ᓄᓇᕗᒻᒥ ᑕᕐᕆᔭᓕᐅᓂᕐᒧᑦ ᐱᕙᓪᓕᐊᑎᑎᓂᕐᒧᑦ ᑯᐊᐳᕇᓴᑯᑦ (NFDC) ᐱᒃᑯᒋᔭᖃᖅᐳᑦ ᑐᓴᖅᑎᑦᓯᒋᐊᑦᓴᖅ ᓖᓇ ᐃᐅᓪᔅᕗᐊᑦ ᑎᒃᑯᐊᖅᑕᐅᓂᖓᓂᒃ ᐊᐅᓚᑦᓯᔨᑦᑕᖅᑲᐅᓂᐊᓕᖅᑎᓪᓗᒍ, ᓯᕗᓕᕐᐅᓗᓂ ᐃᓄᖕᒧᑦ ᐊᒻᒪᓗ ᐃᕐᓇᕐᒧᑦ ᐊᐅᓚᑕᐅᓂᐊᖅᑐ.
ᓄᓇᕗᒻᒥ ᑕᕐᕆᔭᓕᐅᓂᕐᒧᑦ ᐱᕙᓪᓕᐊᑎᑎᓂᕐᒧᑦ ᑯᐊᐳᕇᓴᑯᑦ (NFDC) ᐱᒃᑯᒋᔭᖃᖅᐳᑦ ᑐᓴᖅᑎᑦᓯᒋᐊᑦᓴᖅ ᓖᓇ ᐃᐅᓪᔅᕗᐊᑦ
ᑎᒃᑯᐊᖅᑕᐅᓂᖓᓂᒃ ᐊᐅᓚᑦᓯᔨᑦᑕᖅᑲᐅᓂᐊᓕᖅᑎᓪᓗᒍ, ᓯᕗᓕᕐᐅᓗᓂ ᐃᓄᖕᒧᑦ ᐊᒻᒪᓗ ᐃᕐᓇᕐᒧᑦ ᐊᐅᓚᑕᐅᓂᐊᖅᑐ.
ᓖᓇᐅᑉ ᑎᓕᔭᐅᓂᖓ ᑕᕝᕙᐅᓕᖅᐳᖅ ᒪᕐᕉᓐᓂᒃ ᐊᕐᕌᒎᓐᓂᒃ ᐃᓕᓐᓂᐊᖅᑎᑕᐅᓯᓐᓈᓂᐊᕐᑐᖅ ᑮᓇᐅᔭᖃᖅᑎᑕᐅᑦᓱᑎᒃ
ᒪᑭᒋᐊᖅᑕ ᐃᓄᐃᑦ ᐱᓕᖕᒪᒃᓴᐃᓂᕐᒧᑦ ᑯᐊᐳᕇᓴᒃᑯᓐᓄᑦ ᐊᒻᒪᓗ ᓄᓇᖃᖅᑳᖅᓯᒪᔪᑦ ᑕᕐᕆᔭᓕᐅᕐᓂᕐᒧᑦ ᐊᓪᓚᕝᕕᖓᓐᓂᒃ
ᐊᑦᓱᕉᑎᖃᖅᓱᑎᒃ NFDC−ᑯᑦ ᑐᓂᒪᓂᖓᓐᓂᒃ ᓯᕗᓕᖅᑎᓂᒃ ᐱᕙᓪᓕᐊᑎᑦᓯᓂᕐᒧᑦ ᓄᓇᖃᖅᑳᖅᓯᒪᔪᓂᓪᓗ
ᑭᒡᒐᖅᑐᐃᔨᖃᕐᓂᕐᒧᑦ ᑕᕐᕆᔭᓕᐅᖅᑎᓂ.
