ᑲᒪᒋᔭᖃᖁᓪᓗᒋᑦ ᒫᓐᓇ ᐊᒻᒪᓗ ᓄᑖᓂᒃ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ ᐱᖓᓱᓂᒃ−ᐊᕐᕌᒍᓂᒃ ᐅᑯᓄᙵᖓᔪᓂᒃ: -ᐊᐅᓚᑦᓯᔨᐅᓂᕐᒧᑦ ᑐᓴᐅᒪᔾᔪᑎᓕᕆᓂᕐᒧᓪᓗ ᐱᓕᖕᒪᒃᓴᐅᑎᑦ −ᓯᕗᓕᖅᑏᑦ ᐱᓕᕆᐊᒥᒃ ᐋᔩᕋᕈᑎᖃᕐᓂᖓ −ᐃᓕᓐᓂᐊᖅᑐᑦ ᐅᔭᕋᓐᓂᐊᓂᕐᒥᒃ, ᐊᕙᑎᓕᕆᓂᕐᒥ ᐊᒻᒪᓗ ᐊᔪᕈᓐᓃᖅᓴᐅᑎᓂᒃ ᐊᓃᕐᓗᓂ ᓄᓇᒥ ᓯᕗᓪᓕᕐᒥᒃ ᐋᓐᓂᖅᑐᓕᕆᓂᕐᒥᒃ, ᐃᓄᐃᑦ ᐅᖃᐅᓯᖓᓂᒃ ᐊᒻᒪᓗ ᐃᖅᑲᓇᐃᔮᒧᑦ ᐊᔪᕈᓐᓃᖅᓴᐅᑎᑦ ᐊᒻᒪᓗ ᐃᓕᓴᐃᓂᖅ ᑐᕌᒐᖓ ᑖᑦᓱᒪ ᐱᓕᖕᒪᒃᓴᐅᑎᐅᑉ ᐃᖅᑲᓇᐃᔭᕆᐅᖅᓴᕐᓂᖅ ᐊᒻᒪᓗ ᐊᔪᕈᓐᓃᓴᕐᓂᖅ ᐊᐅᓚᑦᓯᓂᕐᒥᒃ KIA−ᑯᓐᓂ.

ᑖᓐᓇ ᐊᑕᖐᔪᖅ ᐃᓕᓐᓂᐊᕈᑎ ᐃᑲᔫᑕᐅᓂᐊᖅᑐᖅ ᓄᑖᒧᑦ ᑎᒃᑯᐊᖅᑕᐅᔪᒧᑦ ᐃᓄᖕᓄᑦ CEO ᐱᓕᕆᔨᒋᔭᐅᖁᓪᓗᒍ ᓯᕗᓕᖅᑎᐅᓗᓂ ᑲᔪᓯᑦᓯᐊᖅᑐᒧᑦ ᑲᑐᔾᔨᖃᑎᒌᒧᑦ. ᒪᕐᕉᓐᓂᒃ−ᐊᕐᕌᒎᓐᓂᒃ ᐃᓕᓐᓂᐊᖅᑎᑕᐅᓂᖅ ᐊᒻᒪᓗ ᐊᔪᕈᓐᓃᖅᓴᐅᑎᓂᒃ ᐃᓕᓐᓂᐊᕐᓂᖅ ᐊᐃᐅᓚᑕᐅᓂᐊᖅᑐᖅ ᒫᓐᓇ CEO−ᖓᓄᑦ ᑐᑭᒧᐊᒃᑎᑦᑎᓂᐊᖅᑐᒧᑦ ᓄᑖᖅ CEO ᐅᓄᖅᑐᓂᒃ ᐃᓂᒋᔭᒥᒍᑦ ᐱᓕᕆᐊᒃᓴᒥᓂᒃ. ᑐᕌᒐᓕᒃ ᐊᔪᕈᓐᓃᖁᓪᓗᒍ ᓄᑖᖅ CEO ᐊᔪᙱᓐᓂᐅᒋᐊᓕᓕᒫᓂ ᐱᓕᕆᔾᔪᑎᒃᓴᓂᒃ ᑲᔪᓯᑎᑦᓯᓂᕐᒧᑦ ᐱᓕᕆᕕᖕᒥᓂ ᐊᒻᒪᓗ ᐊᐅᓚᑦᓯᓗᓂ ᑲᑐᔾᔨᖃᑎᒌᑦ ᓴᙱᔪᒻᒪᕆᐅᓂᖏᓐᓄᑦ ᓯᕗᓕᖅᑎᖏᓐᓂ.