Currently browsing: 2020
ᐱᓕᕆᓂᐅᔪᓂᒃ ᑲᒪᒋᔭᖃᓐᓂᕐᒧᑦ ᖃᐅᔨᒪᔩᑦ
ᐱᓕᕆᓂᐅᔪᓂᒃ ᑲᒪᒋᔭᖃᓐᓂᕐᒥᒃ ᖃᐅᔨᒪᔩᑦ ᑐᒃᓯᕋᕈᑎᓕᐅᓚᐅᕐᒪᑕ ᐋᖅᑭᒃᓱᐃᔪᒪᓪᓗᑎᒃ ᐱᓕᕆᔾᔪᑎᒃᓴᓂᒃ ᐃᑲᔪᕈᑎᐅᔪᒪᔪᓐᓇᕐᑐᓂᒃ ᑕᒪᒃᑮᓐᓄᑦ ᐃᓄᖕᓂᑦ ᐃᖅᑲᓇᐃᔭᕐᑎᓂᒃ ᐊᒻᒪᓗ ᐃᖅᑲᓇᐃᔭᕐᑎᑦᑎᔪᓂᒃ ᐃᖅᑲᓇᐃᔮᓂᒃ ᐃᖅᑲᓇᐃᔭᕐᑏᑦ ᓄᖅᑲᐅᔾᔨᑐᐃᓐᓇᖃᑦᑕᓂᐊᙱᒻᒪᑕ, ᐱᕙᓪᓕᐊᓂᖃᓪᓗᑎᒃ ᐃᓕᒃᐸᓪᓕᐊᓂᖃᓪᓗᑎᓪᓗ ᐃᖅᑲᓇᐃᔭᕐᓯᓐᓈᑦ ᐊᒻᒪᓗ ᐱᕚᓪᓕᖁᓪᓗᒋᑦ ᑐᙵᓇᕐᓂᖅ ᐊᒻᒪᓗ ᐃᓕᖅᑯᓯᑐᖃᒃᑯᑦ ᐃᒃᐱᒍᓱᒃᑎᐊᕐᑐᓂᒃ ᐃᖅᑲᓇᐃᔭᕐᕕᖃᖁᓪᓗᒋᑦ. ᑐᒃᓯᕋᕈᑎᓕᐊᖅ ᐱᓕᕆᐊᒃᓴᒧᑦ ᑐᕌᓗᐊᕐᓂᖃᓐᓂᐊᕐᓗᓂ ᐃᓕᓐᓂᐊᕇᖅᓯᒪᔪᓂᒃ ᐃᖅᑲᓇᐃᔮᖃᓚᐅᕐᑎᓐᓇᒋᑦ ᐃᓕᓴᔭᐅᓯᒪᔪᓂᒃ. ᐃᓕᓴᐃᓂᐊᕐᓗᑎᒃ 6-ᓂᒃ ᐊᑐᓂᑦ ᐅᑯᓇᖓᑦ ᓄᓇᓕᖕᓂᑦ: ᒥᑦᑎᒪᑕᓕᖕᒥᑦ, ᐸᖕᓂᕐᑑᕐᒥᑦ ᐊᒻᒪᓗ ᐃᖃᓗᖕᓂᑦ (ᑕᒪᒃᑭᑕᐅᓗᑎᒃ ᐃᓅᓱᒃᑐᑦ ᐊᒻᒪᓗ ᐃᓐᓇᐃᑦ ᐊᐳᖅᑕᕈᑎᖃᖃᑦᑕᕐᓯᒪᔪᑦ ᐃᖅᑲᓇᐃᔮᕐᑖᕋᓱᐊᕐᑐᑎᒃ). ᐃᓕᓴᐃᒐᔭᕐᓗᑕ ᖃᓂᒋᔭᖏᓐᓃᒃᑐᓂᑦ 18-ᓂᒃ ᐊᒻᒪᓗ ᐃᖅᑲᓇᐃᔭᕐᕕᒋᔭᖏᓐᓂᒃ. ᖃᓂᒋᔮᓂ ᐱᖓᓱᑦ ᐃᓕᓐᓂᐊᕇᖅᓯᒪᔪᑦ ᐊᑐᓂᑦ…
ᐅᖃᓕᒫᒃᑲᓐᓂᕆᑦNunavut Sivuniksavut Academic & Career Development Program
Over the years Nunavut Students have often expressed a desire to have a work experience component as part of their program as NS.
