ᖁᕝᕙᕆᐊᕐᓂᖅ ᐃᑲᔫᑎᓄᑦ ᐊᐅᓚᓂᖅ – ᒪᑐᐃᖅᓯᔪᖅ ᑐᑦᓯᕋᐅᑎᓂᒃ
ᒪᑭᒋᐊᖅᑕ ᐃᓄᐃᑦ ᐃᓕᓴᕈᑎᒃᓴᖏᓐᓄᑦ ᑯᐊᐱᕇᓴᓐ (“ᒪᑭᒋᐊᖅᑕ”) ᒪᑐᐃᖅᓯᔪᖅ ᑐᑦᓯᕋᐅᑎᓂᒃ ᐊᑖᓂ ᖁᕝᕙᕆᐊᕐᓂᖅ ᐃᓕᓐᓂᐊᕋᑦᓴᐃᑦ ᐃᑲᔪᑎᓄᑦ ᐱᕕᑦᓴᖃᕐᓂᐅᔪᑦ ᑐᕌᖅᓱᑎᒃ ᐊᑐᐃᓐᓇᐅᑎᑦᓯᓂᑉᕐᒥᒃ ᐃᓄᓐᓄᑦ ᐃᓕᓐᓂᐊᕐᓂᕐᒥᒃ, ᐱᔭᕆᐊᖅᓴᕆᐊᓕᓐᓂᓪᓗ ᐃᖅᑲᓇᐃᔮᓅᖓᔪᕗᑦ ᐱᕚᓪᓕᕈᑎᒋᓂᐊᖅᑕᖏᓐᓂ ᖃᑭᒪᓇᓱᐊᕐᓂᒃᑯᑦ ᐃᓚᐅᑎᓐᓂᒃᑯᑦ ᐱᕕᖃᕐᓂᒃᑯᓪᓗ, ᐃᓕᓐᓂᐊᖅᑎᑕᐅᓗᑎᓪᓗ ᑭᖑᕚᖑᓂᐊᖅᑐᑦ ᐃᓄᐃᑦ ᓯᕗᓕᖅᑏᑦ.
ᒪᑭᒋᐊᖅᑕᒃᑯᑦ ᑐᑦᓯᕋᐅᓯᐅᕐᕕᑦᓴᐅᔪᑦ ᐃᖅᑲᓇᐃᔭᕐᕕᓐᓂᒃ ᑎᒥᐅᔪᓂᓪᓘᓐᓃᑦ ᐃᑲᔪᕈᒪᓂᖃᖅᑐᓂᒃ ᓄᓇᕗᒻᒥ ᐃᓄᓐᓂᒃ, ᐅᕝᕙᓘᓐᓃᑦ ᓇᒻᒥᓂᖅ ᑐᑭᒧᐊᑦᑎᑦᑐᑦ ᓄᓇᕗᒻᒥ ᐃᓄᐃᑦ ᐃᑲᔪᖅᑎᐅᒍᒪᔪᑦ. ᑐᑦᓯᕋᖅᑐᑦ ᐃᖅᑲᓇᐃᔭᕐᕖᑦ ᑎᒥᐅᔪᓪᓗ ᑐᓂᔭᐅᒍᓐᓇᖅᑐᑦ ᑎᑭᐅᒪᓗᑎᒃ ᐅᖓᑖᓅᙱᑦᑐᖅ $250,000 ᐊᑐᓂᑦ ᐊᑖᓂ ᖁᕝᕙᕆᐊᕐᓂᖅ ᐃᓕᓐᓂᐊᕋᑦᓴᐅᑉ. ᑐᑦᓯᕋᕈᓐᓇᖅᑐᑦ ᓄᓇᕗᒻᒥ ᐃᓄᐃᑦ ᑐᓂᔭᐅᒍᓐᓇᖅᑐᑦ ᖃᑦᓯᐅᓂᖏᑦ ᑐᙵᕕᖃᕐᓗᑎᒃ ᐃᑲᔪᖅᑎᐅᓂᕐᒧᑦ ᐸᕐᓇᐅᑎᖏᓐᓂᒃ. ᑲᑎᑦᓱᑎᒃ ᒪᓂᒪᑎᑕᐅᔪᑦ ᖁᕝᕙᕆᐊᕐᓂᖅ ᐃᓕᓐᓂᐊᕋᑦᓴᓄᑦ 2022/2023 ᑮᓇᐅᔭᑎᒍᑦ ᐊᕐᕌᒍᖓᓂ $1-ᒥᓕᐊᓐᑖᓚᐃᑦ. ᐃᓕᓐᓂᐊᕋᑦᓴᓄᑦ ᒪᓕᒐᐃᑦ ᐊᑐᐃᓐᓇᐅᔪᑦ ᐅᕙᓂ:
ᒪᑭᒋᐊᖅᑕ
ᒪᑭᒋᐊᖅᑕ ᓴᖅᑭᖅᑕᐅᓚᐅᖅᓯᒪᔪᖅ ᑭᖑᕐᖓᒍᑦ $175−ᒥᓕᐊᓐᓂᒃ ᐱᑎᑕᐅᒻᒪᑕ ᐃᖅᑲᖅᑐᐃᕕᒃᑰᙱᑦᑐᖅ ᐊᖏᖃᑎᒌᓐᓂᖃᖅᓱᑎᒃ ᓄᓇᕗᑦ ᑐᙵᕕᒃᑯᑦ (“NTI”) ᐊᒻᒪᓗ ᒐᕙᒪᒃᑯᖏᑦ ᓄᓇᕗᑦ ᐊᒻᒪᓗ ᑲᓇᑕᐅᑉ. ᒪᑭᒋᐊᖅᑕ ᑎᒍᒥᐊᖅᑐᖅ ᐊᐅᓚᑦᓯᕐᓂᒥᒃ ᑮᓇᐅᔭᓂᒃ ᐱᕚᓪᓕᕈᑕᐅᓂᐊᖅᑎᓪᓗᒋᑦ ᐃᓄᐃᑦ ᐸᕐᓇᐃᔭᖅᓯᒪᓂᖏᓐᓄᑦ ᐃᖅᑲᓇᐃᔮᑦᓴᓄᑦ ᐊᓯᖏᓐᓄᓪᓗ ᖃᑭᒪᓇᓱᐊᕈᑎᑦᓴᓄᑦ. ᒪᑭᒋᐊᖅᑕ ᐱᔾᔪᑎᖃᖅᑐᖅ ᑲᔪᓯᑎᑦᓯᓂᕐᒥᒃ ᐊᐅᓚᓂᐅᔪᓂᒃ ᐃᑲᔪᖅᑐᐃᔪᓂᒃ ᐊᑐᐃᓐᓇᐅᑎᑦᓯᔪᓂᓪᓗ ᐃᓕᓐᓂᐊᕋᑦᓴᓅᖓᔪᓂᒃ, ᐃᓕᓐᓂᐊᕐᓂᖅ ᐊᒻᒪᓗ ᐱᔭᕆᐅᖅᓴᓂᕐᒧᑦ ᐃᓕᓐᓂᐊᕋᑦᓴᓂᒃ ᓄᓇᕗᒻᒥ ᐃᓄᓐᓄᑦ ᐱᔾᔪᑕᐅᓪᓗᓂ ᐱᕚᓪᓕᖅᑎᑕᐅᓗᑎᒃ ᐱᔪᓐᓇᕐᓂᖏᑦ ᓄᓇᕗᒻᒥ ᐃᓄᐃᑦ ᐱᕚᓪᓕᖁᓪᓗᒋᑦ ᐃᖅᑲᓇᐃᔮᖃᕈᓐᓇᕐᓗᑎᓪᓗ ᓯᕗᕙᖅᐸᓪᓕᐊᓗᑎᓪᓘᓐᓃᑦ ᐃᖅᑲᓇᐃᔮᖏᑦ. ᒪᑭᒋᐊᖅᑕ ᓂᕆᐅᒋᔭᖓ ᐆᒻᒪᕆᑦᑐᓂᒃ ᐃᓄᓐᓂᒃ ᐃᖅᑲᓇᐃᔭᖅᑎᖃᕐᓂᖅ ᐃᑲᔪᖅᓯᓂᖃᕐᓗᓂ ᓴᙱᓕᖅᑎᑦᓯᕚᓪᓕᕐᓂᕐᒥᒃ ᐃᓄᐃᑦ ᖃᓄᐃᙱᑦᓯᐊᕐᓂᖏᓐᓂᒃ ᓇᒻᒥᓂᕐᓗ ᓇᓗᓇᐃᕈᓐᓇᕐᓂᖏᓐᓂᒃ, ᑕᐃᒫᒃ ᑕᐅᑐᖅᑰᖅᑕᐅᓯᒪᒻᒪᑦ ᓴᖅᑭᖅᑕᐅᓕᕐᒪᑦ ᓄᓇᕗᑦ.
ᒪᑭᒋᐊᖅᑕ ᐅᐸᓗᖓᐃᔭᐅᑎᓄᑦ ᐸᕐᓇᐅᑎᖏᑦ (“ᐸᕐᓇᐅᑏᑦ”), ᐊᑐᐃᓐᓇᐅᔪᖅ ᐅᕙᓂ, ᓇᓗᓇᐃᔭᐃᔪᖅ ᓯᑕᒪᓂᒃ ᐅᐸᓗᖓᐃᔭᐅᑎᓂᒃ ᓯᕗᓪᓕᐅᑎᔭᐅᔪᓂᒃ:
- ᓯᕗᓪᓕᐅᔾᔭᐅᔪᖅ 1: ᐃᓕᓐᓂᐊᓴᕋᐃᑦᑎᑦᓯᒍᑏᑦ. ᐊᑑᑎᔭᐅᓗᑎᒃ ᐃᓕᓐᓂᐊᑎᑦᓯᓴᕋᐃᓐᓂᕐᒧᑦ ᐅᐸᓗᖓᐃᔭᐅᑏᑦ, ᐱᓗᐊᖅᑐᒥᒃ ᐱᔨᑦᓯᕋᐅᑏᑦ ᑐᙵᕕᖃᕐᓗᑎᒃ ᓄᑕᖅᑲᑦ ᐅᖃᐅᓯᖓᓐᓂᒃ, ᐃᑦᓴᕐᓂᑕᕐᓂᒃ ᐱᖅᑯᓯᕐᒥᓪᓗ, ᓴᙱᔪᒻᒪᕆᒻᒥᒃ ᐊᑦᑐᐊᓂᖃᖅᑐᖅ ᑲᔪᓯᑦᓯᐊᕐᓂᖏᓐᓄᑦ K-12, ᐃᖅᑲᓇᐃᔮᑦ, ᐊᒻᒪᓗ ᖃᓄᐃᙱᓯᐊᕐᓂᖅ ᐃᓱᒪᒃᑯᑦ.
- ᓯᕗᓪᓕᐅᔾᔭᐅᔪᖅ 2: ᐃᓘᓐᓈᒍᑦ ᐃᑲᔪᖅᓯᔭᐅᓂᖏᑦ K-12 ᐅᖓᑖᓄᓪᓗ. ᐃᓘᓐᓈᒍᑦ ᐃᑲᔫᑏᑦ ᑐᕌᒐᕋᖅᑐᑦ ᐃᑲᔪᖅᓯᒍᑕᐅᓗᑎᒃ ᒐᕙᒪᒃᑯᑦ ᓄᓇᕗᒻᒥ ᐱᓇᓱᐊᕐᓂᖏᓐᓂᒃ ᓴᙱᓕᖅᐹᓪᓕᑎᑦᓯᒐᓱᐊᖅᓱᑎᒃ ᓄᓇᕗᒻᒥ ᐃᓕᓐᓂᐊᖅᓯᒪᓂᐅᒋᐊᓕᒻᒥᒃ ᐊᒻᒪᓗ K-12 ᐃᓕᓐᓂᐊᖅᑐᓃᙶᖅᑐᓂᒃ.
- ᓯᕗᓪᓕᐅᔾᔭᐅᔪᖅ 3: ᑐᙵᕕᑦᓴᓂᒃ ᐱᔭᕆᐅᖅᓴᓂᐅᔪᓂᒃ ᐱᕕᑦᓴᖃᕐᓂᐅᔪᑦ ᐃᓐᓇᕐᓅᖓᔪᑦ. ᒐᕙᒪᒃᑯᖏᑦ ᓄᓇᕗᑦ ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᓇᓗᓇᐃᖅᓯᓯᒪᒻᒪᑕ ᑭᙴᒪᓇᕐᓂᖓᓂᒃ ᑐᕋᐃᓐᓇᖅᑐᒥᒃ ᑕᕝᕙᓴᐃᓐᓇᕐᓗ ᐊᐅᓚᔾᔭᒋᐊᕈᑎᑦᓴᓂᒃ ᐊᑐᐃᓐᓇᐅᑎᑦᓯᓂᕐᒧᑦ ᐅᖃᓕᒫᕋᑦᓴᓂᒃ ᐃᓐᓇᕐᓄᓪᓗ ᐃᓕᓐᓂᐊᕋᑦᓴᓂᒃ ᐃᓄᓐᓄᑦ ᐱᕚᓪᓕᖅᑎᑕᐅᖁᓪᓗᒋᑦ ᐃᖅᑲᓇᐃᔮᖅᑖᕋᓱᐊᕈᓐᓇᕐᓂᖏᑦ.
