ᓯᕗᒧᐊᒍᑎᒃᓴᖅ
ᐸᕐᓇᓯᒪᒋᐊᒃᑲᓂᕐᓂᖅ ᑲᔪᓯᑦᓯᐊᕈᑎᒃᓴᒥᒃ ᐃᖅᑲᓇᐃᔮᒧᑦ ᑭᖑᓕᕇᒥᒃ ᐊᓪᓗᐸᓪᓕᐊᒃᑰᖓᔪᖅ, ᐊᑕᐅᓯᐊᑐᐃᓐᓇᖏᓪᓗᓂ. ᑕᐃᒪᐃᑎᓪᓗᒍ, ᒪᑭᒋᐊᖅᑕ ᐱᓇᓱᐊᕐᓂᐊᖅᑐᖅ ᓄᓇᕗᒻᒥ ᐃᓄᐃᑦ ᐊᑐᐃᓐᓇᖃᑦᓯᐊᕋᓗᐊᕐᒪᖔᑕ ᐊᑕᖐᔪᒥᒃ ᐱᐅᓂᕐᐹᒥᒃ, ᐃᓄᓐᓅᖓᔪᓂᒃ ᐃᓕᓐᓂᐊᕈᑎᓂᒃ ᐃᖅᑲᓇᐃᔮᒃᓴᓂᓪᓗ ᐃᓅᓯᓕᒫᖏᓐᓂ.
ᐃᓕᒃᐸᓪᓕᐊᓗᓂ ᐃᓅᓯᓕᒫᒧᑦ ᑕᑎᒋᔭᐅᔪᓐᓇᕐᑐᓂᒃ ᐃᖅᑲᓇᐃᔮᖃᕈᓐᓇᑎᐊᕐᓂᕐᒧᑦ
ᐃᓕᑉᐸᓪᓕᐊᓂᖅ ᐃᓅᓯᕐᒥ ᐃᓚᒋᔭᐅᓪᓗᑎᒃ:
- ᐃᓕᓐᓂᐊᓵᓕᓃᑦ;
- ᐃᓕᑉᐸᓪᓕᐊᓂᒃᑯᑦ ᑎᒍᓯᕙᓪᓕᐊᓂᖅ ᐃᓚᒌᓂ ᓄᓇᓕᓐᓂᓗ ᐃᓅᓯᓕᒫᑦᑎᓐᓂ;
- ᑲᔪᓯᐊᑦᓯᐊᕐᓂ ᐃᓕᓐᓂᐊᕈᑕᐅᕙᑦᑐᓂᒃ (K-12), ᐱᓕᕆᒋᐅᕐᓴᓂᕐᒧᑦ ᐃᓕᓐᓂᐊᕈᑏᑦ, ᐃᓕᓐᓂᐊᑲᓐᓂᖅᑐᓄᑦ ᐃᓕᓐᓂᐊᕈᑏᑦ;
- ᐊᒻᒪᓗ, ᐃᓕᓐᓂᐊᖏᓐᓇᕐᓂᖅ ᐃᓐᓇᐅᓕᖅᑎᓪᓗᑕ, ᐃᓚᒋᔭᐅᓗᓂ ᐃᖅᑲᓇᐃᔭᕐᕕᖕᒥ ᐃᓕᓐᓂᐊᕐᓂᖅ, ᓂᕆᐅᒍᓐᓇᖁᓪᓗᑕ ᓱᖏᐅᑎᓯᒪᓗᑕᓗ ᐊᓯᔾᔨᐸᓪᓕᐊᓂᐅᔪᓂ ᐃᖅᑲᓇᐃᔭᕐᕕᖕᓂ ᐊᒻᒪᓗ ᐱᕙᓪᓕᐊᓂᕐᒥᒃ ᐃᖅᑲᓇᐃᔮᑦᑎᓐᓂᒃ.
