ᐱᑦᖁᕼᐃᕐᓂᒃᑯᑦ ᐃᓕᕼᐊᐅᑎᓂᖅ
ᕿᑎᕐᒥᐅᑦ ᐃᑦᑕᕐᓂᓴᓕᕆᔨᒃᑯᑦ ᓴᓴᐃᔭᑎ
ᐊᑐᐃᓐᓇᖃᕐᓂᖅ ᖃᕆᓴᐅᔭᒃᑯᑦ ᐃᓕᖅᑯᓯᕐᒥᒃ ᐅᖃᐅᓯᕐᒥᓪᓗ ᐃᓕᓐᓂᐊᕐᓂᖅ ᒪᑭᒪᔾᔪᑎᒃᓴᓂᒃ ᐆᒻᒪᕆᓪᓗᑎᒃ ᐃᓄᐃᑦ ᐃᖅᑲᓇᐃᔭᖅᑏᑦ
ᐱᑦᖁᕼᐃᕐᓂᒃᑯᑦ ᐃᓕᕼᐊᐅᑎᓂᖅ/ᕿᑎᕐᒥᐅᑦ ᐃᑦᑕᕐᓂᓴᓕᕆᔨᒃᑯᑦ ᓴᓴᐃᔭᑎ ᒪᑭᑉᐸᓪᓕᐊᔪᑦ ᐃᓕᓐᓂᐊᕐᓂᐅᓚᐅᖅᑐᒥᒃ 2019-ᒥ ᒪᑭᒋᐊᖅᑕᑯᓐᓂᒃ ᐃᑲᔪᖅᑕᐅᓪᓗᑎᒃ ᐊᒻᒪᓗ ᓴᕐᖓᑎᑦᓯᕙᓪᓕᐊᖏᓐᓇᖅᑐᑎᒃ ᑐᙵᕕᒋᔭᐅᔪᒥᒃ ᐊᐅᓚᑦᓯᓂᕐᒥᒃ ᐊᑯᓂᐅᔪᒧᑦ−ᐋᖅᑭᑦᓯᒪᔪᒥᒃ ᐃᓄᐃᓐᓇᖅᑐᑦ ᐃᓕᓐᓂᐊᖅᑎᑕᐅᖃᑦᑕᓂᒃᑯᑦ−ᓴᓇᔭᕆᐅᖅᓴᐅᑎᒧᑦ ᐱᓕᕆᐊᒥᒃ (MAP). ᐃᓕᓴᐃᒍᑕᐅᔪᖅ ᐊᐃᑉᐸᖃᕐᓗᓂ ᐅᖃᕈᓐᓇᓯᐊᖅᑐᒥᒃ (ᐃᓕᓴᐃᔪᖅ) ᐅᖃᐅᓯᕐᒥᒃ ᐃᓕᓐᓂᐊᖅᑐᒧᑦ (ᓴᓇᔭᕆᐅᖅᓴᔪᖅ) 300-ᓂᒃ ᐃᑲᕐᕋᓂᒃ ᑲᑎᖃᑦᑕᖅᓱᑎᒃ ᐊᔪᕈᓐᓃᖅᓴᐅᑎ. ᐊᕐᕌᒍᑦᑎᓐᓂ, PI/KHS ᐋᖅᑭᑦᓱᐃᔪᑦ ᖃᕆᓴᐅᔭᒃᑯᑦ ᐃᓕᓐᓂᐊᕈᑎᒃᓴᒥᒃ ᐃᑲᔫᑎᒃᓴᒥᒃ ᐱᖃᑕᐅᔪᓄᑦ ᑐᑭᓯᑎᑦᓯᕐᖓᐅᑎᓂᒃ ᐃᓕᓴᐃᔪᖅ−ᓴᓇᔭᕆᐅᖅᓴᔪᖅ ᐃᓕᓐᓂᐊᒐᕐᒥᒃ, ᒪᓕᑦᑕᐅᒋᐊᓕᓐᓂᒃ, ᐊᒻᒪᓗ ᐊᐅᓚᑦᓯᒍᑕᐅᔪᓂᒃ. ᑖᓐᓇ ᐃᓕᓐᓂᐊᕐᓂᖅ ᐆᑦᑐᕋᐅᑕᐅᓂᐊᖅᑐᖅ ᑕᑯᑦᓴᐅᑦᓴᐅᑎᒋᓗᓂ, ᑕᑯᑦᓴᐅᑦᓴᐅᑎᒋᓗᑎᒃ ᐃᓕᓐᓂᐊᖃᑦᑕᕐᓗᑎᒃ, ᑭᓯᐊᓂᑦᑕᐅᖅ ᓂᐱᓕᐅᖅᑕᐅᖃᑦᑕᕐᓗᑎᒃ ᐊᒻᒪᓗ ᐊᑐᐃᓐᓇᐅᓗᑎᒃ ᐴᖅᑲᖅᑕᐅᒍᓐᓇᖅᑐᑦ ᖃᕆᓴᐅᔭᒧᑦ ᐋᖅᑭᑦᓯᒪᔪᒃᑯᑦ ᑖᒃᑯᐊ ᐱᓇᓱᐊᖃᑕᐅᔪᑦ ᓇᖕᒥᓂᖅ ᐃᓕᑉᐸᓪᓕᐊᓂᕆᒍᓐᓇᖅᑕᒥᒍᑦ ᐊᐅᓚᓂᖃᕈᓐᓇᖁᓪᓗᒋᑦ. ᑖᓐᓇ ᐱᓕᕆᐊᖅ ᐃᑲᔫᑎᓂᐊᖅᑐᖅ ᐃᓕᓴᐃᔪᖅ−ᐃᓕᓐᓂᐊᑐᕐᓗ ᐱᓕᖃᑎᒌᓪᓗᑎᒃ ᐃᓄᐃᓐᓇᐃᑦ ᓄᓇᓕᓕᒫᖏᓐᓂ ᐅᕝᕙᓘᓐᓃᑦ ᓇᓂᑐᐃᓐᓇᖅ ᓄᓇᒋᔭᒥᓂ.
PI/KHS ᐃᖅᑲᓇᐃᔮᖃᕐᒥᔪᖅ ᐱᕙᓪᓕᐊᑎᑦᓯᓂᕐᒥᒃ ᖃᕆᓴᐅᔭᒃᑯᑦ ᐃᓕᓐᓂᐊᕈᑎᒃᓴᒥᒃ, ᐃᓂᒋᓂᐊᖅᑕᖓᓂᒃ MAP ᐃᓕᓐᓂᐊᕈᑕᐅᔪᖅ ᑲᑎᙵᖏᓪᓗᑎᒃ. ᑖᓐᓇ ᐃᓕᓐᓂᐊᕈᑎ ᐊᓂᖅᑎᕆᕕᕈᕐᓂᐊᖅᑐᖅ ᐃᓗᓕᖃᕐᓗᓂ ᖃᓄᐃᑦᑐᑐᐃᓐᓇᕐᓂᒃ ᐊᔾᔨᒌᙱᑦᑐᓂᒃ ᖃᕆᓴᐅᔭᒃᑯᑦ ᓇᕿᑐᐃᓐᓇᕆᐊᓕᓐᓂᒃ ᐃᓗᓕᖃᕐᓗᓂ ᐃᓄᐃᓐᓇᖅᑐᓐ ᐅᖃᐅᓯᖅ ᐅᑎᖅᑎᑕᐅᕙᓪᓕᐊᒍᑎᒃᓴᖓᓂᒃ, ᐃᓚᒋᔭᐅᓗᓂ ᖃᕆᓇᐅᔭᒃᑯᑦ ᐅᖃᐅᓯᕐᒥᒃ ᐃᓕᓐᓂᐊᕐᓃᑦ, ᓯᓚᕐᔪᐊᒥ ᐃᓄᐃᓐᓇᐃᑦ ᓄᐊᓯᒪᔭᖏᑦ (ᐱᖁᑏᑦ ᐊᒻᒪᓗ ᐃᑦᑕᕐᓂᓴᑦ ᒫᓐᓇ ᑐᖅᑯᖅᑕᐅᓯᒪᔪᒃ ᐃᓕᖅᑯᓯᓕᕆᕝᕕᓐᓂ ᓯᓚᕐᔪᐊᒥ), ᐱᕙᓪᓕᐊᓂᖓᒍᑦ ᑲᒪᒋᔭᐅᕙᓪᓕᐊᓂᖓ ᐊᔾᔨᓕᐅᒐᕐᓂᒃ ᐊᐅᓚᔫᓕᐅᒐᕐᓂᓪᓗ ᑕᑯᑦᓴᐅᑎᑦᓯᓂᒃᑯᑦ ᐱᖅᑯᓯᒃᑯᑦ ᐃᓱᕐᕆᐅᑎᓂᒃ ᐊᒻᒪᓗ ᐊᓯᖏᓐᓂᒃ ᓴᓇᐅᒐᕐᓂᒃ ᐊᒻᒪᓗ ᐃᓕᖅᑯᓯᒃᑯᑦ ᐋᖅᑭᑦᓯᒪᔪᓂᒃ, ᐊᒥᓱᒋᐊᒃᑲᓂᕐᓂᓪᓗ. ᐃᓕᓐᓂᐊᕈᑎ ᐋᖅᑭᓱᖅᑕᐅᓂᐊᖅᑐᖅ ᓄᓇᓕᑦᑎᒍᑦ ᐃᖃᓗᑦᑑᑦᑎᐊᒥ, ᐊᐅᓚᑕᐅᓗᓂ ᑕᐃᔭᐅᔪᒥᒃ ᐱᙳᐊᖅ ᐃᓕᓐᓂᐊᑎᑦᓯᒍᑕᐅᖃᑦᑕᕐᓗᓂ ᑲᑎᙵᔪᓂᒃ ᐋᖅᑭᑦᑕᐅᓯᒪᔪᒃᑯᑦ ᐱᓕᖕᒪᒃᓴᐅᑎᒃᓴᓂᒃ ᐊᐃᑉᐸᖃᕐᓗᓂ ᐃᓕᓴᐃᒋᐊᕈᑎᒃᓴᓂᒃ ᖃᕆᓴᐅᔭᒃᑯᑦ ᐴᖅᑲᐃᖃᑦᑕᓲᓂᒃ ᐋᖅᑭᑦᑕᐅᓯᒪᔪᓂᒃ.
ᐊᐅᔭᐅᖅᑲᐅᔪᖅ, ᐱᓇᓱᐊᖃᑎᒋᔭᕗᑦ ᐱᓇᓱᐊᕈᓯᓕᒫᖅ ᐊᐅᓚᔫᓕᐅᕆᖃᑦᑕᓚᐅᖅᑐᖅ ᐊᕕᑦᑐᖅᓯᒪᓂᕐᓂᒃ ᖃᕆᓴᐅᔭᒃᑯᑦ ᐃᓕᓐᓂᐊᕈᑎᓂᒃ. ᑐᑭᓕᐅᖅᑕᐅᓯᒪᓚᐅᖅᑐᖅ ᐃᓕᓴᐃᓂᖅ ᑐᙵᕕᓪᓗᐊᑕᕐᓂᒃ ᐃᓕᓴᐃᔪᖅ−ᓴᓇᔭᕆᐅᖅᓴᔪᖅ ᐊᖅᑯᑕᐅᓪᓗᓂ ᐱᖅᑯᓯᒃᑯᑦ ᓅ−ᑦᓵ−ᓅᖦ ᐅᓂᒃᑳᖅ. ᑕᕝᕙᓂ ᐊᔾᔨᓕᐅᒐᕐᒥ, ᐊᔾᔨᓕᐅᖅᑕᐅᔪᑦ ᓵᖓᓃᑦᑐᒍᑦ ᐅᓂᒃᑳᖅ ᑐᓗᒐᐅᑉ ᐃᕐᓂᖓ ᐅᓂᒃᑳᖑᕙᓪᓕᐊᑎᓪᓗᒍ.
ᑐᑭᓯᒋᐊᒃᑲᓂᕐᕕᒃᓴᖅ ᐃᕐᖐᓐᓈᕈᑎᒃᑯᑦ ᑎᑎᕋᕐᓗᑎᑦ ᐅᕗᖓ