ᐊᕐᒃᑯᑎᒃᓴᓯᐅᑎᓄᑦ ᐊᐅᓚᑕᑦ ᐱᑎᑕᐅᒥᓂᐊᖅᑐᑦ 12.4−ᒥᓕᔭᓂᒃ ᐃᓕᖓᓗᑎᒃ ᐅᑭᐅᓄᑦ ᐱᖓᓱᓄᑦ
(ᓯᑎᐱᕆ 14, 2021 − ᐃᖃᓗᐃᑦ, ᓄᓇᕗᑦ) ᒪᑭᒋᐊᖅᑕ ᐃᓄᖕᓄᑦ ᐃᓕᓴᐃᔾᔪᑎᓕᕆᔨᒃᑯᑦ ᑯᐊᐱᕇᓴᓐ ᐱᐊᓂᒃᓯᔪᑦ ᓇᖕᒥᓂᖅ ᑲᑎᒪᔨᖏᑦ ᑲᑎᒪᓂᕐᒥᑦ ᐊᒻᒪᓗ ᐊᕐᕌᒍᑕᒫᖅᓯᐅᑎᖏᓐᓂᒃ ᐱᓇᓱᐊᕈᓯᐅᕐᒃᑲᐅᔪᒥᑦ ᑭᙵᐃᑦ, ᓄᓇᕗᑦ ᐊᒻᒪᓗ ᐊᖏᖅᓯᓪᓗᑎᒃ 12.4−ᒥᓕᔭᓂᒃ ᐃᑲᔪᕐᒃᑐᕈᑕᐅᓂᐊᖅᑐᓄᑦ ᐃᓚᒌᒃᓂᒃᑯᑦ ᑲᑐᔾᔨᓗᑎᒃ ᓄᓇᕗᑦ ᒐᕙᒪᒃᑯᖏᓐᓂᒃ ᐊᒻᒪᓗ ᓄᓇᕗᑦ ᐅᑭᐅᖅᑕᖅᑐᒥᑦ ᓯᓚᑦᑐᖅᓴᕐᕕᐊᓂ ᑐᕌᖅᑐᓂᒃ ᐅᑯᐊ ᐅᓄᖅᓯᒋᐊᖅᑕᐅᓗᑎᒃ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦ ᓄᓇᕗᑦ ᐃᓕᓐᓂᐊᕐᕕᖏᓐᓂ.
ᑕᒪᓐᓇ ᑐᓂᔾᔪᑕᐅᔪᖅ ᐃᑲᔫᑕᐅᓂᐊᖅᑐᖅ ᑐᓂᓯᓗᓂ ᐱᔭᕆᐊᖃᖅᑐᓂᒃ ᐱᓕᕆᐊᕆᔭᐅᓂᐊᕐᓗᑎᒃ ᑐᕌᕐᓗᑎᒃ ᐱᐊᓂᒃᓯᓂᕐᒥᑦ ᐅᓄᖅᓯᒋᐊᖅᓯᓂᒃᑯᑦ ᐊᑐᖅᑕᐅᔪᓐᓇᓗᑎᒃ ᐃᓄᖕᓄᑦ ᑕᒪᒃᑯᓇᓂ ᖁᑦᑎᖕᓂᖅᓴᓄᑦ−ᐃᓕᓐᓂᐊᕐᓂᕐᒥᑦ ᐱᓕᕆᐊᖑᔪᑎᒍᑦ ᐃᓗᐊᓂ ᓄᓇᕗᑦ, (ᒪᑭᒋᐊᖅᑕ ᓯᕗᓪᓕᐅᑎᑕᖏᑦ ᐅᑯᐊ ᐃᓚᖓᓂ 4). ᐅᑯᐊ 12.4 −ᒥᓕᔭᓐ ᐅᑯᓇᖓᑦ ᒪᑭᒋᐊᖅᑕ ᐱᐊᓂᒃᑕᐅᔪᑦ ᑕᒪᐃᑕ ᐊᑐᖅᑕᐅᓂᐊᕐᓗᑎᒃ ᑮᓇᐅᔭᐃᑦ ᐱᔭᐅᔭᕆᐊᖃᖅᖢᑎᒃᓗ ᐃᑲᔪᖅᓯᒍᑕᐅᓂᕐᒥᑦ ᐅᑯᓄᖓ ᐊᕐᒃᑯᑎᒃᓴᓯᐅᑎᓄᑦ ᑐᒃᓯᕋᐅᑎᖏᓐᓄᑦ ᐃᒪᓐᓇᓗ ᐊᒃᓱᕈᕈᑕᐅᔪᑦ ᓄᓇᕗᒻᒥ ᐃᓕᓴᐃᔨᒃᓴᓄᑦ ᐃᓕᓐᓂᐊᕐᑎᑦᑎᓂᕐᒧᑦ ᐱᓕᕆᐊᑎᒍᑦ (NTEP).
