Nunavut Tunngavik Inc – HR Management Certificate
Nunavut Tunngavik (NTI) ihivriuriliqtuq iliharutikhamik pingahuni ukiuni Havaktuliriyiunirmut Naunaitkuhiklutik NTI-kuni Nunavunmilu Inuit Timiinni havaktunut. Takulugu Atayuq B titigaqhimayulik qulinik naunaitkuhilingnik ilihagakhanik Havaktuliriyiunirmut Naunaitkuhiklutik. Kangiqhinirmi ilihautjauniaqtuq, Algonquin Ilihakpaallirvianit (ahinilu ilihautjauniarunaqhiuq inikhaqaqqat Kangiqhiniup hilataani).
Algonquin Ilihaqpaallirvik kaffinik ilihaiyilik havaqatigiiktaqtunik NTI-mik ikayuqtuittaqtunik humi lihaivikhanik Algonquinmik, ilihaiyit aliahungmata tingmivakkuumik. Algonquin Ilihaqpaallirviglu ilihaivangmat ukuninga amihunik ilihaganik kaffini ukiuni Kangiqhinirmi, NU Nunavut Gavamaatigut inmi havaktimingnut. Iluingayuq naunaitkunmi ilihagakhat 9-nguyuq atauhirmiglu ilihariikhimayakhamik angiqtauhimayumik Havaktuliriyitkunit Katujiqatigiinit.
Nakuuyumik inirutigumik HAvaktuliriyinirmi Naunaitkutiniglutik ilauyut upalungaiqtut tikkuaqtauyamingni Angiqtauhimayunut Havaktuliriyinut attiqtaulutik attiqtautjutaannit Havaktuliriyitkunit Katujiqatigiinit. Havaktuliriyitkut Katujiqatigiingit ilaani naunaitkutilirinirmik parnaiyakpaktut, kihimi ihumagiyauniaqtuq kakugunnguqqat (iniqyuqiliqqat iniqqaluunniit Havaktulirinirmut Naunaitkuhinirmut Iliharnirmit).
Hivayaqtaghat
Jane Aupaluktuq
867-645-5412
jaupaluktuq@tunngavik.com