ᓄᓇᕗᑦ ᑐᙵᕕᒃ ᑎᒥᖓ ᐃᖅᑲᓇᐃᔭᖅᑐᓕᕆᔨᒃᑯᓐᓂᒃ ᓇᓗᓇᐃᒃᑯᑕᖅᑖᕐᓂᖅ

ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᖃᐅᔨᓇᓱᐊᖅᑐᑦ ᒪᓂᒪᑎᑦᓯᔪᓐᓇᕋᔭᕐᒪᖔᕐᒥᒃ ᐱᖓᓱᓂᒃ− ᐊᕐᕌᒍᓂᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᓇᓗᓇᐃᒃᑯᑕᕈᑎᒃᓴᒥᒃ ᐃᓕᓐᓂᐊᕈᑎᒃᑯᑦ ᑐᙵᕕᒃᑯᑦ ᐊᒻᒪᓗ ᓄᓇᕗᒻᒥ ᐃᓄᐃᑦ ᑲᑐᔾᔨᖃᑎᒌᑦ ᐃᖅᑲᓇᐃᔭᖅᑎᖏᓐᓂᒃ. ᑕᑯᒋᐊᒃᑭᑦ ᐃᓚᓕᐅᑎᓯᒪᔪᑦ ᐅᐃᒍ B ᑎᑎᕋᖅᑕᐅᓯᒪᔪᑦ ᖁᓕᑦ ᖁᕝᕙᕆᐊᕈᑎᑖᕈᑎᒃᓴᒧᑦ ᐃᓕᓐᓂᐊᕈᑎᒃᓴᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᓇᓗᓇᐃᒃᑯᑕᖅᑖᓂᕐᒧᑦ ᐃᓕᓐᓂᐊᓂᒃᑯᑦ. ᑖᓐᓇ ᐃᓕᓐᓂᐊᕐᓂᖅ ᐊᐅᓚᑕᐅᓂᐊᖅᑐᖅ ᑲᖏᕐᖠᓂᕐᒥ, ᓄᓇᕗᑦ ᐊᐅᒑᓐᑯᐃᓐ ᓯᓚᑦᑐᓴᕐᕕᖓᒍᑦ (ᐊᓯᔾᔨᖅᑕᑐᐃᓐᓇᕆᐊᖃᕋᔭᖅᑐᑦ ᓇᓃᓐᓂᖏᑦ/ᐊᖅᑯᑏᑦ ᐃᓂᒃᓴᖃᕐᓂᖏᑦ ᒪᓕᓪᓗᒋᑦ ᓯᓚᑖᓂ ᑲᖏᕐᖠᓂᖅ).

ᐊᐅᒑᓐᑯᐃᓐ ᓯᓚᑦᑐᓴᕐᕕᖓ ᐊᒥᓱᒐᓚᓐᓂᒃ ᐃᓕᓴᐃᔨᓕᒃ ᐃᖅᑲᓇᐃᔭᖃᑎᖃᕈᓐᓇᖅᑐᓂᒃ ᑐᙵᕕᒃᑯᓐᓂᒃ ᐃᑲᔪᖅᓯᒍᑎᒃᓴᒥᒃ ᐃᓂᖓᓂᒃ ᐃᓕᓐᓂᐊᑎᑦᓯᕕᐅᔪᖅ, ᐃᓕᓴᐃᔨᖏᑦ ᖁᕕᐊᒋᔭᖃᕐᒪᑕ ᐊᐅᓪᓚᖃᑦᑕᕆᐊᒃᓴᖅ ᐊᒻᒪᓗ ᐊᐅᒑᓐᑯᐃᓐ ᓯᓚᑦᑐᓴᕐᕕᖓ ᐊᐅᓚᑦᓯᖃᑦᑕᖅᓯᒪᒻᒪᑦ ᐅᓄᖅᑐᓂᒃ ᑖᒃᑯᓂᖓ ᐃᓕᓐᓂᐊᒐᑦᓴᓂᒃ ᐊᕐᕌᒍᓂ ᐊᒥᓲᙱᑦᑐᓂ ᑲᖏᕐᖠᓂᕐᒥ, ᓄᓇᕗᑦ, ᓄᓇᕗᑦ ᒐᕙᒪᒃᑯᖏᓐᓄᑦ ᓇᖕᒥᓂᖅ ᐃᖅᑲᓇᐃᔭᖅᑎᒥᓐᓄᑦ. ᐊᑕᖏᖅᑐᖅ ᓇᓗᓇᐃᒃᑯᑕᖅ 9 + 1 ᐊᔪᙱᔾᔪᑎᑖᖅᐸᓪᓕᐊᓂᕐᒧᑦ ᐃᓕᓐᓂᐊᒐᑦᓴᖅ ᐊᖏᖅᑕᐅᓯᒪᔪᒥᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᔪᕈᓐᓃᖅᓴᐅᑎᓕᕆᔩᑦ ᑲᑐᔾᔨᖃᑎᒌᖏᓐᓄᑦ (HRPA).

ᐃᓕᓐᓂᐊᕌᓂᑦᑕᐅᓚᐅᖅᑎᓪᓗᒍ HRM ᓇᓗᓇᐃᒃᑯᑕᖅᑖᕈᑎ, ᐃᓚᒋᔭᐅᔪᑦ ᐊᑐᐃᓐᓇᕈᕐᓂᐊᖅᑐᑦ ᓇᓗᓇᐃᒃᑯᑕᖅᑖᐸᓪᓕᐊᓂᕐᒧᑦ ᐃᖅᑲᓇᐃᔭᖅᑐᓕᕆᓂᒃᑯᑦ ᐊᔪᙱᑐᕐᔪᐊᖑᓂᕐᒧᑦ (CHRP) ᓇᓗᓇᐃᖅᑕᐅᓂᕐᒥᒃ ᑕᕝᕙᓃᖃᑕᐅᓗᓂ HRPA. HRPA ᖃᐅᔨᓴᕋᔪᑦᑐᑦ ᖃᐅᔨᓴᖅᑕᐅᔾᔪᑎᕐᔪᐊᒧᑦ ᐸᕐᓇᓂᕐᒧᑦ, ᑭᓯᐊᓂ ᑖᓐᓇ ᖃᐅᔨᓇᓱᐊᖅᑕᐅᓂᐊᖅᑐᖅ ᐱᕙᓪᓕᐊᓂᖓᒍᑦ (ᐱᐊᓂᒃᑕᐅᓂᖓᓂ ᖃᓂᒋᔮᓂᓘᓐᓃᑦ ᑖᑦᓱᒪ HRM ᓇᓗᓇᐃᒃᑯᑕᖅᑖᕋᓱᐊᕐᓂᕐᒧᑦ ᐃᓕᓐᓂᐊᕐᓂᐅᑉ).

ᔭᐃᓐ ᐊᐅᐸᓗᒃᑐᖅ

867-645-5412
jaupaluktuq@tunngavik.com