ᖃᐅᔨᒋᐊᕐᑏᑦ ᐋᓐᓂᐊᕐᑕᐃᓕᒪᓂᕐᒧᑦ ᖃᐅᔨᓴᕐᕕᒃ
ᑐᕌᖅᑕᐅᔪᒪᔪᖅ
ᑐᕌᖅᑕᐅᔪᖅ ᑖᑦᓱᒧᖓ ᐱᓕᕆᐊᕆᔭᒧᑦ ᐊᑑᑎᖃᖅᑎᑦᑎᓗᑎᒃ ᐃᓄᙳᐃᓂᕐᒥᒃ ᓄᓇᓕᖕᓂ. “ᐃᓄᙳᐃᓂᖅ” ᑐᑭᖃᖅᑐᖅ “ᐃᓅᑉ ᓴᓇᔭᐅᓂᖓᓂᒃ” ᐊᒻᒪ ᐅᖃᐅᓯᖃᖅᑐᖅ ᐱᐅᓯᑐᖃᒃᑯᑦ ᓱᕈᓯᕐᓂᒃ ᐱᕈᖅᓴᐃᓂᕐᒥᒃ ᖃᐅᔨᒪᓂᐅᔪᓂᒃ ᐊᒻᒪᓗ ᐱᐅᓯᕆᔭᐅᓲᓂᒃ. ᑕᒪᓐᓇ ᐱᔭᕇᕈᒪᔭᕗᑦ ᐱᖓᓱᐃᓕᖓᓪᓗᑎᒃ ᐊᑐᐊᖅᑕᐅᔪᓐᓇᕐᑐᑦ ᑐᒃᓯᕋᕈᑎᓕᐊᑦᑎᓐᓂ:
- ᐃᓄᒃᑎᑑᓕᕐᑕᐅᓗᑎᒃ ᐊᒻᒪᓗ ᓄᑖᙳᓕᕐᓯᒪᔪᓂᒃ ᓴᖅᑮᓗᑎᒃ ᐃᓄᙳᐃᓂᕐᒧᑦ ᐃᓕᓐᓂᐊᕈᑎᒃᓴᓂᒃ, ᒫᓐᓇᕋᑖᖑᔪᔪᖅ ᐃᒋᐊᖅᑕᐅᓚᐅᕐᒪᑕ ᑐᓴᕐᕕᖃᓚᐅᕐᑎᓪᓗᒋᑦ ᐸᐃᕆᔨᓂᒃ ᐊᒻᒪᓗ ᑲᑎᒪᑎᑦᑎᔨᐅᕙᒃᑐᓂᒃ.
- ᐃᓄᙳᐃᓂᕐᒥᒃ ᐃᓕᓐᓂᐊᕐᑎᑕᐅᓗᑎᒃ ᓄᓇᖅᑲᑎᒌᓄᑦ ᓄᓇᕗᖕᒥ ᑲᒪᕙᒃᑐᓂᒃ ᓱᕈᓯᓛᓂᒃ ᐊᒻᒪᓗ ᐊᖏᔪᖅᑳᖏᓐᓂᒃ, ᐃᓕᓴᐃᓂᖃᕈᒪᔪᓂ ᐃᓄᙳᐃᓂᕐᒥᒃ ᓄᓇᒥᓐᓂ.