- ᓯᕗᓪᓕᐅᔾᔭᐅᔪᖅ 4: ᓯᕗᕙᕆᐊᕐᓂᕐᒧᑦ ᐃᓕᓐᓂᐊᕐᓂᖅ ᐊᒻᒪᓗ ᓯᓚᑦᑐᓴᕐᕕᒻᒥ ᐃᓕᓐᓂᐊᕐᓂᖅ ᐃᖅᑲᓇᐃᔮᓪᓗᐊᑕᕐᓅᖓᔪᓂ. ᐱᕚᓪᓕᑎᑦᑦᓯᓂᖅ ᓯᓚᑦᑐᓴᕐᕕᒻᒥ ᓇᓗᓇᐃᖅᓯᒪᔪᖅᑎᒍᓪᓗ ᐃᓕᓐᓂᐊᕋᑦᓴᐅᔪᑦ ᑲᓱᖅᓯᒪᔪᑦ ᐃᖅᑲᓇᐱᔮᓄᑦ ᐃᑲᔪᕐᓂᐊᖅᑐᑦ ᐊᒥᓲᓂᖅᓴᓂᒃ ᐃᓄᓐᓂᒃ ᓯᕗᕙᖅᐸᓪᓕᐊᑎᓪᓗᒋᑦ ᐃᖅᑲᓇᐃᔮᖏᓐᓂ, ᐊᒥᓱᙳᕆᐊᓪᓚᕆᓪᓗᑎᒃ ᐃᓄᐃᑦ ᐃᖅᑲᓇᐃᔭᖅᑏᑦ ᖁᑦᓯᓂᖅᓴᓂ ᐃᖅᑲᓇᐃᔮᓂ ᒫᓐᓇᒫᒃᑯᑦ.
ᖁᕝᕙᕆᐊᕐᓂᖅ ᐃᓕᓐᓂᐊᕋᑦᓴᖅ
ᖁᕝᕙᕆᐊᕐᓂᖅ ᐃᓕᓐᓂᐊᕋᑦᓴᖅ ᓯᕗᕙᖅᑎᑦᓯᓲᖅ ᐅᐸᓗᖓᐃᔭᐅᑎᓄᑦ ᓯᕗᓕᐅᔾᔭᐅᔪᓄᑦ 3 ᐊᒻᒪᓗ 4. ᐃᑲᔪᖅᑎᓅᖓᔪᑦ ᑮᓇᐅᔭᐃᑦ ᐊᑐᐃᓐᓇᐅᔪᑦ ᐃᖅᑲᓇᐃᔭᕐᕕᓐᓄᑦ ᑎᒥᐅᔪᓄᓪᓘᓐᓃᑦ ᐊᑐᐃᓐᓇᐅᑎᑦᓯᕙᑦᑐᓄᑦ ᐃᑲᔪᖅᑎᖃᕈᓐᓇᕐᓂᕐᒥᒃ ᓄᓇᕗᒻᒥ ᐃᓄᓐᓄᑦ ᐅᕝᕙᓘᓐᓃᑦ ᓇᒻᒥᓂᖅ ᑐᑭᒧᐊᑦᑎᓪᓗᓂ ᐃᓄᒃ ᐃᑲᔪᖅᑎᐅᒍᒪᔪᖅ ᐃᓕᓐᓂᐊᓯᓐᓈᓪᓘᓐᓃᑦ ᐃᖅᑲᓇᐃᔮᒍᓐᓇᖅᑐᓂᒃ ᓇᒻᒥᓂᖅ. ᐃᓕᓐᓂᐊᕋᑦᓴᖅ ᓇᓗᓇᐃᔭᐃᔪᖅ “ᐃᑲᔪᖅᑎᐅᓂᕐᒥᒃ” ᐃᒫᒃ:
ᐋᖅᑭᓱᖅᑕᐅᓯᒪᔪᑦ ᐱᕕᖃᖅᑎᑕᐅᑦᓱᑎᒃ ᓄᓇᕗᒻᒥ ᐃᓄᐃᑦ ᓯᕗᕙᖅᐸᓪᓕᐊᖁᓪᓗᒋᑦ ᐃᖅᑲᓇᐃᔮᒻᒪᕆᒻᒥᓂᒃ ᐅᕝᕙᓘᓐᓃᑦ ᓇᒻᒥᓂᖅ ᐱᔪᓐᓇᖅᑕᒥᓂ ᐊᒻᒪᓗ/ᐅᕝᕙᓗ ᓯᕗᓕᕐᓂᕐᒨᖓᔪᓂᒃ ᐃᓕᓐᓂᐊᕐᕕᖃᕐᓗᓂ ᐊᑕᐅᓯᕐᒥᒃ ᐅᖓᑖᓄᓪᓘᓐᓃᑦ ᐃᓄᓐᓂᒃ ᐱᓕᒻᒪᑦᓯᒪᑦᓯᐊᖅᑐᓂᒃ. ᐃᑲᔪᖅᑎᐅᓂᕐᒨᖓᔪᑦ ᐱᖃᓯᐅᔾᔨᒍᓐᓇᖅᑐᑦ, ᑖᒃᑯᑑᙱᒃᑲᓗᐊᖅᓱᑎᒃ, ᑯᐊᐸᒃᑯᑦ, ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑐᑦ, ᐱᔭᕆᐅᖅᓵᓃᑦ, ᐃᖅᑲᓇᐃᔭᕐᕕᖃᖅᑎᑕᐅᓃᓪᓘᓐᓃᑦ ᐊᑑᑎᒋᐊᖃᖅᐸᑦ. ᐃᑲᔪᖅᑎᓄᑦ ᐱᕕᑦᓴᖃᕐᓂᐅᔪᑦ ᐊᑐᖅᑕᐅᒍᓐᓇᕐᒥᔪᑦ ᐃᑲᔪᕈᑕᐅᓗᑎᒃ ᓄᓇᕗᒻᒥᐅᓂᒃ ᐃᓄᓐᓂᒃ ᐱᔭᕇᖅᑎᓪᓗᒋᑦ ᐃᓕᓐᓂᐊᖅᓯᒪᒋᐊᓕᒻᒥᓂᒃ ᑎᑭᐅᑎᒍᑎᒋᓗᒋᑦ ᐃᖅᑲᓇᐃᔮᒻᒪᕆᓐᓄᑦ, ᓲᕐᓗ, ᐃᑲᕐᕋᓂᒃ ᓇᓗᓇᐃᖅᑕᐅᓯᒪᔪᖃᖅᐸᑦ ᖃᐅᔨᓴᖅᑎᖃᕆᐊᖃᕐᓂᖓᓂᒃ.
