ᓄᓇᕗᑦ ᒪᕐᕉᖕᓂᒃ ᐅᖃᐅᓰᖕᓂᒃ ᐊᑐᕐᓗᑎᒃ ᐃᓕᓐᓂᐊᖅᑎᑦᑎᓂᕐᒥᒃ ᑲᑎᒪᔩᑦ (NBES)
ᓄᓇᕗᒻᒥ ᒪᕐᕉᓐᓂᒃ ᐅᖃᐅᓯᖃᕐᓗᓂ ᐃᓕᓐᓂᐊᕐᓂᓕᕆᔨᒃᑯᑦ ᓴᓴᐃᔭᑎ (NBES) ᓄᓇᓕᑦᑎᒎᖓᔪᖅ, ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᓴᓴᐃᔭᑎ ᓴᖅᑭᖅᑕᐅᓚᐅᖅᑐᑦ 2003-ᒥ. NBES ᓴᖅᑭᖅᑕᐅᓚᐅᖅᑐᖅ ᑲᑐᔾᔨᖃᑎᒌᓄᑦ ᓄᓇᕗᒻᒥ ᐃᓕᓴᐃᔨᓄᑦ, ᐃᓕᖅᑯᓯᕐᒥᒃ ᐱᕚᓪᓕᑎᑦᓯᔨᐅᔪᓄᑦ, ᐊᒻᒪᓗ ᐅᓂᒃᑳᖅᑎᓄᑦ ᐃᓱᒫᓗᒋᔭᓕᓐᓄᑦ ᔭᒐᔾᔭᐃᖅᓯᒪᔭᐅᒋᐊᖃᕐᓂᖓᓂᒃ, ᓴᐳᔾᔭᐅᓯᒪᒋᐊᖃᕐᓂᖓᓂᒃ ᐊᒻᒪᓗ ᐱᕚᓪᓕᕈᑎᒃᓴᒥᒃ ᐃᓄᐃᑦ ᐅᓂᒃᑳᖏᓐᓂᒃ ᐊᒻᒪᓗ ᐅᓂᒃᑲᐅᓯᖏᓐᓂᒃ, ᐃᓕᖅᑯᓯᕐᒥᒃ ᖃᐅᔨᒪᓂᖏᓐᓂᒃ, ᐊᒻᒪᓗ ᐅᖃᐅᓯᕐᒥᒃ.
ᓄᓇᕗᒻᒥ ᒪᕐᕉᓐᓂᒃ ᐅᖃᐅᓯᖃᕐᓗᓂ ᐃᓕᓐᓂᐊᕐᓂᓕᕆᔨᒃᑯᑦ ᓴᓴᐃᔭᑎ ᐊᐅᓚᑦᓯᓂᐊᖅᑐᑦ ᐱᓕᕆᐊᒥᓂᒃ ᑕᐃᔭᐅᔪᒥᒃ “ᓴᕐᖓᑎᑦᓯᓂᖅ ᐅᖃᐅᓯᕐᒥᒃ ᑎᑎᕋᕐᓂᒃᑯᑦ ᐅᓂᒃᑳᖃᑦᑕᓂᒃᑯᓪᓗ”.
