Ilitaqsiniq Nunavut Literacy Council – Ilinniaqta

Ilitaqsiniq Nunavut Literacy Council – Ilinniaqta

Makigiaqta Inuit Training Corporation Priorities:

  • Ilihalihaannuanut Ilihaitjutikhat
  • Ilihalihaannuanit Gurit 12-mut Tungaanullu Ikayuurutikhat

Aularutivikhaa nutqarvikhaalu naunaiqhimanngittut, CA August 30, 2019 – September 2020

Nainarnia;

Hivulliq ilihimayauliqtuq Pinnguaqta. Pinngaqta ilihaitjutauniaqtuq Kangiqhinirmi apqutauniaqtuq qitungariinut ilaunirmut ilihalihaannuat iliharniannut. Ilihaitjut atuqtauyuq Pirurvik Ilihalihaanuanut Iliharvingmi Mitimatalingmi atuqtauniaqtuq aallannguqtyivyaklugu. Inuit Qaujimajainnik atuqtumik huli Montessori ilihaitjunmik atuqhuni. Ilihaut pitquiniaqtuq angayuqqanik munaqtinik nutaqqaniglu ilaunirmut nutagaup inmigut ulapqiuhiagut iliharrnirmik aturlutik Inuit hanahimayainnik ulapqiuyanik, ilihautikhanik Montessori ulapqiuyainiglu ilihaitjutainnikInuktuuqtauhimayunik ikayuutauniaqtunik nutaqqanut ilihalirumik. Pinnguaqta ilihaitjutauniaqtuq havaanirutilunilu Inungnik ilihaivingmi. Ilihainirmi ikayuqniqtut havaktiit Pirurviup Ilitaqsiviuplu. Nunalingmiut Inutuqaqlu havaqatauniaqtuq ikayuqtuiluni angayuqqanik auyauriunilu, inuuhiriknaqtumullu ikayuriangani angayuqqanik nutarainnullu Inuktunlu ilihailuni.
Tugliq aularutiniaqtuq Ilitsiqatigiik Iqalungni. Turanganiaqtuq katimaqatigiiknirmut angayuqqanik nutaqqamingnut, munaqtinut inummaringnullu pimmariyauyunut ilaunirmut Inuit ilitquhianik ilihaitjuhiinnullu. Tunngaviuniaqtuq kingulliriit iliharniannnut ilautinirmut nutaqqanik munatinmingnut ilihaitjutinik atuqtunik Inuit Qaujimajatuqainnik Inuillu ilihaitjuhiinniglu. Turangayuq Inuinnanut angayuqqanut nutarainnullu, inulraminut qitungainnut angayuqqanut aallanullu munaqtiinnuiluingayumik inunguinnaqtumik iliharnaqtumik hakugiktunik inuutjutikhanik ilihimaligakhanik pitquhiniglu Inuit ilitquhiannut tunngayunik. Nutaqqat angutit arnaruhillu angayuqqangillu ikayuqtauniaqtut umani iliharnirmi taimaa piqattigiikpiarnaqtumik, itqaumayakhanittiarnaqtumik tunngahungnaqtumiglu inikhaqaqtittiluni nutaqqanut munaqtiinnullu atauttimi iliharnaqtumik. Aulayauniaqtuq hivunirhuktauluni Inutuqanit ilihaitjunmiglu ilihimattiaqtumi, Ilitaqsiniq aturniaraat hamna ilaurutigilugu hakugikhautigilugu hadja aulayunik ilihaitjutimingnut aulattiaqtunut.

Tikiutiviuyumayut;

  • Uuktuutigilugu ilihaitjutigilugu ilihalihaannuanut ilihautikhaq Kangiqhinirmi Pirurviup Ilihalihaannuanut ilihautaanik ilautimmariklugit Inuit Qaujimajatuqait Montessorilu ilihaitjutik ulapqinikkut.
  • Uuktuutigilugik ilihaitjutigilugiklu malruk ilitquhirmik ilihautikhanik Iqalungni nutarannnuanut angayuqqanginnullu pimmariyauyunullu inuuhiriktunut tautuumayauyamingnut
  • Ikayuqtuiluni nutaanut ilihaiyinut, ilihautikhanik parnaiyaiqatigiiknikkut ilihaiqatigiiknikkullu ilihaiyinit atuqpakhimayunit ilihaitjunmik
  • Parnaiyainnaqtumik angayuqqanik nutaqqamingniglu ukumaittunik atuqpangniaqtainnik ilihaqpalirumik iliharvini tunihinnaqtumiglu nutaqqanut apqutikhanik atuqtakhamingnik upalungaivyagiangini iliharnirmut inuuhiriniaqtamingnut
  • Ikayuqturniaqlugit angayuqqat nutaraillu inuuhiriknaqtumut pimmariktumullu piqatigiiknirmut itqaumayakhaqarnirmiglu havaqatigiiknikkut havaani tunngaviqaqtunik Inuit ilitquhiannik pimmaruhungnirmut nauvallianikkut ayuirharnikkullu
  • Ikayuqturniaqlugit qitungariit iluingayumik inuuhirmingni nakuuyunik aktumaniaqtunik piqatigiikniinnut aimaviit iliharviillu/ilinniarniuplu.

Maniit Atoktaghat: ,,,