ᐊᑕᖐᔪᒥᒃ ᐃᓕᓐᓂᐊᓂᕐᒧᑦ ᐃᑲᔫᑏᑦ ᓄᓇᕗᑦ ᐃᓄᖏᓐᓄᑦ ᐃᓚᒋᔭᐅᓗᑎᒃ ᐃᓕᓐᓂᐊᕈᑏᑦ ᑐᓐᖓᕕᓖᑦ ᐃᓄᐃᑦ ᐃᓕᖅᑯᓯᖓᓂᒃ ᐊᒻᒪᓗ ᐃᓕᓐᓂᐊᑲᓐᓂᕈᑕᐅᒋᐊᓕᓐᓂᒃ ᑮᓇᐅᔾᔭᒃᓴᐅᑎᒋᓗᒍ ᒪᑭᒪᔾᔪᑎᑎᒍᑦ. ᒪᑭᒋᐊᖅᑕ ᐊᑐᕋᑦᓴᓕᐅᕐᓂᐊᖅᑐᖅ ᐱᓕᕆᐊᒃᓴᓂᒃ ᑲᔪᓯᑎᑦᓯᒍᑎᒃᓴᓂᒃ ᐃᓄᒃᑎᑐᑦ ᐊᒻᒪᓗ ᐃᓄᐃᑦ ᐃᓕᖅᑯᓯᖓᓂᒃ ᐊᒻᒪᓗ ᐃᓕᓐᓂᐊᕈᑎᒃ ᐱᖅᑯᓯᕐᒥᒃ.
ᒪᑭᒋᐊᖅᑕ ᑲᒪᒋᔭᖃᕐᓂᐊᕐᒥᔪᖅ ᐃᓱᒪᒋᔭᐅᔪᒥᒃ ᐃᖅᑲᓇᐃᔭᕐᕕᐅᒋᐊᓕᖕᓂᒃ ᐊᒻᒪᓗ ᐊᑐᕋᑦᓴᓕᐅᕋᓱᐊᕐᓗᓂ ᐱᓕᕆᐊᒃᓴᓂᒃ ᑲᓲᒪᔾᔪᑕᐅᓂᐊᖅᑐᓂᒃ ᑭᒃᑯᑐᐃᓐᓇᕐᓄᑦ ᐃᖅᑲᓇᐃᔮᖅᑖᕈᑎᒃᓴᓂᒃ, ᓇᓕᒧᓕᓐᓂᒃ ᑭᓇᑐᐃᓐᓇᐅᑉ ᐊᑐᕆᐊᓕᖏᓐᓂᒃ ᑐᕌᒐᖏᓐᓂᓪᓗ.
ᓄᓇᕗᒻᒥ ᐊᔾᔨᒌᓐᖏᑐᒻᒪᕆᐅᒻᒪᑕ ᑲᑐᔾᔨᖃᑎᒌᖁᑎᖏᑦ ᐃᑲᔪᖃᑦᑕᖅᑐᑦ ᐃᓕᓐᓂᐊᓂᕐᒧᑦ ᐃᖅᑲᓇᐃᔮᒧᓪᓗ, ᐃᓚᒋᔭᐅᓪᓗᑎᒃ ᓄᓇᓕᓐᓂ ᑲᑐᔾᔨᖃᑎᒌᑦ, ᓇᖕᒥᓂᖁᕐᓱᖅᑐᑦ ᐊᒻᒪᓗ ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᐱᓕᕆᒡᕕᐅᔪᑦ ᑲᑐᔾᔨᖃᑎᒌᑦ, ᐊᒻᒪᓗ ᒐᕙᒪᑦ ᐊᒻᒪᓗ ᒐᕙᒪᑦ ᑎᒥᖁᑎᖏᑦ. ᐊᒥᓲᒻᒥᔪᑦᑕᐅᖅ ᑐᓂᓯᒪᔪᑦ ᑭᒃᑯᑐᐃᓐᓇᐃᑦ ᐃᓕᓐᓂᐊᑎᑦᓯᖃᑦᑕᖅᑐᑦ ᐊᔪᓐᖏᓐᓂᕆᔭᐅᒋᐊᓕᖕᓂᒃ ᖃᐅᔨᒪᓂᐅᒋᐊᓕᖕᓂᓪᓗ ᑭᖑᕚᖑᓂᐊᖅᑐᒧᑦ ᑎᑎᕋᖅᑕᐅᓯᒪᓐᖏᑦᑐᓄᑦ ᐃᓕᓐᓂᐊᑎᑦᓯᒍᑕᐅᕙᑦᑐᑦ ᐊᒻᒪᓗ ᐱᖅᑯᓯᒃᑯᑦ ᐃᓕᓴᐃᔾᔪᓯᖏᑦ ᐃᓚᒌᑦ ᓄᓇᓖᓪᓗ.