ᐊᕐᕌᒍᐃᑦ 15 ᐅᖓᑖᓄᑦ ᐃᖅᑲᓇᐃᔭᖅᓯᒪᑦᓱᓂ ᓄᓇᕗᑦ ᒐᕙᒪᒃᑯᖏᓐᓂ, ᓕᓇ ᐊᓪᓚᕝᕕᓕᕆᔨᒻᒪᕆᐅᑦᓱᓂ ᐃᓗᓕᖅᑐᔪᓂᒃ
ᐱᓕᒻᒪᑦᓯᒪᓂᖃᖅᓱᓂ ᐱᓕᕆᖃᑎᖃᖅᓱᓂ ᓯᕗᓕᖅᑎᓂᒃ ᐊᔾᔨᒌᙱᑦᑐᓂᒃ ᑲᒪᔪᓂᒃ. ᓖᓇ ᓄᓇᓕᓐᓂ
ᐃᑲᔪᖅᑎᐅᖃᑦᑕᖅᓯᒪᒻᒥᔪᖅ ᐊᒻᒪᓗ ᑲᑐᔾᔨᖃᖃᑎᒌᑦᑐᓂ ᐱᕙᓪᓕᐊᔪᓂ, ᑐᑭᓯᓯᒪᓂᖃᖅᓱᓂ ᑲᓲᒪᓂᖏᓐᓂᒃ
ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᐊᓯᖏᓐᓄᑦ ᑎᒍᒥᐊᖅᑎᓄᑦ ᓄᓇᕗᒻᒥ.
ᐃᓄᐃᑦ ᐅᖃᐅᓯᖓᓐᓂᒃ ᔭᒐᔾᔭᐃᖅᓯᒪᑎᑦᓯᒍᒪᓂᖃᖏᖅᓱᓂ ᐃᓕᖅᑯᓯᕐᒥᓪᓗ, ᓖᓇ ᑕᕐᕆᔭᐅᓕᐅᓂᕐᒥᕐᒃ
ᐱᓕᕆᖃᑦᑕᖅᓯᒪᒻᒥᔪᖅ, ᐃᑲᔪᖅᓯᒪᑦᓱᓂ ᒪᕐᕉᓐᓂ ᑕᕐᕆᔭᓕᐊᖑᔫᓐᓂ. ᑕᒪᕐᒥᒃ ᐊᐅᓚᓂᐅᔫᒃ ᐊᑐᐃᓐᓇᐅᑎᑦᓯᓯᒪᔫᒃ
ᐊᑑᑎᖃᓪᓚᕆᑦᑐᓂᒃ ᑕᕐᕆᔭᓕᐅᓂᕐᒧᑦ. ᑕᑯᕚᓪᓕᕈᑎᒋᓯᒪᓪᓗᓂᒋᓪᓗ ᐊᑦᓱᕈᕐᓇᖅᑐᑯᕈᓴᐅᓱᑦ ᐃᓄᖕᓄᑦ ᓵᙵᔭᖏᓐᓂᒃ
ᐅᓂᒃᑲᖏᓐᓂᒃ ᑭᒡᒐᖅᑐᑦᓯᐊᕐᑕᐅᒐᓗᐊᕐᒪᖓᑕ.
ᐊᐅᓪᓚᖃᑦᑕᖅᓯᒪᓪᓚᕆᑦᑐᖅ ᐅᑭᐅᕐᑕᖅᑐᒥ ᑐᑭᓯᓯᒪᓂᖓᓂᒃ ᐊᔾᔨᐅᖏᑦᑐᓂᒃ ᐊᔾᔨᒌᙱᑦᑐᓂᓪᓗ ᐊᑦᓱᕈᕐᓇᖅᑐᓂᒃ
ᐊᑦᑐᐊᔪᓂᒃ ᑖᒃᑯᓇᓂ ᓄᓇᓕᖕᓂ ᐅᑭᐅᕐᑕᖅᑐᒥ.
ᑕᕐᕆᔭᓕᐅᕐᓂᖅ ᓄᓇᕗᒻᒥ ᐱᕈᖅᐸᓪᓕᐊᑎᓪᓗᒍ ᐱᔭᐅᒍᒪᓪᓚᕆᓕᖅᓱᓂᓗ ᐅᑭᐅᖅᑕᖅᑐᒥ ᓄᓇᖃᖅᑳᖅᓯᒪᔪᓪᓗ
ᐅᓂᒃᑳᖏᓐᓂᒃ, ᓖᓇ ᓈᒻᒪᓈᖅᑐᖅ ᐃᓄᐃᑦ ᑕᕐᕆᔭᓕᐅᖅᑏᑦ ᐃᑲᔪᖅᑐᖅᑕᐅᒋᐊᒃᑲᓐᓂᕆᐊᖃᖅᑎᓪᓗᒋᑦ ᐱᕕᑦᓴᖃᕐᓗᑎᓪᓗ.
