᒐᕕᒃᑯᑦ ᐱᓕᕆᖃᑎᒌᒃᐳᑦ ᑲᒪᒋᔭᖃᕐᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐃᖅᑲᓇᐃᔮᕆᔪᒪᔭᒥᓂᑦ ᑕᖕᒫᕐᕕᖕᒥ ᒪᒃᑯᒃᑐᓄᑦ* ᑕᖕᒫᕐᕕᒃ ᐱᓕᕆᐊᖑᓂᐊᖅᐳᖅ ᐃᖃᓗᖕᓂ ᐱᓇᓱᐊᕈᓯᐅᔪᒥ ᒪᐃ 6-10, 2019−ᒥ. ᑕᖕᒫᕐᕕᐅᑉ ᑐᙵᕕᒋᓂᐊᖅᑕᖓ ᓄᓇᕗᒻᒥ ᓯᓚᑦᑐᖅᓴᕐᕕᖕᒦᓐᓂᐊᖅᐳᖅ (NAC), ᑕᖕᒫᕐᕕᐅᑉ ᖃᓄᐃᓕᐅᕐᓂᖏᓐᓂ ᐱᓕᕆᐊᖑᓗᑎᒃ ᕿᑭᖅᑕᓂ ᐋᓐᓂᐊᕕᖓᓂ, ᐊᒻᒪᓗ ᓄᓇᕗᒻᒥ ᓯᓚᑦᑐᖅᓴᕐᕕᐅᑉ ᐱᓕᕆᙳᐊᕐᓂᐅᔪᒥ ᖃᐅᔨᓴᕐᕕᖓᓐᓂ ᐊᒻᒪ ᐃᓕᓐᓂᐊᕐᕕᐊᕈᓯᕐᓂᑦ. 20−ᓂ ᐃᓄᖕᓂ ᒪᒃᑯᒃᑐᓂ ᐅᑭᐅᖃᖅᑐᓂ 15−ᓂ ᐅᖓᑖᓄᓪᓗ ᑕᒪᒃᑭᓂ ᐊᕕᒃᑐᖅᓯᒪᔪᓂᑦ ᓄᓇᕗᒻᒥ ᐃᓚᐅᖃᑕᐅᓂᐊᖅᐳᑦ ᐱᓇᓱᐊᕈᓯᐅᔪᒥ ᑕᑭᓂᐅᔪᒥ ᑕᖕᒫᕐᓂᐅᔪᒥ ᐃᒪᐃᓕᐅᕐᓂᐊᖅᖢᑎᒃ: ᐱᕕᒃᓴᖃᕐᓗᑎᒃ ᐆᒃᑐᕐᓂᕐᒧᑦ ᐊᒡᒐᒥᑎᒍᑦ ᐃᓅᓕᓴᐃᓂᐅᔪᓂ ᐊᔪᙱᓐᓂᐅᔪᓂᑦ (ᒥᖅᓱᖅᐃᓂᕐᒥ, ᕿᑯᖅᓯᓂᕐᒥ, ᐊᒻᒪ ᐊᒥᓱᒃᑲᓐᓂᕐᓂ); ᐳᓚᕋᕐᓗᑎᒃ ᐊᒻᒪ ᕿᒥᕐᕈᓇᒡᓗᑎᒃ ᐃᓂᐅᔪᓂᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᔨᒻᒪᕆᐅᔪᓂ ᐱᓕᒻᒪᒃᓴᖅᐸᖕᓂᖏᓐᓂ ᐊᒻᒪ ᐃᖅᑲᓇᐃᔭᖅᖢᑎᒃ (ᓲᕐᓗ ᓄᓇᕗᒻᒥ ᓯᓚᑦᑐᖅᓴᕐᕕᒃ ᐊᒻᒪ ᕿᑭᖅᑕᓂ ᐋᓐᓂᐊᕕᖕᒥ); ᑲᑎᖃᑎᖃᕐᓗᑎᒃ ᒪᒃᑯᒃᑐᓂ ᓄᓇᕗᓕᒫᒥ ᐱᓕᕆᓂᖃᕈᒪᔪᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐃᖅᑲᓇᐃᔮᖃᕈᒪᔪᓂᑦ; ᑲᑎᖃᑎᖃᕐᓗᑎᒃ ᐃᓄᖕᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐱᓕᕆᔨᒻᒪᕆᐅᔪᓂ ᐊᒻᒪ ᐊᐱᖅᓱᕐᓗᒋᑦ ᐃᖅᑲᓇᐃᔮᖏᑕ ᒥᒃᓵᓄᑦ ᐊᒻᒪᓗ ᐱᓕᒻᒪᒃᓴᓚᐅᕐᓂᖏᓐᓄᑦ; ᐊᒻᒪᓗ ᖃᐅᔨᓗᑎᒃ ᖃᓄᐃᑦᑐᒥ ᐃᓕᓐᓂᐊᕐᓂᕐᒥ ᐊᒻᒪ ᐱᓕᒻᒪᒃᓴᕐᓂᐅᔪᒥ ᐱᔭᕆᐊᖃᕐᓂᖏᓐᓂ ᑕᒪᒃᑭᓄᑦ ᐊᔾᔨᒌᙱᑦᑐᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐃᖅᑲᓇᐃᔮᕆᔭᐅᔪᓄᑦ (ᓄᓇᓕᖕᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᒐᖅᑐᐃᔨᐅᔪᒥ ᐃᖃᐃᓕᓴᐃᔨᐅᑉ ᐃᑲᔪᖅᑎᖓᓄᑦ, ᐃᓗᐊᖅᓴᐃᔨᒥ ᓘᒃᑖᒧᑦ ᐅᕝᕙᓘᓐᓃᑦ ᑎᑎᕋᖅᑎ ᑐᓵᔨᐅᓂᕐᒧᑦ) ᐸᕐᓇᐃᔪᓐᓇᕐᓂᐊᕐᒪᑕ ᐃᓕᓐᓂᐊᕐᓂᕆᓛᖅᑕᒥᓂᑦ…
ᐊᐅᓪᓛᖃᑎᖃᕐᓗᓂ ᒪᕐᕉᖕᓂ−ᐱᖓᓱᓄᑦ ᒪᒃᑯᒃᑐᓄᑦ ᓄᓇᓕᖕᓂ ᐃᖃᓗᖕᓄᑦ ᒪᒃᑯᒃᑐᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᖅᑲᓇᐃᔮᕆᔭᐅᔪᒪᔪᓄᑦ ᑕᖕᒫᕐᕕᖕᒥ! ᐅᐊᖕᓇᕐᒥ ᐋᖅᓂᐊᕆᐅᒥ ᐃᓕᓐᓂᐊᕐᕕᒃ ᐃᓅᓕᓴᐃᓂᕐᒧᑦ, ᓄᓇᕗᒻᒥ ᒐᕙᒪᒃᑯᑦ, ᓄᓇᕗᒻᒥ ᓯᓚᑦᑐᖅᓴᕐᕕᒃ, ᐊᒻᒪᓗ ᓄᓇᕗᒻᒥ ᑐᖖᒐᕕᒃᑯᑦ ᐱᓕᕆᖃᑎᒌᒃᐳᑦ ᑲᒪᒋᔭᖃᕐᓂᕐᒧᑦ: ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐃᖅᑲᓇᐃᔮᕆᔪᒪᔭᒥᓂᑦ ᑕᖕᒫᕐᕕᖕᒥ ᒪᒃᑯᒃᑐᓄᑦ* ᑐᒃᓯᕋᐅᑎᒧᑦ ᑕᑕᑎᕆᐊᓕᒃ ᐱᔭᐅᔭᕆᐊᓕᒃ ᒫᔾᔨ 29, 2019−ᒥ
(ᔫᓂ 12, 2018 – ᐃᖃᓗᐃᑦ, ᓄᓇᕗᑦ) ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᒃᑯᑦ ᑲᑎᒪᔨᖏᑦ ᑲᑎᒪᓚᐅᕐᒪᑕ ᐃᖃᓗᓐᓂ ᐋᔩᕋᕈᑎᖃᖅᑐᑎᒃ ᕿᒥᕐᕈᓪᓗᑎᓪᓗ ᑐᒃᓯᕋᐅᑎᓂᒃ ᒪᑐᐃᖓᔪᒥᒃ ᐱᓕᕆᐊᒃᓴᓄᑦ ᓇᓗᓇᐃᔭᐃᓂᕐᒧᑦ ᐱᔪᒐᕐᓴᐅᑎᓂᒃ ᑐᓂᔭᐅᓚᐅᖅᑐᓂᒃ 2017 ᐅᑭᐊᑦᓵᖓᓂ. 9 ᑐᒃᓯᕋᐅᑏᑦ ᐊᖏᖅᑕᐅᓚᐅᖅᑐᑦ ᐊᒻᒪᓗ ᒪᑭᒋᐊᖅᑕ ᑐᑭᒧᐊᒍᑎᒃᓴᖏᓐᓄᑦ ᓯᑕᒪᓄᑦ ᓯᕗᓪᓕᕐᐸᐅᔾᔭᐅᔭᕆᐊᓕᓐᓄᑦ ᓇᓕᖅᑯᑦᓯᔪᑦ: ᒥᑭᓂᖏᓐᓂ ᐃᓕᓐᓂᐊᕆᐊᖃᑦᑕᓂᕐᒧᑦ ᐊᐅᓚᔾᔪᑎᒃᓴᑦ, ᐃᓘᓐᓈᒍᑦ ᐃᑲᔫᑎᒃᓴᑦ ᑲᔪᓯᐊᑦᓯᕈᑎᒃᓴᓄᑦ ᐃᓕᓐᓂᐊᓂᕐᒧᑦ, ᑐᓐᖓᕕᓕᐊᖑᓯᒪᔪᑦ ᐊᔪᕈᓐᓃᕐᓴᐅᑎᒃᓴᖏᓐᓄᑦ ᐃᓐᓇᐃᑦ, ᐊᒻᒪᓗ ᖁᑦᓯᓂᕐᓴᒥᒃ ᐱᓕᖕᒪᒃᓴᐅᑎᒃᓴᑦ ᐊᒻᒪᓗ ᐃᓕᓐᓂᐊᑲᓐᓂᓂᒃᑯᑦ ᐃᖅᑲᓇᐃᔭᕐᕕᒃᓴᓪᓗᐊᑕᑦ. ᐅᑯᐊ ᑲᑐᔾᔨᖃᑎᒌᑦ ᐊᖏᖅᑕᐅᓚᐅᖅᑐᑦ: ᐱᖓᓱᓄᑦ−ᐊᕐᕌᒍᓄᑦ ᐱᓕᕆᐊᒃᓴᑦ; ᑲᔾᔮᕆᐊᖅᑐᕐᕕᓕᕆᔩᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ ᓄᓇᕗᒻᒥ ᐃᖃᓗᓕᕆᓂᕐᒧᑦ ᑕᕆᐅᓕᕆᓂᕐᒧᓪᓗ ᑲᑐᔾᔨᖃᑎᒌᑦ ᑲᔪᖏᕐᓴᐅᑎᖏᑦ ᓄᓇᕗᑦ ᓄᓇᕗᒻᒥ ᐊᐅᓚᔫᓕᐅᕆᔩᑦ ᑯᐊᐳᕇᓴᓐ ᖃᔪᖅᑐᕐᕕᒃ ᒪᕐᕉᓄᑦ−ᐊᕐᕌᒍᓄᑦ ᐱᓕᕆᐊᒃᓴᑦ; ᓄᓇᕗᑦ ᓯᕗᓂᒃᓴᕗᑦ ᖁᕐᓗᖅᑐᖅ ᕼᐊᒻᓚᒃᑯᖏᑦ ᐊᑕᐅᓯᕐᒧᑦ−ᐊᕐᕌᒍᒧᑦ ᐱᓕᕆᐊᒃᓴᑦ; ᓄᓇᕗᒻᒥ Hitmakerz ᐱᓕᕆᐊᖑᔪᓂᒃ ᖃᐅᔨᒪᔨᑕᑦ “ᒪᑭᒋᐊᖅᑕ ᖁᕕᐊᒋᔭᓕᒃ ᐱᕙᓪᓕᐊᓯᒪᓂᐅᔪᒥᒃ ᒫᓐᓇᒧᑦ. ᒫᓐᓇ ᐃᖅᑲᓇᐃᔭᖅᑎᖃᑦᓯᐊᓕᖅᑐᒍᑦ ᐃᑲᔪᕐᓯᓂᐊᖅᑐᓂᒃ ᐊᔭᐅᖅᑐᐃᓂᐊᖅᑐᓂᓪᓗ ᐱᕚᓪᓕᕈᑎᒃᓴᓂᒃ ᐃᓄᓐᓄᑦ ᓯᕗᓕᖅᑕᐅᔪᓂᒃ ᐱᓕᕆᐊᒃᓴᓂᒃ, ᓂᕆᐅᒋᑦᓯᐊᑕᒃᑲ ᑕᑯᓂᐊᕆᐊᖏᑦ ᐱᓇᓱᐊᒐᑦᑎᒍᑦ ᓴᖅᑭᖅᑕᐅᔪᑦ ᐊᔪᓐᖏᑦᑐᓄᑦ ᐃᓄᐃᑦ ᐊᐅᓚᑕᖏᓐᓄᑦ ᑲᑐᔾᔨᖃᑎᒌᓄᑦ ᓄᓇᕗᓕᒫᒥ,” ᐅᖃᖅᑐᖅ ᑐᓐᖓᕕᒃᑯᑦ ᐊᖓᔪᖅᑳᖓ, ᐊᓗᑭ ᑰᑦᑎᖅ. “ᓄᓇᕗᑦ ᒐᕙᒪᖓ ᖁᕕᐊᒋᔭᓕᒃ ᐱᕙᓪᓕᐊᓂᖓᓂᒃ ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᒃᑯᑦ. ᑯᐊᐳᕇᓴᒃᑯᑦ ᐱᓕᕆᐊᖏᑦ ᑲᔪᓯᕙᓪᓕᐊᓂᖏᑎᒍᑦ, ᒐᕙᒪᒃᑯᑦ ᓂᕆᐅᒋᔭᓖᑦ ᐱᕚᓪᓕᕈᑎᒃᓴᖅᑕᖃᒃᑲᓂᕐᓂᐊᕐᓂᖓᓂᒃ ᖁᑉᕙᑲᓐᓂᕈᑎᒃᓴᒥᒃ ᐃᓕᓐᓂᐊᓂᕐᒧᑦ ᐱᓕᖕᒪᓴᕐᓂᒧᓪᓗ ᓇᓖᕌᕐᕕᒃᓴᖏᓐᓂᒃ ᐃᓄᐃᑦ…
