ᒪᑭᒋᐊᖅᑕ ᐃᓄᐃᑦ ᐱᓕᒻᒪᒃᓴᐅᑎᖏᓐᓄᑦ ᑯᐊᐳᕇᓴᓐ

ᔫᓂ 29, 2017 – ᐃᖃᓗᐃᑦ, ᓄᓇᕗᑦ ᒪᑭᒋᐊᖅᑕ ᐃᓄᐃᑦ ᐱᓕᒻᒪᒃᓴᐅᑎᖏᓐᓄᑦ ᑯᐊᐳᕇᓴᓐ ᑲᑎᒪᔨᖏᑦ ᑲᑎᒪᖅᑲᐅᒻᒪᑕ ᐅᓪᓗᒥ ᐊᒻᒪᓗ ᐊᖏᕈᑎᖃᖅᑐᑎᒃ ᖃᓂᒋᔮᓂ $1.5 ᒥᓕᔭᓐ ᑮᓇᐅᔭᓖᓂᕐᒥᒃ ᓯᑕᒪᓄᑦ ᐃᓄᓐᓅᖓᔪᓂᒃ ᐱᓕᖕᒪᒃᓴᐃᓂᖃᖃᑦᑕᖅᑐᓂᒃ. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᐱᕈᕐᕕᒃ, ᐃᓕᑕᕐᓯᓂᖅ − ᓄᓇᕗᒻᒥ ᑎᑎᖅᑭᕆᔩᑦ ᑲᑎᒪᔨᖏᑦ ᐊᒻᒪᓗ ᑐᒥᑯᓗᐃᑦ ᓴᐃᐹᕿᕕᒃ ᑐᓂᔭᐃᓐᓇᐅᖅᑲᐅᔪᑦ ᑮᓇᐅᔭᓂᒃ ᑐᒃᓯᕋᐅᑎᓄᑦ ᐃᑲᔫᑎᖃᕐᓂᐊᖅᑐᓂᒃ ᒪᑭᒋᐊᖅᑕ ᐱᓇᓱᐊᕋᑦᓴᖏᓐᓂᒃ ᐱᕚᓪᓕᑎᑦᓯᓂᕐᒥᒃ ᐸᕐᓇᑕᐅᓯᒪᓂᖏᓐᓂᒃ ᓄᓇᕗᑦ ᐃᓄᐃᑦ ᒐᕙᒪᓄᑦ ᐊᒻᒪᓗ ᐊᓯᖏᓐᓄᑦ ᐃᖅᑲᓇᐃᔮᓄᑦ.