ᐅᖃᓕᒫᒃᑲᓐᓂᕆᑦᓄᓇᕗᒻᒥ ᐃᖃᓗᓕᕆᓂᕐᒥᒃ ᑕᕆᐅᓕᕆᓂᕐᒥᓪᓗ ᐱᓕᒻᒪᓴᕐᓂᕐᒧᑦ ᑲᑐᔾᔨᖃᑎᒌᑦ
ᓄᓇᕗᒻᒥ ᐃᖃᓗᓕᕆᓂᕐᒥᒃ ᑕᕆᐅᓕᕆᓂᕐᒥᓪᓗ ᐱᓕᒻᒪᓴᕐᓂᕐᒧᑦ ᑲᑐᔾᔨᖃᑎᒌᑦ ᐊᔾᔨᐅᖏᑦᑐᒥᒃ ᐱᓇᓱᐊᖃᑕᐅᔪᑦ ᓴᖅᑭᖅᑕᐅᓯᒪᔪᑦ ᓄᓇᕗᒻᒥ ᑲᑎᒍᑕᐅᓪᓗᑎᒃ ᒐᕙᒪᓄᑦ, ᓇᖕᒥᓂᕐᓱᖅᑐᓄᑦ ᐊᒻᒪᓗ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐱᓕᒻᒪᓴᐅᑎᒃᓴᓕᕆᓂᐊᕐᓗᑎᒃ ᓄᓇᕗᒻᒥ ᐃᓄᓐᓄᑦ ᐊᒻᒪᓗ ᐊᓯᖏᓐᓄᑦ ᓄᓇᕗᒻᒥᐅᓄᑦ ᐱᓕᒻᒪᑦᓴᕈᑎᒃᓴᖏᓐᓂᒃ ᑎᒍᓯᒍᓐᓇᖁᓪᓗᒋᑦ ᐃᖅᑲᓇᐃᔮᖅᑖᕈᑎᒃᓴᖏᓐᓂᒃ ᐃᖃᓗᓕᕆᓂᕐᒥᒃ ᓴᓇᕕᓐᓂ. ᑕᐃᒎᓯᖃᕆᐊᓐᖓᓚᐅᖅᑐᑦ ᓄᓇᕗᒻᒥ ᐃᖃᓗᒐᓱᑦᑎᓄᑦ ᐱᓕᒻᒪᓴᕐᓂᕐᒧᑦ ᑲᑐᔾᔨᖃᑎᒌᑦ ᓴᖅᑭᖅᑕᐅᓚᐅᖅᑐᑦ 2004-ᒥ, ᑐᕌᒐᖃᑐᐃᓐᓇᖅᑐᑎᒃ ᐱᓕᒻᒪᓴᕐᓂᕐᒧᑦ ᐊᒃᑐᐊᔪᓂᒃ ᐃᖃᓗᓕᕆᕕᓐᓂ. 2012-ᒥ, ᖃᐅᔨᓚᐅᖅᑐᑦ ᑐᕌᒐᖓ ᐊᕙᖕᒧᓕᖓᓂᕐᓴᐅᒋᐊᖃᕐᓂᖓᓂᒃ ᐃᓚᓕᐅᔾᔭᐅᓯᒪᖁᓪᓗᒋᑦ ᑕᕆᐅᕐᒥ ᐱᓕᒻᒪᒃᓴᐅᑕᐅᒍᓐᓇᖅᑐᓂᒃ, ᐃᓚᒋᔭᐅᓪᓗᑎᒃ ᐃᖃᓗᓕᕆᔩᑦ − ᑕᒪᕐᒥᒃ ᐱᓇᓱᐊᕐᕕᐅᔪᑦ, ᐃᑭᕐᒥ, ᓄᓇᐅᑉ ᖃᓂᒋᔮᓂ ᐊᒻᒪᓗ ᐃᖃᓗᓕᕆᕕᓐᓂ, ᐃᓚᒋᔭᐅᓪᓗᑎᒃ…
ᐅᖃᓕᒫᒃᑲᓐᓂᕆᑦᒪᓕᒍᒥᓇᖅᑐᑦ ᓄᓇᕗᒻᒥ
