ᒪᑭᒋᐊᖅᑕ ᐃᓄᖕᓄᑦ ᐃᓕᓐᓂᐊᖅᑎᑦᑎᔾᔪᑎᓕᕆᔨᑦ ᑯᐊᐱᕇᓴᓐ ᑐᒃᓯᕋᕈᑎᒃᓴᑦᓄᑦ ᓴᖅᑭᑦᑎᓂᖅ
ᓴᖅᑭᓐᓂᐊᖅᑐᑦ ᑐᒃᓯᕋᐅᑎᒃᑯᑦ ᐆᒃᑐᕈᒪᔪᓄᑦ ᐅᖓᓯᒌᒃᓗᓂ ᐃᓕᓐᓂᐊᕐᓂᖅ/ᖃᕆᑕᐅᔭᑎᒍᑦ−ᐃᓕᓐᓂᐊᕐᓂᕐᒧᑦ ᐱᔨᑦᑎᕋᕈᑎᑦ
ᒪᑭᒋᐊᖅᑕ ᐃᓄᖕᓄᑦ ᐃᓕᓐᓂᐊᕈᑎᒃᓴᓕᕆᓂᕐᒧᑦ ᑯᐊᐱᕇᓴᓐ ᐱᔪᓐᓇᖅᓯᔪᑦ ᑐᒃᓯᕋᐅᑎᓕᐊᓂᒃ ᐊᑐᖅᑕᐅᓂᐊᖅᑐᓂᒃ ᐅᖓᓯᒌᒃᓗᓂ ᐃᓕᓐᓂᐊᕐᓂᕐᒥᑦ/ᖃᕆᑕᐅᔭᑎᖑᑦ ᐃᓕᓐᓂᐊᕐᓗᓂ ᐱᔨᑦᑎᕋᕈᑎᑎᒍᑦ. ᑐᕌᖅᑕᐅᔪᒪᔪᑦ ᑕᒪᒃᑯᓄᖓ ᐱᔨᑦᑎᕋᕈᑎᓄᑦ ᐊᑐᐃᓐᓇᐅᓗᑎᒃ ᓄᓇᕗᑦ ᐃᓄᖏᓐᓄᑦ ᐃᓕᓐᓂᐊᕐᓂᓕᕆᓂᕐᒧᑦ, ᐃᓕᓴᐃᓂᕐᒧᑦ ᐊᒻᒪᓗ ᐱᓕᒻᒪᒃᓴᖅᑕᐅᓂᕐᒧᑦ ᐃᖅᑲᓇᐃᔭᕐᓂ ᐱᓪᓗᒍ, ᐊᒻᒪᓗ ᐊᖅᑭᒋᐊᖅᓗᒋᑦ ᓇᖕᒥᓂᖅ ᒪᑭᒪᐅᑎᒃᓴᑦ ᐃᓚᐅᓂᖅ ᐊᒻᒪᓗ ᐱᕕᒃᓴᑦᑎᐊᓄᑦ.
ᓂᕈᐊᖅᑕᐅᓂᐊᖅᑐᑦ ᐊᐅᓚᓂᖏᑦ ᐃᒪᓐᓇ ᓯᕗᓪᓕᐅᑎᑦᑎᓗᑎᒃ ᒥᑭᔪᓂᒃ ᒪᑯᓄᖓ ᖄᖓᒍᑦ ᑮᓇᐅᔭᓕᐅᖅᑎᐅᖏᑦᑐᑦ ᑎᒥᐅᔪᑦ ᑕᐃᒃᑯᐊ ᐃᓕᖓᔪᑦ ᓄᓇᕗᑦ ᓄᓇᓕᖏᓐᓂ, ᐅᕝᕙᓗ ᑎᒥᐅᔪᑦ ᐅᓄᕐᓂᖅᓴᐃᑦ ᐃᓄᐃᑦ ᐃᓚᒋᔭᐅᔪᑦ. ᒪᑭᒋᐊᖅᑕ ᑐᓂᓯᓂᐊᖅᑐᑦ ᑎᑭᐅᑎᓗᒋᑦ ᐅᓄᕐᓂᖏᑦ $250,000-ᓂᒃ ᐊᑐᓂᑦ ᑎᒥᐅᔪᓄᑦ ᓂᕈᐊᖅᑕᐅᔪᓄᑦ. ᑕᐃᒃᑯᐊ ᓂᕈᐊᖅᑕᐅᔪᑦ ᒪᓕᖁᔭᐅᓂᐊᖅᑐᑦ ᐊᑐᐃᓐᓇᐅᑎᑦᑎᓂᕐᒥᑦ ᐅᖓᓯᒃᑐᒧᑦ/ᖃᕆᑕᐅᔭᑎᒍᑦ ᐃᓕᓐᓂᐊᕐᓂᕐᒥᑦ ᐱᓕᕆᐊᑎᒍᑦ ᑎᑭᐅᑎᓗᒍ ᒫᔾᔨ 31, 2021.
ᐆᒃᑐᕈᑎᑦ ᑕᑕᑎᕆᐊᓕᑦ ᑮᓇᐅᔭᓄᑦ ᕿᒥᕐᕈᔭᐅᓂᐊᖅᑐᑦ ᐅᑯᓄᖓ ᒪᑭᒋᐊᖅᑕ ᐱᓕᕆᐊᓄᑦ ᑲᑎᒪᔨᕋᓛᖏᓐᓄᑦᓗ. ᑕᒪᕐᒥᑦ ᓂᕈᐊᖅᑕᑦ ᐆᒃᑐᖅᑐᑦ ᑕᑕᑎᕈᑎᑎᒍᑦ ᒪᓕᒋᐊᖃᕐᓂᐊᖅᑐᑦ ᐃᓯᕐᓗᑎᒃ ᐅᑯᓄᖓ ᑐᓂᕐᕈᑎᓄᑦ ᐊᖏᕈᑎᑎᒍᑦ ᒪᑭᒋᐊᖅᑕ ᓯᕗᓂᐊᓂ ᐱᓚᐅᖅᑎᓐᓇᒋᑦ ᑮᓇᐅᔭᓂᒃ.
ᐅᒃᑯᐃᕐᓂᐊᖅᑐᖅ ᐅᑉᓗᐊ: ᒪᐃ 8th , 2020
ᒪᑐᓗᓂ ᐅᑉᓗᐊ: ᔫᓐ 8st, 2020. ᐅᖓᑖᓅᖏᓪᓗᓂ ᐅᓐᓄᒃᓴᒃᑯᑦ 5−ᒥ ᑲᓇᑕᖕᓇᐅᑦ ᖃᐅᔨᓴᐅᑎᐊ ᒪᓕᒃᓗᒍ.
ᑐᕌᕈᑎᐊ: Makigiaqta Inuit Training Corporation
P.O. Box 638 Building 626
Iqaluit, NU X0A 0H0
ᖃᕆᑕᐅᔭᑎᖑᑦ: makigiaqta@tunngavik.com
ᐅᖄᓚᐅᑎᐊ: (867)-979-7923
ᓱᑲᔪᒃᑯᑦ: (867)-979-7925