ᓄᓇᕗᒻᒥ ᑕᑯᓐᓇᕋᑦᓴᓕᐅᖅᑏᑦ ᑎᒥᖓᑦᑕ ᑲᑎᒪᔨᖏ ᑦ ᐃᖅᑲᓇᐃᔭᖅᑎᖏᓪᓗ ᓂᕆᐅᓐᓂᖃᑦᓯᐊᖅᐳᑦ
ᐃᑲᔪᖅᑐᕐᓂᐊᕆᐊᑦᓴᖅ ᓖᓇᒥᒃ ᑲᔪᓯᑦᓯᐊᖁᑦᓱᒍᓗ ᐃᖅᑲᓇᐃᔮᖅᑖᖅᑲᐅᖓᓂ!
________
ᐅᖃᐅᓯᖓ ᓖᓇ ᐃᐅᓪᔅᕗᐊᕐᖦ, ᐊᐅᓚᑦᓯᔨᒻᒪᕆᕈᖅᑐᖅ ᓄᓇᕗᒻᒥ ᑕᑯᓐᓇᕋᑦᓴᓕᐅᖅᑏᑦ ᑎᒥᖓᓐᓄᑦ:
“ᖁᕕᐊᓱᒃᑉᐳᖓ ᐃᖅᑲᓇᐃᔭᖅᑖᕐᓂᕐᓂᒃ ᐊᐅᓚᑦᓯᔨᒻᒪᕆᐅᓂᕐᒧᑦ ᐃᖅᑲᓇᐃᔭᖃᑎᖃᕐᓂᐊᕐᓂᕐᒧᓪᓗ ᕼᐅ ᐃᐅᕋᒡᕝᒥᒃ,
ᑕᑯᓯᒪᔭᖏᑦ, ᐱᓕᒻᒪᑦᓯᒪᓂᖏᓪᓗ ᐊᕐᕌᒎᑦ ᒪᕐᕉᓐᓂᑦ ᐃᓕᓐᓂᐊᕐᑎᑕᐅᓯᓐᓈᕐᓂᐊᕋᒪ. ᖁᕕᐊᓱᒻᒪᕆᑉᐳᖓᓗ
ᐃᓚᒋᔭᐅᓂᐊᕆᐊᑦᓴᖅ ᐱᓕᕆᖃᑎᒌᑦᑐᑦᓯᐊᕌᓗᓐᓄᑦ ᑲᔪᓯᑎᓪᓗᒍ ᖁᕝᕙᖅᑎᕆᓂᖅ ᑕᑯᓐᓇᕋᑦᓴᓕᐅᕐᓂᕐᒥᒃ ᓄᓇᕗᒻᒥ.
ᑐᕌᖅᑕᖃᕐᓂᐊᖅᑐᖓᓕ ᖁᕝᕙᖅᑎᕆᓂᕐᒥᒃ ᐅᓂᒃᑳᖅᑐᐊᓂᒃ, ᐱᕚᓪᓕᑎᑦᓯᓂᖅ ᓴᓇᑐᓂᑦᑎᓐᓂᒃ, ᑎᒍᓯᕙᓪᓕᐊᓂᖅ
ᐱᕈᖅᐸᓪᓕᐊᒍᑎᑦᓴᓂᒃ ᑐᙵᓱᑦᑎᓯᓂᕐᒥᓪᓗ ᓄᑖᓂᒃ ᓱᓇᒃᑯᑎᒋᔭᐅᒍᓐᓇᖅᑐᓂᒃ ᓯᕗᕙᖅᑎᒋᐊᕐᓗᒍ NFDC−ᑯᑦ
ᐱᓕᕆᐊᑦᓴᖏᑦ, ᖃᐅᔨᓴᑦᓯᐊᕐᓗᖓᓗ ᑲᔪᓯᓂᖃᑦᓯᐊᕋᓗᐊᕐᒪᖔᑦᑕ ᑕᑯᓐᓇᑎᑦᓯᓗᑕᓗ ᓄᓇᕐᔪᐊᓕᒫᒥ.