ᐃᓘᓐᓈᒐᓚᖓᒍᑦ, ᒪᑭᒋᐊᖅᑕ ᐊᐅᓚᑦᓯᔨᐅᒐᓱᐊᔾᔮᖏᑦᑐᖅ ᐱᔨᑦᓯᕈᑎᓂᒃ ᑐᕋᐃᓐᓇᖅᑐᒥᒃ, ᑭᓯᐊᓂ ᐋᖅᑭᑦᓯᒪᔭᒥᒍᑦ ᐃᓚᓕᐅᔾᔨᓯᒪᓂᐊᖅᑐᖅ, ᑮᓇᐅᔭᓖᓗᓂ, ᐊᒻᒪᓗ ᐃᑲᔪᕈᑕᐅᒋᐊᓕᖕᓂᒃ ᑖᒃᑯᓄᖓ ᐊᔾᔨᒌᓐᖏᑦᑐᓄᑦ ᐊᖅᑯᑕᐅᕙᑦᑐᓄᑦ, ᑐᕌᒐᕆᓗᒋᑦ ᐱᕚᓪᓕᕈᑎᒃᓴᑦ ᐱᔨᑦᓯᕈᑎᓄᑦ ᐊᒻᒪᓗ ᐃᑲᔫᑎᒃᓴᓄᑦ ᐱᕙᓪᓕᐊᒍᑕᐅᒍᓐᓇᖅᑐᓄᑦ ᑖᒃᑯᑎᒎᓇ ᐊᑐᖅᑕᐅᓲᔭᕐᓂᐊᖅᑐᓄᑦ ᒪᑭᒋᐊᖅᑕ ᓴᖅᑭᐅᒪᒍᓐᓃᖅᑐᑐᖃᐅᑎᓪᓗᒍ.
ᐊᕐᕌᒍᑕᒫᑦ ᐊᒻᒪᓗ ᐊᕐᕌᒍᕋᓴᓐᓂᒃ ᐃᑲᔫᑎᒃᓴᓂᒃ ᑐᓐᓂᖅᑯᑎᒃᓴᓂᓪᓗ ᐱᓕᕆᐊᑎᒍᑦ, ᐅᑯᓄᖓ:
- ᑐᕌᖓᔪᓂᒃ ᓄᓇᓕᓐᓃᑦᑐᓄᑦ ᑲᑐᔾᔨᖃᑎᒌᓄᑦ ᐊᒻᒪᓗ/ᐅᑉᕙᓘᓐᓃᑦ ᓇᖕᒥᓂᕐᓱᖅᑐᓄᑦ;
- ᐋᖅᑭᑦᓯᒪᓗᓂ ᑲᔪᓯᑎᑦᓯᒍᑎᒃᓴᐅᓗᓂ ᓴᖅᑭᕐᓯᒪᔪᓄᑦ ᐊᒃᑐᐊᔪᓄᑦ ᒪᑭᒋᐊᖅᑕ ᑐᑭᒧᐊᒍᑎᒃᓴᖏᓐᓄᑦ ᓯᕗᓪᓕᐅᑎᔭᕆᐊᓕᖕᓄᑦ;
- ᐃᑲᔪᖅᑕᐅᓗᑎᒃ ᐱᓕᕆᐊᓄᑦ ᐸᕐᓇᓂᒃᑯᑦ ᐊᒻᒪᓗ ᐱᓕᕆᐊᒃᓴᓂᒃ ᐃᑲᔪᕐᓯᒪᒍᑎᒃᓴᓄᑦ; ᐊᒻᒪᓗ,
- ᐊᐅᓚᑕᐅᓗᑎᒃ ᓇᓕᖅᑯᑕᐅᓗᑎᒃ ᐊᐅᓚᑕᐅᓂᖏᑦ ᖃᐅᔨᓴᖅᑕᐅᓂᖏᑦ ᖃᐅᔨᓇᓱᐊᖅᑕᐅᓂᖏᓪᓗ.