“ᓄᓇᕗᑦ ᑐᙵᕕᒃ ᑎᒥᖓᑦ ᑕᐃᒪᙵᓂᑦ ᓴᙱᔪᒥᑦ ᐃᑲᔪᖅᑐᐃᖏᓐᓇᖅᐸᒃᑐᑦ ᐃᓄᒃᑐᑦ ᐅᖃᐅᓯᕐᒥᑦ ᐃᓕᓐᓂᐊᖅᑎᑦᑎᔾᔪᑎᖃᕐᓗᓂ, ᐆᒻᒪᖅᑎᒃᑲᓐᓂᕐᓗᒋᑦ ᐊᒻᒪᓗ ᐱᕐᒃᑯᓯᕗᑦ. ᑕᑯᒍᑦᑕ, ᐃᓕᓴᐃᔨᐅᓂᕐᒥᑦ ᐊᒻᒪᓗ ᐃᓕᓐᓂᐊᖅᑐᑦ, ᐱᐅᓂᖅᓴᓂᒃ ᐊᑲᐅᓂᖅᓴᓂᒃ ᑐᑭᓯᐊᓕᕐᓗᑎᒃ ᐅᖃᐅᓯᑦᑎᓐᓂᒃ ᐊᒻᒪᓗ ᐱᖅᑯᓯᑦᑎᓐᓂᒃ, ᐱᔪᓐᓇᕋᔭᕐᓗᑎᒃᓗ ᐊᔪᖏᓐᓂᕐᒥᑦ ᐊᒻᒪᓗ ᐅᓄᖅᑐᓂᒃ ᑲᔪᓯᓂᖃᑦᑎᐊᕐᓗᑎᒃ ᐱᐊᓂᒃᓯᓂᕐᒥᑦ ᐊᒻᒪᓗ ᖁᑦᑎᖕᓂᖅᓴᐅᓗᑎᒃ”, ᐅᖃᖅᑐᖅ ᐊᓗᑭ ᑰᑦᑎᖅ, ᐃᓄᖕᓄᑦ ᐃᓕᓴᐃᔾᔪᑎᓕᕆᔨᒃᑯᑦ ᑯᐊᐱᕇᓴᓐ ᐃᒃᓯᕙᐅᑕᖓᑦ
ᓄᓇᕗᑦ ᒐᕙᒪᒃᑯᑦ ᐱᖁᔨᖃᕐᒪᑕ ᐊᑐᐊᒐᒃᓴᐅᔪᒥᒃ ᑕᒪᓐᓇ ᐊᑕᐅᓯᕐᒥᒃ ᑐᑭᓯᔭᐅᓂᐊᖅᑐᒧᑦ ᑭᑐᑐᐃᓇᐅᒐᓗᐊᖅᐸ ᓄᓇᕗᑦᒥᑐᓂᒃ. ᑕᒪᓐᓇ ᐱᔭᕆᐊᖁᑐᓂᖓᓗ ᐊᒃᓱᕈᑕᐅᑦᓯᐊᖅᑐᒥᒃ ᑕᑯᒃᓴᐅᓂᐊᕐᒪ ᑐᑭᓯᓐᓇᑎᐊᕐᓗᓂ, ᖃᓄᐃᓕᐅᕈᑕᐅᓂᖏᓐᓂᓗ ᐱᑦᔪᑎᖃᖅᑐᓂ ᐃᓕᓐᓂᐊᕈᒪᔪᓂᒃ ᐃᓄᒃᑎᑐᑦ ᓴᕿᑎᑎᓂᕐᒥ. ᑕᒪᓐᓇ ᖁᕕᐊᓇᕐᓂᐊᕐᒪ ᑭᑐᑐᐃᓐᓇᕐᓄᑦ ᓄᓇᕗᑦᒥᐅᑕᐅᔪᓄᑦ. ᐅᖃᖅᓯᒪᒻᒪ ᒪᓕᒐᓕᐅᖅᑎᐅᔪᖅ ᑕᐃᕕᑎ ᔪᐊᓇᓯ, ᑭᒡᒐᖅᑐᐃᔨᒧ, ᓄᓇᕗᑦᒥ ᐃᓇᕐᓄ ᐃᓕᓐᓂᐊᕐᕕᐅᔪᓂᒃ ᐊᒻᒪ ᒪᒃᑭᒋᐊᖅᑕᒃᑯᓂᓗ ᑲᑎᒪᔨᐅᔪᒧᑦ
ᐅᑯᐊ ᐊᕐᒃᑯᑎᒃᓴᓯᐅᑎᓄᑦ ᑐᒃᓯᕋᐅᑎᖏᑦ ᓇᓕᒧᖕᓂᖃᑦᑎᐊᖅᑐᑦ ᐃᓚᒋᓪᓗᒋᑦ ᓄᓇᕗᑦ ᑐᙵᕕᒃ ᑎᒥᖓᑦᑕ ᑲᑎᒪᔨᖏᓐᓄᑦ ᓯᕗᓪᓕᐅᑎᑕᖏᓐᓂᒃ ᓇᓗᓇᐃᔭᖅᓯᒪᔪᑦ ᓂᕆᐅᑦᑖᕆᔭᑦ, ᐱᓗᐊᖅᑐᒥᑦ ᒪᑯᓄᖓ ᐋᖅᑭᒃᓯᓂᕐᒥᑦ ᐊᖏᔪᓂᒃ ᑲᔪᓯᓂᕐᒥᑦ ᓴᙱᑎᑦᑎᕆᓪᓗᓂᓗ ᐃᓄᒃᑐᑦ ᓄᓇᕗᒻᒥ ᐃᓕᓐᓂᐊᖅᑐᓕᕆᓂᕐᒧᑦ ᐃᓕᖓᔪᓄᑦ.
ᓄᓇᕗᒥ ᐃᓄᐃᑦ ᑲᔪᓯᕙᓪᓕᐊᔪᑦ ᐃᓕᐅᖃᐅᕙᓪᓕᐊᓂᕐᒥᑦ ᓴᕆᒪᒧᖕᓂᒃᑯᑦ ᑭᒃᑰᓂᖏᓐᓂᒃ ᐃᑲᔪᖅᑐᐃᓪᓗᑎᒃ ᐃᓄᒃᑐᑦ ᐃᓕᓐᓂᐊᕈᑎᓂᒃ ᐱᔭᕆᐊᖃᒻᒪᕆᒃᖢᑎᒃᓗ ᓴᓇᓂᕐᒥᑦ ᑕᐃᒪᐃᑦᑐᓂᒃ ᐱᐊᓂᒃᓯᔾᔪᑕᐅᓗᑎᒃ ᐃᓄᒃᑐᑦ ᓯᕗᓪᓕᕐᒥᑦ ᐃᓄᖕᓄᑦ.
