Ukiuqtaqtumi Nutaqqat Inulrammiillu Tunngaviat (ACYF)

Inutquuqatigiingnik Hivuliqtit Ihumaqattiarniqmut – Pilgaqhuqtitauyunik Qauhimattiarniq

Ilihaqvighaat

Qanurittuq

Taamna Inutquuqatigiingnik Hivuliqtit Ihumaqattiarniqmut Ayuiqhaqvighaat pingahunik uplunik aulaniaqtuq titiraniktittiyut ilihaqvighaat inulrammiit ukiulingnik 15-mit 21-mut. Ilihainahuat katimapkailutik ikayuriamik Inuinnaqnik inulramminik tuhaqtitauyunik ihuinaarutinik. Hamna ayuiqhaqvighaat ilihaitjutaunngittuq inulramminut ikayuqtiuyaami uqaqtitut inutquuqatimingnik, ihumagilluaqpagait qauhimattiarniq amirnaittumik, ikayuqtighaqhiuqhugit, munattiarniqmiklu aulatillugit. Ikayuriamik qauhinahuaqhutik ilihimaliqtainik naahurittiaqtittiplugit aulattiaqhutik, ilauyut ilihaqtitauniat ilihimayaghanik pilgaqhuqtitauhimayunik taimaa ihuinaaqhimmaaqpaktut Inuit nunallaanit uplumi. Titiratqigahuat ayuiqhaqvighanik taimaa Inuinnaqnut Nunavunmiunullu ihuaqharumaplugit, tuhaqvigiyumaplugillu ikayurahuaqtait. Titiratqigumik aulapkaigumiklu qauyihautighanik havaktighaliurumayut ikayuqtighanik aullaqtitaghaniklu nunallaaqatigiingniklu ikayuriamik inulramminik Nunavunmi.

Naittuq

Taamna Ukiuqtaqtumi Nutaqqat Inulrammiillu Tunngaviat (ACYF) Iqalungni, NU-mi, manighiunngittut timiqutauyut makititauhimayut 2004-mi havaaghaqhiuqpaktut ihuinaarutauyunik nutaqqanut inulramminullu ukiuqtaqtumi tamaat. 2015-mi, qauyihaiplutik taapkuninnga Umingmak Nutaqqat Inulrammiillu Ikayuqtiit (UCYSC), ACYF UCYSC-kut havaktiit katimapkaihimayut nunallaaqmiunik Iqalungni, Kangiqliniqmi Iqaluktuuttiaqmilu, tuhaqvigihimaplugit avatquanik 75-nguyut qaritauyakkut qauyihautinik Nunavunmiunit, katimaqatigiplugit inulrammiit, ilihaiyit, ikayuqtit uqautjiyit nunallaaqmilu hivulliqniklu kiuhiyinik havaktitauvaktut ilittuqhipkaigaangamik ihuinaaqtauyunik nutaqqanit inulramminiklu ihuinaaqtauhimayut. Inutquuqatigiingnik Hivuliqtit Ihumaqattiarniqmut havaaghat kiuhivaktut irininaqtunut nunallaaqmi ikayurahuaqhutik nutaqqanik inulramminiklu ihuinaaqtauyunit, taimaa ahiit inulrammiit inuuhuktutut apiriyaugaangamik ahinit inutquuqatainik aanniqhihimayunik uqautjiyauyaamik ihumaalukpallaaqtailiplugillu. Taamna Inutquuqatigiingnik Hivuliqtit Ihumaqattiarniqmut aullaqtitauhimayuq katimatjutautaarmat qauyihautauplunilu UCYSC-kunnit nunallaaqnit. Ilittuqhitiyauhimayuq taimaa inuuhuktut “inuuhiqattiaqtut” ilihimayauyut inutquuqatigiingnit ilitturihimayut aanniqtauniqmit apiriyauliqpaktut ahinit inulramminit ilittuqhitiplutik. Amihuiqtuqhutik, inulrammiit ukpirivagait ahiit inulrammiit unipkaaqatigiingniqmik (utuqqanik pilgaqhuqtitauhimayunit, ilaanilu qangahaaq pilgaqhuqtitauyunit) qauhimayumaplutik “qanuriliuriaghainik kinguanit” nakillu ikayuqtauyaamik ihumaaluutainut ihumaqattiarniqmullu ikayuqtinit. Talvuuna ihumaaluktitauvaktut inulrammiit ilittuqhitiyaugaangat; kiuhiyaamik ayuqharungnaqhiniat qanuqlu ikayuqtauyaamik ilittuqhiyaamik, ikayurahuaqhugit inutquuqatait pivighailliuqtumik ikayuqtighailliuqtumiklu. Pilgaqhuqtitaulaat, ihummarlupkailutik imaalu inutquuqatait ilittuqhitiyaita huliyaamingnik naluqhittivaktut.

Turaarvigiyukhaq:

Sarah Clarke
Qaritauyakkut: sclarke@acyf.ca


Maniit Atoktaghat: ,,