Currently browsing: ᑲᖏᖅᑐᒑᐱᒃ
ᖃᒡᒋᐊᕘᑦ ᑎᒥᖓ ᐃᓄᐃᑦ ᑎᑕᑦᑏᑦ, ᐱᓕᕆᔾᔪᑎᖏᑦ ᓄᓇᕗᖕᒥ ᓱᕈᓯᓛᓄᑦ ᐊᒻᒪ ᐃᓅᓱᒃᑐᓄᑦ
ᖃᒡᒋᐊᕘᑦ ᑎᒥᒪᖓ ᐱᕚᓪᓕᑎᑦᑎᕙᓪᓕᐊᖏᓐᓇᕐᒪᑕ ᐊᒻᒪ ᑕᑎᒋᔭᐅᕙᒃᑐᑎᒃ ᐃᓄᖕᓄᑦ ᑎᑕᑦᑎᓄᑦ ᐊᒻᒪ ᐱᕙᓪᓕᐊᑎᑦᑎᓂᕐᓴᐅᔪᒪᒻᒪᑕ ᐃᓄᖕᓂᒃ ᑎᑕᒃᑎᓄᑦ ᐱᓕᕆᔾᔪᑎᓂᒃ ᓱᕈᓯᓛᓄᑦ ᐊᒻᒪᓗ ᐃᓅᓱᒃᑐᓄᑦ. ᖃᒡᒋᐊᕘᑦ ᖃᐅᔨᑎᑕᐅᓚᐅᕐᒪᑕ ᐅᓄᕐᓯᒋᐊᕐᑕᐅᖁᔨᔪᓂᒃ ᑮᓇᐅᔾᔭᓵᖃᕐᕕᓄᑦ ᐱᕕᒃᓴᖃᕐᓂᕐᓴᐅᖁᔨᔪᓂᒃ ᖃᐅᔨᒪᔮᕆᔭᐅᔭᕇᖅᑐᓄᑦ ᑎᑕᒃᑎᓄᑦ ᐊᒃᓱᕈᖅᐸᑐᓄᑦ ᒪᑭᒪᒐᓱᐊᕐᑐᑎᒃ, ᐱᕙᓪᓕᐊᓂᖃᕈᒪᔪᓂᒃ ᐊᒻᒪ ᓴᖅᑭᔮᒃᑲᓐᓂᕈᑎᒃᓴᓂᒃ ᐱᓕᕆᐊᒥᓄᑦ. ᖃᐅᔨᑎᑕᐅᓚᐅᕐᒥᒻᒪᑕᓗ ᐱᑕᑲᕆᐊᖃᓐᓂᖓᓂᒃ ᐃᓄᐃᑦ ᑎᑕᒃᑏᑦ ᐱᓕᕆᔾᔪᑎᒃᓴᖏᓐᓂᒃ ᓱᕈᓯᓛᓄᑦ ᐊᒻᒪᓗ ᐃᓅᓱᒃᑐᓄᑦ. ᐱᕚᓪᓕᕈᑎᔾᔪᐊᖑᔪᓐᓇᕐᑐᓂᒃ ᐊᓯᖏᓐᓂᒃ ᐱᑕᖃᙱᒻᒪᑦ ᐳᐃᒍᖅᑕᐃᓕᒪᔾᔪᑎᒃᓴᓂᒃ ᐃᓕᖅᑯᓯᕐᒧᑦ ᐊᒻᒪᓗ ᐅᖃᐅᓯᕐᒧᑦ ᑎᑕᓐᓂᐅᑉ ᐊᓯᐊᓯᒍᑦ.
ᐅᖃᓕᒫᒃᑲᓐᓂᕆᑦ