INSPIRE NUNAVUT (NANNGARILUGU NUNAVUT)
Inspire Nunavut (Nanngarilugu Nunavut) ilihaivaktuq inuuhuktunik inungnik Nunavunmi tamaat nanminiqarniqmik havaghutik, ilitquhituqhutik nanminiqarniqmiklu ihuaqhainiqmiklu ihuinaarutinik. Ihumagivaktaqqut timiqutaupluta taimaa hakugighaqlugit inulrammiit akihaqtuqullugit ayuqhautait atuliqpagait ungahiktigiiktumik nunallaaqmiittutik taimaa ilitquhituqhutik ihuaqhaitjutighaqhiuqlutik nanminiqarnikkut.
Inspire Nunavut (Nanngarilugu Nunavut) aulapkainahuaqtaat ilihaqvighait talvuuna havaktittiplutik aullaqtittiniqmiklu aulapkainiqmiklu nanminiqnik ilihaqtaghaigut. Ilauyut ilihaqtitauvaktut 6-nik tatqiqhiutinik talvuuna ilihaqpagait havauhiit nanminiqariamik aulapkainiqmullu nanminiqnik nunallaaqminik. Ilihaitjutighavut iliqahiutivagait Inuit ilitquhiit hanayauhimapluni ihuariyaigut manighiuqnikkut-ilitquhituqtullu manighiurniqmik uuktaqtaghait ungahiktuuyumi nunallaaqmi. Ilihaqtut ikayuqtauvaktut ilihaiyiinit, uqautjiyiinit, nunallaaqminit parnaiyaimit, nunallaaqnit timiqutinit, ilihaitjutighaniklu hanayauhimayumik ikayuqtiqaqhutik ilauqatigiingnit. Ilihaqtait iniraangamik, ilihaqtut nanminiqnik aulapkailiqpaktut nanminighaliuqtainiklu ilihaqtillutik, havaaghanikpaktullu, imaaluuniit ilihaqpaaliliqpaktut.
Qauhimattiaqtainik Iniqnirinik Ilihaqviit – Uqauhilluarivaktavut taimaa hakugighariamik inuit manighiurniqmik nunallaaqmingnit, qauhimayauttiaqtunik tunngaviqaqtughat ikayuqtinik ayuqhautinut nuigaangamik ayuqnaitpat. Aulapkaitjutaillu naulviqaqtughat Inuit ilitquhiinit nunallaaqmiullu ikpigiyaigut.
Inspire Nunavut (Nanngarilugu Nunavut) qauhimattiaqhutik havauhiqaqtut nanminiqarniqmik ilihaiplutik. Talvanngat aullaqtiqvianit, ilihaqviit hanayauhimayut Inuit ilitquhiit atuqhugit ikpiguhuutaillu qitqanunngaqhugit, ilihaiplugit ilauyut nanngariyaamik atuqtittivalliayaamiklu Inuinnait ilitquhiit aulapkaqtitaigut. Taimaa iharianaqtuq aulapkaittiarniqmut taapkua Inspire Nunavut (Nanngarilugu Nunavut) ilihaqviinik. Hapkua ilitturinatqiyauvaktut nanminiqaqtunit, ilannainit ilagiingnillu, nunallaaqmingnit niuviqtighauyunillu.
Ayurnatqiyanik Ilihaqvighat Aulapkaqtait Havaaghanut Atatayut – Inspire Nunavut (Nanngarilugu Nunavut) takulluarumayait ilihaqtunit taimaa inmikkut-havaaghaqaqtunik havaaghaniktillugillu inuit. Taapkualu malruk takulluarumayaqqullu ilihaqtunit taimaa ilihaqpaallirahuaqlutik havaaghaqhiuqlutikluuniit.
Ayuiqhaqvighat taapkualu Havakvingnik Aulapkainiqmut Havaaghat atuqtittivallianiqmik Inuktitut Hvakvingnit – Inspire Nunavut (Nanngarilugu Nunavut) ukpiruhuttiaqtut taimaa atuqpalliapkaiyaamik Inuktitut-mik nanminiqnit havakvingnilu. Aullaqtilihaaqhuta timiqutitut pivighaqqukittumiklu, numiktiriyuitpaktugut. Kihimi, manighaqhuta Makigiaqta-mit, manighariamik naahuriyugut numiktiriamik ilihaitjutighat Inuktitut uqauhiinut, qunngiagaghaliurumayugut atauhiinnaunngittumik uqauhikkut ilihaitjutighanik havaktighaqhiuqluta ayuittunik Inuktitut-uqayuktunik – havaktilluanik, parnaiyaiyinik, uqautjiyinik ilihaiyiniklu.
Havaaghaqarniqmik Ikayuqtit Uqautjiyillu – Havaaghaqarniqmik ikayuqtit uqautjiyillu iliqahiutihimayut Inspire Nunavut (Nanngarilugu Nunavut) ilihaqvighainut. Tamangnik Inspire Nunavut (Nanngarilugu Nunavut) ilihaqtut uqautjiyauvaktut Nunavunmiunit nanminilingmit ilauyunik Inuit Nunavunmi Aviktuqhimayumi-tamaat Ikayuqtit uqautjiyit Tuhaqtittivianut. Havaaghaqarniqmut ikayuqtit ilihaqtitauvaktuqlu ilihaqtunut nanminiqarniqmik ilauyumanngittunik. Havaaghaqhiuqhutik ikayuqpaktavut ilihaqpaallirumagumiklu.