ᑭᓲᓂᖏᑦ
ᓯᑎᐱᕆ 2019−ᒥ, ᓴᖅᑭᑎᑕᐅᓚᐅᖅᑐᑦ ᓇᓗᓇᐃᔭᖅᓯᒪᓪᓗᑎᒃ ᐱᓂᐊᕐᓂᕋᕈᑎᖏᑦ ᐅᑯᓄᖓ ᑲᓇᑕᐅᑉ ᒐᕙᒪᒃᑯᖏᓐᓄᑦ, ᓄᓇᕗᑦ ᒐᕙᒪᒃᑯᖏᓐᓄᑦ, ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓᑦᑕ ᑲᑐᔾᔨᓗᑎᒃ ᑕᒪᑦᓱᒧᖓ ᐊᖏᕈᑎᓄᑦ ᐃᑲᔪᖅᑐᕈᑕᐅᓂᐊᖅᑐᓄᑦ, ᐆᒻᒪᖅᑎᑦᑎᑲᓐᓂᕈᑎᒃᓴᓄᑦ, ᐊᒻᒪᓗ ᓴᙱᑦᑎᓕᕈᑎᒃᓴᓄᑦ ᐃᓄᒃᑐᑦ ᓄᓇᕗᒻᒥ.
ᐱᓗᐊᖅᑐᒥᑦ ᐃᓚᒌᒃᓗᑎᒃ ᑲᑐᔾᔨᓂᒃᑯᑦ ᑐᓂᓯᒪᔪᑦ ᓇᖕᒥᓂᑦ ᐅᑯᓄᖓ ᐊᕐᒃᑯᑎᒃᓴᓯᐅᑎᓄᑦ ᐊᖏᕈᑎᖏᓐᓄᑦ:
- ᐅᓄᖅᓯᒋᐊᕐᓗᒋᑦ ᐱᔪᓐᓇᕐᓂᕐᒥᑦ ᐃᓄᒃᑐᑦ−ᐅᖃᐅᓯᕐᒥᑦ ᐃᓕᓴᐃᓗᓂ ᓄᓇᕗᒻᒥ;
- ᐅᓄᖅᓯᒋᐊᕐᓗᒋᑦ ᐊᒻᒪᓗ ᐱᒻᒪᕆᑦᑎᐊᕐᓗᒋᑦ ᓈᒪᐅᑎᒃᑯᑦ ᐊᔪᙱᑦᑎᐊᕐᓂᕐᒧᑦ ᐃᓄᒃᑐᑦ−ᐅᖃᓪᓚᒍᓐᓇᕐᓂᖏᓐᓄᑦ ᐃᓄᐃᑦ ᐃᓕᓴᐃᔩᑦ;
- ᐅᓄᖅᓯᒋᐊᖅᑎᑦᑎᓪᓗᓂ ᓈᒪᐅᑎᒃᑯᑦ ᐅᖃᕈᓐᓇᑎᐊᖅᑐᓂᒃ ᐃᓄᒃᑐᑦ ᐅᖃᖅᑎᓂᒃ ᓄᓇᕗᒥ;
- ᒪᑭᑎᑦᑎᓗᓂ ᓄᓇᕗᒥ ᐃᓚᒌᒃᓂᒃᑯᑦ ᑲᑐᔾᔨᓗᓂ ᓵᒥ ᑕᒪᑦᓱᒧᖓ ᐅᖃᐅᓯᓕᕆᓂᒃᑯᑦ ᐊᒻᒪ ᐃᓕᓐᓂᐊᖅᑎᑦᑎᓂᒃᑯᑦ
ᐱᓪᓗᒍ ᐅᖃᐅᓯᒃᑯᑦ ᓴᖅᑭᑦᑎᓂᐅᔪᒥᑦ, $42−ᒥᓕᔭᓐ ᐅᑭᐅᓄᑦ ᑕᓪᓕᒪᓄᑦ ᐃᓕᓴᐅᓯᒪᔪᑦ ᐅᑯᓄᖓ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐃᑲᔪᖅᑐᕈᑎᒋᓪᓗᒋᑦ ᑕᒪᑦᓱᒧᖓ ᐱᓕᕆᐊᓄᑦ.
