Havauhiqnik Atannguyait Unniqtuiyiit (PMC)

PMC-kut ilihaitjutighaliuqniaqturiyut ikayuutighait tamangnik Inuinnait havaktit havakviitalu havaktiqaghaarniqmut, aklivaallirniqmut ayuiqhayaamiklu havaktillugit-havaamingnit angmaumayunik ilitquhiniklu arligiyunik havakviliuqhutik. Ilihaitjutighaliuqtaghait ihumagilluaqniaqtait iniqhimayut ilihaqtamingnik Havaktinnatik-Ilihaqpaalliqtut Ilihaqviinit ilauyuqaqhutik 6-nik ilihaqtunit tamangnit nunallaaqnit: Mittimatalik, Pangnirtuuq Iqaluillu (tamangnik Inuinnait inulrammiit inuuhuktullu ayuqhautilgit havaaghanigiamik). Havaqatiginiaqtaqqut haniani 18 ilihaqtunik havakviitalu. Pingahuuniaqtut iniqhimayut ilihaqtamingnik tamangnit nunallaaqnit havaaghaqaliqtunik aippaittauq pingahut iniqhimaniaqtut havaaghaqhiuqtut nakuugiyamingnik huli. Ilagiigahuaqhimmaaqhuta ilauyullu nunallaaqnilu havakvingnik tamangnit havakviuniaqtunit nunallaaqnit, havaqativut havaqatiginahuaqtait tamangnik havaktiit havakviillu hakugiktumik ikayuqtigiigiamik, ayuqhautit ahivaqlugit, ikayurahuaqlugit inuit havaqatigiittiarniqmut ihuaqtukkut. Ahiagullu, ilihaqtitaghanit ilitquhinut ihuaqtunik, ihumagittiaqhugit havakviit – nanikiaq havakviqarumik, atuqtittivalliaplugit ihuaqtut Inuit ilitquhiit.

Havaaghait

• Qauhittiaqtittiyaamik ihariagiyainik havakvingnit (inmikkut qauhimattiarniq ilauyunit havakviillu qauhimaniit nunallaaqmi tamaat)
• Naahurittiaqtittiplugit ilauyut havaaghaqattiarniqmut ikayuriamik ilamingnik nunallaaniklu qanukiaq aallatqiiktukkut
• Ilitturivallialugit aallatqiik ilihimayaghat, havauhiit ihumagiyaillu ihuaqutaugumik havaaghainut
• Qauhivallialugit nunallaaqnit ikayuqtighat havaaghaniktittilutik havaaghaqaghaariamiklu
• Kannguguhuiqpalliavaktut ilihaqtut ayuitamingnut
• Ihumaqattiarniqmik aghuuqhaqpaktut pilgaqhuutinitlu aulattiariamik havakviinit
• Ilagiittiarniq hakugighaqhugu nunallaaqmiullu havakviit havaktighaqhiuquplugit havakviit Inuinnaqnik havaktinik
• Tuhaqtittigiingniqmik ilittuqhitilugit havakviit havaktiillu Inuit ilitquhiit ihumagiplugit (inmingnik-qauhimattiarniqmik, ilihimayait ihuaqhaqpaalliqlugit, inmikkuuqniqmik, quviahuutiniq kannguguhuirniqlu – ilittuqhitivalliaplutiklu ilitquhiqnik Inuinnaunngittunut havakvingnut)
• Ilihaqpaalliqtut havaaghanut inirumayainik, havauhirnut parnaiyaiyut taapkualu tuhaqtittiyut tughiraqtullu uqauhiqnik

Naahuriyauyut Agyaqtaghat

• Malruk tuhaqtittiniqmut katimavighait (nunallaaqnit tamaat) pivalliatjutauvaktut, hakugighaqhugit ilagiingniit havakviit havaktiillu ilittuqhitiplutik iniqtauttiaqhimayut kitunikiaq havakvingnit
• Ilittuqhitighat taiguagaghat havaktinut aulattiarniqmik ilittuqhitiplutik havakvingnit hanayauhimayuq Inuinnaqnit unniutjiyinit, uqautiplutiklu qanuq ayuqnaqtut atuqtaugaangamik ihuaqhaiyaamik
• Ilittuqhitighat taiguagaghat havakvingnut uqautjiyinik ikayuqtighaqhiuriamik, Inuinnaqnut-kihimi ilitquhirnik ihumagittiariamik ilihaqtut havakvingnilu, havauhighallu havaqatigiyaamik pilgaqhuqtauhimayut
• Ilitquhituqhutik hulilukaaqtaghat tamangnit ilauyunit nunallaaqnit qauhitittiarahuaqhugu ilitquhiit havakvingnit
• Ilihaqvighait tamangnik havaktiit havakviillu hakugighainiqmik ilagiingniit, uqautjiniqmik havakviliuqhutiklu Inuinnait ilitquhituqvighainik

Ayuqhautit

• Timirluutinut ayuqhautit (itiqtaqniqmik, ingilrayaarniqmik, ingilrutiturniq);
• Ayuqhautit, ihumaqattiarniqmut ayuqhautit ikpiguhuutillu pilgaqhuqtitauniqmit;
• Niqighailliurniq;
• Qatanngutigiingnut ikpiguhuutit pilgaqhuqtitauniqmit;
• Inmikkut qauhimattiaruiqniq kighiittullu;
• Ayuqhainnaqtut ihumaalungniqmit inngumaniqmillu havakvingnit nuiqattaqtunik (ihuilutauvaktut ilagiittiarniqmut);
• Inuqarniqmiittaaq kamahungniq iqhiyulluuniit ilaunngittaarmik avaliinngaaqtitauyaamilu;
• Ikayuqtaunngittut ilagiingnit, ilannarnit nunallaaqnilu ayuittunit;
• Ihariattiniq (amihut ikayuqtauvaktut inuliqiyinit ayuqhaqpaghutik upluq tamaat inuunahuaqhutik);
• Inuuhirnut ayuqhautit ningaqtunik ihuinaarutiniqmiklu;
• Ingilraaqnitanit aulayuittullu pilgaqhuutit;
• Ilihattiaqhimaittut ilihimattianngittullu;
• Inuliqiyinit manighaqtarniqmit huliyumahuirutauyuq;
• Ilihimattianngittut maniliqiniqmik (akiliqtaugaangamik ilangi inuit tamatkiqhugu atuliqpagait ayuqharaakpaghutik akiliqtautqikvianut);
• Aghuuqtauyut ilagiingnit atuqtittiyaamik manighautainik;
• Ihumaaluktut ikayuutait aghaaqtaunahuqquuqtut (ikluqpait, aanniaqtailiniqmut ikayuutit, qanuqlu);
• Ilitquhiit aallanganiit kitulukiat havakviit ayuqhautauyut tuhaqtittigiingniqmut;
• Iqhiyut kannguguhuktullu havainnariaghainut;
• Ilagiingnik munaqhiyut (nutaqqanik Iniqniriniklu); imaaluuniit
• Ilagiittiaruiqtut ahiillu nunaqatigiingit (havakvighaugaluit), taapkuninngalu nunallaaqnit ikayuqtit havaktiinit.

Hivayaqtaghat

Dan Hamilton
Qaritauyakkut: dhamilton@pmcrenewal.com
Hivayautikkut: 613-234-2020