Qauyigiartiit Aanniaqtuliqiyit Qauyihaiyit Havakviat

Tukihinnarninga

Havaariyait hapkua atuqtittivallianahuaqhugu Inunnguiniq nunallaaptingnit. “Inunnguiniq” qauhitilik taimaa “inunnguinniqmik inungnik” ilittuqhitivaktuq ilitquhituqtunik pamiqhiniqmik nutaqqanik. Inirumayaqqut hapkua pingahukkut ingilravighakkut tughirautimnit:

  1. Numiktiriplutik titiraqhutiklu nutaannguqtiqhimayunik Inunnguiniq ilihaitjutainik, ilayauhaaqhimayuq tuhaqvigihimayainit munaqtinit ilihaiyinillu.
  2. Inunnguiniq-mik ilihaiplutik nunallaaqmiunut Nunavunmi havaqatiqaqtunik nutaqqanik angayuqqaaniklu, aulapkaiyumaplutiklu Inunnguiniq ilihaqtaghanik nunallaaqminik.
  3. Uqautjivaghugit ikayuqhugit hitamauyut Inunnguiniq Ilihaiyinik ilihaiyighat kinguani Inunnguiniq ilihaqtaghaanik nutaqqiurniqmiklu. Hakugighautauniaqtuq Inunnguiniq ilihaiyighanik talvani hitamauyunit havakvingnit: Pirurvik Havakviat Mittimatalingmi, Arviani Inuuhiqattiarniqmut Havakviat Arviani, Ottawa Inuinnait Nutaqqat Havakviat Ottawa-mi, Iqaluktuuttiaqmilu Inuuhiqattiarniqmut Havakviat Iqaluktuuttiaqmi – havaktighaqhiuqhimmaaqlutik Inunnguiniqmik nunallaaptingnit tamaat. Iniqhihimagumik uqautjiyit ikayuqtit ilihaqtaghaat, qauhimaniaqtut ilihimaniaqtullu uqautjiyaamik havaqatait talvani havakviinit Inunnguiniqmut.

Ihumagiyait Havaaghaillu

Qauyigiartiit Aanniaqtuliqiyit Qauyihaiyit Havakviat ilikkuuqtut, nunallaaqmiunit-aulapkaqtitauyut qauyihaivik aullaqtitauyut amihunik-havaaghalingnik katimayinit kivgaqtuiyut Inuit timiqutainik, qauyihaiyunik, kavamanik nunallaaqniklu. Havakvit Iqalungniittuq havaaghalgit havaktilgillu aviktuqhimayumi tamaat. Nunavunmiutauyugut havaghuta hivumuuqtittinahuaqhugu aanniaqtailiniq nuatqatiptingnik.

Havaaghariyavut taimaa nunallaaqnit inuuhiqattiarniqmut qauyihailutik nunallaaqnit, ukiuqtaqtumiunit, nunallaaqniklu ikayuqhugit, amirnaittumik, ilitquhinik qauhimaplutik havauhiqattiaqtumilu havakvingnit. Atuqtittivalliavaktavut Inuit Qauhimayatuqainik ualiniqhiillu qauyihaqviit ilihimattiarniqmik qauhimattiarniqmiklu aanniaqtailiniq inuuhiqattiaqniqlu Nunavunmi ihumaaluutauyunik nunallaaqnit inuuhiqattiarniqmut, aanniaqtailiniqmik avatiqariamik, inuuhiqattiarniillu Nunavunmiut tamaat.

Ihumagiyait taapkua Qauyigiartiit atuqtauvangniat qauyihainiq ingilrutitut ilittuqhitighatullu aanniaqtailiniqmut ihuilutauyunik nunallaaptingnit.

Hivayaqtaghat

Gwen Healey

Qaritauyakkut: gwen.healey@qhrc.ca

Hivayautikkut: 867-975-2476