ᑕᐃᒪᓐᖓᓂᑦ, ᓄᓇᕗᒥ ᐃᓚᒌᒃᖢᑎᒃ ᑲᑐᔾᔨᓗᑎᒃ ᓵᒥ ᐋᖅᑭᒃᑕᐅᓚᐅᖅᓯᒪᔪᖅ ᒪᑭᑎᑕᐅᓗᑎᒃ ᐱᐊᓂᒃᓯᓂᒃᑯᑦ ᐅᑯᓂᖓ ᒪᓕᒃᑕᐅᔪᒃᓴᓄᑦ ᐊᖅᑭᐅᒪᔪᓂᒃ, ᑐᑭᓯᐅᒪᖃᑦᑕᐅᑦᑎᐊᕐᓂᕐᒧᑦ ᑎᑎᖅᑲᑎᒍᑦ, ᐊᒻᒪᓗ ᑭᖑᓂᐊᓂ ᑮᓇᐅᔭᖃᖅᑎᑦᑎᓂᕐᒧᑦ ᐊᑐᖅᑕᐅᓂᐊᖅᑐᓂᒃ ᐊᒻᒪᓗ ᐊᖏᕈᑎᑦ ᐃᑲᔪᖅᑐᕈᑎᐅᓗᑎᒃ ᑐᒃᓯᕋᐅᑎᓄᑦ ᐱᓕᕆᐊᖑᔪᓄᑦ ᒪᓕᒃᖢᒋᑦ ᐅᑯᐊ ᐃᓚᒌᒃᓂᒃᑯᑦ ᑲᑐᔾᔨᓂᒃᑯᑦ ᐊᒻᒪᓗ ᐅᑯᐊ ᐊᕐᒃᑯᑎᒃᓴᓯᐅᑎᓄᑦ ᐊᖏᕈᑎᖏᑦᑎᒍᑦ.
ᐱᓗᐊᖅᑐᒥᑦ, ᐅᑯᐊ ᓄᓇᕗᑦ ᒐᕙᒪᒃᑯᖏᑦ ᐊᒻᒪᓗ ᓄᓇᕗᑦ ᐅᑭᐅᖅᑕᖅᑐᒥᑦ ᓯᓚᑦᑐᖅᓴᕐᕕᒃ ᓴᖅᑭᑦᑎᓯᒪᔪᑦ $59−ᒥᓕᔭᓂᒃ ᑮᓇᐅᔭᐃᑦ ᐅᑭᐅᓄᑦ ᑕᓪᓕᒪᓄᑦ 5 ᐃᑲᔪᖅᑐᓯᒍᑕᐅᓂᐊᖅᑐᑦ ᐅᑯᓄᖓ ᐊᑖᓂ ᑎᑎᕋᖅᓯᒪᔪᑦ ᓇᓗᓇᐃᖅᓯᒪᓪᓗᑎᒃ:
- ᐊᖏᒃᓕᒋᐊᖅᖢᒍ ᓄᓇᕗᒥ ᐃᓕᓐᓂᐊᖅᑦᑎᔨᓄᑦ ᐃᓕᓴᐃᔾᔨᒃᓴᓄᑦ ᐱᓕᕆᐊᑦ ᑕᒪᑦᓱᒧᖓ ᓄᓇᕗᑦ ᓄᓇᓕᖏᓐᓄᑦ ᐊᒻᒪᓗ ᑐᖅᑕᐅᓗᑎᒃ ᓇᓚᐅᑦᑕᖅᑕᐅᓯᒪᔪᑦ ᐅᓄᖅᓯᒋᐊᕐᓗᒋᑦ 170 ᐃᓕᓐᓂᐊᖅᑎᑦ ᓱᓕ ᐃᓚᓯᓗᓂ ᑮᓇᐅᔭᓂᒃ;
- ᐃᓕᓴᕈᑎᒃᓴᑦ ᓴᖅᑭᑎᑕᐅᓗᑎᒃ ᐅᑯᓄᖓ ᓄᓇᕗᒥ ᐃᓕᓐᓂᐊᖅᑦᑎᔨᓄᑦ ᐃᓕᓴᐃᔾᔨᒃᓴᓄᑦ ᐱᓕᕆᐊᑦ ᑲᔪᓯᑎᑦᑎᓗᒃᓗ ᐃᓄᒃᑐᑦ ᐅᖃᐅᓯᕐᒥᑦ ᐃᓕᓴᕐᓂᕐᒥᑦ;
- ᐱᐅᓯᑎᒃᑲᓐᓂᕐᒋᑦ ᐱᓯᒪᐃᓐᓇᕐᓂᕐᒥᑦ ᐊᒻᒪᓗ ᑲᔪᓯᑎᑕᐅᓗᑎᒃ ᐃᓄᐃᑦ ᐃᓕᓐᓂᐊᖅᑎᑦ ᑕᒪᒃᑯᑎᒎᓇᖅ ᐃᓚᐅᑎᑦᑎᓂᒃᑯᑦ ᐊᒻᒪᓗ ᐊᑐᐃᓐᓇᐅᑎᑦᑎᓂᒃᑯᑦ ᐃᑲᔪᖅᑐᐃᓂᕐᒥᑦ ᑕᐃᒪᓐᖓᓂᑦ.
