Nunavunmi Iqalliqiyit Taryumiutaniklu Ilihaqtut Katimaviat (NFMTC)

Nunavunmi Iqalliqiyit Taryumiutaniklu Ilihaqtut Katimaviat ikayuqtigiiktut ahiittut Nunavunmi katitiriyuq kavamanik, nanminiqnik hannavingnik Inuillu timiqutainik ilihaiyaamik Nunavunmiunik Inuinnaqnik ahiniklu Nunavunmiunik havaaghaniktittiplugit upluq tamaat iqalliqiyinit. Hivulliqmi attiqtauhimayuq taimaa Nunavunmi Iqalliqiyit Taryumiutaniklu Ilihaqtut Katimayiit aullaqtitaugami 2004-mi, ihumagiplugu ilihaqtittiniq iqalliqiyinit. 2012-mi, qauhimaliqtut taimaa havaaghait amigaiqpaalliqtaghait iliqahiutilugit taryumiutanik ilihaqtittiniq, taapkualu iqalliqiyut – tamangnik havaaghakkut, taryumi, hinaani iqalliqivingnit, taapkualu havaktut umiaqnit agyaqtautinit, mikiyut iqalughiuqtit qayait havaktullu talvani Kavamatkut Nunavunmi qauhiyaiyit umianganit, Nuliayuk. Talvuuna atia aallannguqtauhimayuq taimaatut Nunavunmi Iqalliqiyit Taryumiutaniklu Ilihaqtut Katimaviat. Imaatut kiuhivaktut ihariagiyainik ahiagut ilihaqtaghanik taryumiutanik kiutjutauplunilu ilihaqtunit havaaghaqhiuqtut ahinit havaaghanit.

Tajja ikayuqtigiiktut NFMTC-nut taapkuanguyut:

• • Kavamatkut Nunavunmi – Ilagiingnik Ikayuqtit, Havaaghaliuqtit Havakviat
  • Kavamatkut Nunavunmi – Havakviat Avatiliqiyit, Iqalliqiyit Nattiliqiyillu Havakviat
  • Kakivak Katimayiit
  • Qitirmiuni Inuit Katimayiit
  • Nunavunmi Pivalliajjutikhalirinirmut Kuapuriisingat
  • Nunavut Tunngavikkut Timingat
  • Nunavunmi Inirnirit iliharviat
  • Anguniaqtit Naniriaqtuqtillu Katimayiit
  • Havaktighaliqiyit Pivalliajjutighaliqiyillu Kanatami
  • Hannaviit Havaqatigiit:

– Arctic Fishery Alliance (Ukiuqtaqtumi Iqalliqiyit Katimayiit)
– Baffin Fisheries Coalition (Qikiqtaalungmi Iqalliqiyit Katimayiit)
– Kangiqtualuk/Pangnirtuuq Iqalliqiyit Ikayuqtigiit Limatit
– Qikiqtaaluk Kuapuriissait

NFMTC-kut Ilihaqpaalliqvianit tunmiraqmik ilihaitjutinngualik. Qaritauyanit atuqtauyughanik havauhiqaqtut ilihaqtut umiakkuuqtittinnguaqhugit nanikiaq taryumi qauyihaqviinit, atuqhutik aallatqiingnik umiarnik quyaginnaqmilu hilami. Ilihaqviat taamna malrungnik ilihaqviqaqtuq ilihaiyiplu ilihaivianik, ayuqnaittunik qauyihaitjutilik, hikumiklu qauyihautinik (taimaa ilihaqtut umiaqturumaaqtut hikuhiuqtillugit) iqalughiuqtinullu hanahimayunik, taimaa ilihaqtut iqalughiunnguriamik – taimaa iqalungnik paqittiniqmik, kuvyaqturniqmik kuvyaiyaiyarniqmiklu qayaqmut. NFMTC-kut tajja ilihaqviqaqtut hamani Iqalungni talvani ikluqpak 1515-mi Federal Apqutaanit.

Hivayaqtaghat:

Elisabeth Cayen
Qaritauyakkut: ecayen@nfmtc.ca
Hivayautikkut: 867-979-7862