ᑐᕌᒐᐅᔪᑦ ᐃᓕᓐᓂᐊᕋᑦᓴᒧᑦ ᐱᖃᓯᐅᔾᔨᔪᑦ ᐃᖅᑲᓇᐃᔭᖅᑎᑖᖅᐸᓪᓕᐊᓂᖅ / ᐃᑲᔪᖅᑐᐃᓂᖅ ᓄᓇᕗᒻᒥ ᐃᓄᓐᓂᒃ ᓴᙱᓕᖅᐹᓪᓕᖁᓪᓗᒋᑦ ᐃᓕᓐᓂᐊᖅᓯᒪᓂᖏᑦ ᐊᖅᑯᑕᐅᓗᑎᒃ ᐃᓄᓐᓄᑦ ᑐᕌᖓᔪᑦ ᐃᖅᑲᓇᐃᔮᓄᑦ ᓯᕗᕙᕈᑏᑦ ᐃᖅᑲᓇᐃᔮᑦᓴᐃᓪᓗ ᐅᑯᓇᓃᑦᑐᑦ:
- • ᐃᖅᑲᓇᐃᔮᒻᒪᕇᑦ ᐃᓕᑕᕆᔭᐅᔾᔪᑎᖃᕆᐊᓖᑦ ᓯᓚᑦᑐᓴᕐᕕᒻᒥᒃ ᐃᓕᓐᓂᐊᖅᓯᒪᓂᕐᒥᒃ ᐊᒻᒪᓗ ᐊᖓᔪᖅᑳᖑᖃᑦᑕᖅᓯᒪᓂᕐᒥᒃ ᒪᓕᒐᐅᒋᐊᓖᑦ ᓚᐃᓴᓐᓯᓕᓐᓄᑦ ᐃᖅᑲᓇᐃᔮᓄᑦ, ᐱᖃᓯᐅᑎᑦᓱᑎᒃ ᑖᒃᑯᑑᙱᒃᑲᓗᐊᖅᓱᑎᒃ ᑮᓇᐅᔭᓕᕆᔩᑦ, ᑎᑎᖅᑑᔭᖅᑏᑦ, ᑭᒍᑎᓕᕆᓖᕆᔩᑦ, ᐊᐅᓚᐅᓯᕆᔩᑦ, ᒪᓕᒐᓕᕆᔩᑦ, ᐋᓐᓂᐊᓯᐅᖅᑏᑦ, ᓘᑦᑖᕐᔪᐊᑦ ᐊᒻᒪᓗ ᐃᓕᓐᓂᐊᑎᑦᓯᔩᑦ.
- • ᐃᖅᑲᓇᐃᔮᒻᒪᕇᑦ ᐊᖓᔪᖅᑳᖑᓚᐅᖅᓯᒪᒋᐊᓖᑦ ᒪᓕᒐᕆᔭᐅᓗᑎᒃ ᑎᑭᐅᑎᓂᕐᒧᑦ ᑲᓇᑕᒥ ᐃᓕᑕᕆᔭᐅᔾᔪᑎᑖᕐᓂᕐᒧᑦ, ᐱᖃᓯᐅᑎᑦᓱᑎᒃ ᑖᒃᑯᑑᙱᒃᑲᓗᐊᖅᓱᑎᒃ ᖃᖓᑕᔫᕐᒥᒃ ᐊᖁᑏᑦ, ᐅᐊᔭᓕᕆᔩᑦ, ᕿᔪᓕᕆᔩᑦ, ᓱᓪᓗᓕᕆᔩᑦ ᐊᒻᒪᓗ ᐊᐅᑉᐸᖅᑐᒥᒃ ᓇᕿᑦᑕᐅᑎᓖᑦ ᐃᓕᓐᓂᐊᖅᓯᒪᓂᒃᑯᑦ.
- • ᐃᖅᑲᓇᐃᔮᒻᒪᕇᑦ ᐱᔭᕆᐅᖅᓴᓂᖃᕆᐊᓖᑦ, ᐃᓕᓐᓂᐊᕐᓂᖅ, ᐊᒻᒪᓗ ᐃᓕᓐᓂᐊᕐᓂᖅ ᐃᖅᑲᓇᐃᔭᓚᐅᙱᓂᕐᒥᓂ, ᐱᖃᓯᐅᑎᑦᓱᑎᒃ ᑖᒃᑯᑑᙱᒃᑲᓗᐊᖅᓱᑎᒃ ᐅᖃᐅᓯᕐᒥᒃ ᐃᓕᓐᓂᐊᕐᓂᖅ, ᐱᐅᓴᐃᓂᕐᒨᖓᔪᑦ, ᓂᖅᓯᐅᓂᕐᒧᑦ, ᐃᓕᓐᓂᐊᓴᕋᐃᑦᑐᓅᖓᔪᓂᒃ, ᐋᓐᓂᐊᕕᒻᒥ ᖃᐅᔨᓴᕐᕕᒻᒥ ᑲᒪᔩᑦ, ᐅᖁᒪᐃᑦᑐᕐᓂᐅᑎᓕᕆᓂᖅ, ᑐᓴᐅᒪᖃᑦᑕᐅᑎᔾᔪᑏᑦ ᐊᒻᒪᓗ ᐃᕐᓂᓱᑦᓰᓂᖅ.
- • ᐱᙳᐊᕐᓂᕐᒨᖓᔪᑦ ᐃᒻᒥᓂᒃ ᐊᐅᓚᑦᑐᓅᖓᔪᑦ ᐃᓄᓐᓄᑦ ᑐᕌᖅᑕᖃᖅᓱᑎᒃ ᐊᐅᓚᔾᔭᒋᐊᕈᑎᑦᓴᐅᒋᐊᖏᑦ ᐱᙳᐊᕐᓂᒻᒪᕆᓐᓅᖓᔪᓄᑦ.
- • ᓯᕗᓕᕐᓂᕐᒨᖓᔪᑦ ᐊᖓᔪᖅᑳᖑᓂᕐᒧᓪᓗ, ᐱᖃᓯᐅᑎᑦᓱᑎᒃ ᑖᒃᑯᑑᙱᒃᑲᓗᐊᖅᓱᑎᒃ ᐃᓕᓐᓂᐊᑎᑦᓯᓂᖅ ᐃᑲᔪᕐᓂᕐᓘᓐᓃᑦ ᓄᓇᕗᒻᒥ ᐃᓄᓐᓂᒃ ᐊᑯᓐᓂᖅᓯᐅᑎᓄᑦ ᐊᒻᒪᓗ/ᐅᕝᕙᓗ ᐊᖓᔪᖅᑳᒻᒪᕆᐅᒍᓐᓇᕐᓂᕐᒧᑦ.
