Aviktuqhugit Manighautit
Makigiaqta pinahoaktaat tigomiyakagomaplotik elaoyoghanik atoktaghaniklo ehoaktonik pihimayakaligiagani, maniknik atoktitaghanik naonaitoniklo pinggahonit ekayogongnaktonit: ekayootighanik tonihilotik; ayongnaitomik pivaliajotaoyoghanik (atoktaoyoniklo piominakhijotighainik); ovalo nalvaakhioklotik.
Makigiaqta maningmik anggiyomik atoknialikpallaktot aklivaaliotighaagot tonighainikhamik elihaotaoyoghanik havaaghakhiotaoyoghaniklo tahapkonongga ekayoktoiyonik havaaghailioktonot.
Imaa piyomalakiyaat anggiyonik pihimayomagamik ekayootaoyoghanik taimani ayoghaotaovaktot ikiklivaaligahoagomagamikik elihaktitinighamik havaaghakhioknighakollo piyaghat alatlo ekayotighat hailiyomagamikik Inuinnaknut. Nigiogiyaat aghoitoogaloamik kakogo taimaihoikniagonakhivok, anggiyot ekayoktoiloaktot pivalialikata honalikaa elihaotighat havaaghakhiotighallo haililikniaktot kinggoligiyaghaptiknot.
Oktootigilogo, Makigiaqta manigmik anggiyomik atogomayot kitonotlikaa ehomattokhaotaoyoghanik pivaaliktitinahoagomagamik taimaautut iningniknut ta tatja naloghaotikainnakmata holinighap mighaanot havaaghakhioknighakollo nalongmata, kihimi ehomagiyakot pinahoaktaghakloak angiyaaqtunik maniktuqpangniat tunngavighanik ilihaqtaghanut iniqnirinut havalanngittunut, kihimi naahuriyut ihariaginiaqtait taapkua “havaariliqlugu” ilihautauyughat mighivallianiaqtut ilihalihaaqtut nutaqqat iniqtiritjutigiyainullu iliharutigiyamingnik hakugighivaalliriaqaliqtut kingulliriyaghaptinut. Hapkoa elanggit pilloakoyavot maniknik atokloakniaktot, elanggit alanik atoktaghamingnik pinahoaktillogit kitonitlikaa, immakaa kavamanit alanitlo.
Makigiaqta kinighianiaktot hailiyonik atokvighanik ayonggitonit kaatojikatigiinik, inuit Katojikatigiiginnik nanminikaktonotlo, kavamaonggitot katojikatigiigit okakhimakmata Nakataani 23 Nunavut Kavamaini pipkaiyaaginni elihaotaoyoghanik Inuinnaknut-pivalaak havaaghakhioknighaitigollo alaniklo ekayotaoyongnaktonik pinahoaklotik Makigiaqtatkot.
Oktotigilogo, imaitomik pihimayakalikkat pitjotaolikniagonakhiyuk nutaanik atoktaghanik kahaghiyokakloni, ekayotighaniklo, nalvaagahoagotigilogo pivaliajotighanik, tonighaiyaamilo naonaiyaotaoyoghaniklo pihimayakaligiami, elihaotighanik elihaktitiyoghaniklo, iniktigotigillogillo makpigaanik elihaotighanik. Taimaatut pihimayakaligopta, Makigiaqta akilikhilimaigiaginni tonighaktaghanik elihaotighatigot ekayotighaniklo kitonotlikaa, immakaa pivaaliotighanot atoktaoyaagani manik.
MAKIGIAQTA NALVAAGAHOAKNIAKTUT TOGHIKTOKLOTIKLO KINIGHIALOTIK ELITTOGIJOTIGHANIK KANOKLIKAA PIYAGHANIK, KANOKLO AOLAVAKMAGAAT TOGAAGAYOK ELIHAOTIGHANOT HAVAAGHAKHIOKNIGHAPLO MIGHAANOT NUNAVUNMI, HAPKONATIGOT IKPIKNAKHITIHIMAYUT TAMAANOT ENOLIKINIKLO MANIGHAKHIOKNIGHAKOLLO AYOGHAOTAOVAKTUT INUINAI HAVAAKAOHIGHAITIGOT. MAKIGIAQTA PINIAKTUT NAONAIKLOGIT TATJA HAKYAIKPALLIAYOLLO TOLAKTAKVIOYOT, HAKOGIKHIVALIAJOTIGHALLO, HAILIYOGHALLO TOGAAGAYOT INUINNAIT HAVAAKAOHIGHAITIGOT PIHIMAYOLLO TIGOMMIYAOYOT PIYOMAYAIT INUINNAIT.
Makigiaqta piniaktut titigak kinikhiajot atoklogo inmikot ehoaktonik atootioghanik pihimayaagani hivitoyomot opalonggaiyaotighanik. Kinikhiajotiginiakhogolo okonongga:
- Pivaaliktinnahoaklogo ehomattokpaaliotaoyoghat naloghagoiknighamik alatkiinit kavamanik elagillo ekayootighannik tonighaivaktot havakvioyollo, kivgaktoklogit ehagiahoktot Inuinnait;
- Haklovioknaiklogo Makigiaqta paannagiyailo elittogimangmagaagita tatja atoktaghat pinahoagotighat koyaginnak nakoatot atoknahoaklogit atoktaghat amigagaloaktillogit kihimi ajikotaanik atoffaaktailinahoakloni; ovalo
- Ekayoktoklogit pivaliajotaoyoghat, hailiyollo atokpaklogit, ataohitokpaklotiklo hanalgotinik atoktaghanik, kanogilioknighakollo, talvaniittagiikhimayollo atakpata elihaotighatigot havaaghakhioktaoyoghallo.