QUVVARIARNIQ HAVAGIYAT

Koviahuktugot tohaktitiyumavluta tahaffuminga Uktokoiyomavluta Timioyutnik Maniiknik Toghiktugumayonik atogaoyughanik ilihakpalikutighanik hatkitpalikutighaitnik hapkua Nunavunmi Inuit iliitpalikuvlugit ayugoikpalikuvlugitlo ihagiagiyaitnik havaghaghiokutighaitnik. Uvagut timiyiyavut tunnighihimayut akugighivalikuvlugit hapkua Nunavunmiut Inuit hatkitpaliatjutighaitnik maniliokutighaitnik hivunighami.

Uktokoyavut tahapkua piyungnaktot timioyut tunnihitkuvlugit uktutighaitnik, malikalugit tahapkua Makigiaqta Quvvariarniq Havagiyaita Maligaitnik. Ukkua Havagiyat pihimaliktot akituyunik maniiknik $1 million talanik atoktaoyughanik ataohikmi ukkiumi, tunnihiyungnaktot kiklikaktugit $250,000 talanik ataohik angiktaohimakpat timioyok. Tahamna ihomagiyavut ikkayotigikuvlugit hapkua maniit havagiyaoniaktonik ilihaotaotkuvlugit Inuinaknik.

HUOK HAVAGIYAOVA

Ukkua pitjutigiyavut tahaffuminga Havagiyaoyomik hivulikpamik ikkayotigitkovlugit Nunavunmiutni Inuinaknik tuglianiklu tahapkua timioyut havaktikaligiangita huli ataohikmik. Taima tahamna havagiyaotitlugo hatkitjutaoniakmat naunaipkutaoluni tahapkuninga ayogoikpalikniakmata havagiyomayamingnik hapkua Inuit pikataotitlugit.

Makigiaqta Quvvariarniq Havagiyaoyok (MQP) pitjutaoyok ilihaitjutaovluni tahapkua havaktitiyot ilihainiakmata Inuinaknik pikataoniaktonis. Tahamna hatkiomatitlugo ilihaotaoniakmat iliitogivaliutaolunilo havaghanik, ukkaotaokataklutik tatvalu innuhikhaitnik ikkayoktikaklutik. Una Quvvariarniq Havaiyaoniaktok tungavioniakmat havaktikakpaliutaoluni ikkayotaoniaktok Nunavunmiut Inuinaknik ilihaknikut iliitpaliutaolunilo havaghaitnik hapkua Inuinait nalliaknik tahapkua titigaghimayot (Takkulugo una Quvvariarniq Havagiyaitnik Maligak).