Titiraujaqtinut Atiliuqhimajaat Pinniqutaat Pukuktauhimajunut.

Atiga Samara Lyall, okiokkaktongga 14-nik Inuinnaoyongga Talokyoakmiotaoyongga Nunavunmi. Tatja grade 9-miiliktongga aliagiyaga titigaoyaknik, mighokniklo, honggaoyaniklo kopagiaghamik ayonggittongga. Mikkaotillongga, atatatiama okaotihimayangga titigaoyagiakhamnigook ayonggittongga kihimi okaalakhimayok imaa, “ilivaklogit iinggit kitkannut”, holi oblomi okalaalaotigihimayait malikahimmaaktatka. Titigaoyaagivaktatkalo nunap kanogijohia nunami, aoyagaagat ekalokhiokviptiknonggapyagaagapta aoyaivakviptiknot okioktaktomi nuna taotoktaga pinnikningga titigaoyakpaktaga kagitaoyannoapkot. Aipaangganiani, ovamnik ayoighakmiyongga titigaoyagiakhamnik kagitaoyatigot aoktaghakaktookmata taimaitonik aatokhongga. Inittitkomma, tikmialioyomayongga ovaloniit kagitaoyaliginikmot hanayiolongga.

 

Nalonaipkotamni titigaoyakhimayongga inolgammiknik nalvagahoaktomik hivonighamini holiyomaniakmagaakmik. Atokhoni onaakminik naonaigotigihimanahoakhogo namot homonggaoniakmagaaminik. Aliahoktogiplogit namonggaoligiakhamingnik aliagiplogo. Aghalinggiat nalonaipkotagiyavot taimaningnittanik, malikaplogit naonaigotigihimavait homonggaoniagiakhamingnik.