ᖃᔪᖅᑐᕐᕕᒃ ᓂᕆᓕᕆᔨᑦ ᐱᓕᕆᕕᐊᑦ
ᑕᑯᔭᐅᓗᐊᕆᐊᖃᖅᑐᑦ
- ᑕᒪᓐᓇ ᐊᐅᓚᑕᐅᑎᓪᓗᒍ ᓯᕗᒻᒧᑦ ᐱᓕᕆᐊᖑᔪᑦ, QCFC-ᑯᑦ ᐱᓕᕆᔨᖏᑦ ᐱᔪᓐᓇᖅᓯᓚᐅᖅᑐᑦ
ᐋᖅᑭᒃᓱᐃᓂᕐᒥᑦ ᓴᖏᔪᓂᒃ ᐊᒃᑐᐊᖃᑎᒌᒃᓂᕐᒧᑦ ᐊᒥᓱᓄᑦ ᐃᓚᐅᒧᓂᑦ. ᑕᐃᒪᓕ ᑕᑎᖃᕈᓐᓇᕐᓂᖅ
ᑎᒍᔭᐅᑎᓪᓗᒍ, ᐱᓕᕆᔨᑦ ᐱᔪᓐᓇᖅᓯᓚᐅᖅᑐᑦ ᐊᑐᐃᓐᓇᐅᑎᑦᑎᓂᕐᒥᑦ ᐱᔾᔪᑎᒃᓴᓂᒃ ᐊᑐᖅᑕᐅᓂᐊᖅᑐᓄᑦ
ᐊᒻᒪᓗ ᐃᑲᔪᖅᑐᖅᑕᐅᓗᑎᒃ ᐃᓚᐅᔪᑦ, ᒪᑯᐊ ᓲᕐᓗ ᐃᓱᒪᓕᕆᓂᕐᒧᑦ ᓂᐊᖁᓕᕆᓂᕐᒧᑦ ᖃᓄᐃᖏᑦᑎᐊᕋᓱᐊᕐᓂᕐᒧᑦ ᐱᔾᔪᑎᒃᓴᑦ ᐊᑐᓂᖅᑕᓗᑎᒃ, ᐃᒡᓗᖃᑦᑎᐊᕐᓂᖅ ᐊᒻᒪᓗ ᐊᖏᕐᕋᑲᐃᓐᓇᕐᓂᖅ
ᓇᔪᕐᕕᒃᓴᒥᑦ ᐃᑲᔪᕈᑎᑦ, ᐊᒻᒪᓗ ᐅᐃᕆᔾᔪᑎᖃᖅᑐᓄᑦ ᐃᑲᔪᖅᑕᐅᕗᑦ ᒪᒥᓴᕐᕕᑦ ᐱᕕᒃᓴᐅᓗᑎᒃ.
- ᐊᒥᓱᐃᑦ ᐃᓚᐅᔪᑦ ᐱᔪᓐᓇᖅᑎᑕᐅᓚᐅᖅᑐᑦ ᓄᓇᒥᐅᑎᑕᐅᑎᓪᓗᒋᑦ ᐊᒻᒪᓗ ᐃᓚᐅᔪᑦ
ᐊᖑᓇᓱᒍᓐᓇᖅᑎᑕᐅᓪᓗᑎᒃ ᐊᒻᒪᓗ ᐱᑕᖅᑎᑕᐅᓂᕐᒧᑦ ᐱᓕᕆᐊᖃᓚᐅᖅᑐᑦ ᐆᒪᔪᓂᒃ. ᐃᓚᒋᑦ ᐃᓚᐅᔪᑦ,
ᐃᓚᐅᓂᖏᑦ ᓇᖕᒥᓂᖅ ᑕᒪᑦᓱᒪᖓᑦ ᐱᓕᕆᐊᖑᔪᑎᒍᑦ ᓯᕗᓪᓕᖅᐹᖑᓚᐅᖅᑐᖅ ᓄᓇᔪᕈᔾᔨᓂᒃᑯᑦ
ᑕᐃᒪᓐᖔᓄᑦ ᑕᐃᓱᒪᓂᓂᑦ. ᐊᒥᓱᐃᑦ ᐃᓚᐅᔪᑦ ᐅᓂᒃᑳᓚᐅᖅᑐᑦ ᑕᒪᓐᓇ ᓄᓇᒦᑎᑕᐅᓂᖅ ᐱᓕᕆᓪᓗᑎᒃ
ᓴᖏᔪᐊᓗᖕᒥᑦ ᐊᒃᑐᖅᓯᓂᖃᓚᐅᕐᓂᐊᓂᒃ ᓇᖕᒥᓂᖅ ᐃᓱᒪᖏᑦᑎᒍᑦ ᖃᓄᐃᖏᑦᑎᐊᓂᕐᒧᑦ ᑲᓴᐃᓪᓗᓂ.
- ᑕᒪᑦᓱᒪ ᐊᐅᓚᓂᐊ ᐱᓕᕆᐊᖑᔫᑉ, ᐃᓚᐅᔪᑦ ᐃᓕᑦᑎᓚᐅᖅᑐᑦ ᐃᒐᔨᕐᔪᐊᖑᓂᕐᒧᑦ ᐱᓕᒻᒪᒃᓴᕐᓂᕐᒥᑦ
ᐃᓚᐅᓂᒃᑯᑦ ᓂᕆᔭᒃᓴᓕᐅᖅᑎᓪᓗᒋᑦ ᐊᒻᒪᓗ ᓂᕿᓕᐅᖅᑎᓪᓗᒋᑦ ᐅᑯᑎᒎᓇᖅ QCFC−ᑯᑦ ᖃᐅᑕᒫᑦ
ᓄᓇᓕᖕᒥᐅᑦ ᓂᕆᔭᒃᓴᖏᓐᓂᒃ. ᑕᒪᓐᓇ ᐱᔨᑦᑎᕋᕈᑎᐅᓂᐊ ᑲᔪᓯᑎᑦᑎᓂᕐᒧᑦ ᐊᑐᖅᑕᐅᔪᑦ
ᐊᖅᑭᐅᒪᓂᖏᑦᑎᒍᑦ, ᐃᓚᐅᔪᑦ ᐃᒪᓐᓇᐃᑦᑐᓐᓇᓚᐅᕐᒥᔪᑦ ᐱᔪᓐᓇᖅᓯᑎᑕᐅᓪᓗᑎᒃ ᓱᓕᔪᓂ ᐊᑲᐅᔪᓂᒃᓗ
ᑐᓂᓯᖃᑕᐅᓂᕐᒥᑦ ᐋᓐᓂᐊᖏᑦᑎᐊᕐᓂᕐᒧᑦ ᐊᒻᒪᓗ ᖃᓄᐃᖏᑦᑎᐊᕐᓂᕐᒧᑦ ᐊᒥᓱᐊᓗᖕᓄᑦ ᐃᖃᓗᖕᒥᐅᑕᓂᒃ,
ᐊᒥᓲᓂᖅᓴᐃᑦ ᓄᓇᕗᒥᐅᑕᐅᑎᓪᓗᒋᑦ.