Nunavut Sivuniksavut Ilihaqpaallirniqmut Havaaghaliurniqmullu Ilihaqpalliqvik
Ukiunit atuqhimayunit Nunavunmi Ilihaqtut ilitturipkaivaktut taimaa ilihimayaghanik havaktitauyughanik iliharumayut ilauluni NS-nut ilihaqtainut.
Nunavut Sivuniksavut ilihaitjutighaliuqtunik ikayuqniaqturiyut nutaanik Ilihaqpaallirniqmut Havaaghaliurniqmullu Ilihaqpaalliqvingmik (ACD) ikayuutauniaqtuq iniqhimayunut ilihaqtamingnik ahinullu tikkuaqtauhimayunik inungnut hivumuuqtitpalliayaamik ihuaqutait ilihaqtamingnit atauttikkut ilihaqpaalliqhutik havaktillutik atannguyatut titiraliqiyitullu ihuaqniaqtut Nunavunmi.
Taamna ACD ilihaqtaghat ilihaqtitauniaqtuq ataagut taapkua Carleton Ilihaqpaalliqviat Ottawa-mi, ilihaqtitauluni ikayuqtaulutiklu NS-kunnit. Ilihaqtut ilihaqlutik qaffinik aallanik Carleton-kut ilihaqtitainik Titiraniktitaulutik Ukiuqtaqtumi Inungnut Titiraliqiniqmik; atauttikkut, havaktitaulutik ilihaqtillutik kitunikiaq kavamatkut havakviinit ikayuqtuiyunik inungnik.
Morley Hanson
moreleyhanson@gmail.com
613-244-4937
Nunavut Sivuniksavut
Qauyihautigiplugit havaaghat
Nunavut Sivuniksavut ilihaitjutighaliuqniaqturiyut qauyihautigilugu iliqahiutilugit ilihaqtaghat ukiumi ilihaqpaalliqviup ilihaqtitainik ihuaqutauniat inungnut titiraliqiniqmut Nunavunmi, qaffiulutik havakvighat ilihaqtillutik kavamatuqait havakviinit. Katillugit hapkua ilihaqtaghat aklivaalliutauniaqtuq ilihaqpaalliqtaghanik NS-kut ilihaivagait Inungnut inulramminut, hivuliqtuiplugit ingilravighaanut ilihaqpaalliqtanit titiranikvighanut; ilihimayaghanik qauhitiniaqtullu hivunighami havaaghanut inungnik ikayuqtitut ihuaqutaulunilu hivumuuqpallianahuaqtunut akihaqtuqhutik kavamatkut havaaghainut ayuqnaittunit kinguanilu.
Havaaghanit qauyihaiyunit 6-nik ilihaqtunik ilaupkainiat, tamangnik iniqhimayut NS-kut Ayuqnaqniqhait Inuit Ilihaqtaghait. Ilauniat taapkua:
Malruk ilihaqtaghat talvani Carleton Ilihaqpaalliaqviat Titiraniktittilutik Nunavunmi Inungnik Ikayuqtiit Ilihaqtaghainik;
Kaipiktillugit malruk pingahunik (3) tatqiqhiutinik havaktitauvighait kitunikiaq kavamatkut havakviinit Ottawa-mi; imaalu
Iniqhilutik qauyihautinik iniqvianit ilihaqtaminik.
Qauyihautit havaaghat aulavangniat 21-nik tatqiqhiutinik, aullaqlutik June 15-mi, 2018-mi iniqlutik March 31-mi, 2020-mi.
Manighaqpangniat ikayuqtigiingnit Kavamutaqut Kanatami, taapkualu Kavamatkut Nunavunmi (Manighakkut Ikayuutit Nunavunmi Ilihaqtunik tuniyaulutik [FANS]) taapkualu Makigiaqta.
Morley Hanson
morleyhanson@gmail.com
613-244-4937