- • ᓇᒻᒥᓂᖃᕐᓂᕐᒧᑦ ᐱᕕᑦᓴᖃᕐᓂᐅᔪᑦ, ᐱᖃᓯᐅᑎᑦᓱᑎᒃ ᑖᒃᑯᑑᙱᒃᑲᓗᐊᖅᓱᑎᒃ ᐊᑐᐃᓐᓇᐅᑎᑦᓯᓂᖅ ᑮᓇᐅᔭᓂᒃ ᐃᑲᔪᕈᑕᐅᓂᐊᖅᑎᓪᓗᒋᑦ ᓇᒻᒥᓂᕆᔭᐅᔪᓂᒃ ᑎᒥᐅᔪᓂᓪᓘᓐᓃᑦ ᓇᒻᒥᓂᕆᔭᐅᔪᓄᑦ ᐊᐅᓚᑕᐅᔪᓄᓪᓘᓐᓃᑦ ᓄᓇᕗᒻᒥ ᐃᓄᓐᓄᑦ ᐃᖅᑲᓇᐃᔭᖅᑎᑖᕐᓗᑎᒃ ᐃᖅᑲᓇᐃᔭᖅᑎᒐᔭᖅᓯᒪᙱᑕᕋᓗᐊᒥᓐᓂᒃ, ᐅᕝᕙᓘᓐᓃᑦ ᐃᓄᓐᓂᒃ ᐃᖅᑲᓇᐃᔭᖅᑎᑖᕐᓂᖅ ᐃᓕᓐᓂᐊᖅᓯᒪᔪᒻᒪᕆᓐᓂᒃ ᓱᓕ ᐃᑲᕐᕋᓕᐅᕆᐊᓕᓐᓂᒃ ᐃᖅᑲᓇᐃᔭᖅᑎᒻᒪᕆᐅᓂᕐᒧᑦ ᐃᓕᑕᕆᔭᐅᔾᔪᑎᑖᕐᓂᐊᕐᓗᑎᒃ.
ᐃᓕᓐᓂᐊᕋᑦᓴᖅ ᐊᑐᐃᓐᓇᐅᑎᑦᓯᒍᑕᐅᓂᐊᖅᑐᖅ ᐊᐅᓚᓂᐅᔪᒥᒃ ᒪᑭᒋᐊᖅᑕᒃᑯᓐᓄᑦ ᑲᔪᓯᑎᑦᓗᑎᒃ ᐱᓕᕆᐊᑦᓴᒥᓐᓂᒃ ᐊᑐᐃᓐᓇᐅᑎᑦᓯᓂᒃᑯᑦ ᐃᓅᓯᓕᒫᖅ ᑲᑎᖅᓱᖅᓯᒪᔪᓂᒃ ᐃᓕᓐᓂᐊᕐᓂᐅᔪᓂᒃ ᐱᕙᓪᓕᐊᓂᐅᒍᓐᓇᖅᑐᓂᓪᓗ ᓄᓇᕗᒻᒥ ᐃᓄᓐᓄᑦ.
ᖁᕝᕙᕆᐊᕐᓂᖅ ᐃᓕᓐᓂᐊᕋᑦᓴᒧᑦ ᐱᔭᕆᐊᓖᑦ
ᒪᑭᒋᐊᖅᑕᒃᑯᑦ ᕿᓂᕐᒪᑕ ᑐᑦᓯᕋᐅᑎᓂᒃ ᑎᑭᐅᑎᒍᑕᐅᓂᐊᖅᑐᓂᒃ ᐃᓗᓕᕆᔭᐅᔪᓄᑦ ᓇᓗᓇᐃᔭᖅᓯᒪᔪᓄᑦ ᖁᓛᓂ ᐊᒻᒪᓗ ᐃᓕᓐᓂᐊᕋᑦᓴᓄᑦ ᒪᓕᒐᕐᓂ. ᓯᕗᓪᓕᐅᔾᔭᐅᓂᐊᖅᑐᑦ ᐃᑲᔪᖅᑎᐅᓂᕐᒧᑦ ᑐᑦᓯᕋᐅᑏᑦ ᐊᐅᓚᑕᐅᔪᑦ ᑲᔪᓯᑎᑕᐅᔪᓪᓗ ᐱᓗᖅᑐᒥᒃ ᓄᓇᕗᒻᒥ ᐃᓄᓐᓄᑦ. ᓇᐅᑐᐃᓐᓇᖅ ᐊᐅᓚᓂᐅᔪᖅ ᐅᖓᑖᓅᕆᐊᖃᙱᑦᑐᖅ ᐊᑕᐅᓯᐅᑉ ᐊᕐᕌᒎᑉ. ᓂᕈᐊᖅᑕᐅᔪᑦ ᑐᑦᓯᕋᖅᑐᑦ ᑐᓂᔭᐅᒍᓐᓇᖅᑐᑦ ᐅᖓᑖᓅᙱᑦᑐᖅ $250,000. ᒪᑭᒋᐊᖅᑕ ᐊᐅᕙᔾᔪᑎᖃᕋᔭᖅᑐᑦ ᐃᓕᓐᓂᐊᕋᑦᓴᒧᑦ ᐱᒋᐊᕐᓂᐅᔪᓂᒃ ᑕᑭᓂᖏᓐᓂᓪᓗ ᓂᕈᐊᖅᑕᐅᔪᓄᑦ.