ᒪᓕᒍᒥᓇᖅᑐᑦ ᓄᓇᕗᒻᒥ ᐃᓕᓐᓂᐊᑎᑦᓯᒍᑕᐅᔪᖅ ᒪᒃᑯᑦᑐᓂᒃ ᓄᓇᕗᓕᒫᒥ ᐃᓅᖃᑎᒌᓄᑦ ᓇᖕᒥᓂᖁᑎᖃᕐᓂᕐᒥᒃ, ᐱᖅᑯᓯᑐᖃᒃᑯᑦ ᓇᖕᒥᓂᖁᑎᖃᕐᓂᕐᒥᒃ ᐊᒻᒪᓗ ᐋᖅᑭᑦᓱᐃᔨᐅᓗᑎᒃ ᐊᑲᐅᓐᖏᓪᓕᐅᕈᑎᓂᒃ. ᐱᓂᐊᕐᓂᕋᐅᑎᕗᑦ ᑐᕌᒐᑦᑎᓐᓄᑦ ᑲᑐᔾᔨᖃᑎᒌᖑᓪᓗᑕ ᓴᕐᖓᑎᑦᓯᒋᐊᒃᑲᓐᓂᕈᑎᒃᓴᖏᓐᓂᒃ ᒪᒃᑯᑦᑐᑦ ᐊᑦᓱᕈᕐᓇᑐᒃᑰᓂᕐᒥᓂ ᐊᔪᐃᓐᓇᕆᐊᒃᑲᓐᓂᕈᓐᓇᖁᓪᓗᒋᑦ ᐱᔭᕆᐊᑐᔪᒃᑰᓕᕋᐃᒍᑎᒃ ᐃᓅᓯᕐᒥᓂ ᐅᖓᓯᑦᑐᒥᐅᑕᐅᓗᑎᒃ ᓄᓇᒥᓐᓂ ᓴᖅᑮᓂᒃᑯᑦ ᐃᓕᖅᑯᓯᕐᒨᖓᔪᓂᒃ ᐋᖅᑭᑦᓯᒪᐅᑎᒃᓴᓂᒃ ᐊᖅᑯᑎᖃᕐᓗᑎᒃ ᓇᖕᒥᓂᖁᑎᖃᕐᓂᒃᑯᑦ.
ᐅᖃᓕᒫᒃᑲᓐᓂᕆᑦᐃᓕᓐᓂᐊᖅᑕ ᐱᓕᕆᐊᒃᓴᖅ ᓇᓗᓇᐃᔭᖅᓯᒪᓂᖓ ᐃᓕᑕᖅᓯᓂᖅ ᓄᓇᕗᒻᒥ ᑎᑎᖅᑭᕆᔨᒃᑯᑦ ᑲᑎᒪᔨᖏᑦ
ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᒃᑯᑦ ᓂᕆᐅᒃᑖᖏᑦ: ᐃᓕᓐᓂᐊᓵᓕᓂᕐᒧᑦ ᐋᖅᑭᑦᓯᒪᓂᖏᑦ ᐃᓘᓐᓈᒍᑦ ᐃᑲᔫᑎᒃᓴᑦ ᑲᔪᓯᑦᓯᐊᕈᑎᒃᓴᖏᓐᓄᑦ K-12 ᑭᖑᓂᐊᓂᓗ ᐱᒋᐊᕐᕕᖓ ᐃᓱᓕᑉᕕᖓᓗ ᐅᓪᓗᖓ ᓇᓗᓇᐃᖅᑕᐅᙱᑦᑐᖅ ᓱᓕ, CA ᐊᐅᒡᒍᓯ 30, 2019 − ᓯᑉᑎᒻᕙ 2020 ᓇᐃᓈᖅᓯᒪᔪᖅ; ᓯᕗᓪᓕᖅᐹᖅ ᐱᓇᓱᐊᒐᑦᓴᖅ ᖃᐅᔨᒪᔮᖑᔪᖅ ᐱᙳᐊᖅᑕ ᐃᓕᓐᓂᐊᕈᑎ. ᐱᙳᐊᖅᑕ ᐃᓕᓐᓂᐊᕈᑎ ᑲᖏᕐᖠᓂᕐᒥ ᐃᓕᓐᓂᐊᖅᑕᐅᓂᐊᖅᑐᖅ ᐊᒻᒪᓗ ᓄᓇᓕᓐᓄᑦ ᐃᓚᓕᐅᔾᔨᕙᓪᓕᐊᒍᑕᐅᒍᓐᓇᕐᓗᓂ ᐃᓕᓐᓂᐊᓵᓕᔪᑦ ᐃᓕᓐᓂᐊᕈᑎᖏᓐᓂᒃ ᐃᓚᒌᑦ. ᐃᓕᓐᓂᐊᕐᓂᖅ ᐃᓚᓕᐅᔾᔭᐅᕙᓪᓕᐊᓂᐊᖅᑐᖅ ᐱᕙᓪᓕᐊᑎᑕᐅᓗᓂ ᐱᕈᕐᕕᒃ ᐃᓕᓐᓂᐊᕆᐅᖅᓴᔪᓄᑦ ᒥᑦᑎᒪᑕᓕᒻᒥ ᐃᓚᓕᐅᔾᔭᐅᓯᒪᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᑎᒍᑦ ᐱᔾᔪᓰᑦ ᐊᑐᖅᑕᐅᖃᑦᑕᓲᖅ ᖃᐅᔨᓴᖅᑎᕐᔪᐊᓃᙶᖅᑐᑦ ᐃᓕᓐᓂᐊᓂᕐᒧᑦ. ᐃᓕᓐᓂᐊᕈᑎ ᑲᔪᖏᖅᓴᐅᑕᐅᓂᐊᖅᑐᖅ…
ᐅᖃᓕᒫᒃᑲᓐᓂᕆᑦᓄᓇᕗᒻᒥ ᐊᐅᓚᔫᓕᐅᕆᒋᐅᕐᓴᓂᕐᒧᑦ ᐱᓕᖕᒪᓴᕐᓂᖅ − ᓄᓇᕗᒻᒥ FIT 2017-2018 ᐱᓕᕆᐊᖅ ᑐᑭᖓ ᓄᓇᕗᒻᒥ ᐊᐅᓚᔫᓕᐅᕆᒋᐅᕐᓴᓂᕐᒧᑦ ᐱᓕᖕᒪᓴᕐᓂᖅ
ᑐᕌᒐᑦᓴᓕᐊᖑᓯᒪᔪᖅ ᓄᓇᕗᒻᒥ ᐊᐅᓚᔫᓕᐅᕆᒋᐅᕐᓴᓂᕐᒧᑦ ᐱᓕᒻᒪᓴᕐᓂᕐᒧᑦ ᓴᖅᑮᓂᕐᒥᒃ ᐊᔾᔨᒌᓐᖏᑦᑐᓂᒃ ᐃᓕᓐᓂᐊᓂᕐᒥᒃ ᐃᓕᓐᓂᐊᕈᑎᒃᓴᓂᓪᓗ ᓄᓇᕗᒻᒥᐅᓄᑦ ᐃᖅᑲᓇᐃᔮᖃᕈᒪᔪᓄᑦ ᐊᐅᓚᔫᓕᐅᕆᔨᐅᓂᕐᒥᒃ. ᒫᓐᓇ ᐊᐅᓚᔫᓕᐅᕆᓂᖅ, ᑕᓚᕖᓴ ᐊᒻᒪᓗ ᖃᕆᓴᐅᔭᒃᑯᑦ ᓴᓇᑉᕕᓐᓃᖃᑕᐅᔪᑦ ᑎᑭᐅᑎᓯᒪᔪᑦ 100 ᓇᓗᓇᐃᖅᑕᐅᓯᒪᔪᓂ ᐃᖅᑲᓇᐃᔮᑦᓴᓂᒃ ᐊᔾᔨᒌᓐᖏᑦᑐᓂᒃ ᐊᓪᓚᕕᒻᒥ ᑎᑎᖅᑭᕆᔨᐅᓂᕐᒥᒃ, ᑮᓇᐅᔭᓕᕆᓂᕐᒥᒃ, ᓱᓇᒃᑯᑖᓕᕆᔨᐅᓂᕐᒥᒃ, ᐊᔾᔨᓕᐅᕆᔨᐅᓂᕐᒥᒃ, ᐊᓐᓄᕌᓕᕆᔩᑦ, ᓄᔭᓕᕆᔩᑦ ᐊᒻᒪᓗ ᐱᐅᓴᐅᑎᓕᕆᔩᑦ, ᐋᖅᑭᑦᓯᒪᓂᖓᓂ ᓴᓇᒻᒪᖓᑕ ᖃᓄᐃᓕᖓᓂᖓᑕᓗ, ᐊᖁᑏᑦ, ᓴᓇᔩᑦ, ᓴᓇᐅᒐᓕᕆᔩᑦ, ᖃᐅᔨᓴᕈᑎᒥᓂᓕᕆᔩᑦ, ᐊᓯᖏᓐᓂᓪᓗ ᓴᖅᑮᓪᓗᑎᒃ ᐊᔾᔨᒌᓐᖏᑦᑐᓂᒃ ᐃᓕᓐᓂᐊᕈᑎᒃᓴᓂᒃ ᐱᕕᒃᓴᖃᖅᑎᑦᓯᓂᕐᒥᓪᓗ ᓄᓇᕗᒻᒥ ᓴᖅᑭᖅᑕᐅᓯᒪᓗᑎᒃ ᐱᐅᓂᕐᐹᓂᒃ ᐊᔪᓐᖏᓂᕐᐹᓂᒃ ᐃᖅᑲᓇᐃᔭᖅᑎᓂᒃ ᐃᑲᔫᑎᔪᓂᒃ ᓴᕐᖓᑎᑦᓯᕙᓪᓕᐊᑎᑦᓯᓂᕐᒥᒃ ᐅᖃᐅᓯᕐᒥᓂᒃ, ᐃᓕᖅᑯᓯᕐᒥᓐᓂᒃ ᐊᒻᒪᓗ ᒪᑭᒪᔾᔪᑎᒃᓴᓄᑦ ᐊᒃᑐᐃᓯᒪᔪᓂᒃ.…
ᐅᖃᓕᒫᒃᑲᓐᓂᕆᑦᖃᔪᖅᑐᖅᕕᒃ ᓂᕆᕕᒃ – ᐃᓐᑯᓘᓴᓐ ᑳᐸᐃ
ᐃᓐᑯᓘᓴᓐ ᑳᐸᐃ ᑮᓇᐅᔾᔭᒐᓱᑦᑎᐅᓇᑎᑦ ᓂᖅᑎᐅᕐᓂᕐᒧᑦ ᓇᒻᒥᓂᖁᑎᒋᔭᖅ ᓂᖅᑎᐅᕆᐅᖅᓴᑎᑦᑎᕙᑦᑐᑦ ᓂᖅᑎᐅᖅᕕᓪᓚᕆᒻᒥᑦ ᐃᓄᓐᓄᑦ ᐊᐳᕈᑎᖃᖅᐸᑦᑐᓄᑦ ᐃᖅᑲᓇᐃᔮᖅᑖᕋᓱᑦᑐᓄᑦ. ᓂᖅᑎᐅᕐᓂᕆᕙᑦᑕᖏᑕ ᖄᒃᑲᓂᐊᒍᑦ, ᐃᓐᑯᓘᓴᓐ ᑳᐸᐃ ᐊᐅᓚᕙᑦᑐᑦ ᖃᔪᖅᑐᖅᕕᒃ ᐃᓪᓗᖁᑎᖓᓂᑦ ᐃᖃᓗᓐᓂᑦ, ᐊᑭᖃᙱᑦᑐᒥᑦ ᓂᕆᕕᐅᕙᑦᑐ ᑭᒃᑯᑐᐃᓐᓇᕐᓄᑦ ᑕᐃᑯᖓᖅᑐᓄᑦ, 80−ᒐᓚᑦ ᖃᐅᑕᒫᖅ ᑕᐃᑯᖓᖅᐸᑦᑐᑎᑦ. ᑎᑭᐅᑎᓇᓱᑦᑕᕗᑦ ᐱᖃᑕᐅᔪᑦ ᐃᓕᖁᓪᓗᒋᑦ ᐊᔪᙱᓂᕆᔭᐅᔭᕆᐊᓕᓐᓂᑦ ᐃᖅᑲᓇᐃᔮᖅᑖᕈᓐᓇᖁᓪᓗᒋᑦ ᐃᖅᑲᓇᐃᔭᐃᓐᓇᕈᓐᓇᖁᓪᓗᒋᓪᓗ ᓄᓇᓕᒋᔭᖓᓂᑦ ᓄᓇᕗᒻᒥᓪᓗ ᐱᓇᓱᖁᓪᓗᒋᑦ ᓂᕆᕕᒐᓛᓘᕙᑦᑐᓂᑦ ᓇᒻᒥᓂᖁᑎᒋᔭᐅᕙᑦᑐᓂᑦ ᐃᖅᑲᓇᐃᔭᖅᑎᖃᐃᓐᓇᕈᓐᓇᐸᙱᑦᑐᓂᑦ ᑕᑎᒋᔭᖃᕋᔪᑉᐸᑦᑐᑎᑦ ᓄᓇᕗᒻᒦᙶᖏᑦᑐᓂᑦ.
ᐅᖃᓕᒫᒃᑲᓐᓂᕆᑦ