ᑲᑎᒪᔩᑦ ᐊᖏᕈᑎᖃᖅᑲᐅᒻᒥᔪᑦ ᐊᕐᕌᒍᑕᒫᕐᓯᐅᒻᒥᒃ ᐱᓕᕆᐊᒃᓴᓄᑦ ᐸᕐᓇᐃᑎᒥᓐᓂᒃ, ᐃᓚᒋᔭᐅᓪᓗᑎᒃ ᓴᖅᑮᓂᖅ ᐃᖅᑲᓇᐃᔮᑦᓴᒥᒃ ᖃᐅᑕᒪᖅᑕᖅᑎᒧᑦ ᑯᐊᐳᕇᓴᒃᑯᓐᓂ. ᓄᓇᕗᑦ ᑐᓐᖓᕕᒃ ᑎᒥᖓ (ᑐᓐᖓᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ, ᐃᒃᓯᕙᐅᑕᐅᔪᖅ ᑲᑎᒪᔨᓄᑦ, ᐅᖃᖅᑲᐅᔪᖅ ᒪᑭᒋᐊᖅᑕ ᐱᕙᓪᓕᕐᓯᒪᔪᒻᒪᕆᐅᓂᖓᓂᒃ ᑎᒥᓐᖑᖅᑎᑕᐅᓚᐅᕐᓯᒪᒻᒪᓂᒃ ᑕᖅᑮᑦ 18 ᓈᓕᖅᑐᑦ. “ᒪᑭᒋᐊᖅᑕ ᐊᔾᔨᐅᔪᖁᑎᑦᓯᐊᕙᐅᔪᖅ ᖃᓄᖅ ᓄᓇᕗᑦ ᐃᓄᐃᑦ ᐊᒻᒪᓗ ᒐᕙᒪᕗᑦ ᐱᓇᓱᐊᖃᑎᒋᔭᕗᑦ ᐃᖅᑲᓇᐃᔭᖃᑎᒌᓐᓂᖏᓐᓂᒃ ᐊᔾᔨᐅᖏᑦᑐᓂ ᐱᓇᓱᐊᕐᓂᕐᒥᒃ ᐊᔪᕈᓐᓃᕐᓴᐅᑎᒃᓴᓂ ᐃᓄᓐᓄᑦ ᐊᔪᕈᓐᓃᖁᓪᓗᒋᑦ ᐸᕐᓇᓯᒪᓗᑎᓪᓗ ᐃᖅᑲᓇᐃᔮᒧᑦ. ᐃᓛᒃ ᒪᑭᒋᐊᖅᑕ ᓄᑖᖑᒻᒪᑦ ᓱᓕ, ᐊᑐᕋᑦᓴᓕᐅᕐᐸᓪᓕᐊᓕᖅᑐᒍᑦ ᓯᕗᓪᓕᐅᔾᔭᐅᔭᕆᐊᓕᖁᑎᑦᑎᓐᓂ ᐊᒻᒪᓗ ᑐᓐᖓᕕᓕᐅᕐᓯᒪᓕᖅᑐᒍᑦ ᐱᓕᕆᐊᒃᓴᓄᑦ ᐊᑯᓂᐅᔪᒧᑦ ᐋᖅᑭᑦᓯᒪᔪᓂᒃ ᐊᑐᕋᑦᓴᓂᒃ ᐃᓄᓐᓄᑦ,” ᐅᖃᖅᑐᖅ ᑰᑦᑎᖅ.

“ᓄᓇᕗᑦ ᒐᕙᒪᖓ ᐅᐱᒍᓱᑦᓯᐊᖅᑐᓂ ᐱᓇᓱᐊᖃᑕᐅᔪᖅ ᒪᑭᒋᐊᖅᑕᒥ. ᐃᓄᖕᓂᒃ ᐱᔨᑦᓯᖅᑏᑦ ᐊᖏᕈᑎᖃᕐᓯᒪᔪᑦ ᐱᓇᓱᐊᒐᖓ ᐊᑑᑎᖃᑦᓯᐊᕋᓗᐊᕐᒪᖔᖅ ᐃᑲᔫᑎᖃᕐᓗᓂ ᐃᓄᓐᓂᒃ ᐊᑯᓂᐅᔪᒧᑦ ᐋᖅᑭᑦᓯᒪᔪᒥᒃ ᐊᔪᕈᓐᓃᓴᕐᐸᓪᓕᐊᒍᑎᒃᓴᖏᓐᓂᒃ ᐊᒻᒪᓗ ᐃᖅᑲᓇᐃᔮᖅᑖᐸᓪᓕᐊᓂᖏᓐᓄᑦ. ᐅᓄᖅᑐᑦ ᖁᔭᓐᓇᒦᕈᑎᒃᓴᕆᕙᕗᑦ ᐱᓇᓱᐊᖃᑎᒋᔭᑦᑎᓐᓄᑦ ᑲᔪᓯᑦᓯᐊᕈᓐᓇᓚᐅᕐᒪᑦ ᑲᑎᒪᓂᕗᑦ, ᐊᒻᒪᓗ ᐃᓂᓪᓚᐃᕙᓪᓕᐊᓂᕐᒥᒃ ᓴᓐᖏᓂᓕᒻᒥᒃ ᐊᖅᑯᑎᒃᓴᒥᒃ ᓯᕗᒧᐊᒃᐸᓪᓕᐊᒍᑎᒃᓴᒥᒃ,” ᐅᖃᖅᑐᖅ ᓯᕗᓕᖅᑎ ᐲᑕ ᑕᑉᑑᓇ.