ᐊᑕᖏᕐᓗᑎᒃ ᓂᕈᐊᖅᑕᐅᔪᑦ ᑐᑦᓯᕋᖅᓯᒪᔪᑦ ᐊᑑᑎᒋᐊᓖᑦ (a) ᑐᑭᓯᐅᒪᓂᕐᒥᒃ ᐃᓕᓐᓂᐊᕐᓂᖃᖃᑕᐅᓗᑎᒃ; (b) ᐃᑎᕐᓗᑎᒃ ᐊᖏᖃᑎᒌᒍᑎᒧᑦ ᒪᑭᒋᐊᑦᑕᒃᑯᓐᓄᑦ ᐃᓗᓕᖃᕐᓗᑎᒃ ᑎᑭᐅᒪᔭᕆᐊᓕᓐᓂᒃ ᑐᑭᖏᓐᓂᒃ ᒪᓕᒐᖏᓐᓂᓪᓗ ᐊᐅᓚᓂᐅᔫᑉ; ᐊᒻᒪᓗ (c) ᐊᑐᐃᓐᓇᐅᑎᑦᓯᕙᓪᓗᑎᒃ ᐊᑯᓐᓂᖅᓯᐅᑎᓂᒃ ᑐᓴᖅᑎᑦᓯᔾᔪᑎᓂᒃ ᓯᑕᒪᐃᕋᕐᓗᑎᒃ ᐊᕐᕌᒍᒥ ᑮᓇᐅᔭᖃᖅᑎᑕᐅᒍᑎᒃ. ᐃᖅᑲᓇᐃᔭᕐᕕᓐᓄᑦ ᑎᒥᐅᔪᓄᓪᓗ, ᑲᑎᑦᓱᑎᒃ ᐊᐃᑦᑑᑕᐅᔪᑦ ᑲᒪᒋᐊᖅᑕᒃᑯᓐᓂᒃ ᐅᖓᑖᓅᕆᐊᖃᙱᑦᑐᑦ 50%−ᖏᑦᑕ ᑮᓇᐅᔾᔭᑦᓵᖏᑦᑕ ᐊᑐᓂᑦ ᐃᓄᐃᑦ ᐃᑲᔪᖅᑎᓖ ᐊᑐᕐᓗᑎᒃ ᑮᓇᐅᔭᓂᒃ ᐊᑐᐃᓐᓇᐅᑎᑕᐅᔪᓂᒃ ᐅᕘᓇ.
ᑐᑦᓯᕋᖅᑐᑦ ᑎᓕᐅᖅᑕᐅᒋᐊᒃᑲᓐᓂᖅᐳᑦ ᑐᑭᒋᐊᖁᔭᐅᓪᓗᑎᒃ ᐊᐅᓚᓂᕐᒧᑦ ᒪᓕᒐᕐᓂᒃ ᑐᑭᓯᒋᐊᒃᑲᓐᓂᕐᓗᑎᒃ. ᑐᑦᓯᕋᖅᑐᑦ ᑎᒍᒥᐊᖅᑐᑦ ᖃᐅᔨᓴᑦᓯᐊᕐᓂᕐᒥᒃ ᑎᑭᐅᑎᑦᓯᐊᕋᓗᐊᕐᒃᒪᖔᕐᒥᒃ ᑎᑭᐅᑎᔭᕆᐊᓕᓐᓄᑦ ᐱᔭᕆᐊᓕᓐᓂᓪᓗ ᐊᑖᓂ ᐊᐅᓚᓂᕐᒧᑦ ᒪᓕᒐᐃᑦ.
ᑐᑦᓯᕋᕈᓐᓇᖅᑐᑦ ᐃᖅᑲᓇᐃᔭᕐᕖᑦ ᑎᒥᐅᔪᓪᓗ
ᐅᓇ ᐊᐅᓚᓂᐅᔪᖅ ᑐᕌᖅᑕᖃᖅᑐᖅ ᐊᑐᐃᓐᓇᐅᑎᑦᓯᓂᕐᒥᒃ ᐃᑲᔪᖅᑎᐅᒍᓐᓇᕐᓂᕐᒧᑦ ᐃᓄᓐᓄᑦ ᓄᓇᕗᒻᒥ ᓄᓇᑖᖃᑕᐅᓯᒪᔪᓄᑦ ᑎᑎᕋᖅᑕᐅᖃᑕᐅᓯᒪᔪᓄᑦ, ᓄᓇᖃᕈᑎᒃ ᓄᓇᕗᒻᒥ ᓯᓚᑖᓂᓘᓐᓃᑦ (“ᓄᓇᕗᑦ ᐃᓄᐃᑦ”). ᒪᑭᒋᐊᖅᑐᖅ ᑐᑦᓯᕋᕐᕕᑦᓴᐅᔪᖅ ᐅᑯᓄᖓ:
- • ᐃᖅᑲᓇᐃᔭᕐᕖᑦ ᑎᒥᐅᔪᓪᓘᓐᓃᑦ ᓇᓗᓇᐃᖅᑐᑦ ᓄᓇᕗᒻᒥ ᐃᓅᒋᐊᒥᒃ ᑭᙴᒪᑦᓯᔪᑦ ᐊᒻᒪᓗ/ᐅᕝᕙᓗ ᐱᕚᓪᓕᕈᑎᖃᕋᔭᖅᑐᑦ ᐃᑲᔪᖅᑎᐅᓂᕐᒥᒃ;
- • ᐃᖅᑲᓇᐃᔭᕐᕖᑦ ᑎᒥᐅᔪᓪᓘᓐᓃᑦ ᐃᑲᔪᕈᒪᔪᑦ ᓄᓇᕗᒻᒥ ᐃᓄᓐᓂᒃ ᒫᓐᓇ ᐃᓕᓐᓂᐊᖅᑐᓂᒃ ᓯᓚᑦᑐᓴᕐᕕᔾᔪᐊᕐᒥ, ᐊᑯᕐᖓᓐᓂ ᐃᓕᓐᓂᐊᕐᓂᖏᑦᑕ ᐅᕝᕙᓘᓐᓃᑦ ᐃᓕᓐᓂᐊᖅᑐᒥᓂᒃ ᐱᔭᕇᕐᓗᑎᒃ ᐃᓕᑕᕆᔭᐅᔾᔪᑎᑖᖅᐸᑕ; ᐅᕝᕙᓗ
- • ᓇᒻᒥᓂᖅ ᑐᑭᒧᐊᑦᑎᑐᑦ ᓄᓇᕗᒻᒥ ᐃᓄᐃᑦ ᓇᒻᒥᓂᖅ ᐃᑲᔪᖅᑎᑦᓴᒥᒃ ᓇᐃᐱᑦᓯᒍᓐᓇᖅᑐᑦ ᐃᓕᓐᓂᐊᓯᓐᓈᕐᓘᓐᓃᑦ ᐃᖅᑲᓇᐃᔮᒥᒃ.
ᓯᕗᓪᓕᐅᑎᔭᐅᓂᐊᖅᑐᑦ ᐃᖅᑲᓇᐃᔭᕐᕖᑦ ᑎᒥᐅᔪᓪᓘᓐᓃᑦ ᐃᓗᐊᓂ ᓄᓇᕗᑦ ᑮᓇᐅᔭᓂᒃ ᐊᑐᐃᓐᓇᖃᙱᑦᑐᑦ ᐃᑲᔪᕈᑎᑦᓴᓂᒃ ᓇᒻᒥᓂᖅ ᐊᐅᓚᓂᕐᒧᑦ ᑮᓇᐅᔭᖅᑑᑎᑦᓴᒥᓐᓂᒃ, ᐊᒻᒪᓗ ᐃᒻᒥᒃᑯᑦ ᐃᓄᓐᓄᑦ ᐊᓯᖏᓐᓂᒃ ᑮᓇᐅᔭᑎᒍᑦ ᐃᑲᔪᖅᑕᐅᔾᔮᖏᑦᑐᓄᑦ ᐃᓕᓐᓂᐊᖅᑐᓄᑦ ᐅᕝᕙᓘᓐᓃᑦ ᐊᓯᖏᓐᓂᒃ ᐃᓕᓐᓂᐊᖅᑎᓄᑦ ᐃᑲᔪᖅᓯᔨᐅᔪᓂᒃ.