ᑐᕌᒐᑦ ᐱᓕᕆᐊᒃᓴᒧᑦ ᐃᒪᐃᓕᖓᔪᑦ:
- ᐃᓕᓴᐃᖃᑦᑕᕐᓗᓂ ᑐᓂᔭᐅᖔᕈᓐᓇᖅᑐᓂᒃ ᑎᑎᕋᕈᓐᓇᓂᕐᒧᑦ ᐃᓄᐃᑦ ᐃᓐᓇᖏᓐᓄᑦ, ᐱᓕᕆᔾᔪᑎᒃᓴᑖᖅᑎᓯᒪᓗᒋᑦ ᐊᐅᓚᔾᔪᑎᒃᓴᓪᓗᐊᑕᐅᒋᐊᓕᓐᓂᒃ ᓯᕗᒧᐊᒍᑎᒃᓴᖏᓐᓂᒃ ᐃᖅᑲᓇᐃᔮᖏᓐᓄᑦ ᐃᓕᓐᓂᐊᕈᑎᒃᓴᖏᓐᓄᓪᓗ;
- ᓇᓗᓇᐃᖅᓯᒪᔪᒥᒃ ᐱᓕᖕᒪᒃᓴᐅᑎᖃᖅᑎᓪᓗᒋᑦ ᐊᒻᒪᓗ ᐃᑲᔪᖅᓱᕐᓗᒋᑦ ᐃᓄᐃᑦ ᑎᑎᕋᖅᑎᒻᒪᕆᐅᒍᓐᓇᖅᓯᖁᓪᓗᒋᑦ; ᐃᑲᔪᕐᓗᒋᑦ ᐃᖅᑲᓇᐃᔮᑦᓴᒧᑦ ᐱᕙᓪᓕᐊᓂᖃᖁᓪᓗᒋᑦ ᑎᑎᕋᖅᑎᐅᓂᕐᒧᑦ ᑐᓂᓯᓯᒪᓂᒃᑯᑦ ᐱᓕᕆᕝᕕᖕᒨᖓᔪᓂᒃ ᐃᓕᓐᓂᐊᑎᑦᓯᒍᑎᓂᒃ ᐊᒻᒪᓗ ᐃᓕᓐᓂᐊᑲᓐᓂᕈᑎᒃᓴᖏᓐᓂᒃ ᑐᕋᐃᓐᓇᖅᑐᒥᒃ ᐊᒃᑐᐊᔪᒥᒃ ᐃᖅᑲᓇᐃᔮᒧᑦ ᐊᒻᒪᓗ ᐊᔪᕈᓐᓃᖅᓴᐅᑎᒃᑯᑦ ᐃᓕᓐᓂᐊᖅᓯᒪᓂᒃᑯᑦ ᖁᕝᕙᐸᓪᓕᐊᒍᑎᒃᓴᖏᓐᓂᒃ;
- ᐃᑲᔪᕆᐊᒃᑲᓂᕐᓗᒋᑦ ᐊᒻᒪᓗ ᐱᕚᓪᓕᕈᑎᒃᓴᓂᒃ ᐃᓄᒃᑎᑐᑦ ᐅᖃᐅᓯᓕᕆᓂᕐᒧᑦ ᑎᑎᖅᑭᕆᓂᕐᒧᑦ, ᑎᑎᕋᕆᐅᖅᓴᐅᑎᓂᒃ ᐃᓕᓴᒍᑎᒃᓴᖏᓐᓂᒃ, ᐊᒻᒪᓗ ᐃᓕᓐᓂᐊᖅᑎᑕᐅᓗᑎᒃ ᐃᓄᒃᑎᑐᑦ, ᐱᓕᕆᖃᑕᐅᓗᑎᒃ ᓄᓇᕗᒻᒥ ᐃᓕᓴᐃᔩᑦ ᐊᒻᒪᓗ ᐅᖃᐅᓯᓕᕆᓂᕐᒧᑦ ᖃᐅᔨᒪᔪᕐᔪᐊᑦ;
- ᐊᖏᓕᕙᓪᓕᐊᑎᓪᓗᒍ ᐊᑐᐃᓐᓇᖃᕐᓂᖅ ᐊᒻᒪᓗ ᐊᑐᐃᓐᓇᐅᓂᖏᑦ ᐃᓕᓐᓂᐊᕈᑎᒃᓴᑦ ᑎᑎᕋᕆᐅᖅᓴᓂᕐᒧᑦ ᐊᒻᒪᓗ ᐃᑲᔫᑎᒃᓴᑦ ᓄᓇᕗᓕᒫᒥ, ᒪᓂᒪᑎᑕᐅᓗᑎᒃ ᐊᑐᖃᑦᑕᖅᑐᓄᑦ ᑐᑭᓯᓇᑦᓯᐊᕐᓗᑎᒃ, ᓄᓇᓕᓐᓅᖓᓗᑎᒃ ᖃᕆᓴᐅᔭᒃᑯᑦ ᐊᑐᕋᑦᓴᓕᐊᖑᓯᒪᔪᑦ.
ᐊᒥᓕᐊ ᓯᐱᑕᓕᐊᕆ
ᐱᓕᕆᐊᒃᓴᓕᕆᔨ
ᓄᓇᕗᒻᒥ ᒪᕐᕉᓐᓂᒃ ᐅᖃᐅᓯᖃᕐᓗᓂ ᐃᓕᓐᓂᐊᕐᓂᓕᕆᔨᒃᑯᑦ ᓴᓴᐃᔭᑎ (NBES)
amelia@NBES.ca