ᓄᓇᕗᒻᒥ ᐃᓛᒃᑰᖅᑐᑦ ᑕᓚᕖᓴᓕᕆᓲᑦ

ᓇᐃᓈᖅᓯᒪᓂᖏᑦ

ᑖᓐᓇ ᐱᓕᕆᐊᖅ ᐃᖅᑲᓇᐃᔭᖃᑎᖃᖅᑎᑦᑎᓂᖃᕋᔭᖅᑐᖅ ᓄᓇᕗᒻᒥ ᓄᓇᓖᓐᓂᒃ ᐋᖅᑭᒃᓱᐃᔪᓐᓇᖁᓪᓗᒋᑦ ᐊᒻᒪᓗ ᑕᑯᓐᓇᒐᒃᓴᐅᒐᔭᖅᑐᓂᑦ ᐋᖅᑮᓗᑎᑦ 16-ᖑᔪ ᐃᑲᕐᕋᑉ ᐊᕝᕙᖓᓂ ᐃᕐᖐᓐᓇᖅ ᑕᑯᒃᓴᐅᑎᑦᑎᖃᑦᑕᕋᔭᖅᑐᑦ ᑕᑯᓐᓇᒐᒃᓴᑦ (ᑎᓴᒪᐅᔪᖅᑐᑦ ᐊᑐᓂ ᓄᓇᓕᐅᔪᓂ). ᐊᑐᓂ ᑕᑯᓐᓇᒐᒃᓴᓕᐊᑦ ᑭᖑᓕᕇᑦᑐᑦ ᐸᕐᓇᐅᑕᐅᒐᔭᖅᑐᑦ,

ᐋᖅᑭᓱᖅᑕᐅᓗᑎᑦ ᖃᖓᐅᒐᔭᕐᒪᖔᑦ, ᑕᕐᕆᔮᒃᓴᓕᐊᕆᔭᐅᓗᑎᑦ ᐊᒻᒪᓗᐋᖅᑭᒃᓱᖅᑕᐅᓗᑎᑦ ᓄᓇᓕᒻᒥᐅᑕᐅᔪᓄᑦ ᐱᓕᒻᒪᒃᓴᖅᑎᑕᐅᓯᒪᔪᑦ ᐊᒻᒪᓗ ᐃᑲᔪᖅᑐᖅᑕᐅᓗᑎᑦ NITV ᐃᒡᓗᓕᒃ ᐊᒻᒪᓗ ᐊᕐᕕᐊᓂ ᑕᑯᓐᓇᒐᒃᓴᓕᐅᖅᑏᑦ ᐃᖅᑲᓇᐃᔭᖅᑎᖏᓐᓄᑦ. ᐊᑐᓂ ᑕᑯᓐᓇᒐᒃᓴᐅᔪᑦ ᓄᓇᓕᒻᒥᐅᑕᕐᓄᑦ ᐋᖅᑭᒃᓱᖅᑕᐅᓯᒪᔪᓄᑦ ᑕᑯᒃᓴᐅᑎᑦᑎᒐᔭᕐᒪᑦ, ᐱᖃᓯᐅᓪᓗᒋᑦ ᐊᐱᖅᓱᖅᑕᐅᓂᐅᔪᑦ, ᑕᑯᓐᓇᒐᒃᓴᓕᐅᖅᓯᒪᔪᑦ, ᐊᒻᒪᓗ ᓄᓇᓕᓐᓂ ᖃᓄᐃᓕᐅᕈᑕᐅᔪᑦ ᐸᕐᓇᑕᐅᓯᒪᓂᖏᑦ ᒪᓕᓪᓗᒋᑦ ᐊᒻᒪᓗ ᐃᓱᒪᓕᐊᒥᓂᖏᑦ