- ᐃᓕᓴᐃᔨᖃᖅᑎᑦᑎᓗᑎᒃ ᑕᑎᒋᔭᐅᓂᐊᕐᑐᓂᒃ ᓯᑕᒪᓄᑦ ᐃᓄᙳᐃᓂᕐᒥᒃ ᑲᑎᒪᑎᑦᑎᔩᑦ ᐃᓕᓴᐃᔪᓐᓇᕐᓯᓂᐊᕐᑐᓂᒃ ᐃᓄᙳᐃᓂᕐᒧᑦ ᐱᓕᕆᔾᔪᑎᓂᒃ ᐊᒻᒪᓗ ᐱᕈᖅᓴᐃᓂᕐᒧᑦ. ᑖᓐᓇ ᐃᑲᔪᓐᓂᖃᓐᓂᐊᕐᒪᑦ ᐱᕚᓪᓕᕐᑕᐅᒍᑕᐅᓗᓂ ᐃᓄᙳᐃᓂᕐᒥᒃ ᑲᒪᒋᔭᖃᓕᕈᓐᓇᓂᕐᒥᒃ ᓯᑕᒪᓂ ᓇᓗᓇᐃᖅᑕᐅᓯᒪᔪᓂ ᑎᒥᐅᔪᓂ: ᐱᕈᕐᕕᒃ ᒥᒃᑎᒪᑕᓕᖕᒥ, ᐊᕐᕕᐊᓂ ᐃᓅᓯᒋᒃᓯᐊᓂᕐᒧᑦ ᐱᓕᕆᖓᓂ. ᐊᑐᕚᒥ ᐃᓄᖕᓂᒃ ᓱᕈᓯᓛᓄᑦ ᑲᒪᕕᐅᕙᒃᑐᖅ, ᐊᒻᒪᓗ ᐃᖃᓗᑦᑑᑎᐊᕐᒥ ᐃᓅᓯᒋᒃᓯᐊᓂᕐᒧᑦ ᐱᓕᕆᖓᓂ − ᐊᒻᒪ ᐃᑲᔪᓐᓂᖃᓐᓂᕐᓴᐅᖁᓪᓗᒋᑦ ᐃᓄᙳᐃᓂᕐᒥᒃ ᐱᓕᕆᔪᓐᓇᕐᓯᓂᖅ ᓄᓇᓕᑦᑎᓐᓂ. ᐱᔭᕇᑎᐊᕐᑎᓪᓗᒋᑦ ᐃᓕᓴᔭᐅᓂᖏᑦ ᐱᓕᕆᐊᒃᓴᒧᑦ, ᖃᐅᔨᒪᓂᖅᑖᖅᓯᒪᓂᐊᕐᒪᑕ ᐊᒻᒪᓗ ᐊᑐᖅᑲᑦᑕᕐᓯᒪᓕᕈᑕᐅᓗᑎᒃ ᐃᓕᓴᐃᔪᓄᑦ ᐊᒻᒪᓗ ᐱᓕᕆᖃᑎᖏᓐᓄᑦ ᑎᒥᖁᑎᒥᓂ ᐱᐅᓯᕆᔭᐅᓲᓂᒃ ᐃᓄᙳᐃᓂᕐᒧᑦ.
ᑕᑯᓐᓇᖑᐊᕈᑕᐅᔪᑦ ᐊᒻᒪᓗ ᐱᓕᕆᐊᒃᓴᓂᒃᑕᐅᒍᑎᒋᓯᒪᔭᖏᑦ
ᖃᐅᔨᒋᐊᖅᑏᑦ ᐋᓐᓂᐊᕐᑕᐃᓕᒪᓂᕐᒧᑦ ᖃᐅᔨᓴᕐᕖᑦ ᐃᒻᒥᑰᕐᒪᑕ, ᓄᓇᓕᖕᓂᑦ ᑲᒪᒋᔭᐅᒋᐊᕐᓯᒪᓪᓗᑎᒃ ᖃᐅᔨᓴᕐᕕᐅᔪᑦ ᐊᐅᓚᑕᐅᓪᓗᑎᒃ ᐊᒥᓱᓃᖔᖅᑐᓄᑦ ᑲᑎᒪᔨᓂᑦ ᑭᒡᒐᖅᑐᐃᔪᓂᒃ ᐃᓄᐃᑦ ᑎᒥᖁᑎᖏᓐᓂᒃ, ᖃᐅᔨᓴᕐᑎᓂᒃ, ᒐᕙᒪᒃᑯᓐᓂᑦ ᐊᒻᒪᓗ ᓄᓇᓕᖕᓂᑦ. ᖃᐅᔨᒋᐊᖅᑏᑦ ᐅᑯᓇᓂ ᓄᓇᓕᖕᓃᒃᐳᑦ ᐃᖃᓗᖕᓂ ᐱᓕᕆᐊᒃᓴᖃᖅᑐᑎᒃ ᐊᒻᒪ ᐃᖅᑲᓇᐃᔭᕐᑎᖃᖅᑐᑎᒃ ᓄᓇᕘᓕᒫᕐᒥ. ᓄᓇᕗᖕᒥᐅᑕᐅᕗᒍᑦ ᐱᓕᕆᓪᓗᑕ ᐃᓅᓯᒋᒃᓯᐊᓂᕐᒧᑦ ᐋᓐᓂᐊᕐᑕᐅᓕᒪᓂᕐᒥᒃ ᓄᓇᖅᑲᑎᑦᑎᓐᓄᑦ. ᐱᓕᕆᐊᒃᓴᖃᖅᑎᑕᐅᒍᑎᕗᑦ ᐱᔪᓐᓇᕐᓯᖁᓪᓗᒋᑦ ᓄᓇᓕᖕᓂ ᐃᓅᓯᒋᒃᓯᐊᓂᕐᒧᑦ ᖃᐅᔨᓴᕐᓃᑦ ᑲᒪᒋᔭᐅᓂᐊᕐᓗᑎᒃ ᓄᓇᖃᖅᑐᓄᑦ, ᐅᑭᐅᖅᑕᖅᑐᒥᐅᑕᓄᑦ, ᐊᒻᒪᓗ ᓄᓇᓕᖕᓄᑦ ᑕᑎᖃᕈᑕᐅᓪᓗᑎᒃ, ᐊᑦᑕᓇᖏᑦᑐᒥᒃ, ᐃᓕᖅᑯᓯᕆᔭᓂ ᐃᒃᐱᒋᔭᖃᓪᓗᑎᒃ ᐊᒻᒪᓗ ᐱᑦᑎᐊᓂᒃᑯᓪᓗ. ᐱᕚᓪᓕᑎᑦᑎᓇᓱᐊᕐᐳᒍᑦ ᐃᓄᐃᑦ ᖃᐅᔨᒪᔭᑐᖃᙱᓐᓂᒃ ᐊᒻᒪᓗ ᖃᓪᓗᓈᑦ ᖃᐅᔨᓴᕐᓂᒃᑯᑦ ᖃᐅᔨᒪᔭᖏᓐᓂᒃ ᐊᒻᒪ ᑐᑭᓯᓯᒪᔭᐅᔪᓂᒃ ᐋᓐᓂᐊᕐᑕᐃᓕᒪᓂᕐᒧᑦ ᐊᒻᒪ ᐃᓅᓯᒋᒃᓯᐊᓂᕐᒧᑦ ᓄᓇᕘᒥ ᐃᒃᐱᒋᔭᖃᖅᑐᓂᒃ ᓄᓇᓕᖕᒥ ᐃᓅᓯᖃᑦᑎᐊᓂᕐᒥᒃ, ᐋᓐᓂᐊᕐᑕᐃᓕᒪᓂᕐᒥᒃ ᐊᒻᒪᓗ ᖃᓄᐃᖏᒍᑎᒋᔪᓐᓇᕐᑕᖏᓐᓂᒃ ᓄᓇᕗᖕᒥᐅᑦ. ᑕᑯᓐᓇᖑᐊᖅᑕᐅᔪᑦ ᖃᐅᔨᒋᐊᕐᑏᑦ ᐊᑑᑎᖃᖅᑎᑦᑎᓗᑎᒃ ᖃᐅᔨᓴᕐᓂᕐᒥᒃ ᑕᒪᓐᓇᓗ ᐊᑐᖅᑕᐅᓂᐊᕐᓗᓂ ᖃᓄᖅᑑᕈᑎᖃᕆᐊᕐᓂᕐᒧᑦ ᑲᒪᒋᐊᕈᑕᐅᓗᓂ ᐋᓐᓂᐊᖃᑦᑕᐃᓕᒪᓂᕐᒧᑦ ᐃᓚᑰᓗᐊᕈᑕᐅᔪᓂᒃ ᓄᓇᓕᖕᓂ.
ᖃᐅᔨᒋᐊᕐᕕᐅᔪᓐᓇᕐᑐᖅ:
ᒍᐃᐊᓐ ᕼᐃᓕ
ᖃᕆᑕᐅᔭᒃᑯᑦ ᑐᕌᕈᑖ: gwen.healey@qhrc.ca
ᐅᖄᓚᐅᑖ: 867-975-2476