ᐅᑭᐅᖅᑕᖅᑐᒥ ᒪᒃᑯᑦᑐᑦ ᓇᕈᓇᓐᓂᖓ
ᐅᑭᐅᖅᑕᖅᑐᒥ ᒪᒃᑯᑦᑐᑦ ᓇᕈᓇᓐᓂᖓ ᒪᓂᒪᑎᑦᓯᓯᒪᔪᖅ ᐊᐅᓪᓚᖃᑦᑕᓂᕐᒨᖓᔪᒥᒃ ᐃᓕᓐᓂᐊᓂᕐᒥᒃ ᓄᓇᕗᒻᒥ, ᐊᒻᒪᓗ ᓄᓇᑦᓯᐊᒥ, ᐅᑭᐅᓂᒃ ᐊᕙᑎᐅᓗᐊᖅᑐᓂᒃ. ᑖᒃᑯᑎᒎᓇ ᐱᓕᕆᐊᒃᓴᒥᒍᑦ, ᐃᓚᒋᔭᐅᔪᑦ ᓯᓚᑖᓅᕈᓐᓇᖅᓯᖃᑦᑕᖅᓯᒪᔪᑦ ᐃᓅᓯᕐᒥᓂ ᐊᑲᕐᕆᔮᑐᐃᓐᓇᕐᕕᖓᑕ ᐊᒻᒪᓗ ᐃᓅᓯᖃᓕᖅᑐᑎᒃ ᐃᓕᓐᓂᐊᓕᖅᓱᑎᓪᓗ ᐊᖏᕐᕋᕆᙱᑕᒥᓂ.
ᑕᕝᕘᓇ, ᑐᓂᔭᐅᖃᑦᑕᖅᑐᑦ ᐊᔾᔨᐅᖏᑦᑐᒥᒃ ᐱᕕᒃᓴᖃᖅᑎᑕᐅᓂᕐᒥᒃ ᑐᓴᐅᒪᑎᑦᓯᓂᕐᒥᒃ ᐃᓕᖅᑯᓯᕐᒥᓐᓂᒃ ᐃᓅᓯᕐᒥᓂᓪᓗ, ᐃᓕᓐᓂᐊᕐᕕᐊᓗᒻᒧᑦ ᖁᕝᕙᕆᐊᕈᑎᑖᕈᑎᑖᕈᑎᒃᓴᒥᒃ, ᐊᒻᒪᓗ ᒪᑭᑉᐸᓪᓕᐊᓂᕐᒥᒃ ᓇᖕᒥᓂᖅ, ᓇᓗᖅᑯᑎᒍᓐᓃᖅᓱᑎᒃ ᐊᒻᒪᓗ ᐱᕈᖅᐸᓪᓕᐊᓕᕐᓗᑎᒃ ᒪᒃᑯᑦᑐᑎᒃ ᓯᕗᓕᖅᑎᐅᓂᕐᒧᑦ. ᐊᒃᑐᐃᓯᒪᓂᖓᓄᑦ ᓄᕙᔾᔪᐊᕐᓇᖅ−19 (ᑯᕉᓇᕙᐃᕋᔅ) ᑐᑭᓯᓇᖅᓯᒋᐊᒃᑲᓂᖅᑐᖅ ᐊᕐᕌᒍᑦᑕ ᐱᒋᐊᓕᕋᑖᕐᓂᖓᓂ, NYA (ᐅᑭᐅᖅᑕᖅᑐᒥ ᒪᒃᑯᑦᑐᑦ ᓇᕈᓇᓐᓂᖏᑦ) ᐃᓚᒋᔭᐅᓪᓗᑎᒃ ᓄᓇᕐᔪᐊᒥ, ᐋᖅᑭᒋᐊᕆᐊᖃᓚᐅᖅᑐᑦ ᒫᓐᓇ ᐊᑐᓪᓚᑖᖅᑐᒧᑦ ᐊᒻᒪᓗ ᐋᖅᑭᒋᐊᖅᑕᐅᓗᑎᒃ ᐱᓕᕆᐊᒃᓴᖏᑦ, ᐊᐅᓚᔾᔪᑎᖏᑦ ᐊᒻᒪᓗ ᐱᔾᔪᑎᒋᔭᖏᑦ.
ᖃᕆᓴᐅᔭᒃᑯᑦ ᐃᓕᓐᓂᐊᖃᑦᑕᕐᓂᖅ ᐋᖅᑭᓱᖅᑕᐅᓯᒪᓕᖅᑐᖅ ᐊᑐᓂᑦ NYA ᐊᐅᓚᔾᔪᑎᒃᓴᓪᓗᐊᑕᕐᓄᑦ ᐱᓕᕆᐊᒃᓴᓄᑦ. ᑕᒪᕐᒥᒃ ᑎᓕᓯᔾᔪᑕᐅᓯᒪᔪᑦ ᐊᒻᒪᓗ ᐊᐅᓚᓂᐅᔪᑦ ᐅᑭᐅᖅᑕᖅᑐᒥ ᑎᓕᓯᔾᔪᑕᐅᓯᒪᔪᓂ ᐊᑐᐃᓐᓇᕈᖅᑕᐅᓚᐅᖅᑐᑦ ᐊᑕᖏᖅᑐᑎᒃ ᐊᐅᓚᒍᓐᓇᖅᑐᑎᒃ. ᒪᑭᒋᐊᖅᑕ ᐃᑲᔪᕐᓂᐊᖅᑕᖓ ᑖᓐᓇ ᐱᓇᓱᐊᒐᐅᔪᖅ ᐃᓕᓐᓂᐊᕈᑎᒃᓴᓕᐅᕐᓂᕐᒧᑦ ᐊᒻᒪᓗ ᐅᖓᓯᑦᑐᒥ ᐃᑲᔪᖅᓯᒪᒍᑎᒃᓴᑦ ᓄᓇᕗᒻᒥᐅᑦ ᒪᒃᑯᑦᑐᖏᓐᓄᑦ.
ᑐᑭᓯᒋᐊᒃᑲᓂᕐᕕᒃᓴᖅ, ᖃᐅᔨᒋᐊᕐᕕᒋᓗ
ᕇᐱᑲ ᕕᔅᓴᓐ