ᐊᕐᕕᐊᓂ ᐃᓅᓯᓕᕆᕕᒃ
ᐱᓕᕆᐊᒥᒃ ᐃᓘᓐᓈᒍᑦ ᑕᑯᒋᐊᕐᓂᖅ
ᒪᒃᑯᑦᑐᑦ ᐊᖑᓇᓱᑦᑏᑦ ᐊᐅᓚᑕᐅᔪᖅ ᓄᓇᓕᓐᓂ ᐱᓕᕆᐊᖅ ᐋᖅᑭᑦᓯᒪᔪᖅ ᐋᖅᑭᑦᓲᑎᒃᓴᓂᒃ ᒪᑭᒪᓂᕐᒧᑦ ᐊᖑᓇᓱᓐᓂᒃᑯᑦ ᒪᒃᑯᑦᑐᓄᑦ ᐅᑭᐅᓕᓐᓄᑦ 8-ᓂᒃ 18−ᓄᑦ. ᑕᓪᓕᒪ ᐊᕐᕌᒍᑦ ᐊᐅᓚᓂᖃᕐᓯᒪᓕᖅᑎᓪᓗᒍ ᐱᓕᕆᐊᖅ, ᐱᓕᕆᓯᒪᔪᕐᔪᐊᒻᒪᕆᐊᓗᐃᑦ ᓄᓇᓕᓐᓂ ᐃᓐᓇᐃᑦ ᑎᑎᕋᖅᑐᑎᒃ ᖃᐅᔨᒪᓂᐅᔪᓂᒃ ᐊᔪᓐᖏᓐᓂᕆᔭᐅᒋᐊᓕᓐᓂᓪᓗ ᒪᒃᑯᑦᑐᓄᑦ ᐊᔪᕈᓐᓃᑦᓯᐊᖁᓪᓗᒋᑦ ᒪᑭᒪᓂᕐᒧᑦ ᐊᖑᓇᓱᓐᓂᒃᑯᑦ, ᑭᓯᐊᓂᑦᑕᐅᖅ ᐱᔪᓐᓇᓯᑦᓯᐊᕐᓗᑎᒃ, ᓇᓗᖅᑯᑎᓐᖏᓪᓗᑎᒃ ᐊᒻᒪᓗ ᐃᑲᔪᖃᑦᑕᕐᓗᑎᒃ ᐃᓅᖃᑎᒥᓂᒃ, ᒪᓕᓪᓗᒋᑦ ᐃᓄᓐᖑᐃᓂᕐᒧᑦ ᑐᓐᖓᕕᒋᔭᐅᔪᑦ. ᐃᓚᖏᑦ ᑕᒪᒃᑯᐊ ᐱᓇᓱᐊᕈᑕᐅᔪᑦ ᐃᓕᖓᓂᖃᑐᐃᓐᓇᕆᖃᕋᓗᐊᖅᑎᓪᓗᒋᑦ ᓄᓇᓕᓐᓂ ᐊᖑᓇᓱᑉᕕᒋᕙᑦᑕᖏᓐᓂᒃ ᐊᕙᑎᒥ ᐊᒻᒪᓗ ᐊᑐᖅᑕᐅᕙᑦᑐᓂᒃ, ᐃᓗᓕᓕᒫᒐᓚᖏᑦ ᐃᓚᓕᐅᔾᔨᓯᒪᔪᒻᒪᕆᐅᔪᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑐᓐᖓᕕᓕᐊᖑᓯᒪᔪᓂᒃ ᐊᒻᒪᓗ ᐅᑉᐱᕆᔭᖏᓐᓂᒃ ᐊᒻᒪᓗ ᐱᓕᒻᒪᒃᓴᐃᓂᕐᒧᑦ ᐊᐅᓚᓂᕆᔭᐅᓲᓂᒃ ᒪᓕᓪᓗᒋᑦ ᐃᓄᐃᑦ ᐃᓕᖅᑯᓯᕐᒥᒍᑦ ᐊᑐᖃᑦᑕᓲᖏᓐᓂᒃ. ᑕᐃᒪᐃᑎᓪᓗᒍ ᐃᑲᔫᑎᓕᒻᒪᕆᐅᔪᖅ ᐃᓄᓕᒫᓄᑦ ᓇᓂᑐᐃᓐᓇᖅ. ᐸᕐᓇᐅᑎᕗᑦ ᖃᕆᓴᐅᔭᒨᖅᑲᕈᒪᓪᓗᒋᑦ ᐊᑐᐃᓐᓇᐅᓂᐊᕐᒪᑕ ᐊᑐᐃᓐᓇᐅᕕᒋᔪᓐᓇᖅᑕᖏᓐᓂ. ᐃᓚᓕᐅᑎᓂᐊᖅᑕᕗᑦ ᑎᑎᕋᕐᓯᒪᔪᑦ ᓇᐃᓈᕐᓯᒪᔪᓂᒃ ᑐᓴᕈᑎᓕᐅᕐᓯᒪᓗᒋᑦ ᐊᐅᓚᔫᓕᐅᒐᕐᓂᒃ.
ᑯᑭᒃ ᕙᐃᑲ
arviatwellness@gmail.com
867-857-4154