- ᑐᓴᐅᒪᓗᑎᒃ ᐸᕐᓇᖃᑎᖃᖃᑦᑕᕐᓗᑎᒃ ᐱᓇᓱᐊᖅᑎᐅᕙᑦᑐᓂᒃ ᐱᓇᓱᐊᖅᑕᖏᓐᓅᖓᔪᓂᒃ;
- ᐋᖅᑭᑦᓯᒪᓗᑎᒃ ᑲᔪᓯᑎᑦᓯᒍᑎᒃᓴᑦ ᓴᖅᑭᖅᑐᓂᒃ ᐊᒃᑐᐊᔪᓂᒃ ᒪᑭᒋᐊᖅᑕ ᑐᑭᒧᐊᒍᑎᒃᓴᓂ ᓯᕗᓪᓕᐅᑎᔭᕆᐊᓕᖏᓐᓄᑦ;
- ᐃᑲᔪᖅᑕᐅᓗᑎᒃ ᐱᓕᕆᐊᓄᑦ ᐸᕐᓇᓂᒃᑯᑦ ᐊᒻᒪᓗ ᐱᓕᕆᐊᒃᓴᓂᒃ ᐃᑲᔪᕐᓯᒪᒍᑎᒃᓴᓄᑦ; ᐊᒻᒪᓗ,
- ᐊᐅᓚᑕᐅᓗᑎᒃ ᓇᓕᖅᑯᑕᐅᓗᑎᒃ ᐊᐅᓚᑕᐅᓂᖏᑦ ᖃᐅᔨᓴᖅᑕᐅᓂᖏᑦ ᖃᐅᔨᓇᓱᐊᖅᑕᐅᓂᖏᓪᓗ.
ᒪᑐᐃᖓᓗᑎᒃ ᐊᒻᒪᓗ ᐃᓇᑦᓯᖃᑦᑕᕐᓗᑎᒃ ᑐᒃᓯᕋᐅᑎᑎᒍᑦ
- ᐋᖅᑭᑦᓯᒪᔪᓂ ᑲᔪᓯᑎᑦᓯᒍᑎᒃᓴᓂᒃ ᓇᓗᓇᐃᕐᓯᒪᔪᓂᒃ ᓴᖅᑭᖅᑐᓂᒃ ᐊᒃᑐᐊᔪᓂᒃ ᒪᑭᒋᐊᖅᑕ ᑐᑭᒧᐊᒍᑎᒃᓴᓂ ᓯᕗᓪᓕᐅᑎᔭᕆᐊᓕᖏᓐᓄᑦ.
ᖃᐅᔨᓴᕐᓂᕐᒥᒃ ᖃᐅᔨᒪᔭᐅᔪᓂᓪᓗ ᐱᕚᓪᓕᑎᑦᓯᒍᑎᒃᓴᑦ ᐊᐅᓚᑕᐅᔪᑦ,
- ᐃᓚᒋᔭᐅᓗᑎᒃ ᐅᓂᒃᑳᓕᐊᖑᓯᒪᔪᑎᒍᑦ,
- ᑐᓴᐅᒪᔾᔪᑎᒃᓴᓕᐊᖑᓯᒪᔪᓂ,
- ᐊᒻᒪᓗ ᑲᑎᒪᓂᕐᔪᐊᓂ.
