Ulapqipkaiyit Pulaaqtarviillu Katimayiit Nunavunmi
Taamna “Hivuliqtiuyut Ingilravingnit” aullaqtihimayaat ikayuutauniaqtuq inulramminut ilihaqtaghanut havaaghaqhiurniqmullu; Inuit Uqautjiyit ilihaqvighaat kaantulaaktittiyullu inuuhuktunik; amigaiqpaalliqhutiklu ilihaqtaaqtut taapkualu/uniit ilihaqviit ahianit ilihaqvighaanik nutaqqat inulrammiillu, hulilukaaqhutik, ulapqiplutik, igaplutik ilitquhituqhutiklu.
Taamna Ulapqipkaiyit Pulaaqtarviillu Katimayiit Nunavunmi (RPAN) havaqatigivaallirumayait nunallaaqmiut, ilihaqviit ikayuqtiillu aulapkaiyaamik ilihaqvighanik ikayuutauniat ilihaiyunik ayuiqhaqpaalliqlugillu inulrammiit Hivuliqtighat aulapkailutiklu nakuuniqhanik ilihaqtaaqtunut imaalu/uniit ilihaqtaaqtunut titiraqtauliqtut atuqtitauplutiklu inulramminit nutaqqanut inulramminullu. Inulrammiit hanatuniqmik ihumavaktut aallatqiingniklu ihumagiyaqaqhutik. Ihuaqtunik hanalrutinikkumik havaaghaniklu hivuliqtiuyaamik, inighaqattiaqtut ihuaqtukkut aallannguqtiriyaamik nunallaaqmingnit. RPAN katimapkaiyumayait inulrammiit ihumaliurniqmut, hivuliqtiuniqmut ayuiqhaqvighaniklu, ilihaitjutiniklu atuqtittivallialutik ikpigiyainik hanapkailutik ilihaqtaaqtunut ilihaqviuplu ahianit ilihaqtaghanik nutaqqanut inulramminullu nunallaaqmingnit. Havaktighaliurumayugut havaaghaniklu inulramminut. Amigaiqpaallirumayaqqut ilihaqtaaqtut ilihaqviup ahianillu ilihaitjutighanik.
Nakurutit nakuuniqhanik ulapqitjutinit qauhittiaqtaulaittut… timitigut aanniaqtailiniqmit, ihumaqattiarniqmit inuqarniqmiittaamilu. Titiraqhimayut amihuuyut timingnut aanniaqtailitjutauyut hulilukaaqniq puvallaqtailiniq, aanniarutighat mighivaalliqpaktut, timigighautauplutik imaalu aghuurnaqtukkut, inuuraariamik. Ihumaqattiarniqmut ihuilutit ihumaaluutauvaktut Nunavunmi. Hulilukaariamik hanaqitillutik amiqnaiqpaalliutauvaktuq ihumaaliutinik, taimaa inuit ihuaqtukkut aularaaqpangniat upluq tamaat inuuhiinit. Ihumaqattiarniqmut nakurutauvaktut ihumaalungniqmit, qitukpallangniqmik nakuuhivaalliqhugu inuuhiit. Hulilukaaqviit ihuaqutaulaaqtut inuuhiptingnut. Nunaqariami Nunavunmi amihunik inuuhiqnut ikpingnautilik inuuhiptingnut ihumaliurutigiplugit, havaaptingnut, hanatqingniqmullu. Hapkua ihuilutit ihuaqhaqtaulaaqtut ilauplutik hulilukaaqtunut hakugighaqhugit nunallaat, ihuinaaqtut ikighivaalliqhugit, ikayuquivalliaplutik, katitiriplutik ilagiingnik tutqighaiplutiklu inungnik.
Kinguani ikayuutit inungnut, hulilukaariamik iharianaqtuq, ihuaqutaunginnaqtut nunallaaptingnut. Hulilukaaqviit ihuaqutauvaktut akikittutik ilittuqhautauyut ihuilutiptingnut, ingattauvaktuq inulramminut. Pitquyauhimayutut tuhaqtitauhimaplunilu, hulilukaaqtaghat ikighilaarutauvaktut ihuinaarutainik inulrammiit, ahikkuuqtittiplutik huniqlukturniqmit imirlungniqmillu, hingaiyut ikighilaaqhutik ilihaqtamingniklu taimaaqtunik, ayuiqhavaalliqhutiklu. Hakugighariamik ilagiingnik atuqtaghaigut, ilitquhituqpallialutik aallatqiingnik qauhimaplugit, naammagiinnaqhugillu ahiit, hulilukaaqviit nakuutqiyanik nunagiyumannaqnik nunallaaliurutauvaktut.
Ilitturinnaqpiaqtuq inirutaulaaqtuqlu taimaa atauttikkut ingilralaaqtut nakuruttiqtauplutik. Hapkuatut, hulilukaaqvighaat tamaita inulrammiit ilauyaghainut havaaghanut ikayuutaulaat, inminiiqtailiniqmut, kannguguhuiqpaalliqtillugit, ilihimayaghanik ayuiqhalutik, imirluit hugihuiqpalliaplugit, ilagiittiarniqmut nakurutauluni, ikayuqpalliapkaiplutik, atauttikkut taimaa. Qanukiaq nakurutauvangniat ilauyaamik nungulaittut. Hapkua mihingnaqpaktut hulilukaaqtittiplutik akikittumik ihumaliuqtit inungnik ikayuqhutik.
Havaaghanut Inirumayait
“THavaktighaliurahuaqlutik nunallaaqmingnit ulapqipkaiyunik ikayuutauniat ikayuqhugit ilihaqtittiyut, havaaghanik ilihaqvighaniklu aulapkaiyaamik nakuuniqhakkut ilihaqtaaqtunut ilihaqviit ahianilu hulilukaaqtaghainik nutaqqat inulrammiillu.’’
Irininaqtut havaaghat
1. Amigaiqpaalliqlugit hakugighaqlugillu nunallaaqmi hulilukaaqviit Nunavunmi tutqighaiplutik ilihaitjutighanik hanalrutighaniklu; titiraniktittiyut ilihaihimmaaqhutiklu, havaktighaqhiuqhutiklu kaantulaaktitauyunit havaktinik.
2. Ikayuqlugit qauhimaqatigiiktut ihuaqniinik ilihaqtaaqtut ilihaqviuplu ahianit ilihaqtitaghanik ingilrutitaarnikkut, hunaqutitaarnikkut, ukiuq tamaat aullaqtitaghainik, ikayuqhutiklu parnaiyaiyunik nunallaaqminut.
3. Katimapkailutik nakuuniqhanik ilihaitjutighanik parnaiyaiyunut atuqtittivalliayunullu nunallaaqnit
Hivayaqtaghat
Dawn Currie
Qaritauyakkut: dcurrie@rpan.ca
Hivayautikkut: 613-876-0491