ᐅᖃᐅᓯᖓ ᓯᑕᐃᓯ ᐊᒡᓗᒃ−ᒪᒃᑖᓄᓪᑦ, ᐃᑦᓯᕙᐅᑕᖓᑦ ᓄᓇᕗᒻᒥ ᑕᕆᔭᓕᐅᓂᕐᒧᑦ ᑯᐊᐳᕇᓴᑯᓐᓂ:
“ᓄᓇᕗᒻᒥ ᑕᕆᔭᓕᐅᕐᒧᑦ ᑯᐊᐳᕇᓴᑯᑦ ᑲᑎᒪᔨᖏᑦ ᖁᕕᐊᓱᒻᒪᕆᑉᐳᑦ ᑐᙵᓱᑦᑎᑦᓯᒋᐊᑦᓴᖅ ᓖᓇ ᐃᐅᓪᔅᕗᐊᕐᖦ-ᒥᒃ
ᐊᐅᓚᑦᓯᔨᒻᒪᕆᐅᓂᐊᓕᖅᑎᓪᓗᒍ. ᑎᓕᔭᐅᓂᖓ ᓇᓗᓇᐃᖅᓯᒍᑕᐅᕗᖅ ᖁᕕᐊᓇᒻᒪᕆᑦᑐᒥᒃ ᐱᒋᐊᕐᓂᖓᓂᒃ ᑎᒥᐅᔫᑉ,
ᐱᓗᐊᖅᑐᒥᒃ ᐱᕈᖅᐸᓪᓕᐊᓂᖓᓂᒃ ᓴᙱᓕᖅᐸᓪᓕᐊᓂᖓᓂᓪᓗ ᑕᑯᓐᓇᕋᑦᓴᓕᐅᕐᓂᐅᑉ ᓄᓇᕗᒻᒥ. ᐃᓄᒻᒥᒃ
ᓯᕗᓕᖅᑎᖃᕐᓂᖅ ᑕᕝᕙᓂ ᐱᓕᕆᐊᑦᓴᒥ ᐱᓗᐊᖅᑐᒥᒃ ᑲᔪᓯᕙᓪᓕᐊᑎᓪᓗᑕ ᐊᒥᓱᙳᐸᓪᓕᐊᔪᓂᒃ ᑐᕌᖅᑕᖃᖅᓱᑕ
ᐅᑭᐅᖅᑕᖅᑐᒥ ᓄᓇᖃᖅᑳᖅᓯᒪᔪᓄᓪᓗ ᐅᓂᒃᑳᖅᑐᐊᓂᒃ. ᓖᓇ ᓯᕗᓕᖅᑎᓪᓗᒍ, ᑲᔪᓯᓂᐊᖅᑐᒍᑦ ᑲᑐᔾᔨᖃᑎᒌᓐᓂᑎᓐᓂᒃ,
ᐱᕈᖅᐸᓪᓕᐊᑎᑦᓯᓂᕐᒥᒃ, ᐊᒻᒪᓗ ᑐᓴᕈᒥᓇᓪᓚᕆᑦᑐᓂᒃ ᐃᓄᐃᑦ ᐅᓂᒃᑳᖏᓐᓂᒃ ᑕᕐᕆᔭᓕᐅᖅᑏᓪᓗ.”
________
ᓄᓇᕗᒻᒥ ᑕᕐᕆᔭᒃᓴᓕᐅᕐᓂᕐᒧᑦ ᐱᓪᓕᐊᑎᑦᓂᕐᒧᑦ ᑯᐊᐳᕇᓴᓐ (NFDC) ᑎᓕᔭᐅᓯᒪᔪᖅ ᓄᓇᕗᑦ ᒐᕙᒪᒃᑯᓐᓄᑦ
ᑮᓇᐅᔭᓕᐅᕈᓐᓇᕐᓂᕐᒧᑦ ᐱᕙᒃᓴᖅᑕᖃᖅᐹᓪᓕᖅᑎᑦᑎᓂᕐᒥᒃ ᓄᓇᕗᒻᒥᐅᓄᑦ ᑕᕐᕆᔭᐅᓯᐅᕐᓂᕐᒥ ᐃᖅᑲᓇᐃᔮᖑᕙᒃᑐᓂ, ᐊᒻᒪᓗ
ᓄᓇᕗᒻᒥᐅᓂᒃ ᖁᕝᕙᓯᒋᐊᖅᐹᓪᓕᖅᑎᑦᑎᓂᕐᒥᒃ ᓄᓇᕐᔪᐊᕐᒥᑦ ᑕᕐᕆᔭᒃᓴᓕᐅᕐᕕᐅᑦᑎᐊᕙᐅᓛᖑᖃᑕᐅᓂᖓᓂᒃ
ᐅᑭᐅᖅᑕᖅᑐᕐᒥ.