ᒪᑭᒋᐊᖅᑕᒃᑯᑦ ᑐᑦᓯᕋᕐᕕᑦᓴᐅᙱᑦᑐᑦ ᐅᑯᓄᖓ:
- • ᒥᓂᔅᑕᐅᕕᖏᑦ ᒐᕙᒪᒃᑯᖏᑦᑕ ᑲᓇᑕᐅᑉ ᐅᕝᕙᓘᓐᓃᑦ ᒐᕙᒪᒃᑯᖏᓐᓂᒃ ᓄᓇᕗᑦ ᐊᓯᖏᓪᓘᓐᓃᑦ ᑕᖅᑲᐅᖓ ᐃᓄᓐᓄᑦ ᑎᒥᐅᔪᑦ ᐊᑐᐃᓐᓇᐅᑎᑦᓯᒋᐊᓖᑦ ᐃᑲᔪᖅᑎᐅᓂᕐᒧᑦ ᓄᓇᕗᒻᒥ ᐃᓄᓐᓄᑦ ᐊᑖᓂ ᐃᓛᒃᑰᖅᑐᖅ 23 ᓄᓇᕗᒻᒧᑦ ᐊᖏᖃᑎᒌᒍᑎᒥ;
- • ᐃᖅᑲᓇᐃᔭᕐᕖᑦ ᑮᓇᐅᔭᖃᖅᑐᑦ ᐃᖅᑲᓇᐃᔭᖅᑎᓖᓪᓗ ᐃᑲᔪᖅᑎᐅᒍᓐᓇᖅᑐᓂᒃ ᐃᖅᑲᓇᐃᔭᖅᑎᓄᑦ;
- • ᓇᐅᑐᐃᓐᓇᖅ ᑎᒥᖁᑕᐅᔪᖅ ᑕᖅᑲᐅᖓᖓᔪᓄᑦ ᒐᕙᒪᓄᑦ;1 ᐅᕝᕙᓘᓐᓃᑦ
- • ᓇᐅᑐᐃᓐᓇᖅ ᑐᑦᓯᕋᖅᑐᖅ ᐊᑭᓕᑦᓴᑐᖃᓕᒃ ᒪᑭᒋᐊᖅᑕᒃᑯᓐᓄᑦ ᐊᒻᒪᓗ/ᐅᕝᕙᓗ ᓄᓇᕗᑦ ᑐᙵᕕᒃᑯᓐᓄᑦ.
ᒪᓕᑦᑕᐅᒋᐊᓖᑦ ᑲᔪᓯᑎᑕᐅᓂᖏᓐᓄᑦ ᑐᑦᓯᕋᐅᑏᑦ
ᑐᑦᓯᕋᐅᑎᓕᒫᑦ ᑎᑭᐅᑎᓯᒪᒋᐊᓖᑦ ᑎᑭᐅᑎᔭᐅᑦᓴᐃᓐᓇᕆᐊᓕᓐᓄᑦ ᒪᑭᒋᐊᖅᑕ ᐊᐅᓚᓂᖓᓄᑦ ᑐᑦᓯᕋᐅᑎᓄᑦ. ᑐᑦᓯᕋᖅᑐᑦ ᐊᑐᐃᓐᓇᐅᑎᑦᓯᒍᓐᓇᖅᑐᑦ ᑐᓴᕋᑦᓴᑲᓐᓂᕐᓂᒃ ᓈᒻᒪᙱᓗᐊᖅᐸᑕ ᑎᑎᕋᕐᕕᑦᓴᖏᑦ. ᑐᑦᓯᕋᐅᓯᐅᕐᓂᕐᒧᑦ ᑎᑎᕋᕐᕕᑦᓴᖅ ᐱᔭᑦᓴᖅ ᐅᕙᙵᑦ
www.makigiaqta.com, ᑐᑦᓯᕋᖅᑐᓪᓗ ᕿᒥᕐᕈᑦᓯᐊᕆᐊᓖᑦ ᑐᑦᓯᕋᐅᑎᓂᒃ ᐃᓗᓕᖏᓐᓄᑦ ᑐᓴᕋᑦᓴᓅᖓᔪᑦ ᐊᒻᒪᓗ ᑎᑎᖅᑲᐃᑦ ᐊᑕᐅᓯᒃᑰᖃᑕᐅᒋᐊᓖᑦ ᑐᑦᓯᕋᐅᑎᓕᒫᓄᑦ.
ᐃᖅᑲᓇᐃᔭᕐᕖᑦ ᑎᒥᐅᔪᓪᓘᓐᓃᑦ ᐊᑐᐃᓐᓇᐅᑎᑦᓯᒋᐊᖃᕐᒥᔪᖅ ᓇᓗᓇᐃᕈᑎᑦᓴᓂᒃ ᒪᓕᑦᓯᐊᕐᓂᕐᒥᒃ, ᓲᕐᓗ ᑎᑎᕋᖅᑕᐅᓂᖅ ᐊᑖᓂ ᑲᑐᔾᔨᖃᑎᒌᓄᑦ ᒪᓕᒐᕐᔪᐊᖅ, ᓇᒻᒥᓂᖃᕐᓂᕐᒧᑦ ᑯᐊᐳᕇᓴᐃᑦ ᒪᓕᒐᕐᔪᐊᖓᓐᓂᒃ, ᐃᓄᓐᓄᑦ ᑎᒥᖁᑕᐅᓂᕐᒧᑦ ᑎᑎᕋᖅᑕᐅᓯᒪᓂᖅ, ᐅᕝᕙᓘᓐᓂᑦ ᓇᓗᓇᐃᕈᑎᑦᓴᓂᒃ ᐃᖏᕐᕋᑦᓯᐊᕐᓂᕐᒥᒃ ᐅᕝᕙᓘᓐᓃᑦ ᓯᓚᑖᓂ ᑎᑎᕋᖅᑕᐅᓯᒪᒃᑲᓐᓂᕐᒥᒃ ᐊᕕᑦᑐᖅᓯᒪᓂᐅᑉ.