ᐊᑑᑎᓖᑦ ᑕᑎᒋᔭᐅᔪᓐᓇᕐᑐᑦ ᐱᓕᕆᖃᑕᓄᑦ, ᐱᖃᓯᐅᑎᓪᓗᒋᑦ:
- ᐱᓕᕆᓂᒃᑯᑦ ᐃᓕᓐᓂᐊᕐᓂᖅ
- ᑐᑭᓯᒋᐊᕈᑎᔅᓴᑦ ᐊᒻᒪᓗ ᑐᑭᓯᒋᐊᖅᕕᔅᓴᖅ
- ᐱᓕᕆᐊᔅᓴᕐᒥᑦ ᐸᕐᓇᐃᓂᕐᒧᑦ ᐃᑲᔪᖅᓱᐃᓂᖅ
- ᐊᔪᕈᑎᓯᐅᕐᓂᖅ, ᐊᒻᒪᓗ
- ᐅᐊᑦᑎᓂᖅ ᐊᒻᒪᓗ ᖃᐅᔨᓴᕐᓂᕐᒧᑦ ᐃᑲᔪᖅᓱᐃᓂᖅ
ᐸᕐᓇᓯᒪᓂᖅ ᐃᖅᑲᓇᐃᔭᒨᑦ ᐱᔭᕐᓃᑦᑐᖅ ᐃᓅᓯᕐᒥ ᐊᑦᓱᕈᓐᓇᖅᑐᖅ, ᐊᑦᑐᖅᑕᐅᓯᒪᔪᖅ ᐊᔾᔨᒌᓐᖏᑦᑐᓄᑦ ᐊᒻᒪᓗ ᐊᓯᔾᔨᐸᓪᓕᐊᓂᕐᒧᑦ ᖃᓄᐃᓐᓂᐅᔪᓄᑦ ᐊᒻᒪᓗ ᐃᓚᒌᓅᖓᔪᖅ, ᓄᓇᓕᖕᓄᑦ, ᐅᓄᖅᑐᓄᑦ ᐊᔾᔨᒌᓐᖏᑦᑐᓄᑦ ᐃᑲᔪᖅᑎᓄᑦ, ᐊᒻᒪᓗ ᐃᖅᑲᓇᐃᔭᕐᕕᖕᓄᑦ. ᐱᔭᕐᓂᖅᑐᑯᓘᓐᖏᑦᑐᖅ ᑐᕋᐃᓐᓇᕐᕕᒋᓗᒍ ᐋᖅᑭᒋᐊᑦᓯᐊᕐᓯᒪᓗᒍ ᓯᕗᕐᖓᒍᑦ−ᐸᕐᓇᓯᒪᓗᒍ ᐱᒋᐊᕐᓂᖓᓂᒃ ᐃᓱᐊᓄᑦ ᐊᑐᖅᑕᐅᖃᑦᑕᓂᐊᖅᑐᓂᒃ ᑭᖑᕚᕇᓄᑦ ᐱᓇᓱᐊᒐᑦᓴᖅ ᒪᑭᒪᒍᑕᐅᓗᓂ ᐱᕚᓪᓕᕈᑕᐅᓂᐊᖅᑕᑐᖅ ᐃᓄᐃᑦ ᐸᕐᓇᓯᒪᓂᖓᓄᑦ ᐃᖅᑲᓇᐃᔮᓄᑦ. ᒪᑭᒋᐊᖅᑕ ᑐᑭᒧᐊᒍᑎᒃᓴᑦ ᐸᕐᓇᐅᑎᓄᑦ ᐋᖅᑭᑦᓯᒪᔪᖅ ᐱᕕᒃᓴᖃᖅᑎᑦᓯᓂᕐᒥᒃ ᓇᓖᕌᕈᑎᒃᓴᒥᒃ, ᐊᑐᖅᑕᐅᓗᑎᒃ ᑲᑎᓂᕐᓗᐃᑦ ᑐᑭᓯᔭᐅᕙᓪᓕᐊᓗᑎᒃ ᐊᑐᖅᑕᐅᖃᑦᑕᕐᓂᖏᑎᒍᑦ ᑭᓱ ᖃᐅᔨᔭᐅᓚᐅᕐᒪᖔᖅ ᐊᑑᑎᖃᑦᓯᐊᖅᑐᖅ ᐊᒻᒪᓗ ᑭᓱ ᐊᑑᑎᖃᓐᖏᒻᒪᖔᖅ, ᐃᓚᖃᕐᓗᓂ ᓴᖅᑭᐸᓪᓕᐊᔪᓂᒃ ᐊᑐᕆᐊᓕᖕᓂᒃ ᐱᔾᔪᑎᒃᓴᓂᓪᓗ (ᓲᕐᓗ ᓄᑖᑦ ᐃᓱᕐᕆᐅᑏᑦ), ᐊᒻᒪᓗ ᐊᑐᖅᑕᐅᖏᓐᓇᖅᑐᑦ ᑖᒃᑯᓄᓐᖓᖓᔪᑦ.
