ᐅᑭᐅᖅᑕᖅᑐᒥ ᐃᓄᖃᓐᖏᑦᑐᓂᒃ ᖃᖓᑕᑎᑦᓯᓂᕐᒧᑦ ᐃᓕᓐᓂᐊᕐᓂᖅ ᐊᐅᓪᓛᖅᓯᒪᓗᓂ

ᐅᑭᐅᖅᑕᖅᑐᒥ UVA 100% ᐃᓄᖕᓄᑦ−ᓇᖕᒥᓂᕆᔭᐅᔪᖅ ᑲᒻᐸᓂ ᐊᒻᒪ ᓈᒪᔪᓂᒃ−ᐱᔨᑦᓯᕋᐅᑎᓕᒃ UAV ᑲᒻᐸᓂᐅᔪᖅ ᐊᐅᓚᓪᓗᓂ ᓄᓇᕗᒥ. ᐅᓄᓐᖏᑦᑐᓂ ᐊᕐᕌᒎᓂᐊᖅᑐᓂ ᑖᓐᓇ ᑲᒻᐸᓂᐅᔪᖅ ᐊᖏᓪᓕᒋᐊᕆᒐᓱᐊᕐᒪᑦ ᐱᔨᑦᓯᕋᕈᓐᓇᕐᓂᕐᒥᓂᒃ ᐱᓕᕆᐊᓄᑦ ᐊᕕᒃᑐᖅᓯᒪᓂᓕᒫᕐᒥ (ᐊᒻᒪ ᐅᑭᐅᖅᑕᖅᑐᓕᒫᕈᔪᒃ) ᐊᖏᓪᓕᒋᐊᕐᓗᒋᑦ ᐊᔪᓐᖏᓐᓂᓂ, ᐃᓚᐅᓗᑎᒃ ᐃᓕᓐᓂᐊᖅᑎᑦᓯᓂᖅ ᐃᖅᑲᓇᐃᔭᖅᑎᒃᓴᓂᒃ ᐊᕕᒃᑐᖅᓯᒪᓂᐅᔪᓕᒫᒥ ᑖᒃᑯᐊ ᐊᔪᕈᓐᓃᕐᓂᐊᖅᑐᑦ ᓄᓇᓕᖕᓂ ᑎᒍᓯᔪᓐᓇᓕᕐᓗᑎᒃ ᐱᓕᕆᐊᖑᑲᐃᓐᓇᖅᑐᓂᒃ.

ᐅᑭᐅᖅᑕᖅᑐᖅ UAV ᕿᓂᕐᑐᑦ ᐊᖏᓪᓕᒋᐊᕈᑎᒃᓂᒃ ᐊᐅᓚᔾᔪᑎᒥᓄᑦ ᐊᒻᒪ ᐃᓕᓐᓂᐊᖅᑎᓪᓗᒋᑦ ᐃᖅᑲᓇᐃᔭᖅᑎᒃᓴᑦ ᓂᕈᐊᖅᑕᐅᔪᓂ ᓄᓇᓕᖕᓂ. ᑕᒪᓐᓇ ᐃᓚᖃᖅᑐᖅ ᐊᖏᓪᓕᒋᐊᕐᓗᒋᑦ ᐊᔪᓐᖏᓐᓂᖏᑦ ᐱᑕᖃᖅᑎᑦᓯᓂᕐᒥᑦ ᑕᐅᑐᒐᑐᐃᓐᓇᕐᓂᒃ (BVLOS) ᐱᔨᑦᓯᕋᐅᑏᑦ. ᓂᕈᐊᖅᑕᐅᔪᓐᓇᖅᑐᑦ ᓄᓇᓖᑦ ᓇᓗᓇᐃᖅᓯᐊᓂᒃᓯᒪᔪᑦ ᐱᓕᕆᐊᖑᑲᐃᓐᓇᕐᓂᐊᖅᑐᓄᑦ ᐃᓚᖃᖅᑐᑦ ᒥᑦᑎᒪᑕᓕᒃ ᐊᒻᒪ ᐃᒡᓗᓕᒑᕐᔪᒃ. ᐱᕕᒃᓴᐅᔪᓐᓇᖅᑐᑦ ᓇᓗᓇᐃᔭᖅᑕᐅᖕᒥᔪᑦ ᖃᐅᔨᓴᖅᑎᐅᔪᓐᓇᖅᑐᑦ ᓄᓇᓖᑦ ᐱᓕᕆᐊᖃᕐᓂᐊᕐᓗᑎᒃ ᓄᓇᒥᑦᑐᓂᒃ ᐊᒻᒪ ᑕᕆᐅᒥ ᐆᒪᔪᕐᓂᒃ ᖃᐅᔨᓴᕐᓂᖅ.