ᑐᑦᓯᕋᖅᑐᑦ ᓇᓗᓇᐃᖅᓯᑦᓯᐊᕆᐊᓖᑦ ᓇᐅᑐᐃᓐᓇᕐᓂ ᑐᑦᓯᕋᐅᑎᓂ ᑐᓂᔭᐅᔪᓂᒃ ᐊᐅᓚᔾᔭᒋᐊᕈᑕᐅᓗᑎᒃ ᐆᒧᖓ ᑭᙴᒪᑦᓯᓂᐅᔪᒧᑦ ᑐᑦᓯᕋᐅᑎᓂᒃ, ᑐᑦᓯᕋᐅᓂᒃ ᓇᒻᒥᓂᖅ ᐋᑦᓯᒍᓐᓇᖅᑐᑦ, ᑎᑎᖅᑲᑎᒍᑦ, ᐅᐊᔭᒨᖅᑐᑎᒍᓪᓘᓐᓃᑦ ᐅᕗᖓ:
ᒪᑭᒋᐊᖅᑕ ᐃᓄᐃᑦ ᐃᓕᓴᕈᑎᒃᓴᖏᓐᓄᑦ ᑯᐊᐱᕇᓴᓐ
ᑎᑎᖅᑲᒃᑯᕕᐊ 638
922 ᐃᒡᓗᕗᑦ ᐃᒡᓗᖓ
ᐃᖃᓗᐃᑦ, ᓄᓇᕗᑦ X0A 0H0
ᐅᖄᓚᐅᑖ: (867)-975-4900
ᖃᕆᑕᐅᔭᒃᑯᑦ ᑐᕌᕈᑎᖓ: makigiaqta@tunngavik.com.
ᐃᓱᓕᕝᕕᑦᓴᖅ ᑐᑦᓯᕋᐅᓯᐅᕐᓂᕐᒧᑦ
ᒪᑭᒋᐊᖅᑕᒃᑯᑦ ᑐᑦᓯᕋᐅᓯᐅᕐᕕᑦᓴᐅᓂᐊᖅᑐᑦ ᑎᑭᐅᑎᓗᒋᑦ ᐊᑕᖏᖅᓱᑎᒃ ᑮᓇᐅᔭᐃᑦ ᑕᕝᕗᖓ ᐃᓕᓐᓂᐊᕋᑦᓴᒧᑦ 2022/2023 ᐊᕐᕌᒍᖓᓄᑦ ᓄᖑᙱᓐᓂᖏᓐᓂ.
ᐊᐱᖅᑯᑎᑦᓴᐃᑦ ᐆᒪ ᑐᑦᓯᕋᐅᑎᐅᑉ ᒥᑦᓵᓄᑦ ᑐᑦᓯᕋᐅᑎᓂ
ᑐᑦᓯᕋᖅᑐᑦ ᐊᐱᕆᒍᓐᓇᖅᑐᑦ ᐆᒪ ᑐᑦᓯᕋᐅᑎᐅᑉ ᒥᑦᓵᓄᑦ ᐅᕗᖓ ᕌᓐᑎ ᖃᒪᓂᖅ, ᐊᐅᓚᑦᓯᔨ, ᐃᓄᐃᑦ ᐃᓕᓐᓂᐊᕋᑦᓴᖏᓐᓅᖓᔪᓄᑦ ᐊᒻᒪᓗ ᒪᑭᒋᐊᖅᑕ ᐃᓄᐃᑦ ᐃᓕᓴᕈᑎᒃᓴᖏᓐᓄᑦ ᑯᐊᐱᕇᓴᓐ, ᐅᕙᓂ RQamaniq@tunngavik.com.
ᒪᑭᒋᐊᖅᑕᒃᑯᑦ ᕿᒥᕐᕈᓂᖏᑦ ᑐᑦᓯᕋᐅᑎᓂᒃ
ᐊᐅᓚᓂᓕᕆᔩᑦ ᕿᒥᕐᕈᕙᓐᓂᐊᖅᑐᑦ ᑐᑦᓯᕋᐅᑎᓂᒃ ᑎᑭᑉᐸᓪᓕᐊᖅᓪᓗᒋᑦ ᓇᓗᓇᐃᖅᑕᐅᓗᑎᓪᓗ ᑐᑦᓯᕋᕈᓐᓇᕐᒪᖔᑕ ᑎᑭᐅᑎᓗᑎᓪᓗ ᑎᑭᐅᑎᔭᕆᐊᓕᓐᓄᑦ ᐃᓕᓐᓂᐊᕋᑦᓴᓄᑦ ᒪᓕᒐᕐᓂ. ᐊᐅᓚᓂᓕᕆᔩᑦ ᖃᓄᐃᓕᒋᐊᕈᓐᓇᖅᑐᑦ ᑐᑦᓯᕋᖅᑐᓄᑦ ᑐᑦᓯᕋᐅᑎᖏᑦ ᓈᒻᒪᓈᖅᓯᒪᙱᑉᐸᑕ ᐃᓚᑰᑉᐸᑕᓘᓐᓃᑦ ᐋᖅᑭᒋᐊᕆᖁᔭᐅᓗᑎᒃ ᑐᑦᓯᕋᐅᑎᒥᓐᓂᒃ. ᓂᕈᐊᕐᓂᕐᒧᑦ ᑲᑎᒪᔨᕋᓛᑦ, ᐅᑯᐊᖑᑦᓱᑎᒃ ᓯᕗᓕᖅᑎᓄᑦ ᐊᐅᓚᑦᓯᔨᖓᑦ ᓄᓇᕗᑦ ᑐᙵᕕᒃᑯᑦ, ᐊᐅᓚᑦᓯᔨᖓᑦ ᐊᕕᑦᑐᑦᖅᓯᒪᓂᖏᑦᑕ ᐃᓄᐃᑦ ᐃᓕᓐᓂᐊᕐᓂᓕᕆᔩᑦ ᐊᒻᒪᓗ ᐊᐅᓚᑦᓯᔨᖓᑦ ᐃᓄᐃᑦ ᐃᖅᑲᓇᐃᔮᖏᓐᓄᑦ, ᕿᒥᕐᕈᓂᐊᖅᑐᑦ ᑐᑦᓯᕋᐅᑎᐅᒍᓐᓇᖅᑐᓕᒫᓂᒃ ᓂᕈᐊᕐᓗᑎᓪᓗ ᐱᔪᑦᓴᐅᔪᓂᒃ.
ᒪᑭᒋᐊᖅᑕᒃᑯᑦ ᑐᓴᖅᑎᑦᓯᒐᔭᖅᑐᑦ ᑐᑦᓯᕋᖅᓯᒪᔪᓂᒃ ᑐᑦᓯᕋᐅᑎᖏᑦ ᐊᖏᖅᑕᐅᒻᒪᖔᑕ ᕿᒥᕐᕈᔭᐅᕙᓪᓕᓗᐊᑎᓪᓗ