ᐅᑲᓇᖑᑦ $59 ᒥᓕᔭᓐ ᑮᓇᐅᔭᐃᑦ ᐃᔭᐅᕝᕕᐅᖃᖅᑕᖅᑐᑦ ᓴᓂᒃᕙᖅᑕᐅᓯᒪᔪᑦ ᐊᑑᑎᒃᓴᖃᖅᖢᑎᒃ ᐅᑯᐊᖑᕗᑦ ᐊᑖᓂ:
- $34.7 ᒥᓕᔭᓐ ᐅᑯᓇᖓᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐅᑯᐊ ᑲᓇᑕᒥᐅᑕᑦ ᐱᑐᖃᓕᕆᓂᕐᒧᑦ ᐃᑲᔪᖅᓯᒍᑎᖏᑦ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᒪᑯᓄᖓ ᓄᓇᖃᖅᑳᖅᓯᒪᔪᓄᑦ ᐅᖃᐅᓯᓕᕆᓂᕐᒧᑦ ᒪᓕᒐᑎᒍᑦ;
- $12 ᒥᓕᔭᓐ ᐅᑯᓇᓐᖓᑦ ᓄᓇᕗᒥ ᐊᑐᓕᖅᑎᑦᑎᓪᓕᐊᓂᕐᒧᑦ ᓈᓚᒃᑎᓂᒃ ᐊᒻᒪᓗ ᐅᑯᓇᖓᑦ 2015 ᐃᒃᑯᖅᑐᐊᓂ 23 ᑲᓇᑕᐅᑉᒐᕙᒪᒃᑯᖏᓐᓂᒃ ᐊᖅᑭᖃᑎᒌᒃᖢᑎᒃ ᐃᓕᓴᐃᓂᕐᒧᑦ ᑮᓇᐅᔭᖁᑎᖏᓐᓂᒃ ᐃᓄᖕᓄᑦ ᐃᖅᑲᓇᐃᖅᑎᑦᑎᓂᕐᒧᑦ ᐊᐅᓚᔾᔭᒋᐊᖅᑕᐅᓯᒪᔪᓂᒃ;
- $12.4 ᒥᓕᔭᓐ ᐅᑯᓇᖓᑦ ᒪᑭᒋᐊᖅᑕ ᐃᓄᖕᓄᑦ ᐃᓕᓐᐊᕈᑎᓴᓄᒃ ᑯᐊᐱᕇᓴᓐ
ᓄᓇᕗᑦ ᑐᓐᖓᕕᒃ ᑎᒥᖓᑦ ᐱᓚᐅᖅᑐᖅ $7.3 ᒥᓕᔭᓐ ᐅᑭᐅᓄᑦ ᑕᓪᓕᒪᓄᑦ 5 ᐱᓇᓱᐊᖅᑕᐅᓂᐊᖅᑐᑦ ᐱᓕᕆᓂᕐᒧᑦ ᒪᑯᓄᖓ ᐱᓪᓗᕆᒃᑐᓂᒃ ᐃᓕᖓᓂᐊᖅᑐᓂᒃ ᐃᓄᒃᑐᑦ ᐃᓕᓐᓂᐊᕐᓂᕐᒧᑦ ᐊᒻᒪᓗ ᐃᓄᐃᑦ ᐃᓕᓴᐃᔨᒃᓴᓄᑦ