ᒪᑭᒋᐊᖅᑕ ᕿᒥᕐᕈᓇᔾᔫᒥᖃᑦᑕᓂᐊᖅᑐᑦ ᓄᑖᓐᖑᕆᐊᖅᑎᑦᓯᖃᑦᑕᕐᓗᑎᓪᓗ ᑐᑭᒧᐊᒍᑎᒃᓴᒥᓂᒃ ᐊᒻᒪᓗ ᐱᓕᕆᐊᒃᓴᓄᑦ ᐸᕐᓇᐅᑎᓂᒃ ᑐᓐᖓᕕᖃᕐᓗᑎᒃ:
- ᐊᐅᓚᓂᖓᓄᑦ ᖃᐅᔨᓴᕈᑏᑦ (ᒪᑭᒋᐊᖅᑕ ᐱᓕᕆᐊᖏᑦ ᐊᒻᒪᓗ ᐊᓯᖏᑦ ᑲᑐᔾᔨᖃᑎᒌᑦ ᐱᓕᕆᐊᖏᑦ);
- ᐊᓯᔾᔨᐸᓪᓕᐊᓂᖓ ᐃᖅᑲᓇᐃᔭᕐᕕᖕᓂ ᐱᓕᕆᐊᖑᕙᑦᑐᑦ;
- ᓴᖅᑭᐸᓪᓕᐊᔪᑦ ᐱᔾᔪᑎᒃᓴᑦ;
- ᐱᓇᓱᐊᖃᑎᒌᑦᑐᑦ ᐊᑐᕆᐊᓕᖏᑦ ᑕᑯᓐᓇᒐᖏᓪᓗ; ᐊᒻᒪᓗ,
- ᓄᑖᖅ ᖃᐅᔨᓴᕐᓂᖅ ᓱᓕᔪᒥᒃ ᐊᑐᕐᓂᕐᒥᒃ.
ᑐᓴᕈᑕᐅᓗᑎᒃ ᕿᒥᕐᕈᓇᑦᑕᐅᓂᖏᓐᓂᒃ ᓄᑖᓐᖑᕆᐊᖅᑕᐅᓂᖏᓐᓂᓪᓗ, ᒪᑭᒋᐊᖅᑕ ᐱᓕᕆᒡᕕᒃᑯᑦ ᖃᐅᔨᓴᐃᓐᓇᓂᐊᖅᑐᖅ, ᖃᐅᔨᓴᕐᓗᓂ, ᐊᒻᒪᓗ ᐃᓕᑉᐸᓪᓕᐊᓂᕐᒧᑦ (MEL) ᐊᐅᓚᓂᐅᔪᓂᒃ. ᐃᖅᑲᓇᐃᔭᖅᑏᑦ ᐸᕐᓇᓂᐊᖅᑐᑦ ᐊᕐᕌᒍᑕᒫᑦ ᐱᕙᓪᓕᐊᓂᕐᒧᑦ ᐅᓂᒃᑳᓂᒃ ᓇᓗᓇᐃᖅᑐᐃᓯᒪᔪᓂᒃ ᐊᐅᓚᑕᐅᓚᐅᖅᑐᓂᒃ ᐱᐊᓂᒃᑕᐅᓯᒪᔪᓂᒃ ᐊᕐᕌᒍᒥ ᐊᒻᒪᓗ ᐊᐅᓚᑕᐅᔪᓂᒃ ᖃᐅᔨᓴᕈᑎᓂᒃ ᓄᐊᑦᓯᓗᑎᒃ ᐱᕙᓪᓕᐊᓯᒪᔪᓂᒃ ᐱᓇᓱᐊᕈᑕᐅᔪᓂᒃ.