Pitquhirnikkut Ilihautiniq
Qitiqmiuni Inuujuhiliqiyit Katimayit
Havaap atia; Atulaaliriagani Qaritauyami Ilitquhiqmik Uqauhiqmiklu Ilihariami Piqainariagani Aulariktunik Inuinaqnik Havaktunik
Pitquhiqnik Ilihautit / Qitiqmiuni Inuuhiliqiyit Katimayilu agiklivaliatitikmata ilihautinik atuqhimayunik 2019-mi Makigiaqta-kunit ikayuutimit hakugikhivaliaginaqta tungavik pipkaiyaagani hivituyumik Inuinaqtut Ijuagakhanik-Havaklutik Ayuiqhayunik Havaamik (MAP). Una havaaq atautimiujutauyuq uqariktumik (Ijuagakhamik) uqauhiqmiklu ilihaliqtumik (Havakhuni Ilihaqtuq) 3-hanani ikaaqniqni atuni inmigut pivalianiqmi. Talvani ukiumi, PI/KHS-lu pivaliakmata qaritauyakut ilihautikhamik ikayuqturiagani ilauyut qauyigiarutainik Ijuaqtauyuq Havakhuni Ilihaqtuq havaami, havauhiqni, pigiarutini. Una ilihaut atuqaaqtauniaqtuq inukmit, qaguguraagat katimaniqaqlutik, kihiani qungialiuqtauniaqtut qahaklutiklu ajikuhiuriagani qanuriniga ukua ilauyut inmiknik ihumanuamiknik ilihagakhainik. Havaaq ikayuqtuqniaqtuq Ijuaqtauyuq Havakhuni Ilihaqtumi ikayuqtiriit humiliqaa Inuinait nunagiyaini inuuvigiyainiuniit.
PI/KHS-kulu havaktut pivalianiganik qaritauyami ilihaqniqmi akmaijutimik, iluaniituqaqniaq MAP-guyuq qaritauyakut ilihautikhamik. Una akmaijut ilipqamaviuniaqtuq piqaqluni aalatqiinik titiraqniginik Inuinaqtut atuqpaaliriaqnigani, qaritauyamilu uqauhiqmik ilihautikhanik, hilaqyuami Inuinait katitigainik (piqutinik igilraalu hanahimayainik taja ilipqamayauyut ilitquhilinikut havakviuyuni humiliqaa hilaqyuami), kiguliriinik pigiarutini piksanik qungiakhanik takuupkaijutit igilraat atuqhimayainik ahiiniklu hanauyaqhimayunik ilitquhiqmilu pijutiqaqtunik, amigainiqhaniklu. Ilihautikhanik akmaijut ihuaqhaqtauniaqtuq Iqaluktutiami, munariyauluni Pinnguaq-mit ukunuuna ayuiqhaviknit ihuaqhaqhimayunik ayuqiqturiagani amigaiqpaliayut ihuaqutinik pivaliayut.
Talvani auyami, ikayuqtivut saniuniqmi qungialiuqhimayut ilaginik qaritauyami ilihautikhanik. Ihumagiyauyuq pijutauluaqtut Ijuagakhamik Havakluni Ilihaqtumik uvuuna igilraat Nuu-chah-nuth-mik unipkaamik. Unani piksami, takuukhaugitugut tununganiinapta unipkaaq una “Iqniriya Tulugaqyuap” haavitpaliatilugu.
Hivuniqhivaalirumaguvit qaritauyakut titiqijavavutit uvuga info@kitikmeotheritage.ca -mi.