- Pivighat Titiraqtauniat Iliqahiutiyauniaqtullu:
- Ilihaitjutighanik numiktiriniq Hivumullu Tutqighaivallianiq
Numiktiqlugit ilihaitjutighat Inuktitut taimaa hailiyauhimayaamik ilihaitjutit. Taimaatut Inspire Nunavut (Nanngarilugu Nunavut) havaktighaqhiurumaaqtut amihunik Inuktitut-uqauhilingnik parnaiyaiyinik, uqautjiyinik ilihaiyiniklu. Inspire Nunavut (Nanngarilugu Nunavut) ilihaitjutighait aulahimmaaqtumik havaariyauyuq ihuaqhaqpaallirahuaqhutiklu ilavallialutik ilihaqvighainut, havauhighainut pivighainullu.
- Nanminiqarniqmut Uqautjiyit Tuhaqtittiviat (EMN)
Inspire Nunavut (Nanngarilugu Nunavut) tuhaqtittiviinik hanahimmaaqtut nanminiqaqtunik uqautjiyinik Nunavunmi tamaat. Hapkua tuhaqtittiviit malrungnik (2) havauhiqarluaqniat:
- Uqautjilutik, ikayuqlutik tutqighaqlugulu hivunighami nanminiqaqtughat Nunavunmi;
- Tutqighaqlugit havaktilluat nanminilingnik nunaqatigiingnik Nunavunmi, aklivaallirumayut hivumuuqtittivallialugit nanminiqarniq aulapkaittiarniqmiklu aviktuqhimayumi.
Qaritauyakkuurutinit tuhaqtittigigiiktunik hanaplutik, ihuaqhaitjutauniaqtuq nanminiqarniq ikluqpaghaliuqvighanullu Nunavunmi. Ilauyut kinguani taimaa ikayuqtauniaqtut:
- Ikayuqtigiiktumik qauhimayatuqanik pivighaniklu atuqhutik;
- Nanminighanut ilitturivallianahuaqlugit;
- Hannavingnik ilihimattiaqtunik ilitturivallianahuaqlutik;
- Nanminiqarniqmut maligaghaliuqataulutik naunaitkutanik katitiqhutik ikayuqtuinikkullu;
- Ikayuqtigivallialugit nanminiqaqtut aviktuqhimayumi tamaat.
- Akiliqtauvighaanik Havaaghainik EMN-nut (Nanminiqarniqmut Uqautjiyit Tuhaqtittiviat)
Tamangnik EMN-nut Uqautjiyit ikayuqpangniaqtut atauhiugaluamik (1) uqautjiyanik ukiumi hivulliqpaamit. Una akiliqtauvangniaqtuq havaaghaq iniqtauhimayughaq malrungnik (2) ikaaqninik/Santit tamaat 16-nik Santiqhiilutik (32-nik ikaaqninik).
EMN-nut ilauyut aullaaqpangniarungnaqhiyut talvunga Inspire Nunavut (Nanngarilugu Nunavut) nunallaanganut katimapkailutik ahiniklu Inspire Nunavut-mik ilihaiyimik.
Kingulliqpaamilu, katimavangniarungnaqhiyut ilihaitjutighaliuqhutik talvuuna Inspire Nunavut (Nanngarilugu Nunavut) aallatqiingnik-pivighaqaqhutik ilihaitjutighait katimatjutigiplugu/katimayunullu ilihaiplugit.
- Nunavunmi Nanminiqarniqmut Qunngiagaghat Tukligiit
Inspire Nunavut (Nanngarilugu Nunavut) amigaiqpaallirumayait qunngialiugait ukiunit malrungnit qunngialiuqhimayainik. Qunngialiugait hanayauvangniat ukiut pingahut atuqlugit. Qunngialiugait aallatqiingnit-pivighaqarniat hailiyaulutik kitukiat qunngiagaghait. Qunngiagaghat atauhiinnaunngittukkut uqauhikkut unipkaaqtauniaqtuq, titiraqaqlutik Inuktitut uqauhiigut taimaalu/uniit Qaplunaatut titiraqaqlutik. Qunngialiugakkut hapkuninnga aallatqiiktunik ilihaitjutighanik qunngialiurumayut qauyihautiniklu.
- Nanminiqarniqmut Unniqtuiyit Katimayiit
Nunavunmi-aulapkaqtitauyumit unniqtuiyit katimayinik aullaqtittinahuat ikayuqtigiiklutik-hanayiulutik ingilrapkailutiklu Inspire Nunavut (Nanngarilugu Nunavut) hulilukaaqtait aklivaallirnialu. Imaatut ikayuutauniaqtuq Inspire Nunavut-kunnut (Nanngarilugu Nunavut) parnaiyaiplutik irinigiyainik, ikkuaqtuutigilugu havauhiinut aulapkaqtitainut; nutaanik aullaqtitaghanik hanahimmaaqlutik, ilittuqhitigiikpalliayunik ikayuqlugit inulrammiit hapkua aulapkaqtitaigut.
Hivayaqtaghat
Ajmal Sataar
Qaritauyakkut: ajmal@inspirenunavut.com
Hivayautikkut: 613-219-7890