ᓄᓇᓕᒻᒥᐅᑦ ᐃᖅᑲᓇᐃᔭᑐᑦ. ᑕᒪᐃᓐᓂ ᑕᑯᓐᓇᕋᒃᓴᐅᔪᑦ ᐃᕐᖐᓐᓇᖅ ᑕᑯᒃᓴᐅᑎᑕᐅᒐᔭᖅᑐᑦ ᐅᕙᒍᑦ ᑕᓚᕖᓴᖓᓂᒃ, ᐊᑐᐃᓐᓇᐅᒪᔪᖅ 620.000 ᐊᑭᓖᓪᓗᑎᑦ ᑕᐅᑐᒍᓐᓇᖅᓯᒪᔪᑦ ᑲᓇᑕᑉ ᐅᑭᐅᖅᑕᖅᑐᖓᓃᑦᑐᑦ ᐊᒻᒪᓗ ᓄᓇᕐᔪᐊᕐᒥ ᐅᕙᒍᑦ ᑕᓚᕖᓴᒃᑯᑦ ᐃᑭᐊᖅᑭᕕᖓᓂᒃ (uvagut.tv).

ᐅᖃᐅᓯᕆᔭᐅᓗᐊᕆᐊᓖᑦ

ᑖᓐᓇ ᐱᓕᕆᐊᖅ ᐃᑲᔪᓲᖅ ᐱᓕᒻᒪᒃᓴᖅᑕᐅᓗᑎᑦ ᐃᓚᐅᖃᑕᐅᔪᑦ ᓯᕗᒧᐊᓐᓂᖅᓴᒥᒃ ᑕᓚᕖᓴᓕᕆᓂᕐᒥᒃ ᐊᒻᒪᓗ ᑕᑯᓐᓇᒐᒃᓴᓕᐅᖅᑎᒃᑯᓐᓂᑦ, ᐊᔪᕈᓐᓃᕈᑎᐅᕙᑦᑐᑦ ᐅᑯᐊ:

• ᐋᖅᑭᒃᓱᐃᓂᖅ, ᐱᖃᓯᐅᑎᓗᒋᑦ:
  • ᓄᓇᓕᒻᒥᐅᑦ ᐱᓕᕆᖃᑎᒋᒋᐊᖅᑕᐅᓗᑎᑦ
  • ᓄᓇᓕᒻᒥᐅᑦ ᐱᕙᓪᓕᐊᔪᓕᕆᔭᐅᓂᖏᑦ ᐊᒻᒪᓗ ᐅᓪᓗᒥᐅᔪᖅ ᐱᕙᓪᓕᐊᔪᓕᕆᓂᕐᒨᖓᔪᓕᕆᓂᖅ
  • ᑕᑯᓐᓇᒐᒃᓴᐅᒐᔭᖅᑐᑦ ᐅᖃᖅᑕᐅᒐᔭᕈᑎᖏᑦ ᑎᑎᕋᕐᓗᒋᑦ ᐊᒻᒪᓗ ᐸᕐᓇᐅᓯᐅᕐᓗᒋᑦ
  • ᖃᐃᖁᔨᓯᒪᓗᑎᑦ ᐊᒻᒪᓗ ᐊᐱᖅᓱᕐᓂᕐᒧᑦ ᐊᔪᕈᓐᓃᖅᓴᓂᖅ
• ᐊᐅᓚᑦᑎᓂᕐᒨᖓᔪᑦ:
  • ᖃᐃᖁᔭᐅᓯᒪᔪᑦ ᐃᓂᒃᓴᓕᐅᕐᓗᒋᑦ.
  • ᓂᐱᓕᐅᕆᓂᖅ
  • ᐸᕐᓇᐅᑎᓕᐅᕐᓗᑎᑦ ᑲᑎᒪᖃᑎᖃᕐᓂᖅ
  • ᓱᓇᒃᑯᑖᓕᕆᓂᖅ, ᐱᖃᓯᐅᑎᓪᓗᒋᑦ:
  • ᓂᐱᓕᐅᕈᑏᑦ
  • ᖃᐅᒪᓕᕆᓂᖅ
  • ᓂᐱᓕᐅᕈᑏᑦ
  • ᐊᓯᔾᔩᖄᑦᑕᖅᑏᑦ
  • ᓇᑲᑎᕆᓗᑎᑦ ᐊᒻᒪᓗ ᐊᑲᐅᙱᓕᐅᕈᑎᓂᑦ

ᑕᑯᓐᓇᒐᒃᓴᓕᐅᕐᕕᖓᓂ ᐋᖅᑭᒋᐊᕆᖃᑦᑕᕐᓗᑎᑦ

ᐋᖅᑭᒃᓱᐃᓗᑎᑦ ᐱᓇᓱᐊᕈᓯᑕᒫᑦ ᐃᓄᒃᑎᑐᑦ ᑕᓚᕖᓴᓕᐅᖅᑕᐅᓯᒪᔪᓂᑦ ᐱᓕᕆᐊᖃᐃᓐᓇᕐᓗᓂ ᑭᓯᐊᓂᐅᓲᖑᖕᒪᑦ ᑭᓯᐊᓂᓕ ᖁᕕᐊᓇᓪᓚᕆᓕᕈᓐᓇᖅᑐᓂ. ᖁᔭᒋᔭᕗᑦ ᐱᐅᔪᓂᑦ ᐅᖃᐅᓯᖃᖃᑦᑕᖅᓯᒪᓂᖏᑦ ᑕᐅᑐᕋᓐᓈᓲᑦ, ᐊᒻᒪᓗ ᖁᕕᐊᒋᔭᖃᓲᖑᕗᒍᑦ ᓄᓇᓕᒻᒥᐅᑦ ᖃᓄᐃᓕᐅᖅᑎᑕᐅᓪᓗᑎᑦ ᐊᒻᒪᓗ ᓄᓇᓕᒻᒥᐅᑦ ᐱᔾᔪᑎᖏᖕᓂᒃ ᐅᖃᐅᓯᖃᖃᑦᑕᖅᑐᑕ. ᑲᑐᑎᓪᓗᒋᑦ ᑕᒪᒃᑯᐊ ᑕᑯᓐᓇᒐᒃᓴᓕᐊᕆᔭᐅᓯᒪᔪᑦ ᑕᓚᕖᓴᒃᑯᑦ ᑕᐅᑎᑉᐸᑦᑐᓂᑦ ᓄᓇᓕᑦᑎᓐᓂ ᑲᓱᖅᓯᒪᓂᖃᖅᑎᑦᑎᓪᓚᕆᓲᖅ ᐊᒻᒪᓗ ᐅᕙᑦᑎᓐᓂᒃ

ᐃᑲᔪᓲᑦ ᐅᖃᐅᓯᖃᕐᓗᑕ ᐱᔾᔪᑎᓂᑦ ᐱᒻᒪᕆᐅᔪᑦ ᐅᕙᑦᑎᓐᓄᑦ. ᐅᑉᐱᕈᓱᑦᑐᒍᑦ ᐋᖅᑭᒃᓱᐃᓂᕐᒥᒃ ᑕᓚᕖᓴᒃᑯᑦ ᑕᑯᓐᓇᒐᒃᓴᓕᐅᕐᓂᕐᒥᒃ ᐃᓄᒃᑎᑑᖅᑐᑦ ᐱᒻᒪᕆᐊᓘᔾᔪᑕᐅᒻᒪᑕ ᐸᐸᑕᐅᓗᑎᑦ ᐅᖃᐅᓯᕗᑦ ᐊᒻᒪᓗ ᐃᓕᖅᑯᓯᕗᑦ.

ᑲᑎᓕᒫᖅᑐᒋᑦ ᑕᑯᓐᓇᒐᒃᓴᐃᑦ 23 ᐱᔭᕇᖅᑕᐅᓚᐅᖅᓯᒪᔪᑦ ᐃᒡᓗᓕᖕᒥ, ᐊᕐᕕᐊᑦ ᐊᒻᒪᓗ ᐃᖃᓗᓐᓂ.