ᐊᔪᕿᖅᓱᐃᓗᓂ ᐅᖃᐅᓯᓕᕆᓂᕐᒧᑦ ᐱᓕᕆᐊᑦ
ᐃᖅᑲᓇᐃᔭᖅᑏᑦ ᐃᓄᒃᑐᑦ ᐅᖃᐅᓯᕐᒥᒃ ᐱᕙᓪᓕᐊᑎᑦᓯᓂᕐᒥᒃ ᐊᒻᒪᓗ ᓴᕐᖓᑎᑦᓯᕙᓪᓕᐊᔪᒃᓴᓂᒃ
ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ ᐃᖅᑲᓇᐃᔭᖅᑎᖓ ᐃᓄᒃᑐᑦ ᐅᖃᐅᓯᕐᒥᒃ ᐱᕙᓪᓕᐊᑎᑦᓯᓂᕐᒥᒃ ᐊᒻᒪᓗ ᓴᕐᖓᑎᑦᓯᕙᓪᓕᐊᑎᑦᓯᓂᕐᒥᒃ ᐱᓇᓱᐊᒐᐅᔪᖅ ᐱᕙᓪᓕᐊᒍᑕᐅᓂᐊᖅᑐᖅ ᐋᖅᑭᓱᖅᑕᐅᓗᓂ KIA ᐃᓄᐃᑦ ᑲᑐᔾᔨᖃᑎᒌᖑᓂᖓᒍᑦ ᐋᖅᑭᐅᒪᒋᐊᓕᖏᓐᓂᒃ ᐱᕙᓪᓕᐊᒍᑎᒃᓴᓂᓪᓗ ᐊᑐᖅᑕᐅᓂᖓ ᐃᓄᒃᑐᑦ ᐃᖅᑲᓇᐃᔭᕐᕕᒻᒥ. KIA ᐊᑐᓚᐅᖅᑐᑦ ᑖᑦᓱᒧᖓ ᐱᓕᕆᐊᒧᑦ ᑮᓇᐅᔭᓕᑕᐅᓯᒪᓪᓗᑎᒃ ᐋᖅᑭᑦᓱᐃᒍᑎᒃᓴᓂᒃ ᐊᑕᐅᓯᕐᒥᒃ ᐃᓕᓴᐃᓂᕐᒧᑦ ᐸᕐᓇᐅᑎᓂᒃ, ᑲᑐᔾᔨᖃᑎᒌᑦ ᐊᓯᐊᓄᐊᕐᓗᑎᒃ ᑲᓱᒃᑲᓐᓂᕐᕕᒋᓂᐊᖅᑕᒥᓄᑦ ᓇᑭᓐᖔᕐᓯᒪᓂᕐᒥᓂᒃ ᐅᖃᐅᓯᑦᑎᓐᓄᑦ ᐃᓕᖅᑯᓯᑦᑎᒍᑦ ᐊᒻᒪᓗ ᐊᔾᔨᒌᓐᖏᑦᑐᓂᒃ ᐱᔪᓐᓇᕐᓂᖏᑎᒍᑦ ᐅᖃᐅᓯᕐᒥᒃ ᐃᓕᓐᓂᐊᑎᑦᓯᕙᓪᓕᐊᒍᑎᒃᓴᓂᒃ ᐃᓕᓐᓂᐊᖅᑎᑕᐅᖃᑦᑕᕐᓗᑎᒃ. KIA ᐃᖅᑲᓇᐃᔭᖃᑎᒌᓐᓂᐊᕐᒥᔪᑦ ᐋᖅᑭᑦᓱᐃᓗᑎᒃ ᐃᓚᖏᓐᓂᒃ ᐅᖃᐅᓯᒃᑯᑦ ᐊᒻᒪᓗ ᐊᓯᖏᓐᓂᒃ ᐅᖃᐅᓯᕐᒧᑦ ᐊᑐᖅᑕᐅᕙᑦᑐᓂᒃ ᐃᑲᔫᑎᓂᐊᖅᑐᓂᒃ ᑲᑐᔾᔨᖃᑎᒌᑦᑎᓐᓄᑦ ᑲᔪᓯᕙᓪᓕᐊᑎᑦᓯᓂᕐᒧᑦ ᒪᓂᒪᑎᑦᓯᓂᕐᒥᒃ ᐃᓄᒃᑐᑦ ᐱᔨᑦᓯᕈᑎᓂᒃ. ᑲᑐᔾᔨᖃᑎᒌᖁᑎᕗᑦ ᓴᓐᖏᔪᒻᒪᕆᒻᒥᒃ ᑐᕌᒐᑦᓴᖃᕐᒪᑦ ᓴᕐᖓᑎᑦᓯᓂᕐᒥᒃ ᐃᓄᒃᑐᑦ ᐊᒻᒪᓗ ᐃᖅᑲᓇᐃᔮᕆᓯᒪᔭᕗᑦ ᐅᖃᐅᓯᑦᑎᓐᓂᒃ ᐅᑎᖅᑎᑦᓯᕙᓪᓕᐊᓂᖅ ᐅᓄᖅᑐᓂᒃ ᐊᕐᕌᒍᓂᒃ. ᐃᓚᖓᓂ ᐊᕐᕌᒍᒥ ᒪᓂᒪᑎᑦᓯᓚᐅᖅᑐᒍᑦ ᑲᔪᓯᑦᓯᐊᑐᒻᒪᕆᐅᓪᓗᓂ ᐃᓕᓐᓂᐊᕈᑎᒃᓴᒥᒃ ᐃᖅᑲᓇᐃᔭᖅᑎᓕᒫᑦᑎᓐᓄᑦ, ᑭᓯᐊᓂ ᑕᐃᒪᓐᖓᓂᒃ ᐱᕕᒃᓴᖃᕐᓯᒪᓐᖏᑦᑐᒍᑦ ᑖᑦᓱᒧᖓ ᐃᑎᔪᒋᐊᒃᑲᓐᓂᐅᓗᓂ. ᐅᑉᐱᕆᔭᕋ ᐊᑐᕐᓂᖅ ᐊᕐᕌᒍᑦᑎᓐᓂ ᖃᐅᔨᓴᕐᓂᕐᒥᒃ ᓱᓕᔪᒥᒃ ᐊᑐᓂᑦ ᑖᒃᑯᐊ ᐃᑉᐱᒋᔭᒥᓂᒃ ᖃᐅᔨᒋᐊᕐᕕᒋᓚᐅᕐᓗᒋᑦ, ᓱᓕᔪᒥᒃ ᒪᓂᒪᑎᑦᓯᔪᓐᓇᕐᓯᓂᐊᖅᑐᒍᑦ ᐊᑐᕆᐊᖃᓪᓚᑖᖅᑐᓂᒃ ᐃᓄᓐᓄᑦ ᐃᖅᑲᓇᐃᔭᖅᑎᑎᓐᓄᑦ ᐃᓕᒍᒪᔪᓄᑦ ᐅᖃᐅᓯᑦᑎᓐᓂᒃ.
ᔫᓕᐊ ᐅᒌᓇ
culture_elders@kitis.ca
867-983-2458