(ᔭᓐᓄᐊᕆ 29, 2018 – ᐃᖃᓗᐃᑦ, ᓄᓇᕗᑦ) ᒪᑭᒋᐊᖅᑕᒃᑯᑦ ᐃᓄᖕᓂ ᐃᓕᓴᐃᓂᕐᒧᑦ ᑯᕆᐳᕇᓴᒃᑯᑦ ᑲᑎᒪᔨᖏᑦ ᑲᑎᒪᓚᐅᕐᒪᑕ ᐃᖃᓗᖕᓂ ᐱᓇᓱᐊᕈᓯᐅᓚᐅᖅᑐᒥᒃ ᑲᑎᒪᔾᔪᑎᖃᖅᑐᑎᒃ ᐊᒻᒪᓗ ᕿᒥᕐᕈᓪᓗᑎᒃ ᐱᓕᕆᔾᔪᑎᒃᓴᓂᒃ ᑐᒃᓯᕋᕈᑎᓕᐊᖑᓯᒪᔪᒥᓂᕐᓂᒃ ᐃᓱᒪᒋᔭᐅᓯᒪᔪᓄᑦ ᑖᒃᑯᐊᓗ ᐅᖃᐅᓯᐅᓚᐅᕐᓯᒪᓪᓗᑎᒃ ᐊᒃᑐᕙ 2017-ᖑᓪᓗᒍ. ᑖᓐᓇᓕ ᓯᕗᓪᓕᖅᐹᖑᓯᒪᔪᖅ ᑐᒃᓯᕋᕈᑎᓕᐅᖁᔨᓯᒪᓪᓗᑎᒃ ᑕᐃᒪᙵᓂᒃ ᐱᙳᖅᑎᑕᐅᔪᒻᒪᑕ ᒪᐃ 2015-ᖑᑎᓪᓗᒍ. ᑐᒃᓯᕋᕈᑎᓕᐅᕐᑐᑦ ᐊᒥᓲᓚᐅᕐᓂᖏᓐᓄᑦ, ᒪᑭᒋᐊᖅᑕᒃᑯᑦ ᑭᖑᕙᕆᐊᖅᑎᑦᑎᒋᐊᖃᓕᓚᐅᕐᑐᑦ ᐱᓕᕆᐊᒃᓴᐅᔪᒪᔪᓂᒃ ᐊᒻᒪᓗ ᕿᒥᕈᔪᒫᕐᑐᑎᒃ ᐊᐅᔭᐅᓕᕐᐸᑦ.ᐃᖅᑲᓇᐃᔭᕐᑎᑖᕆᐊᖃᓐᓂᖏᓐᓄᑦ ᐱᕕᒃᓴᖃᖅᑎᑕᐅᕕᒋᔭᖓᑦ ᐃᖅᑲᓇᐃᔭᕐᑎᑖᒃᑲᓐᓂᕋᓱᐊᕐᓗᑎᒃ, ᒪᑭᒋᐊᖅᑕᒃᑯᑦ ᐃᑲᔪᕈᓐᓇᑦᑎᐊᓐᓂᕐᓴᐅᖁᓪᓗᒋᑦ ᑎᒥᐅᔪᓂᒃ ᐱᔭᕇᔭᐃᓂᖃᖅᑐᓂᒃ ᓄᓇᕗᖕᒥ ᐃᓄᐃᑦ ᐃᖅᑲᓇᐃᔮᖅᑖᕈᓐᓇᓂᕐᒧᑦ. ᒪᑭᒋᐊᖅᑕᒃᑯᑦ ᓯᑕᒪᑦ ᐅᐸᓗᖓᐃᔭᐅᑎᒃᑯᑦ ᓯᕗᓪᓕᖅᐸᐅᑎᑕᖏᑦ ᐅᑯᐊᖑᕗᑦ; ᐃᓕᓐᓂᐊᕆᐊᕆᐅᕈᒫᓕᕐᑐᓄᑦ ᐃᓕᓐᓂᐊᕈᑎᒃᓴᑦ, ᐱᔨᑦᑎᕐᑐᑦ ᐱᕚᓪᓕᕈᑕᐅᒐᔭᕐᑐᓂᒃ ᐃᑲᔪᕐᓯᒍᑎᖃᓪᓗᑎᒃ ᑲᔪᓯᑦᑎᐊᕈᑕᐅᔪᓐᓇᕋᔭᕐᑐᓂᒃ ᐃᓕᓐᓂᐊᓕᓵᖅᑐᓄᑦ ᒍᕋᐃᑦ 12-ᒧᑦ ᑎᑭᓪᓗᒍ ᐊᒻᒪᓗ ᐅᖔᑖᓄᑦ, ᐱᖃᓯᐅᑎᓗᒋᑦ ᐃᑲᔪᕐᓯᕈᑕᐅᕙᒃᑐᑦ ᐃᓚᔮᖏᓐᓂᒃ, ᐊᒻᒪᓗ ᐃᓕᓐᓂᐊᕐᕕᓂ, ᑐᙵᕕᐅᔪᓐᓇᕐᑐᑦ ᖃᐅᔨᒪᓂᖅᑖᖑᕙᓪᓕᐊᒋᐊᓖᑦ ᐃᓐᓇᕐᓄᑦ, ᐊᒻᒪᓗ ᐱᔭᓐᓂᖏᓐᓂᕐᓴᓂᒃ ᐃᓕᓴᐃᒍᑎᑦ ᐊᒻᒪᓗ ᓯᓚᑦᑐᓴᕐᕕᖕᒥ ᐃᓕᓴᒍᑎᑦ ᐃᖅᑲᓇᐃᔮᕐᑖᕈᓐᓇᖁᓪᓗᒍ ᐱᒻᒪᕆᐅᔪᓂᒃ ᐱᓕᕆᕕᓂ. ᒪᑭᒋᐊᖅᑕᒃᑯᑦ ᐱᙳᖅᑎᑕᐅᓚᐅᕐᓯᒪᔪᑦ ᐊᑑᑎᖃᖅᑎᑕᐅᓪᓗᑎᒃ $175 ᒥᓕᐊᓐ ᑮᓇᐅᔭᑦ ᐱᔭᐅᓚᐅᕐᓯᒪᔪᑦ ᐋᖅᑭᖃᑎᒌᓐᓂᕐᒧᑦ ᐊᖏᖃᑎᖃᖅᑐᑎᒃ ᑲᓇᑕᐅᑉ ᒐᕙᒪᒃᑯᖏᓐᓂᒃ. ᑮᓇᐅᔭᑦ ᐊᑑᑎᖃᖅᑎᑕᐅᓂᐊᕐᑐᑦ ᐃᑲᔪᕈᑕᐅᓗᑎᒃ ᐱᕙᓪᓕᐊᑎᑕᐅᓂᐊᕐᑎᓪᓗᒋᑦ ᐃᓄᖕᓄᑦ ᑐᕌᖓᔪᑦ ᐃᓕᓴᒍᑎᒃᓴᑦ ᐊᒻᒪᓗ ᐃᖅᑲᓇᐃᔮᖃᓐᓂᕐᒧᑦ ᐱᓕᕆᔾᔪᑎᒃᓴᑦ. ᒪᑭᒋᐊᖅᑕᒃᑯᑦ ᑐᕌᒐᖃᒻᒪᑕ ᐃᓄᐃᑦ ᐃᖅᑲᓇᐃᔭᕐᑐᑦ ᒐᕙᒪᒃᑯᓐᓂᒃ ᐊᒻᒪᓗ ᓇᖕᒥᓂᖅ ᐱᓕᕆᕕᐅᔪᓂ ᐃᓄᐃᑦ ᐃᓄᒋᐊᓐᓂᖏᑦ ᒪᓕᓪᓗᒋᑦ ᐅᓄᕐᓂᖃᕆᐊᖃᕐᒪᑕ. -30- ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᖃᐅᔨᒋᐊᕈᓐᓇᕐᐳᑎᑦ: ᑭᐅᕋᓐ ᕙᓚᐅᕋᑎ ᑐᑭᒧᐊᒃᑎᑦᑎᔨᐅᑲᐃᓐᓇᕐᑐᖅ ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ ᓄᓇᕗᑦ…