ᓄᓇᕗᒻᒥ ᐃᖃᓗᓕᕆᓂᕐᒥᒃ ᑕᕆᐅᓕᕆᓂᕐᒥᓪᓗ ᐱᓕᒻᒪᓴᕐᓂᕐᒧᑦ ᑲᑐᔾᔨᖃᑎᒌᑦ
ᓄᓇᕗᒻᒥ ᐃᖃᓗᓕᕆᓂᕐᒥᒃ ᑕᕆᐅᓕᕆᓂᕐᒥᓪᓗ ᐱᓕᒻᒪᓴᕐᓂᕐᒧᑦ ᑲᑐᔾᔨᖃᑎᒌᑦ ᐊᔾᔨᐅᖏᑦᑐᒥᒃ ᐱᓇᓱᐊᖃᑕᐅᔪᑦ ᓴᖅᑭᖅᑕᐅᓯᒪᔪᑦ ᓄᓇᕗᒻᒥ ᑲᑎᒍᑕᐅᓪᓗᑎᒃ ᒐᕙᒪᓄᑦ, ᓇᖕᒥᓂᕐᓱᖅᑐᓄᑦ ᐊᒻᒪᓗ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐱᓕᒻᒪᓴᐅᑎᒃᓴᓕᕆᓂᐊᕐᓗᑎᒃ ᓄᓇᕗᒻᒥ ᐃᓄᓐᓄᑦ ᐊᒻᒪᓗ ᐊᓯᖏᓐᓄᑦ ᓄᓇᕗᒻᒥᐅᓄᑦ ᐱᓕᒻᒪᑦᓴᕈᑎᒃᓴᖏᓐᓂᒃ ᑎᒍᓯᒍᓐᓇᖁᓪᓗᒋᑦ ᐃᖅᑲᓇᐃᔮᖅᑖᕈᑎᒃᓴᖏᓐᓂᒃ ᐃᖃᓗᓕᕆᓂᕐᒥᒃ ᓴᓇᕕᓐᓂ. ᑕᐃᒎᓯᖃᕆᐊᓐᖓᓚᐅᖅᑐᑦ ᓄᓇᕗᒻᒥ ᐃᖃᓗᒐᓱᑦᑎᓄᑦ ᐱᓕᒻᒪᓴᕐᓂᕐᒧᑦ ᑲᑐᔾᔨᖃᑎᒌᑦ ᓴᖅᑭᖅᑕᐅᓚᐅᖅᑐᑦ 2004-ᒥ, ᑐᕌᒐᖃᑐᐃᓐᓇᖅᑐᑎᒃ ᐱᓕᒻᒪᓴᕐᓂᕐᒧᑦ ᐊᒃᑐᐊᔪᓂᒃ ᐃᖃᓗᓕᕆᕕᓐᓂ. 2012-ᒥ, ᖃᐅᔨᓚᐅᖅᑐᑦ ᑐᕌᒐᖓ ᐊᕙᖕᒧᓕᖓᓂᕐᓴᐅᒋᐊᖃᕐᓂᖓᓂᒃ ᐃᓚᓕᐅᔾᔭᐅᓯᒪᖁᓪᓗᒋᑦ ᑕᕆᐅᕐᒥ ᐱᓕᒻᒪᒃᓴᐅᑕᐅᒍᓐᓇᖅᑐᓂᒃ, ᐃᓚᒋᔭᐅᓪᓗᑎᒃ ᐃᖃᓗᓕᕆᔩᑦ − ᑕᒪᕐᒥᒃ ᐱᓇᓱᐊᕐᕕᐅᔪᑦ, ᐃᑭᕐᒥ, ᓄᓇᐅᑉ ᖃᓂᒋᔮᓂ ᐊᒻᒪᓗ ᐃᖃᓗᓕᕆᕕᓐᓂ, ᐃᓚᒋᔭᐅᓪᓗᑎᒃ ᐃᖅᑲᓇᐃᔭᕐᓂᒃ ᐅᓯᑲᑦᑕᖅᑎᓂ ᐅᒥᐊᔪᐊᓂ, ᒥᑭᔫᑎᓂ ᐃᖃᓗᒐᓲᑎᓂ ᐅᒥᐊᕐᓂ ᐊᒻᒪᓗ ᐃᖅᑲᓇᐃᔭᕐᓗᑎᒃ ᓄᓇᕗᑦ ᒐᕙᒪᖓᑕ ᖃᐅᔨᓴᕈᑎᖓᓂ ᐅᒥᐊᕐᔪᐊᒥ, ᓄᓕᐊᔪᖅ. ᑕᐃᒫᒃ ᐊᑎᖓ ᐊᓯᔾᔨᖅᑕᐅᓚᐅᖅᑐᑦ ᓄᓇᕗᒻᒥ ᐃᖃᓗᓕᕆᓂᕐᒧᑦ ᑕᕆᐅᓕᕆᓂᕐᒧᓪᓗ ᐱᓕᒻᒪᓴᕐᓂᕐᒧᑦ ᑲᑐᔾᔨᖃᑎᒌᑦ. ᑖᓐᓇ ᑖᒃᑯᓇᓐᖔᓚᐅᖅᑐᖅ ᐱᑕᕆᐊᖃᕐᓂᖓᓄᑦ ᑕᕆᐅᕐᒥ ᐱᓕᒻᒪᒃᓴᐅᑕᐅᒃᑲᓐᓂᕆᐊᓕᓐᓂᒃ ᐊᒻᒪᓗ ᑭᒡᒍᑕᐅᓚᐅᕐᒥᔪᖅ ᐃᓕᓐᓂᐊᖅᑎᓄᑦ ᐃᖅᑲᓇᐃᔮᑦᓴᕐᓯᐅᖃᑦᑕᖅᑐᓄᑦ ᑕᒪᒃᑯᓇᓂ ᐱᓕᕆᒡᕕᐅᔪᓂ.
ᒫᓐᓇ ᐱᓇᓱᐊᖃᑎᒌᑦᑐᑦ NFMTC ᐅᑯᐊ:
- ᓄᓇᕗᑦ ᒐᕙᒪᖓ − ᐃᓚᒌᓄᑦ ᐱᔨᑦᓯᕈᑏᑦ, ᐃᖅᑲᓇᐃᔭᒃᓴᓕᕆᑉᕕᒃ
- ᓄᓇᕗᑦ ᒐᕙᒪᖓ − ᐊᕙᑎᓕᕆᔨᒃᑯᑦ ᐃᖃᓗᓕᕆᓂᕐᒧᑦ ᓇᑦᓯᓕᕆᓂᕐᒧᓪᓗ ᐱᓕᕆᒡᕕᐊ
- ᑲᑭᕙᒃ ᑲᑐᔾᔨᖃᑎᒌᑦ
- ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ
- ᓄᓇᕗᒻᒥ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᓐ
- ᓄᓇᕗᑦ ᑐᓐᖓᕕᒃ ᑎᒥᖓ
- ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒃ
- ᐊᖑᓇᓱᑦᑐᓕᕆᔩᑦ ᑲᑐᔾᔨᖃᑎᒌᖏᑦ
- ᐃᖅᑲᓇᐃᔭᖅᑐᓕᕆᔨᒃᑯᑦ ᐱᕙᓪᓕᐊᔾᔪᑎᒃᓴᓕᕆᔨᒃᑯᓪᓗ ᑲᓇᑕᒥ
- ᓴᓇᕕᖕᓂ ᐱᓇᓱᐊᖃᑎᒌᑦᑐᑦ:
– ᐅᑭᐅᖅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦᑐᑦ
– ᕿᑭᖅᑖᓗᒻᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ
– ᐸᓐᓂᖅᑑᑉ ᑲᖏᖅᑐᐊᓗᐊᓂ/ᐸᓐᓂᖅᑑᖅ ᐃᖃᓗᓕᕆᔨᒃᑯᑦ ᑲᑐᔾᔨᖃᑎᒌᑦᑐᑦ ᓕᒥᑎᑦ
– ᕿᑭᖅᑖᓗᒃ ᑯᐊᐳᕇᓴᓐ
NFMTC−ᑯᑦ ᐱᓕᒻᒪᓴᕐᓂᕐᒧᑦ ᐊᐅᓚᖃᓯᐅᑎᔭᖏᑦ ᐅᒥᐊᕐᔪᐊᑉ ᖃᖓᓂ ᐃᓕᓐᓂᐊᑎᑦᓯᔨ. ᖃᕆᓴᐅᔭᒃᑯᑦ ᐋᖅᑭᑦᑕᐅᓯᒪᔪᑦ ᐃᓕᓐᓂᐊᖅᑏᑦ ᐱᔭᕆᐅᕐᓴᐅᑎᒃᓴᖏᓐᓂᒃ ᐊᐅᓚᑦᓯᓂᕐᒥᒃ ᐅᒥᐊᕐᔪᐊᓂ ᓇᒥᑐᐃᓐᓇᖅ ᐃᖏᕐᕋᕕᒋᖃᑦᑕᖅᑕᖏᓐᓂᒃ ᐅᒥᐊᕐᔪᐊᑦ, ᐊᑐᖅᑕᐅᓪᓗᑎᒃ ᐊᔾᔨᒌᓐᖏᑦᑐᑦ ᐅᒥᐊᑦ ᐊᒻᒪᓗ ᐊᔾᔨᒌᓐᖏᑦᑐᓂ ᓯᓚ ᖃᓄᐃᑦᑑᒐᓗᐊᕐᐸᑦ. ᐊᐅᓚᑕᐅᔪᓃᖃᑕᐅᔪᑦ ᒪᕐᕉᒃ ᐃᓕᓐᓂᐊᖅᑏᑦ ᐃᖅᑲᓇᐃᔭᕐᕕᒦᑦᑑᒃ ᐊᒻᒪᓗ ᐃᓕᓴᐃᔨᖓ ᐃᖅᑲᓇᐃᔭᕐᕕᒦᑦᑐᖅ, ᐊᑐᖅᑕᐅᕙᑦᑐᑦ ᐅᒥᐊᕐᔪᐊᑦ ᐃᖏᕐᕋᕕᒋᕙᑦᑕᖏᓐᓂᒃ ᐃᓕᓐᓂᐊᕈᑎ, ᓯᑯᒥ ᖃᐅᔨᓴᕐᓂᕐᒧᑦ ᐃᓕᓐᓂᐊᕈᑎ (ᐃᓕᓐᓂᐊᖅᑏᑦ ᐊᐅᓚᑦᓯᒍᓐᓇᕐᓯᖁᓪᓗᒋᑦ ᓯᑯᖃᖅᑎᓪᓗᒍ) ᐊᒻᒪᓗ ᐃᖃᓗᒐᓱᓐᓂᕐᒧᑦ ᐃᓕᓐᓂᐊᕈᑎ, ᐃᓕᓐᓂᐊᖅᑎᓄᑦ ᐃᓕᓐᓂᐊᕈᑎᒃᓴᖅ ᐃᖃᓗᒐᓱᓐᓂᕐᒧᑦ ᐊᐅᓪᓚᖃᑦᑕᓂᕐᒥᒃ − ᐃᓚᒋᔭᐅᔪᖅ ᑕᑉᕙᓂ ᓇᓂᓯᓇᓱᐊᕐᓂᖅ ᐃᖃᓗᓕᖕᒥᒃ, ᓂᖏᑦᓯᓂᖅ ᒪᑦᑎᑕᐅᑎᓂᒃ/ᓄᓇᐊᓂᒃ ᐊᒻᒪᓗ ᓄᓗᐊᓂᒃ ᐊᒧᓯᓂᖅ ᐅᒥᐊᕐᒧᑦ. NFMTC ᒫᓐᓇ ᐱᓕᒻᒪᓴᕐᕕᓖᑦ ᑕᒫᓂ ᐃᖃᓗᓐᓂ ᐃᓪᓗ 1515 ᐅᑮᕕᒥᓂᓕᐊᕆᐊᒥ.
ᖃᐅᔨᒋᐊᕐᕕᑦᓴᖅ: ᐃᓕᓴᐱ ᑲᐃᔮᓐ
ᐃᕐᖐᓐᓈᕈᑖ: ecayen@nfmtc.ca
ᐅᖄᓚᐅᑖ: 867-979-7862