Ihivriuqlugit Nutaannguqtiqlugillu

Opanglonggaigiikhimanahoaknik havaaghanot anyongnakhivaktok enoohikmilo aghogoknakhivakhoni, anyongnakhikalakpakhoni honatigot alatkinik aghogootikaligaagat ehomaaloknakhivakhonilo alanggotaovaliayotigot piyaghakaligaagat havaaghakhiogomagaloakhoni, nunaliit, amigaitkaloakhotik ekayogahoagongnaktut ekayootighaniklo pihimayakakhotik elanggit elihaotighatigot havaghakhioknighakollo havakvioyonot. Ayongnaktuk piyomagahoakloni holiyaghanik immakaa opalonggaiyaotighanik pilihaagiami kanogilioknighakot kanoklo eniktiklogo pihimayakalikat. Taimaniloniit atoktaovakhimayot oktogomagaloakhogit taimaatut opalonggaigotaoniaktuk Inuinnait havaaghakhioknighaitigot. Makigiaqtap opalonggaiyaotait atogomayamingnik ehoaghakhimayok naliakot ayongnaitkiyaoyonik pihimayakaligiami, elihaotaohimayonikloniit nakoatot atoktaovakhimayonik tatjalo hailiyot pinahoaktaghat oktoinnagiakaligiami.

Makigiaqta takoogikatakpakniaktut nutaanggoktikpaklogillo opalonggaiyaotaoyoghat imaa:

• Pittiakpaohiitigut naonaigotighat (Makigiaqtakot pitjotighat alatlo katojikatigiit pitjotighait);
• Alanggokpalianigitigot maniliogotighat piyaakakmata;
• Hailivalialiknighait kanogiliogotighat oktoinnagiakaktaghallo;
• Paannagiit’ piyomayait kanoginniakat,
• Nutaak kinighianik atoktaghatigot.

Naonaitiagotighat takooginikmik nutaanggoktiginikmiklo hanakinighat, Makigiaqta piniaktut havakvikmi naotiktoijotighanik, naonaiyaotaoyoghaniklo elihaknighakollo aolajotaoyonik. Havaktit eniktiginiaktut aipaagotoagaagat tohagahaliokpagainik Makigiaqta havaagiyaitigot kanogilivaliakmagaagita aipaaganimit naonaikhimajotighallo katighoktaohimayot pittiakhotik pitagiyaovakhimakmagaagita nigiogikmatigik nakooyomik aokiok atoktillogo havaaghaotitik enikhimavakmagaagita.