ᓄᓇᕗᒻᒥ ᑕᑯᓐᓇᕋᑦᓴᑕᓕᐅᖅᑏᑦ ᑎᒥᖓᑦ (NFDC) ᑎᓕᔭᐅᓯᒪᔪᑦ ᒐᕙᒪᒃᑯᖏᓐᓄᑦ ᓄᓇᕗᑦ ᐊᖏᓪᓕᒋᐊᖁᔨᓪᓗᑎᒃ
ᖃᑭᒪᓇᓱᐊᕈᑎᑦᓴᓂᒃ ᓄᓇᕗᒻᒥᐅᓄᑦ ᑕᑯᓐᓇᕋᑦᓴᓕᐅᕐᓂᕐᒥ, ᖁᕝᕙᖅᑎᖅᑕᐅᓗᓂᓗ ᓄᓇᕗᑦ ᓄᓇᕐᔪᐊᕐᒥ ᐅᑭᐅᖅᑕᖅᑐᒥ
ᑕᑯᓐᓇᕋᑦᓴᓕᐅᕐᕕᐅᒋᐊᖓ.
NFDC−ᑯᑦ ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᒐᕙᒪᐅᒐᑎᓪᓗ ᑎᒥᐅᔪᑦ ᐊᐅᓚᑕᐅᔪᑦ ᑲᑎᒪᔨᓄᑦ ᖃᐅᔨᒪᓂᒻᒪᕆᖏᑦ
ᐋᖅᑭᑦᓱᐃᓯᒪᑦᓱᑎᒃ ᑐᑭᒧᐊᑦᑎᑦᓯᑦᓱᑎᓪᓗ ᐊᐅᓚᓂᓕᒫᑦᓯᐊᓂᒃ.
ᑮᓇᐅᔭᖃᖅᑎᑕᐅᔪᑦ ᒪᑭᒋᐊᖅᑕ ᐃᓄᐃᑦ ᐱᓕᖕᒪᒃᓴᐅᓂᕐᒧᑦ ᑎᒥᖁᑎᖏᓐᓂᒃ ᐊᒻᒪᓗ ᓄᓇᖃᖅᑳᖅᓯᒪᔪᑦ ᑕᑯᓐᓇᕋᑦᓴᓕᐅᖅᑏᑦ
ᐱᕕᖃᖅᑎᑦᓯᓂᐊᖅᓱᑎᒃ NFDC−ᑯᑦ ᐊᐅᓚᑦᓯᔨᒻᒪᕆᑦᑖᖅᑲᐅᖓᓂᒃ ᓖᓇ ᐃᐅᓪᔅᕗᐊᕐᖦ ᐃᑲᔪᖅᑕᐅᓂᐊᖅᓱᓂ
ᐃᓕᓐᓂᐊᕐᑎᑕᐅᓯᓐᓈᓗᓂ ᓄᖅᑲᐸᓪᓕᐊᔪᒧᑦ ᐊᐅᓚᑦᓯᔨᒻᒪᕆᒻᒧᑦ ᕼᐅ ᐃᐅᕆᒡ−ᒧᑦ.
ᑐᓴᕋᑦᓴᓕᕆᔨᓄᑦ ᐊᐱᖅᑯᑎᓄᑦ, ᐅᖃᐅᓯᑦᓴᓄᑦ ᐊᐱᖅᑯᑎᓄᓪᓘᓐᓃᑦ, ᑐᑭᓯᒋᐊᕐᕕᑦᓴᖅ ᐅᕗᖓ info@nunavutfilm.ca.