ᒪᑭᒋᐊᖅᑕ ᓴᖅᑭᖅᑕᐅᓚᐅᖅᑐᖅ ᐊᑐᖅᑕᐅᓪᓗᑎᒃ $175 ᒥᓕᔭᓐ ᑮᓇᐅᔭᓕᑕᐅᒍᑎᖏᑦ ᐊᑭᓖᒍᑎᖏᑦ ᐊᖏᖃᑎᒌᒍᑎᒃᑯᑦ ᑲᓇᑕ ᒐᕙᒪᖓᓂᒃ. ᑮᓇᐅᔭᑦ ᐊᑐᖅᑕᐅᓂᐊᖅᑐᑦ ᐃᑲᔫᑕᐅᓗᑎᒃ ᐱᕙᓪᓕᐊᑎᑦᓯᓂᕐᒥᒃ ᐊᐅᓚᑦᓯᓂᕐᒥᓪᓗ ᐃᓄᓐᓅᖓᔪᓂᒃ ᐃᓕᓐᓂᐊᓂᕐᒧᑦ ᐃᖅᑲᓇᐃᔮᓄᓪᓗ ᐱᓕᕆᐊᒃᓴᓂᒃ ᑎᑭᐅᑎᒍᑎᒃᓴᖓᓂᒃ ᐃᓄᐃᑦ ᐃᖅᑲᓇᐃᔭᖅᑐᑦ ᒐᕙᒪᓂ ᓇᖕᒥᓂᕐᓱᖅᑐᓂᓗ ᐃᖅᑲᓇᐃᔮᓖᑦ ᑐᕌᒐᓕᐊᖑᓯᒪᔪᒧᑦ. ᒪᑭᒋᐊᖅᑕ ᖃᐅᔨᓴᕐᓂᐊᕐᒥᔪᖅ ᐋᖅᑭᑦᑕᐅᓯᒪᓂᖓᑕ ᐊᓯᔾᔨᕆᐊᖃᕐᓂᖏᓐᓂᒃ ᑲᔪᖏᕐᓴᐃᒍᑎᒃᓴᓂᒃ ᐊᒻᒪᓗ ᐃᑲᔫᑎᒃᓴᓂᒃ ᐃᓄᓐᓂᒃ ᐃᖅᑲᓇᐃᔭᖅᑐᓂᒃ. ᑲᑎᒪᔨᓄᑦ ᐃᓚᒋᔭᐅᔪᑦ ᑐᓐᖓᕕᒃᑯᑦ ᓯᕗᓕᖅᑏᑦ ᑲᑎᒪᔨᕋᓛᖏᑦ, ᐊᒻᒪᓗ ᓯᕗᓕᖅᑎ ᐲᑕ ᑕᑉᑑᓇ ᐊᒻᒪᓗ ᐃᓕᓐᓂᐊᕐᓂᓕᕆᓂᕐᒧᑦ ᒥᓂᔅᑕ ᐹᓪ ᖁᐊᓴ.

 

Kerry McCluskey

Director of Communications

Nunavut Tunngavik Incorporated

Tel: (867) 975-4914 Toll-free: 1-888-646-0006 Cell: (867) 222-2893

kmccluskey@tunngavik.com

www.tunngavik.com

 

Cate Macleod

Director of Communications

Department of Executive and Intergovernmental Affairs

Government of Nunavut

Tel: (867) 975-6049

cmacleod@gov.nu.ca

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᑭᐅᕆ ᒪᖃᓪᔅᑭ
ᐊᐅᓚᑦᓯᔨ, ᑐᓴᐅᒪᔪᓕᕆᔨᒃᑯᑦ
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:(867) 975-4914
ᐅᖓᓯᒃᑐᒥᒃ ᐊᑭᖃᖏᑦᑐᖅ:1-888-646-0006